03-20-2012
|
#6
|
البارت السادس
شويخ: عيل اكييد مب نهيان
ساره: يعني منو غيره
شويخ: لييش بس نهيان يحبج
ساره: شوو
شويخ : ااممم ساره
ساره: هلااا
شويخ : .....
فارس هز راسه لها بمعنى لا تقولين لها
شويخ تتنهد: مااشي .. بس خلاص لا تصيحين اللي كاتبه ربج بيصير ان شاء الله
ساره: ان شاء الله
شويخ: ولاتنسيين نحن ربع وخوات وشو ماصار بوقف وياج لا تتوقعين ان لو صار اي شي بوقف ويا اخوي لانه اخوي
ساره: حبيبتي شويخ تسلمين لي والله .. واسمحيلي الفترة الاخيره واايد تغيرت عليكم
شويخ: عادي معذووره حبيبتي ظروفج كانت صعبه وان شاء الله كل شي بيكون اوكي
ساره : ان شاء الله
ورمست وياها شوي وعقب صكرت
ونزلت ساره تحت
ساره: يلا انا لبست
الكل اطالعها
منصور: بتروحين
حصيص: عاادي انا بروح انقي لج اللي تبينه
ساره: لا عادي بي وياكم
ام حمد: عقب يومين الحفله انتي روحي الصالون مب لازم تروحين السوق
ساره: صالون ليش
ام حمد: مب ناويه تتحنين
ساره: هااه لا مالي نفس للحنا
ام حمد: يلا احسن لج بعد لان في احتمال كبير الحنا ماتروح وانتي عرسج جريب
ساره: ليش مب قلتو عقب شهر
ام حمد: اممم جدموه لانهم يبون يسافرون
ساره: شوووووووو
حمد: عقب اسبوعين العرس
ساره: نعممممممم توني رمست شويخ ما قالت لي
ام حمد: الحين اتصلت بي ام راشد وخبرتني
بو حمد: عادي يا بنتي بتلحقين ومرت اخوج وامج وخواتج بيساعدونج
فطوم: هييه توني ترخصت من ريلي وخليت بنااتي عند عمتي وييتج
ساره: ... اوكي
حمده: يلا يلا انزين ماشي وقت
منصور : يلااا
حمد : تحملو من اعماركم ولا تتأخروون
حصيص: ان شاء الله
وطلعوو
دبي مول
5:30 العصر
كبيـر .. ما طحت .. رغم الهم وطعوني
يا دمعه الحزن .. قولي .. للذي .. راحوا
ما عاد باقي مع عيوني سوا عيوني
حبايبك .. يا جروحي .. من سنه طاحوا
ساره: اوكيه هذا حلو
حمده:ههههه طع هذي يالسه وتقول حلو نشي نشي حسسيني انج عروس
ساره:هههه فطوم حبيبتي انتي اختاري لي ذوقج حلووو خلاص وخلصينا
حصيص: المشكله ماشي وقت ولا جان فصلنا ع الاقل
ساره: لالا مالي خلق للتفصيل والبروفا والعفسه خلصوني فستان للملجه وفستان العرس بروح عند اي وحده وبأجر وخلاص افتكينا
فطوم:يااربي الموضوع واايد سهل بالنسبه لج
منصور: اوه جنه هيل فروس ونصور
ساره: اووونه اكيد شويخ هني عيل
منصور: اقولج فروس ونصور يعني الريال ياي ويا ربيعه ههههه بيب اخته ليش
ساره: اوه صح هههه
راح منصور وسلم عليهم
منصور: والله ماشي يايب الاهل نتزهب للعرس والربشه
نصور: هيييه صرتو نسايب هااه اختك واخو فروس
منصور حط ايده على جتف فارس : هيييه وهذي الساعه المباركه والله
فارس ابتسم :تسلللم
منصور: يلا عيل كملوو قعدتكم وخل اروح انا
فارس: في حفظ الله ورعايته
منصور: مع السلامه
ناصر: مع السلامه
فارس عينه على ساره يطالعها بكل ضيج
فارس: الله يوفقها
ناصر: شو ؟
فارس: ماشي قمنا نروح
ناصر: ويين تو الناس
فارس: بنروح الكوفي شوب اللي تحت احلى
ناصر: اوكي ؟ يلا
....
