\\
//
اليوم الخميس وميثه مو عارفه شتسوي ...
معقولة اليوم يعقدون عليها ومحد حوالينها ؟؟
ميثه تبكي" لا ما يصير أحس إني ضايعه
نوف" يا بعد قلبي أنا قلبي معك لكن يكفي تأخير ...
وثانيا هي عقد بس والحفلة بعد أسبوع أكون أنا جيت وجبت لك فستان الخطوبة بعد ..وش رايك؟؟
ميثه" ما أدري أحس إني بموت من الخوف
نوف" هههه علي أنا ميثوووووووه قولي بموت فرح
ميثه" هههه بموت فرح وخوف
صيته تسحب من عندها السماعة" الف الف مبروووووك
يا لغالية
ميثه"هلا والله ...الله يبارك فيك
صيته" أقول تريي على الريال لا تسوين له شي
ميثه" أخذتي اللهجة قبلي .... ههههه بحاول ما أأذية
صيته" هههههه يا حبي لك والله ...ويا سعد عينه لأنه بياخذ
وحده مثلك
ميثه" هااا ...الله يستر ,أقول خلاص بروح أجهز حالي
صيته " في أمان الله
سكرت صيته ونوف تمسح دموعها
صيته" هااا بتقلبينها لنا مناحة ؟؟
نوف" لا والله أنا فرحانة لها لكن أنتي تدرين إن دموعنا
تنزل بالفرح والحزن
صيته" اممم
نوف تلتفت لها" وش بلاك يا صيته مو عاجبتني
أنتي مو مرتاحة مع ماجد ؟؟
صيته نزلت راسها من غير ما تتكلم
نوف" أنا كنت حاسة إن كل واحد ما يدري عن الثاني
ولاحظت إن ما بينكم كلام ما كأنكم عرسان
صيته" بروح الغرفة الحين يجلس ماجد
نوف " ما تبغين تقولين لي ؟؟ طيب وش قصة الصلاة اللي
ما تصلينها غير في غرفتي ؟؟
صيته تحاول تستجمع قوتها" أنا مكذبه على ماجد قلت له إني معذورة
نوف" شنوووو ؟؟ ليه؟؟
صيته تبعد نظراتها عن نوف حتى ما تنتبه لدموعها اللي
ابتدت تنزل غصب عنها
صيته" حتى ما يلمسني
نوف " معقولة ؟؟ أنتي خايفه ؟؟
صيته تبكي".........
نوف" هههه والله انك غبية وش منه خايفه ...هذي سنة
الحياة وثانيا أنتي ما تدرين إن اللي تسوينه حرااام
صيته" وش تبغيني أسوي غصب عني
نوف" صيته فتحي مخك .... هو زوجك والله يوجب عليك
انك تطيعينه
صيته" هذا لو ما كان خاين
نوف فتحت عيونها على الآخر" وش قصدك ؟؟
صيته بصوت متقطع" اكتشفت إن له علاقة مع وحده ثانيه
نوف بتجن" علاقة ؟؟ علاقة شووو
صيته" اللي أعرفه إنها علاقة حب
نوف" حب ولا علاقة أكبر
صيته مجرد التفكير كذا يذبحها" لا مستحيل توصل أكثر
نوف" طيب هو عرف انك اكتشفتيه ؟؟
صيته" لا ما قلت له
نوف" طيب والبنت ...تعرفينها ؟؟
صيته" الله يستر عليها لا ما أعرفها
نوف" بس أنتي غبية صراحة
صيته" أنا؟؟ ليه ؟؟
نوف" لازم تدخلين قلبه هذا زوجك وأنتي اليوم أحق من أي
أحد فيه ..لا تخلين له مجال انه يفكر فيها
صيته" وش أسوي ؟؟
نوف" اشغليه فيك ... من تروحين تدخلين تتحممين وتقولين
له انك صرتي طاهرة
صيته" طيب ؟؟
نوف" خلاص الباقي عليه ...وخبريني أول بأول فاهمه؟؟
صيته"؟؟؟؟؟؟؟؟؟؟؟؟؟؟
\\
//
بعد أربع ساعات
في بيت بو تركي وفي المجلس الخارجي للرجال
تدخل ميثه وعلى يمينها طروب وعلى يسارها زهور
ألف الصلاة والسلام عليك يا حبيب الله محمد
كللووووووووووووووووش
كللووووووووووووووش
كانت ميثه على أعصابها لكن الإبتسامه ما فارقت خدودها
انتبهت في راشد انه واقف قدامها ...كانت خايفه انه يكون
حلم وشوي وتصحى منه مجرد تفكيرها بأنه حلم خلاها ترفع
راسها وتطيح عينها بعينه
رجعت نزلت راسها ...لقته يمد لها يده , سلمت عليه وباسها
بين عيونها ...
