فرس غلآ .. مآهي حمآرة مكدّهـ ..}؛

تدري وش يتعب البنت ياخوي

رجـلٍ يخـون اشواقهـا و الـمـودة

إللي إلا احتاج الغـلا صـار نمـرود

وليـا شبـع ممـا عـطـاه إسـتـرده

البنت ريحانة غـلا ... ناعمـة عـود

تبـي لهـا رجـلٍ ورث طيـب جـده

رجلٍ فعولـة كلهـا جـود فـي جـود

مـا يلتفـت للـي كفوفـه تمـده ...!!

رجـلٍ إلا جتـه الليـالـي بمنـقـود

يتكـى لهـا مـا بيـح الوقـت سـده

مهوب خبلٍ مـا رعـى للهوى عهـود

وادنـاة مـا عـارض طريقـه يـرده

ولاهوب لاعلة ... ولاهـوب ملهـود

ولا شكوك ... و كـلٍ طـارٍ يحـده

ما اشين من الرجـال لا جـاك ببـرود

وإن قال له تـرف القـدم شـي صـده

تبـي لهـا بـراق طيـبٍ لـه رعـود

إن اجدبت يمطـر علـى ريـف خـده

وإن نادته تكفـى لقـت عنـده الفـود

يشيـل عزتهـا علـى قو زنده

كفه نفل ... وانفاس صدره لهـا عـود

وظلالـه الضـافـي بيـدهـا تـمـده

البنت خد ... وقد ... ونواظـرٍ سـود

وريحة غلاً ... ياسعد مـن شـم نـده

البنت إلا ضحكـت ثمرهـا لـك ورود

يا خـوي مـن يقطـف نواويـر وردة

واللي يهين البنت ناقـص ... ومقـرود

فرس غلا ... ماهـي حمـارة مكـدة ..؛



مما اعجبني ...............

صح لسانك ولسان قايلها يالبرق ..

البرق النجدي إنتقاء رائع ..
بس الفرس والحمار لو نفكر فيها كلها حيوانات
وخواتنا بإذن الله اكبر من تشبيههن في الحيوانات
عمومـاً .. شاكر لك

[ALIGN=CENTER][TABLE="width:70%;background-color:red;"][CELL="filter:;"][ALIGN=center][ALIGN=CENTER][TABLE="width:70%;background-color:gray;"][CELL="filter:;"][ALIGN=center]



البنت ريحانة غـلا ... ناعمـة عـود

تبـي لهـا رجـلٍ ورث طيـب جـده


متالقه كعااادتك
ابيااااااااااات روووووووووعه ....



يسلمووووووو على هالنقل الرائع
لا حرمنا جديدك
تقبلي مروري مع كرت اعجابي

تحياااااتي ....


[/ALIGN][/CELL][/TABLE][/ALIGN][/ALIGN][/CELL][/TABLE][/ALIGN]

ربي مايحرمنا منك بروقه عالطروحات الرائعه

كلمات قويه ورائعه بمعنى كلمة رائعه
ابداع يالبرق
تحياتي لك

لاهنتي على المرور عشتار

يسلمووووووووووو على المرور صويب سهامك وشتان بين المهره والحمار اعزك الله

والشاعر اتى بها على سبيل التشبيه فقط لا اكثر ورقه المهره وعذوبتها تختلف

عن همجيه الحمار وطفاسته ...........على العموم شاكره مرورك وتعليقك