ألف قصيدة وقصيدة

.
.
.
مساء الذوق واهله
هنا السلطنة الشعرية المنقولة على المحك ؛ الذائقة التي تخصك.
هنا القصيدة الجميلة تجد لها صدى .. الخطوة بعد الخطوة التي لم تعد تقوى على الخطوة.
..
ثانياً: نطلق على الطرح اسم ألف قصيدة وقصيدة.
ثالثاً: شكراً مقدماً على مروركم ومشاركتكم.

كتف ثالثه ,نجم الجدي ,روح الندى معجبون بهذا

.
.
.
قدرت اعرف جميع اللي تبي وكنته
قدرت الغيني واتوحّد مع ذاتك
قدرت اشوف جرحك وين وضمّدته
قدرت اساندك في اصعب محطاتك
حلم القرب منّك سهل حقّقته
قدرت اكون في كل اتجاهاتك
وصلت لباب قلبك يوم شرّعته
عجزت أرقى بـ نبضك لين خفقاتك
أجل ماكان هذا حب
أجل كلّه تهيّالي
أجل كلّ الحقيقه كذب
قصّه عشتها لحالي
حزين وداخلي مكسور كسّرته
وانا احاول أعدّي سفح نظراتك
يفرّحني قليلك لين جاملته
ويجبر خاطري وهو من لطافاتك
ألم واحساس تعّبني وتعّبته
وخوف يهزْ روحي بـ كل صدّاتك
خذاني الحلم غرّر بي وصدّقته
ظلمتك وانظلمت وفاتني وفاتك
أجل ماكان هذا حب
أجل كلّه تهيّالي
أجل كلّ الحقيقه كذب
قصّه عشتها لحالي

