جاي تسأل عن مكانك هو بقى فيني مكان

تغيَّر شي .. لكن .. صار فاضي هالمكان

يعني إنتَ شفت قلبي طحت مِنْ عيني وعينه

كان لك قلبي مدينه ولاحظ إني قلت : ((كان))

يعني إنتَ الحين واحد ((خارج حدودالمدينه))

ليه مستغرب كلامي وليه أعطيك الأمان

وليه تَكْذِب في كلامك العذر وينك ووينه

ماألومك كان قلبك ثارت أمواجه وخان

الخطا منَّي لأني صرت في بحرك سفينه

والسؤال اللَّي كتمته وما نِطَق فيه اللسان

كيف إيدك إطعنتني وآنا أحْسِبْهَا أمينه ..؟

جرحي ما يرضيه قلبك لو يجي كلِّه حنان

لوتبوس الجرح فيني ولو تقبلها إيدينه

يُوم أحبك قلت كلمه : (يكرَم المرء أو يُهان )

وإنتَ قلبي ما كرمته وما قدرت إنِّك تهينه

طاب خاطر قلبي منِّك وهذي الفرقى رهان

وحتَّى لوقلبي يحبك ربِّي بفراقك يعينه

تدري لما قلت أحبك قلت وما عندي ضمان

وإختياري كان خاطىء تجربه بالحيل شينه

كنت تخطي و كنت أسامح مرَّه مرتين و ثمان

أدمح الزله عشانك وأكتم أنفاس الغبينه

كنت أحبك وكنت أعزك والغلا فيني جبان

اخاف تزعل لو ألومك ضعت ما بينك وبينه

في عيون الناس عادي بس في عيني جنان

وكان قلبي من يشوفك تفضحه نظرة حنينه

ماني أوَّل من يحب ومنتَ آخر شخص خان

المحبه في زمانك بحرها منغير مينه

الفشل .. كان النتيجه وأعتقد آنالأوان

أبني مستقبل حياتي وأنسى قصتنا الحزينه

وخطوتي الأولى غيابك وراح أطبقها عشان
يبكي قلبك لافقدني والندم.. يملي سنينه

جاي تسأل عن مكانك !! هو بقى فيني مكان ؟؟

الله يرحمها المشاعر اللي كانت لك رهينه

قلت لك قلبي (مدينه) فيها لك حشمه وشان

لكن إنتَ الحين أغرب شخص في هذي المدينه

منقوول

كلها روعه

من اول بيت الى اخر بيت

تسلمين عالنقل الراااائع

مشكووووووووووووووووره توومه

انتي الاروووع والله

اسعدني تواااجدك

ربي مايحرمني من مروورك

تسلمين على النقل الحلو

وتنقل لابكتب من قصيدي

روووووووووووعة

يسلموووو خيتووو
سلمت أناملك على الموضوع الرائع

الله يعطيكــ العافيهــ[/u][/color]

يعطيك العافية على الطرح الراقي



والإختيار الموفق

صح لسانك ولسان قايلها
روعه يااختي
كثري من هالابداع

يسلموووووووووو

عود على مرورك

ربي مايحرمنا من مرورك