اليوم الوطني 46 لسلطنة عمان

يا إمام المجد يا رمز الشموخ
ياشموخ(ن) يرتقي فوق السحاب

شعبك المغوار..شبّان وشيوخ
من شموخك زلزلوا كلّ الصعاب

والشدايد كلّها ترضخ رضوخ
تنّحني جدام شعب(ن) مايهاب

تنّبسط بالعز له كلّ الدروب
قدّوته قابوس شهّم(ن) ما يُعاب

سيّد التاريخ..سلطان القلوب
قايد(ن) له تنّحني كلّ الرقاب

شوف شعبه غير عن كلّ الشعوب
مخلصين العهد له شيب وشباب

دام فينا والد(ن) دايم حنون
لا حشى للشدّه مانحسب حساب

لو يثور الكون أحزان وشجون
في حمى قابوس كلّ العيش طاب

كلّ صعب(ن) ياجماعه به يهون
ينفتح به للفرج مليون باب

سيّدي قابوس لك إحنا جنود
لا أبد مايوم فينا الظنّ خاب

للرجوله والشجاعه والصمود
والكرامه والشهامه والصواب

دايما ً نقطع مسافات وحدود
من شموخك قد تحدّينا الصعاب

...

لامس شغاف قلبي
العطاء منكم بَهِيج
كلام باهر أخاذ
مِغْنم به مكاسب ذو قيمة
كتبت ب ماء العين


معآندة الجرح..

كل عام وانتم ب خير جمال وحب
كل عام وانتم ب سعادة تبهر سما
كل عام وانتم ب هطول العطايا من رب العالمين