في بيت بو طلال ....الكل مجتمع على طلال ومبسوطين فيه
لأنه بينهم
طلال" هاا يمه بشرينا عن حالك؟؟
أم طلال تبكي " تسألني اليوم يمه ؟؟ الحمد لله رب العالمين
اللي بلغني شوفتك قبل ما أتوسد الثرى
بو طلال" إن لله ؟؟ يعني تبكين وهو بعيد وتبكين وهو يمك
بعد ؟؟
طلال" هههههه وكأن عدم وجودي سبب لكم أزمة
شمسه" أي بالله خصوصا إذا صار خاطرنا بــ آيس كريم
ومحمد عيا يروح
طلال" هههه يعني للمشاوير بس
شيخه " اتركها عنك البيت بدونك ما يسوى شي يا بعد عيني
طلال" ايي هذا الكلام اللي يسر الخاطر
طلال يلتفت على شيماء اللي كانت بس تطالعهم وتتبسم
شيماء تطالعه " نورت البيت
طلال وقلبه قارصه عليها يعرف إن بخاطرها شي " منور
بوجودك يا لغلا
شوي إلا ويسمعون صوت أم مسعود تدخل عليهم " يا أهل
البيت ...ندخل؟؟
أم طلال" هلا وغلا يا لله حيهم
دخلت أم مسعود ومها مرام ورغد
عندها فز طلال من مكانه يوم لمح طيفها " هلا عمتي حياك
سلمت عليه وهو نظراته للبنات
طلال" كيف حالكم يا بنات ؟؟
البنات" الحمد لله على السلامة
طلال" الله يسلمكم ... تو ما نور البيت حياكم
أم مسعود" طلال مالك ينتظرك بره
طلال باستغراب" يا لله بروح له الحين
جلسوا الجماعة يسولفون وشيماء جالسه وراسها مو معهم
.... تحس بشعور غريب من يجي طاري مالك والمشكلة إن
الكل حاس فيها
,,
في مجلس الرجال كان طلال جالس مع مالك والصمت يعم
المكان ...ما في بينهم حوار
ومالك جا يأدي الواجب لا أكثر
طلال" وش أخبارك ؟؟
مالك" الحمد لله
طلال" مالك ...
مالك" سم
طلال" بخصوص أختك مرام أنا خاطري اعقد خلال هذا
الأسبوع لأن ما عندي إلا أسبوعين إجازة
مالك" كلم أمها ...أو كلمها ...أنا مالي دخل
طلال بضيق" كيف مالك دخل أنت ولي أمرها
مالك" مرام كبرت وصارت تتخذ قراراتها بنفسها .. وأتوقع
كلامي لا راح يقدم أو يأخر ولا لا ؟؟
طلال" ايي يا مالك بس ..
مالك يقاطعه بوقفته" أقول طلال قول لأمي إني بروح
وبرجع لهم بعد ساعتين
طلال عرف إن ما في فايده من الكلام " مشكور على العموم
مالك" هذا واجب ...أسلم عليك
طلال" في أمان الكريم
\\
//
في الرياض وعند ميثه.....
أم تركي" يا يمه وش تروحين عنده ؟؟ أصلا راشد في
غيبوبة وما يدخلون أحد عليه ... ولو رحتي ما راح يحس
فيك
ميثه تلبس عبايتها وما ترد عليها "............
أم تركي" شسوي بعمري يكفيني أخوك اللي ما أدري عنه
شي
ميثه عندها ذكرت تركي واللي سواه براشد جلست على
السرير وصارت تبكي بقلب
أم تركي" وش له البكي طيب الحين ؟؟
يدق جوال ميثه رفعته بلهفه" إييي خالي ...أنا جاهزة
...الحين أطلع ...مع السلامة
خذت شنطتها وراحت تركض لبره
ركبت السيارة مع خالها
ميثه بصوت متقطع" شلون راشد؟؟
بو راشد ياخذ نفس عميق" محتاج دعواتكم
ميثه ما قدرت وقتها تمسك دموعها".............
بو راشد بس لو تقولين لي كيف تعور كذا؟؟
ميثه تذكر اللي صار بين راشد وتركي وتتذكر صرخة راشد
اللي للحين عالقة بإذنها ".........
