ماسمعتك .. ( كنت أخونك )

.

لو سمحتي ...
عيدي كل اللي تفضلتي .. وقلتي
ماسمعتك ..
لإني فعلا ً ..... كنت سالي
كنت مبحر في خيالي
مره من دونك ,, و مره معك أنتي
بـــــصــراحــه ... كنت أخونك
كنت أخــــونـــك
مع شفاياك ..... وعــيـونك
وما .. سمعتك
.
.
.
للضحكه اللي في شفاتك تعابير
ـــــ وللسلهمه اللي في عيونك سوالف
لي مع نظر عينك دروب ومشاوير
ـــــ ولي مع سناء ضحكتك عهد وتحالف
لاقلت أسف.. تقبلين المعاذير
ـــــ طيب فديتك ..ياهوى الروح ... أسف
سليت عنَك فيك .. مارحت للغير
ـــــ ودامي معك سالي .. أظن مايخالـف
أناظر عيونك سماء .. والنظر طير
ـــــ وأراقب شفاهك ..... وأنا فيك.. تالف
المعذره .. ومادام جيتك على خير
ـــــ نرجع نكمل ... مابقى من السوالف
.
.
.
.
العفو ... ماكنت أقصد
إنـــي أقصد
لكن .. أنتي ... بـــصراحــــه
من يسولف معك
يقصد ....
حتى لو ماكان ... يقصد
حتى لو ماكـان شاعر
بتنولد فيه المشاعر
ويمتطي صهوة خياله ... ويركب إحساسه ويبعد
ودامها عيونك ملاذه ... راح يبعد
وكل ماقرب .. بيبعد
لين مايوصل لكونك .. وقتها .. يتعب ويقعد
وتنتهي رحله .. وتبدا
مع شفاتك .. له رحله
وتأخذه الغفله .. ويقصد .. حتى لو ماكان يقصد
.
.
.
لانتهت رحلة عيونك ,, تبتدي رحلة شفاك
ـــــ ولانتهت رحلة شفاتك ,, أبتدي أذبل وأذوب
أنتهي مع مبتداك ,,,, وأبتدي مع منتهاك
ـــــ والنتيجه شوف عينك,, شمسي مالت للغروب
لأبتديتك ماأنتهيتك حتى لو شعري نهاك
ـــــ يبقى بوحي فيك قاصر,,والمخافه من الذنوب
مع عيونك مع شفاتك طالت دروبي معاك
ـــــ لاقدرت أوصل لشفي ولاقدرت أرجع وأتوب
يسألك يانور عيني,,قلب ذايب في حلاك
ـــــ لابغيت أوصل لذاتك .. أسلك أي من الدروب
.
.
إييه وش كنا نقووول
مـنـهـو كان اللـي ... يتكلم
رمشك الناعس .. حياتي .. وإلا مبسمك الخجول
وإلا ....... أنتي
منهو .. أنتي .. يابعد عمري ياأنتي
لو تكرمتي .. وسمحتي
عيدي كل اللي تفضلتي ,,, وقلتي
لإني فعلاً ... ماسمعتك
ليه .. لإني ... كـنـت .. أخـــــونــك
كنت ... أخــونــك
مع شفاياك ,,,,, وعـــيونـــك
ومــــا .. سـمـعـتـك
لحظه لحظه .... قبل تبدين الــــكـلام
كم هي الساعه معاك ؟؟
وحده ونص بالتمام .......
يووووووه ............... طولنا حياتي
قومــــــي ما ودك نــنــام
.
.
.
.
ونـــــمــنــا
.
.
.
هو أنا بالارض .. وإلا .. بالسماء عايـش أميـر
ـــــ هو صحيح اللي حصلي وإلا أحلم,, والسلام
هو صحيح الورد ورد .. هو صحيح الطير طير
ـــــ هو صحيح إني أنا اللي جالس أكتب هالكلام
آآآه يالـيـل ٍ حييته ,,, ماأظـن مـثله ,, يـــصيـر
ـــــ وآآآآه ,, من نـار المحبه ,, ومايسويه الغرام
للعيون إحساس غير,,, وللشفايف طعم غـيـر
ـــــ وللمنام بحضن ( ,,,, ) جــد مـامـثـلـه مـنـام
ياصباح الخير دامك .. ممسي البارح بـخـير
ـــــ ياخفوق ٍ ذاب كـلـه ,,, بـين تــدلـيع,,وهــيــام
الحياه بقرب غـالـي .. لــذه ونـشـوه وعـبـيـر
ـــــ ماألومك ياخفوقي ,, ماعلى مثلك ,, مــــلام
من يجرب ماتجرب ,, يايذوب أو يـايـطيـر
ـــــ ويحلف إنه كـان عـايش في متاهات وضـلام
ليلة البارحه قليله ,, بـس يـافـيها ,, كـثـيـر
ـــــ ياكثير ٍ من قليله .. يكفي ... المحتاج ,, عــام
وللعيون إحساس غير,, وللشفايف طعم غير
ـــــ وكل ماأسمع إسم ( ,,,,) قلت.. ياحلو المنام
.
.
.

صح لسانك ولسان شاعرها

طرح موفق

بارك الله فيك

الله يعطيك العافيه
يالدلوعه ..
وسلمتي على الكوكتيل خاطره + ابيات شعر ..
مرسي

مبدعه ماشا ء الله عليك

يسلموووووووووو يالغلا على هالخاطره الروووووووووووووعه وربي يسعدك قلبووووووو

يسلمو اليتيمه على المرور ربي يسعدك

يسلمو البروق ربي يخليك

يسلمو اخواني عود ونادر على المرور لاهنتو

مبدعه كالعادهـ
لاهنتِ ياسوكرهـ

السكر مرورك ربي يسعدك صرقوعه