نجم الجدي ,روح الندى معجبون بهذا

حزيـن و الحـزن عـمره ما يروّعـنا
​​لو كان أبكى عـباد الله و ابكـاني

نعـاني اليـوم لين يسـيل مدمـعـنا​​
و بعدين نفرح و نرجع بكره نعاني

و هـكـذا ليـن دنـيــــانـا تـودّعـــنـا​​
ما فيه انسان عاش فْـ دنيته هاني

ليه نْـتـزاحـم و أرض الله تاسـعـنا​​
ليه نتخاصم مدام ان العمر فاني

اللي وقف ضدّنا واللي وقَف معنا
​نظـل مهما حصـل ربـعٍ و خـلاّني

جسد معجب بهذا

صمت البوح
منك وعليك الــهم من وين ما اروح ... يمشي معي يا شاغلي مثل ظلي

انا حياتي بالــــهوى كــــلها نـــــــوح ... تشرب ظنوني هـــم واقول علي


أغلى الجروح اللي بها منك مـجروح ... الله يا حبي لـــــــجرح الـــــتغلي

لي في عذاب الحب رحمة ومــصلوح ... عذابك ارحم من نعـــــــيم مولي


حبك عذاب الروح ويونس الــــــروح ... مستوليٍ حبك على كل كــــــــلي

اصمت ويظهر منك في صمتي البوح ... ملامحي منها جليسٍ فطـــــن لي

جسد معجب بهذا

اهات
آهات من طول العنا طاولتني ..
ونفسي من الفرقا وحالي سخيفه

جارت علي من الفراق و قصتني ..
غزت ولكن مانوت بالنكيفه

بهمومها اللي شفت منها كوتني ..
هذا الذي خلا حياتي مخيفه

باكر يروعني وانا فيه فتني ..
واقول ليت الغيب يبخل بحيفه

خيل السعاده بالهوى خالفتني ..
خالفت معها عيد قلبي وريفه

هبت هبوب بالنيا عطشتني ..
وكم غالي قبلي ظما من وليفه

ليت الليالي عن غرامي نهتني ..
ولا بدا زرع الامل منك هيفه

والا انها في غايتي خيرتني ..
واختار انا مرباع قلبي وصيفه

خل جيوشه بالمحبه غزتني ..
وانا اسير للعيون العفيفه

اغلى هجوس طول الايام جتني ..
ماكل هجوس اللي تجيني بطيفه

الماضيات بغيبها ما انصفتني ..
والمقبلات ارجي عدلها خريفه

اتبع ظنون بالهوى ماشفتني ..
واحسب حمولي بالمحبه خفيفه

واليوم ظالمة المحبه طوتني ..
طي الورق يوم انطوى به خريفه

واشباح ياسي بالهموم اعترتني ..
وانا علي اسباب صدك كليفه

اشيل حتفي راضي فوق متني ..
واروح نفسي من حياتي معيفه

واقول للي بالجفا عذبتني ..
عسى الشقا من بيننا بالنصيفه

شربت من فيض الشقا واشبعتني ..
دنيا مع الاحزان ضدي حليفه

جسد معجب بهذا

قضى ليل الهوى طلابه
وقلبي للونس جذاب
خفى أمر كايد أسبابه
ولا أفتح للعواذل باب

صحيح النفس طلابه
وأقول أن الهوى غلاب
سلبته عقلي نهابه
وأخذته ما حسبت حساب

اخاوي الليل مغنى به
جميله صحبة الأحباب
وتركت النوم لأصحابه
وسهرتك يا قمر ما غاب

جسد معجب بهذا

انا قلبي الشقي
انا قلبي الشقي ضيع دليله ... وانا من بعدك بـ عمري غديت
لهيب الفرقا في جوفي نزيله ... تزيد بنارها يومك سليت

حلوم الليل ما صارت طويله ... تمر بـ لحضه لامني غفيت
هوى خلي وما ادور بديله ... ولا انهي قصته دامي بديت

همومٍ شلتها بنفسي ثقيله ... حزن وهموم من حبك جنيت
رضيت بما قسم ربي وبشيله ... وانا من حسرتي لله شكيت

رجيتك شوفتك بأيه وسيله ... وترى عمري الثمن كانك بغيت
انا قلبي الشقي ضيع دليله ... وانا من بعدك بـ عمري غديت

جسد معجب بهذا

لا والذي سوى عيونــــــــــگ ... وســـــواگ .........
......... ماقـــــلت أبيگْ ألا وأنا فعـــــلا أبـــــيگ...!!

الحـــــب ماهو سوالـــــف و " خذ .. هـــــاگ " .........
......... الحـــــب يقطـــــع عـــــرق عينـــگ ويعمـــــيگ ..!

أموت فيــــگ ... أعشق ترابـــــگ ... وماطـــاگ.........
......... وماراح صـــــبح إلا وأنــا انـــــوح وأبكـــــيگ

كني ملكـــت الكون إذا تضحـــــگ شفـــــاگ.........
......... تفـــــداگ روح اللي علــى النفـــــس تغليـــــگ

أهـــــواگ تدري وش تعنـــــي لي أهـــواگ...؟! .........
......... أهـــــواگ معناها " أناميـــــــــت فيــــگ "

لو ربـــــع ماجاني مــن الشـــــوق قد جـــــاگ .........
......... وربي الكريــم أن ماتشيـــــلگ مواطيـــگ...!!

جسد معجب بهذا

يا فاهم الدنيآ غلط هذا عذر باالله عليكـ

مابيك تبكي وتعتذر .. ولا أبي تكثِر رجاك
ابيك بس تحطها في بالك إني ما أبيك


ودي اسامح غلطتك وانسى عنادك مع خطاك
ودي ولكن غلطتك اكبر من إني احتويك





تخطي وترجع تعتذر والعذر مايثبت وفاك
اسلّمك بسمة غلا وتصفعها في قسوة يديك !!


(عذرك) تقول : إذا كثر وصلك يبي ينقص غلاك !
يا فاهم الدنيا غلط ... هذا عذر بالله عليك ..؟؟!





كم قلت لك يا صاحبي : قلبي تعذب من قساك
لا تزيدني .. كافي قسى .. بس انت زدت الله يهديك

ياللي تظن إن الغلا يزيد لا زدت بجفاك !
تأكد إني واحد ٍ لَ اقفيت عنه ما يجيك





ماني مثل بعض البشر اترجى واتوسل رضاك
والله لو موتي بيجي من غيبتك ما ارتجيك


أدري الزمن هذا كثر فيه البشر من مستواك
وأدري وش اللي غيّرك على حبيب ٍ مشتريك





ماغيّرك إلا الدلع يا صاحبي وهذا بلاك
وما يسْنّعك إلا القسى ولا الدلع واااجد عليك ..!!

جسد معجب بهذا

.
.
.
.
.
.
.
.
.
أنتم رائعون ؛ لذلك جرى التنوية.