بو راشد قدر شعورها وقرر انه يسكت عنها لحد ما ترتاح
وصلوا المستشفى وميثه تحس إن رجولها خانتها ... مو
قادرة تمشي زين
كانت ماسكه بيد خالها وكأنها وحده صغيره ماسكه يد أبوها
وهو يمشي يحس انه يجرها جر ..
وقفوا بجنب غرفته ...
الممرضة " عندكم تصريح من الدكتور؟؟
بو راشد" اييي هذي زوجته ....وهذا التصريح من الدكتور
الممرضة " الأخت ميثه ...أنتي زوجته ؟؟
ميثه تهز لها براسها يعني اييي
خذتها الممرضة ودخلتها غرفه صغيره فيها مغسله وطلبت
منها إنها تغسل يدها بالصابون المخصص ولبستها بعد كذا
بالطوا ولبستها كمامة على وجهها
الممرضة" بدخلك الحين بس لا تحاولين انك تكلمينه طيب ؟؟
ميثه تهز براسها يعني اييي ودموعها مو راضيه توقف
دخلت ميثه الغرفة اللي كانت صغيره وكلها أجهزه ...كانت
تطالع براشد وهو نايم على السرير وتسأل حالها معقولة هذا
راشد ؟؟
كان راسه كله ملفوف ووجهه مو باين من كثر الأجهزة
وكانوا مربطين صدره بالسرير حتى ما يتحرك فجأة
وقفت قدامه وكانت تطالعه وتسأله بصوت واطي
ميثه" وين هيبتك يا زين الرجال ؟؟؟؟وين طولك اللي يزين
الثوب ؟؟؟؟وين ابتسامتك اللي تحلف فيها كل بنات الكون
؟؟؟ راشد لك حياتي فدوه لعيونك حبيبي
بعد كذا مسكت يده اللي كانت جافه وكأنهم ساحبين الدم من
كل عروقه ...
ميثه مو قادرة إنها تستمر أكثر
خاطرها تجلس معه لكن نفسها كل ماله ويقل ...تحس إنها
بتموت هنا بجنبه
كان كل شي بالغرفة ماله صوت غير صوت بعض الأجهزة
اللي كان صوتها دقيق جدا ...وكان يسلي صوت نفس ميثه
بهذي الغرفة الموحشة
الممرضة رجعت الغرفة وطلبت من ميثه إنها تطلع ...لكن
ميثه كانت تحاول فيها وتترجاها إنها تظل بجنبه ..
الممرضة اعتذرت منها وخبرتها إنها أوامر الدكتور
طلعت ميثه من الغرفة وقلبها عنده ....ما لقت إلا الدكتور
واقف والكل حوالينه
بو راشد" تكفى يا دكتور طمني عن ولدي
الدكتور" راشد في وضع حرج ... والغيبوبة يمكن تستمر
معه وما يصحى ...وممكن انه يفوق منها لكنها راح تسبب له
بالشلل الكلي
ميثه عندها ما قدرت تمسك حالها وجلست على الأرض...
وعلا صوت أم راشد بالبكي ....
بو راشد طلب منهم أنهم يمسكون أعصابهم مع انه ميت وهو
واقف لكنه يحاول انه يكون أقوى منهم ...
حاول انه يرفع بنت أخته اللي كانت منهارة مسكها من يدها
وجلسها على الكرسي
كانت ميثه في سكون غريب ...ممكن يكون السكون اللي
يسبق العاصفة ... وممكن يكون سكون قليل الحيلة
ميثه كانت تطالع بزهور وطروب وهم جالسين يواسون أمهم
وهم يبكون
جات الممرضة وعندها صندوق كانت فيه أشياء راشد
الخاصة من محفظه وجوال والسبحة و....الدبلة
وعطتهم لميثه اللي كانت شوي ويغمى عليها
لكن طروب جات تركض وخذت منها الأغراض ومسكت
الدبلة ورمتها على الأرض
طروب بحده " هذي الدبلة ما راح يحتاجها راشد بعد اليوم
ميثه كانت تطالع الدبلة وهي تدحرج تحت رجول الرايح
والجاي ... من غير ما تحس لقت حالها جالسه على الأرض
تدور على الدبلة
؟؟؟؟؟؟؟؟؟؟؟؟؟؟؟؟
\\
//
في النمسا وعند نواف وماجد ...
