قتاال القلووووب

قتال القلوب

محدٍ على ايديك النواعم ضربها . . . ما انت بـ على كل الذي صار مغصوب
محد تيقّن بك ولا احدٍ حسبها . . . تبي تسكتني الى قلت مكتوب

ما نعترض لكنك انت سببها . . . ممنوعك اللي تزعمه صار مرغوب
بصيرتك مدري وش اللي حجبها . . . ضاقت بك دروبٍ وضيعت انا دروب

النار في جسمي توهج لهبها . . . خطرٍ علي عظام جسمي لها تذوب
كاسات مرك قلبي اللي شربها . . . ما اعتدت اذوق المر من يدّ محبوب

مدري وش اللي في حياتك قلبها . . . تبي الصراحة انت قتال القلوب
فاتت واشوف انه تزايد كربها . . . عسى الفرج ياتي وينحل مكروب

ما غيرك أحدٍ تل روحي وجلبها . . . ثم بعتها برخيص من غير متعوب
في سوق حبك لين رسم نصبها . . . وتركتني حيٍ مع الناس مصلوب

ودفنت روحك يوم غرك شببها . . . حسبك لوحدك وانت بي دوم مصحوب
أسرجت خيلي ثم غيري ركبها . . . خيالها ماله على الخيل من صوب

طارت بها ريح العواتي هبـبها . . . في ليلةٍ لا سلم فيها ولا حروب
اخترت من سو الخلايق عربها . . . دامك تخيرته فانا منك مسحوب

نفسٍ حرمها الله ونفس وهبها . . . هذا له طلابَه وهذاك مطلوب
إلا جروحي زاد فيها عطبها . . . بغيت انا الفكة وعودت منشوب

الياس فيني هز نفسي وغلبها . . . وانا اللي معلق بقلبه ومقضوب
نفسي ولو عافت قدرها غصبها . . . ترضى بواقعها ولو كان مزروب

غنيت ليلة كل حزني طربها . . . مرات اهيجنها ومرات مسحوب
وجمعت في نبرات صوتي عتبها . . . وعن غلطتي استسمح اليوم واتوب

ضوي طفت عقبك و رمّد حطبها . . . حرام عقبك لا ولا عود مشبوب
حتى معاميلي على الجال كبها . . . جنبت خلق الله كما حال مجروب

حالي بك أصلح حال وأجمل وهبها . . . حالي بدونك من عوافيه منهوب
صدّك خطف ضحكات عيني وسلبها . . . ولا ترى وصلك يرد الفرح نوب



كلمات: مخاوي الليل
ألحان: خالد عبدالرحمن

صح لسانك ولسان ابو نايف
من اجمل القصائد الشعريه
من حيث المعنى والبلاغه

*،




آنتقاء مميز .. مَ ننحرم من جديدك

يعطيك العافية

ماشاء الله تبارك الرحمن

ذوق في اختيارك
وعافيه عليك وعلى الطرح الراقي
لاحرمك الله رضاه

‏لك كل
تقديري واحترامي

مجنون قصآيد

‏

سلمت يمنــآك
طرح جميل جدا

يعطيك ألف عافيه ننتظر جديدك......

نص ينبض بالجمالل..
صح لسانك ولسان شاعرها...

قطرات الندى انثرها
على ورقة امتزجت بنقاء روحك
لجمال ما طرح هنا قلمك و ابداعك
شكرا من القلب لـ هكدا عطاء
شكرا مدد على طرحك الرائع
لا عدمنا جهودك
كل الود

سلمت آناملك على الانتقاء الاكثر من رائع
ولاحرمنا جديدك القادم والشيق
ونحن له بالإنتظار,,~