ديوان الشاعر / عبد الله بن ذويبان .. l

[ في أمان الله ]







لا توادعني .. دخيل الله .. لا تبكي عيوني
... و انت عارف .. (شنطتي) دمعي .. و ضيقاتي (متاعي)




سفرتي .. و مفارقك ..و البعد .. للضيقه حدوني
... حسبي الله .. و الوكيل الله .. على بعض المساعي




سيدي .. و الذاكره حيه .. و لكنهم نسوني
..... الله يثبت ركون القلب .. في لحظة وداعي



ايه انا مسافر .. و لكن شفني مسافر بدوني
... أنت نفسي .. و السفر موحش .. و لا له اي داعي!!




الله يديم الثلاث اللي بفقدك صبروني
.... حاجتي لك .. و ارتباطي فيك .. و الشوق الجماعي




كنهم في رحلتي هذي يبون .. يوزعوني
... بس عادي .. لا يهمك و انت في يدك اجتماعي



كل ما طرو سفر الايام عندي .. ضايقوني
... لا يطرون السفر .. و الدمع غيمي .. و انت قاعي



الله يحفظك .. و يحفظني لو ان الموت دوني
..... و الله يخفف هبوب الريح .. لا تجرح شراعي



في أمان الله .. و اسمع: كل ربعي وادعوني
... و انت وادعني و عطني .. ( تذكرة رحلة ضياعي)