ساره: شو ياي يتشرى لعرس اخوه
منصور :هههه لا ماظن
ساره: اصلا حتى شويخ تقول بشوف لي اي فستان من فساتيني الجديمه وبلبسها
فطوم:ليييش
ساره : هااه
ساره فخاطرها : وي فضحت عمري شو اقول الحين ان امه واخته رمسوني وقالو لي ارفضي وانا وافقت
ساره: مادري ميبي ظروفهم ولا شي يعني وجي
حصيص: شرااايكم فهذا
حمده: واااو رووووووعه
ساره: واايد مبالغ فيه الا هي حفلة ملجه
فطوم: جب عروس لازم تكونين شي شي
ساره: متفيجه
-----------------------------------------
بيت بو فهد
5:44 العصر
موَّت غيابك سوالف في حشاي
كيف ترضى غيبتك تقسى علي
خالد: اووونه نهيان وساره تفركشت خطبتهم
ليلى: هيييه
خالد: الصراحه بيت بو منصور ماعليهم رمسه ولا شي ما شاء الله ربي يحفظهم يعني معروفين بالسمعه الزينه
ليلى: انا نهيان هذا من قبل يوم اسمع بطارييه ما اداانييه اصلا وسالفة حيرني وبحييرك هاي نحن ماعندنا
خالد: ههههههه هيه ماعندنا حيرني وبحيرك
ليلى:هههههه والله صدق وحتى قوم سارو ماعندهم اصلا بس ابوها مادري كيف وافق
خالد: بعد نصييب شو بنسوي
ليلى: هييه والله
.........................
يرمس بالتلفون ومعصب
نهيان : انتي شتبييين مب مكفنج انج خربتي بيني وبين خطيبتي
ميثاء: انا خربت ولا شي انا بس حبيت اني ارويك كيف هالانسانه اصلا وحقه وقليلة ادب
نهيان:سمعيني لو هي وقحه ع قولتج عيل ليش حضرة جنابج دوم حارقه فوني وادقين لي ومافي اي صلة قرابه بيني وبينج
ميثاء: انا ابي مصلحتك وبس
نهيان : هه هه احلى مصلحه والله يلا اجلبي ويهج اقوول
وصكر
ميثاء: اوكيه مردك لي يا نهيان وبتشووف
مريم: شو صار
ميثاء: ماشي بعده مب ناسي هذيج الحييه
مريم: تتوقعينه بيحبج يعني
ميثاء: غصبن عنه
مريم: ميثو حرام عليج خربتي سمعة البنت ودمرتي عيشتها
ميثاء: اقوولج بلا سوالف فوزيه الدريع الحين وحياة الفهد نشي نشي عن ويههي
مريم: الله يهديج
نشت وخلتها
ملحوظه : ( ميثاء وحده في جامعة ساره وهي تحب نهيان من زماان وتدري انه خاطب ساره وهي اللي خربت بينهم )
ساره: يااا جماعه حسو فيني انا تعبببت انتو وينكم
حصيص: هههه انتي اللي وينج ضيعناج
ساره: انتو عند اي محل الحين
حصيص: اممم اج اند ام
ساره: اوكي يلا عيل بدوركم
حصيص:اوكيه ههههه
ساره : اووف وينهم هييل
واقفه صوب الخريطه وتشووف المحلات وتتحرطم
ساره: اممم سبلاش بيبي شوب اوووف هذا لازم يكوون عند هالمحلين لييش مب هني
فارس ياي وقف عندها واشر لها على اج اند ام
فارس: انزلي تحت على ايدج اليمين بتحصلينه ثاني محل يا ... مرت اخوي
ساره اتبسمت : شكرا
وراحت
ساره تمشي وترمس عمرها : والله يغمضني هالانسان ... على كثر همه وبلاويه شكله مستانس ومرتاح ... مادري شو صار على البنت اللي كان يباها .. يلاا نصييب .
حصيص:اووه حصلتيينا ما شاء الله
ساره:ههههه هييه شو عبالج
حمده: هههه يلا يلا امشو واايد تعبنا خل نرجع البيت
فطوم: اصلا خلصنا يلاا
منصور: توووكلناا عيييل
وطلعوو
---------------------------
استعدو للحفله و
الربشه و
الكل لبس وزهب
وحط وشل وسوى
بيت بو حمد
6:30 المغرب
الشتا فرقى عيونك يا دفاي
ما يموت الحُب ونبض القلب حي
ام حمد: ما شاء الله عليييج الله يحفظج من العييين يارب
ساره:.................