ماجد" لا تقول !!
نواف" ايي بالله المشكلة إن للحين محد عارف شي
ماجد" طيب؟؟
نواف بنضطر إن إحنا نلغي الحجز وننزل بكره
ماجد ما وده يرجع خصوصا انه توه يبتدي يحس بحلاوة
قرب صيته" مو مشكله ...بس ما في حل ثاني ؟؟
نواف" نوف لازم بأقرب وقت تروح عند أختها حتى تكون
جنبها ...
وأنا بصراحة قلبي ما كلني على راشد وربي انه ما يستاهل
اللي جاه
ماجد" خلاص ....اللي تشوفه
نواف" بس هااا ...ما أوصيك لا تتكلم لصيته على اللي صار
ولا تقولها أصلا إن إحنا راح ننزل
ماجد" على خير ...أنت ضبطت كل شي ؟؟
نواف" لا تحاتي أنا كلمت واحد أعرفه بالمطار وقال اعتمد
ماجد" على خير إن شاء الله
تركوا بعض وكل واحد رجع غرفته ...
دخل ماجد وما لقى صيته بالصالة .. صار يناديها
ماجد" حبيبتي وينك ؟؟ صيتـــــه
صيته من بعيد" لحظه ... دقيقتين بس
كان صوتها جاي من بركة السباحة .. على طول ماجد راح
لعندها ...
دخل عليها وهي كانت طالعه تسرع من البركة بتاخذ المنشفة
ماجد يمسك المنشفة اللي على الكرسي"أنا اسميها خيانة
صيته بخجل" والله شفت البركة ما قدرت انتظر
ماجد يبتسم " إلى هذي الدرجة ؟؟
صيته" هههه غرامي أصلا ما أقاومها لين شفتها
ماجد يلفها بالمنشفة " نفس شعوري لين شفتك
صيته سحبت نفسها من عنده بالغصب وراحت الغرفة حتى
تغير ملابسها
ماجد بصوت يكون مسموع لها" هههه الخجل إذا زاد يكون
مو حلو
صيته تدخل الغرفة وحالتها حاله من زود الربكة اللي هي
فيها
,,
في غرفة نوف ونواف....
نوف تجيب له كاس العصير اللي كان خيااااااال
نواف" الله .... وش كل هذا
نوف" لا تقول رآيك جربه بالأول
نواف يشرب شوي" اممم خيال تسلم يدك
نوف" هههه حلو طعمه ؟؟
نواف يجننها " يجنن وربي ... احلي من طعم شفايفك بشوي
يمكن لأن العاملة اللي بالمطعم جربته بشفايفها ؟؟
نوف جن جنونها" أي عامله ؟؟
نواف" ههههه اللي بالفندق لأني شفتها قبل شوي تدخله
عندك
نوف بجنون" اهاا الحين عرفت ...تقول بروح أجيب غرض
وتروح تترزز لي بالمطابخ تبع الفندق
نواف" هههههههه وربي انك ظالمتني ... بس بغيت أكشفك
حتى مره ثانيه ما تكذبين علي
نوف قلبت السالفة عليه" طيب يا نواف ...أنا زعلت وشوف
كيف بتراضيني ؟؟
نواف وهو يشرب العصير" مو لما أفكر أراضيك بالأول ؟؟
عصبت نوف وراحت للغرفة وقفلت الباب عليها ...
