جوع الكتابه

مدخل


يقبل لي الحزن .. وآمالي بك .. تردّه
لكن وش تفيد ؟ .. وانا بالشقى غارق

طرقت باب التغلّي .. وانت مو قدّه
ليتك .. على باب تقدر تطرقه ... طارق

ودّي أكابر .. لكنّ الضيق ما ودّه
ماهي بسيطة عليّ .. أحبّ وافارق




عمق

الليل طرّف والسهر بين الاحداق
والصبــح حلم البارحة ما ضــوابه

ليل السهر يا معذبي تو ما فـــاق
مـــن سكرته من غفلته من عذابه

ما دام حتى احلامنا البيض تنعاق
عنّا وش اللي عــــــــــــاد باقي نهابه

لم الورق لا ينكشف سر الأوراق
ما تشبع الاوراق جـــــوع الكتــــابة

ولا تبرد الونة لهب حر الاشواق
لا (ون) مجـــروح النوى.. زاد مـابه

ولا ينفع الولهان ترديد مشتاق
ان ما شــــــرب صافي زلال وروابـــه

وانا ادري انك مرهف احساس واخلاق
مـر الهوى قلبـــــك وهجيت بابــــــه

اللي قريته كفنه وسط الاعماق
خــــل السؤال يمــوت ( موته إجابة)

يا اطهر وصال نهايته كانت افراق
طهـــر الوصـــال اللي بــــداه انتهى به

الصبر مر وبعض الاحيان ينذاق
كـم علقـــــم كان الشفــــاء من شرابه

اصبر وخل الحل بيدين خـــــلاق
الله كريـــــــم ولا يخــــــــيب الرجا به

والبعد موجع والسفر هم وارهاق
واللــي يحبــــك درب وصـــلك مشابه

الله وامانه .. كل ما ناض براق
ضمـيت طيفــــــك والخفوق احتفــــابه

وسقت المشاعر والغلا جاك منساق
مثل القـــــراح العذب مثل (السحابة)

لا أرخت ذوايبها لوت كل الاعناق
تخيلها شــــــوق وشموخ ومهــــابة

لولا اختلاف اذواق وأذواق واذواق
ما شفــتك اجمل من جرحني عتــابه

يا اعذب و ارق من الندى عند الاشراق
والطف من النسناس لاسرج ركابه


تدري وش اللي محرقن قلبي أحراق
انك بعيد وحزن الآيام غابه




مخرج


لا لا تقـول ان الليالـي لهـا دور
شف من هو اللي كان فينـا أنانـي


مدري تصنعت الغلا زور فـي زور
مدري انا اللي حيل كنـت متفانـي


مثل العما ما تنفعه طلعة النور
النور بعيـون العمـا مـا يبانـي

لاأرواحكم العذبه

يظل الشعر هو إرتواء الروح ،
لِ هذا النوع من الشعر مفردات جميلـ ه تذهب بِنا بعيداً جداً ،
مع الشعر تعلمنا أن نُردد " هل من مزيد !"

الفاضل / براق
عقد الشعر المنثور في الأعلى جميل،

أمام حروفك .. تهجر الحروف السطور ..
تتوارى خجلاً من نور الحق في كلماتك ..
اسمحي لي أن أمر على صفحتك بصمت ..
حتى لا تثير حروفي الضوضاء هنا .
سأبقى على ناصية منبع مدادك ..
أترقب تدفق الحرف
طيبتِ بود ولك جل التقدير ..

في سماء الإبداع حلقت
ولأجمل موضوع طرحت
ولا تحرمنا من تميزك وإبداعك
ودمت بحفظ من الله ورعايته

الله الله عليك يا رائع



دائما ً ما تثرينا بجميل القصائد

سلمت اناملك وصح انتقائك يا قمة الذوق

انت رائع



تحيتي ...

ماشاء الله تبارك الله
الله يعطيك العافيه و كل الشكر
لك ولكل ما تقدمه لنا في هاذا الصرح الجميل
باقات من الزهور لروحك العطرة
تحياتي وتقديري لسموك
هماليل نجد

الله ياجمالها وخالقي صح لسان قايلها واعتلى شان ناقلها
براق لاشيء جديد غير الابداع ..
إبداع تلو إبداع ..لروحك سعاده لاتنتهي

الله
يسلم شعورك ولاهنت

الله يسعدكك ع هالقصيده الجميله
صح لسانك ولسان كاتبها

متابعه لك

سعدتُ بتوآجدي هُنا
زخم من الابداع والجمال
فسلمت ايادي جلبت لنا كل جميل
ولآحرمنا الله جديدك الرآئع..
تحيه معطره برياحين الياسمين..