ديوان قوافل جرح- عاشقة الشعر

عشان الللللللهْ .. دققْ في عيون العايشين بهالزمان شوي
!من اللي ما كَسَر دمع الفراق اعيونه و ما جَـرَّح خدوده ؟

علامك جازع امن الدرب يا ماشِـيهْ غصبن عنـْك ميّت/ حي
!شف اشكثر الـ مخاوينه و ماشينه ( عُمِي ) بـيدين ممدوده ؟

.. طريق يغرّب الطيّب .. و يرجع به وحيد و ما بـ يدَّه شي
يخون اللي يـوَفُّون .. ويجازي راجيين الوصل بصدوده

!! طريق يجمّع الأحباب و الأصحاب دربه ..بس رااايح / جَي
يضيّعهم على خط الرجوع و يرسم بفُرقتهم .. احدوده

يعطّشهم .. إلين يحسّبون إن الهجير اللي بسرابه .. فـَي
!! و يخنقهم .. إلين يعشّمون النسمه ابـ بيبان مسدوده

... و رب الغايبين اللي تِحرّاهم قلوب .. و هالفراق امْعَيْ
... و رب الرايحين اللي تودعهم عيون أرواح مشدوده

... و رب الراجعين اللي طووا موت المسافه بالحسافه طي
... و رب الضايعين اللي يجرُّون الخـُطا بأحلام مهدوده

... إذا دققت بعيون الخلايق ( كل ابوهم ) ما بتلقى أي
!ـ ( بنادم ) ما جَرَح دمع الفراق اعيونه و ما غرّق خدوده ؟