لحقها نواف للغرفة" أقول بلا دلع وفتحي الباب
نوف" وربي ما ني فاتحه ... وروح نام بالصالة
نواف"ههههه يصير يعني أسبوع جلسنا بالنمسا يا أنا
بالصالة يا أنتي؟؟؟
نوف" كله منك لازم تعكنن علي
نواف" طيب براحتك عطيني مخدة ومفرش أتغطى فيه
نوف" ما عندي لك شي .... دبر حالك
نواف " خلاص أروح الحق العاملة قبل ما تستأذن وتروح
نوف بحده" جرب حتى يكون موتك بيدي
نواف بيموت ضحك بس كلمها بنبره حادة " طيب بجرب
...سلام
نوف تحط أذنها بالباب.. لكنها ما سمعت له حس
طلعت بسرعة من الغرفة ... وما فتحت الباب إلا وشافته
واقف ويطالعها
نوف مرتبكة تفتح له الباب " ادخل
نواف يعطيها ظهره ويروح يجلس بالصالة" لما اشرب
العصير ... تعالي جربيه
نوف بجنون" أصلا أنا كرهت العصير وما راح اشربه ابد
نواف بيموت من الضحك عليها" ههههههههههه
\\
//
مالك نايم على سريره وجالس يفتح كل المسجات اللي وصلته
من ماجد من سافر للنمسا...اللي كان هو طبعا ما يرد عليها
وشوي يضحك وشوي يتضايق
.............
أحس اني مو مبسوط ...وجه نوره وعيونها تلاحقني بكل
مكان
صيته تستحق إن الواحد يتعب على شانها ونوره ادري إنها
مو لي ....لكني مو قادر أنساها
تدري ؟؟ بعدك بيجنني حن علي شوي أنت عارف انك يدي
ورجولي , سلامي لروحك
.............
هلا بصديق الطفولة هلا بدنيتي وناسي..
اليوم حسيت بشي غريب ... عرفت إن كلامك منطقي
وواضح بس أنا لا كنت اسمع ولا افهم...
صيته من أطيب البنات.... ولو أني أحس إن في حواجز بينا
لكني أحس إن الدنيا كلها لي إذا صرنا سوا....
وأتوقع الغلط في كل هذا إن علاقتنا كانت متأخرة شوي
لأني لو كنت تعرفت عليها قبل نوره كان كانت هي قمة
سعادتي
أدعي لي تكفى يا خوك ....
.................
صباح الخيرات ....تدري انك شايف حالك بزود
اصدق ما اشتقت لي ؟؟
على العموم ما راح أبطل رسائل إلا لما اسمع صوتك ....
هاا وش رايك أدق؟؟ ههههههه
.................
حبيبي مالك .... اليوم أول يوم ابتدى من حياتي مع صيته
ونعم البنت الخلوق ونعم التربية ....مع إني تعبت معها بس
ربك ستر ...ادعي لي لأني ميت بالعسل ههههههه
...............
مالك .... تدري إن النمسا جنان, اليوم رحنا البحيرة صحيح
إنها عجيبة
لا تقولي دمامنا غير ولا أقولك جده غير لأن النمسا غير
الغير ...هههههههه
تكفى رد علي ولا بتلاقيني في المستشفى بسبتك ...
بس مو الحين بعد ما أخلص عسل مع صيته هههههههه
لك اشتياقي
............
هلا اخوي.... أنا متضايق اليوم كثير ,
تخيل إن إحنا بنرجع بكره في أمور جدت في العائلة ولازم
نرجع بس والله خايف لما أشوف نوره تنقلب حياتي فوق
تحت .... لك مني أحلى كلام وأرق ابتسامه
محتاج دعواتك لا تبخل علي
.............
مالك تنهد تنهيده كبيره وقرر انه يدق على نوره ..
اللي ردت عليه وهي متلهفة
نوره" هلا وغلا
مالك بحده" نوره أنا جاي الرياض وأبغي أشوفك
نوره" متى ما بغيت عطني الوقت والمكان وأنا أكون عندك
مالك فتح عيونه على الآخر ؟؟؟؟؟؟؟؟؟؟؟؟؟؟؟؟؟
كبرياء رجل وشذوذ إمرأه
البارت الخامس والثلاثون
مالك تنهد تنهيده كبيره وقرر انه يدق على نوره ..
اللي ردت عليه وهي متلهفة
نوره" هلا وغلا
مالك بحده" نوره أنا جاي الرياض وأبغي أشوفك
نوره" متى ما بغيت عطني الوقت والمكان وأنا أكون عندك
مالك فتح عيونه على الآخر ؟؟؟؟؟؟؟؟؟؟؟؟؟؟؟؟؟
\\
//
\\
في المستشفى الكل تعبان وحالته حاله خصوصا ميثه اللي
كانت بجد تمر بأصعب الأوقات ...