ام حمد: الا حمود اخوكم وين
حمده: وديته عند ابويه
ام حمد: زيين
حصيص: عمتي قريتي عليها
ام حمد: هييه يا امي قريت عليها
حمده: الا بسألج امايه عزمتي قوم عمي محمد وعمي يابر
ام حمد: هييه ابوكم اتصل بهم صح ان كل وااحد بعيد عن الثاني بس فالمناسباات مايقصرون والله . حتى حريمهم يوو ويانا وشلو وحطو يزاهم الله خير
فطوم: هييه ما شاء الله عليهم حتى بناتهم زينات وحلوات ربي يحفظهم
ساره: هييه والله من زمان عنهم
ام حمد: يلا يلا ماشي وقت تحركو انزلو تحت عند الناس
ساره: لا تخلوني بروحي
شويخ دخلت: انا هووووون
ساره: شوييييييييخ
ليلى :وانا بعد هوون وشما وخوله وميره
ساره :حبايبييي والله
ام حمد: هههه حياكم الله بناتي
ليلى: الله يحييج خالو
حمده: يلا عيل انا بنزل بروح اشوف رويض وعليو
ونزلو كلهم وتمو البنات عند ساره
ليلى: هااه شو الاخبار
ساره : على حطت ايدكم
شويخ: ياربي علييج طالعه حلووه
خوله: وبتصيرون فبيت واحد هااه سارو وشويخ
ساره ابتسمت
شويخ: هو شي يوونس وما يوونس بنفس الوقت
ساره: لاتقولين جي قولي الحمدلله على كل حال وخلاص
شويخ: الحمدلله
ميره: يلا يلا عاد لا تقلبونها مناحه ارتبشوو
شما: عاشووو واخييرا حد ملج من بيننا وبنستانس فيه
خوله:ههههه عقبالج يا شموو
شما: لحظه لحظه بسررررررعه اقرصيني احين
ساره: هههههه اوكيه تعالي
شما: لالا شوو ماصدقتي على طول ههههههههه لا بوي مابي اعرس بعدني
ليلى: انا انا ابى اعرس اقرصيني
شويخ: خوزو عن مرت اخوي اجووف... يلا اقرصيني انا اول شي
ساره: اقولكم شي عنسووو خلاص ماتبون العرس
ميره:عضيي لسااانج فال الله ولا فالج
ساره:هههههههه يعني تبين تعرسين
ميره: وفي حد مايبى هههههههههه
رن فون شويخ
شويخ: السموحه شوي
ونشت
شويخ: هلا فروس
فارس: كيف طالعه
شويخ:شوو
فارس: ساره كيف طالعه حلوه ؟
شويخ: فرووس
فارس: بلاج بس سأل على مرت اخوي
شويخ: صكر يلا
فارس: باي
وصكر
شويخ: استغفر الله
ساره: بلاج
شويخ: مااشي
ليلى : منو اللي متصل
شويخ: فروس
ساره: هييه صح شو صار على سالفة هيج البنت
جان شويخ تشوف ليلوو ... لان محد يدري ان فارس يحب ساره غير ليلو
شويخ: ماشي عرست على حسب علمي
ساره: اوووووووونه
شويخ : يب يب
ساره: يلا الله يعوضه خيير
ليلى :اميييين
ميره : شو السالفه
شويخ: ماشي فروس اخووي كان يحب وحده ويباها بس عرست
ميره: اوووونه .. حليييله والله
شما: يلا الله يعوضه باللي احسن منها
شويخ:اميييين
..................
ومر الوقت بسرعه ودخلوو ساره
وكانت ميته من الخووف وبنفس الوقت مب مهتمه لاي شي ولا لاي حد حولها
وعقب ساعات وصلها خبر ان راشد بيدخل الخيمه وغطوها لان بو راشد وفارس بيدخلون وياه معنه فارس رفض بس راشد قال لح عليه عسب يحس ان حد واقف في هاللحظه
دخلووو
وفارس منزل راسه ولا قادر ينطق بحرف واحد ويحس ان دقات قلبه سرييعه
فارس بخاطره : يااربي انا شو اللي خلاني اوافق وادخل ... اودر ايد راشد واطلع ؟ ولا اتحمل كلها دقايق وبتخطف بدون لا احس ؟ ياااارب .....
سلم منصور على بو راشد وعلى ابوه
منصور: مبروك ساره
ساره بصوت خفيف: الله يبارك فيك
فارس: مبروك بو سنيده
راشد: الله يبارك فيك وعقبالك
فارس ابتسم له
فارس وهو يشوف طرف فستان ساره ويقول بخاطره : مبرووك .. مبروك من كل قلبي اقولها لج
وخطف من عندها ورااح
وشويخ وليلى قاعدين يشوفونه جان تدمع شويخ وهي تشوفه
ليلى : الله يعوضه ان شاء الله
شويخ: اميين
..............................
منصور: ويين رايح
فارس: ثواني وبرجع
منصور: اوكي تحمل من الدرب
فارس: ان شاء الله
طلع ماتحمل الجو والربشه والوناسه اللي حوله حاول يفرح عمره حاول يدوس ع قلبه بس ماقدر وانسحب
فارس: ليش ييت
نصور: ماشي حبيت اكون وياك فهاللحظه
فارس: اي لحظه
نصور: فارس انته مب طبيعي هالكمن يوم واذا حاب تفضفض تراني اخوك وموجود
فارس يشوفه بكل حزن : ماشي نصور ماشي
وداس ع الريس
نصور: فارس استهدى بالله وخف شوووي... فااااااارس... فروووووس .... فااااااااااااااااااااااارس
!!!!!!!!!!!
نهاية البارت السادس
|
|
|
|
|