اللي يبينا عيت النفس تبغيه ...

كثير ما نسمع ونقرأ عن هذا البيت المشهور ولا يدري أغلبنا عن قصة البيت هذا
والذي اختتمت فيه شاعرتنا نورة الحوشان قصيدتها ..

البيت المشهور :
اللي يبينا عيت النفس تبغيه .. واللي نبيه عيا البخت لا يجيبه


القصة هي : ان شاعرتنا كانت تعيش حياة زوجية سعيدة
ومن ثم اشتد خلاف بينها وبين زوجها ووصل إلى الطلاق ،

ودائما ً ما يتحسران الزوج والشاعرة على فراقهما ،

وفي أحد الأيام ذهبت شاعرتنا إلى مقربة من مزرعة زوجها وجلست تشاهده وتشاهد المكان الذي طالما عاشت فيه
وتتذكر كل وقت مضى في هذه المزرعة ،
فقالت شاعرتنا لابناء حوشان ، حوشان يا ولدي خذ خواتك ورح سلم على ابوك
وانا انتظركم هنا ..

وبينهما هي تتذكر الاطلال الجميلة جاء على لسانها هذه القصيدة ..



ياعين هلي صافي الدمع هليـه
واليا انتهى صافيه هاتي سريبه

ياعين شوفي زرع خلك وراعيه
شوفي معاويده وشوفـي قليبـه

من اول دايـم لرأيـه نماليـه
واليوم جيتهـم علينـا صعيبـة

وإن مرني بالدرب ماقدر احاكيه
امصيبة ياكبرها مـن مصيبـة

اللي يبينا عيٌت النفـس تبغيـه
واللي نبي عيا البخت لايجيبـه



للعلم شاعرتنا الكبيرة هي من شاعرات العرب

وهي من قرية عين قنور احد قرى القصيم تقع بين القصيم والدوادمي
وقد توفيت في قريتها المذكورة في عام 1355 هـ


منقول

يسلمو عالطرح الرائع

وربي مايحرمنا من تواجدك وجديدك الراقي

صح لسانك ولسان شاعرها

هذي تغنى بها حسين العلي
جدا روعه