بو راشد " أنا ما أشوف في داعي إن إحنا كلنا نكون هنا
بالمستشفى
بو تركي" راشد ولدنا ومعزته من معزة تركي وصالح
بو راشد" وأنا أشهد ...لكن البنات مالهم ذنب إنهم يتبهدلون
أنا من رأيي انك تاخذ البنات وتسير فيهم للبيت
وأنا أظل هنا ولما تصير في أخبار بطمنكم
بو تركي" على خير يا خوي
كانوا البنات رافضين بالبداية لكنهم أقنعوهم إنهم يتكلون على
الله وبكره من أول ما يطلع النهار يجون
ما قدروا البنات إنهم يقولون لا ...خصوصا بعد الضغط من
بو تركي وبو راشد....
لكن ميثه عيت إنها تروح إلا لما تدخل تشوف راشد وتطمن
عليه ... وبالفعل
ميثه واقفة عند راشد اللي كان نايم بأمان الله وما يدري باللي
حواليه
ميثه تمسك يده " حبيبي ... افتح لي عيونك وطالعني...
بالله ما اشتقت لي ؟؟ اجلس أبغى أتكلم معك شوي ....
أبغي أقولك إني حسيت بالأمان معك البارح ...
واليوم بعد بالرغم من انك ما تسمعني إلا إني أرتاح بجنبك
أنا عارفه انك حاس فيني ...لكني ابغي اسمع صوتك يكلمني
يا بعد عمري
ميثه ما قاومت الإحساس الصعب انك تنادي حبيبك ومايرد
عليك...
صارت تبكي بجنبه وتترجاه انه يصحى ويطالعها
كانت الممرضة واقفة بجنبها طلعتها من الغرفة وهي منهارة
على الآخر .....
طلعت ميثه وراحت لها أمها بسرعة تلمها لها وتطمنها إن
كل شي بخير بإذن الله وراشد راح يرجع لها مثل ما كان
وأحسن لكنه محتاج دعائها وصلاتها أكثر من دموعها اللي
ما تفيد بشي
\\
//
في الشرقية وعند مالك
نوره" متى ما بغيت عطني الوقت والمكان وأنا أكون عندك
مالك فتح عيونه على الآخر "...........
نوره" حبيبي ..
مالك ينتبه لحاله" هلا عمري.... معك معك
نوره الفرحة مو سايعتها "متى بتجي بكره ؟؟
مالك " والله للحين ما قررت .....لما اصحى من النوم بكره
اخلص كل شغلي وأجيك
نوره بلهفه "انا أنتظرك على أحر من الجمر
مالك" يا لله حبي اسلم عليك
نوره" باي حبيبي
مالك " بااااااي
سكر مالك وهو مو مصدق اللي صار ...كان جريئ مره
وكان القرار صعب لكن نوره سهلت عليه كل شي
مالك الحين بدا يفكر ببكره ويقول لحاله ...
هين يا عمي راح أخليك تترجاني إني ارحم حالك وحالها
وهو كذا يدق الباب ..
مالك باستغراب" هلا ....
مرام " أنا مرام ...
مالك بضيق" خير وش تبين ؟؟
مرام من ورى الباب " نايم ؟؟
مالك" بنام الحين ... وش عندك
مرام بهدوء" خلاص تصبح على خير
مالك صار يتأفف وراح فتح الباب " خير وش بغيتي
مرام كان وجهها أصفر " كنت أغلي لي ماي للشاي وصار
البخار على يدي
مالك فزع ومسك يدها" اووووف هذا مو شي بسيط
مرام بألم" ودي تروح الصيدلية وتجيب لي كريم للحروق
مالك بحده" أي صيدليه ؟؟ البسي عبايتك بسرعة
مرام " الوضع مو مستاهل ....
مالك " بسرعة بلا كثرة حكي
بدلت مرام وراحت مع مالك المستوصف اللي جنبهم وكان
كل شوي يطالعا ويسألها إذا يدها تألمها أو لا ...
كانت تنفي وهم كانت تطالعه ومستغربه انه أعطى الموضوع
أكبر من حجمه
بعد ما حطوا لها الكريم ولفوا يدها بالمستوصف طمنوهم إن
المسألة بسيطة والألم راح تحس فيه بكره وبعد بكره بالكثير
في هذا الوقت ارتاح مالك اللي كان متوتر كثير
\\
//
هناك ببلد الدلع والجمال .....
