ودّي بـــگ وابـيــگ وابـــاگ وابــغــاگ

قصيدهـ من ابدآع الشآعر / محمد بن فطيس المري

ودّي بـــك وابـيــك وابـــاك وابــغــاك *** جمّعـتـهـا لـرضــاك واخــتــار فـيـهــا

شف ويش منها يتبع احكاك ورضاك *** واللي لك اسقـي مسمعـك لا ضميهـا

غديـت افـر احكـاي واسـايـر احـكـاك *** وانـــا تـشّــرف لـكـنـتـي واهـتـويـهـا

مضمونـهـا ودي بشوفـتـك واهــواك *** ياللـي دروب اهـل الـردى مـا تجيـهـا

صـانـك ولــي امــرك وحـبـك وداراك *** ولاقــــدر ردع الـحـظــوظ ومـجـيـهــا

نـفـسـك مهـذبـهـا وعـــز الله ربّــــاك *** مـايـدري ان جـيـش الهـيـام يغـزيـهـا

والله قسـم يـبـلاك بــي وانــت يـبـلاك *** باللـي سواتـي فـي الـعـرب يرتجيـهـا

محـبـة ٍ ذربــه مــن القـلـب تـكـسـاك *** مـحـبـة ٍ صـــدق الـهــوى يكتـسـيـهـا

يـامـرك قلـبـك بالـوفـا لــي وتـنـهـاك *** نــاس ٍ عـلـى لامـــاك تـفــرك يـديـهـا

رزيــن عـقـل ومــن مـزايـا مـزايـاك *** نـفـسـك تــحــب وعـفـتــك تمتـطـيـهـا

وتطيـع عقـل ٍ مــا بـعـد زل واغــواك *** مشـاعـرك تعـصـاه وانــت تعصـيـهـا

ماشـفـت مـنـك الا عيـونـك ويـمـنـاك *** مـحـبــة ٍ راع الــــردى مــــا يـبـيـهـا

يقـبـض فـــوادي لا تخـيـلـت فـرقــاك *** يـاشـف عـيـن ٍ مــا ســـواك يعنـيـهـا

وياعـزوة اخوانـك ومطلـب هــذولاك *** نــــاس ٍ مـحـبــة والـــــدك تـدعـيـهــا

نـــاس ٍ تـخــدم ابـيــك كـلــه لعـيـنـاك *** وهـو يحـسـب ان الله علـيـه يهديـهـا

ياجعلهـا تفـدى علـى الارض ماطـاك *** والله بــمــن هــــو مـثـلـهـا يبتـلـيـهـا

لـكــن لـعــب فـــي ياولـيـفـي تـغّــلاك *** ونفسـي غـلاك مـن الصـدود يحديهـا

تبـطـي عـلـي وانـــا هـنــا واتـحــراك *** وكـبـدي لواهـيـب الصـبـر تشتـويـهـا

اجمّـع علومـك امــن هـنـاك وهـنـاك *** والله لــو انـهـا تنـشـرى لا اشتريـهـا

وعذرك انا لاهي يا ويش اللي الهاك *** لاهـــي ومـــر ٍ مـنــت لاهـــي تلـيـهـا

كانك مشكك فـي الوفـا والغـلا هـااك *** جـوالــي اقـــر القـائـمـه كـــل ابـيـهـا

رقمك مـع الصـادر ولا وارد اسـواك *** والنـاس فــي الـلـي لــم يــرد عليـهـا

وايــــاك وايــانــي وايــانـــي ايـــــاك *** مـن غيبـة ٍ مــن دون عــذر يحميها