تركي جالس على الكنبة وهو مو بوعيه
تركي" يا قمرهم ... تعالي وينك ؟؟
سلاف من بعيد " جايه حبيبي ... دئيئتين بس
سمير بضيق " متى وصل ها لطبل ؟؟
سلاف " اليوم بس ... ما بعرف شو الحل ؟؟
اووف مليت ما عاد فيني أتحمل
سمير يهديها" لا يا روحي ...فات الكتير ما بئى إلا القليل
اسمعي مني يا عيوني انتي, الفيلا شهرين وراح تكون
جاهزة وبعدها ما راح نحتاجلوا ....المهم انك تمشي على
الخطة زي ما اتفئنا اوك ؟؟
سلاف " طيب روح انت هلأ من هون حتى ما ينتبه لك
سمير يرسل لها بوسه على الطاير ويروح ..
عندها سلاف ضبطت شكلها وراحت لعند تركي اللي كان في
دنيا ثانيه
سلاف" نورت البلاد يا حبيب ألبي... بصراحة المفاجئة
طيرت لي ألبي ما التلي شو اللي فكرك فينا ؟؟
تركي "أنا وين كنت ووين صرت ؟؟ أحد يعاف الوناسه
ويروح هناك ؟؟
سلاف" حبيبي بدي إللك شغله
تركي يبوسها" يا بعد عيني انتي ... اليوم أنا جاي ارتاح ما
ابغي شي يعكنن علي سهرتي ولا كيف ؟؟
سلاف بضحكه مصطنعه " أنا تحت أمرك يا حبيب ألبي
تركي " آآآآآه يا لبى قلبي عليك ...
يلومونا قال ليش نترك بنات البلد وناخذ من بره , خليهم
يجون يسمعون كلامك حتى يعرفون زين وش ها لنعيم اللي
أنا فيه
سلاف " ههههههههههههه
\\
//
عدى الليل بصعوبة على أبطالنا اللي كل واحد كان يغني
على ليلاه
مالك وإحساسه بالذنب كان يقتله بسبب نوره واللي ناوي
يسويه معها لكنه كان يبرر موقفه انه مو شخص سيئ مثل
ما راح الكل يضن فيه لكنه يبغي ينتقم من عمه اللي بهدلهم
وأخذ حلالهم وخلاهم يحتاجون اللي يسوى واللي ما يسوى
وغير كذا نوره تستاهل على اللي سوته بكل اللي حواليها
ومن ضمنهم ماجد وصيته اللي هدمت حياتهم ....واللي ذبحه
زود تدخلها المباشر والغير مباشر لعواطفه اللي جالس
يحاربهم حتى ما يطيحون بشباكها وبعد كذا ما ينفع الندم
لكن هنا السؤال هل هذي مبرراتك يا مالك ؟؟
وهل راح يشفعون لك بعدين ؟؟؟
,,
ونوره اللي كانت عايشه بخيالها المريض ..
كانت تحفر بالدولاب تدور لها شي مناسب تلبسه ...
تفكيرها بمالك بيجننها وينسيها كل شي حواليها ومن ضمنهم
سمعتها والعادات والتقاليد وكلام الناس اللي ما يخلص
,,
ماجد كان جالس على سريره وصيته نايمه بأمان الله
مثل الملائكة
كان يطالع ببشرتها الرقيقة الناعمة الشفافة اللي من نعومتها
ممكن ان هوا الغرفه البارد يأذيها
يفكر بحياته معها هل هذي الحياة اللي كان يتمناها ؟؟
ونوره وين محلها من الإعراب ...ومعقولة إذا شافها بيتغير
شعوره بالنسبة لصيته ؟؟
,,
ميثه تحس بإحساس غريب ...تحس وكأنها ما راح تقدر
تسمع صوت راشد مره ثانيه ... وما راح تطالع بعيونه ابد
إبليس جالس يلعب براسها ويوهمها إن هذي الليلة هي آخر
ليله له ...
معقولة راشد يروح كذا بلمحة عين ؟؟؟
\\
//
|