الله رحمها إن خواته بجنبها حتى لو طاحت مغمى عليها
يكون احد جنبها
مسكها راشد من يدها وكان شاد عليها وكأنه خايف عليها
تطير ...
الغريب إن ميثه شدت بعد على يده وهذا الشي خلاه يحس
بوهج الحب في قلبه
راحوا وجلسوا على الكنب والكل يغني ويرقص وميثه تحس
كأنها بعالم ثاني وكأنها مو جنبهم مو قادرة تسمع غير دقات
قلبها وبس
كانت عيون راشد عليها ما فارقتها دقيقه وحده وكأنها
تحرسها ....كانت لابسه فستان أزرق نيلي طويل وفيه
بروش على الصدر وفتحه طويلة موصله لفوق الركبة
كانت أنيقه بكل ما للكلمة من معنى ...
ماكياجها كان هادئ كثير وشعرها انسيابي رامي حاله على
وجهها العريض
راشد يبتسم لها" وشو له الحيا هذا ؟؟
ميثه تبتسم له".........
راشد " أنا بقول لهم يطلعون ويخلونا بروحنا وش رايج
ميثه ".............
راشد" وش رايكم تبيتون عندنا اليوم ؟؟
زهور" نترياك تلبسها الطقم والله بنطلع بعدها
راشد" لا اطلعوا ...حرمتي الحيا ماكل ويهها طلعوا خلونا
نهرج سوا
الكل استجاب لطلبه وراحوا وخلوهم لوحدهم
راشد بحنان قاتل " مبروك يا دنيتي
ميثه تطالعه وتقول بخاطرها وأخيرا صرت لي يا راشد
راشد يمسك يدها ويبوسها " الله يشهد إن اليوم من أحلى أيام
حياتي وأنا يالس عندج وأنتي حرمتي
ميثه" وأنا بعد مبسوطة كثير
جلس راشد مع ميثه حوالي ربع ساعة وهم يتكلمون ويضحكون وكأنهم بعالم ثاني ما فيه أحد غيرهم
شوي إلا ويرجف الباب عليهم .... ما حست ميثه إلا
بصرخة عاليه طلعت منها غصب عنها
راحت بسرعة بتفتح الباب لقت الباب في وجهها بعد ما رفسه تركي برجوله
عندها طاحت ميثه على الأرض ...على طول راشد راح
لعندها ورفعها وصار يتطمن عليها إذا ما انصابت
تركي بصراخ" بالله ليه مقفلين الباب عليكم هااا؟؟
راشد" الناس يقولون السلام وهم داخلين
تركي" لا سلام ولا كلام أنا سألت سؤال واحد وأنتظر اجابه
راشد" زوجتي وحلالي وانت حاضر العقد عندك شي لنا بعد
تركي" تكون حلالك لما تاخذها بيتك والناس كلها تعرف ...لكن تستغل طيبتنا وثقتنا فيك وتستعملها وبعدين ترميها رمي الكلاب ...لا يا حبيبي
راشد وصل حده" أكل تبن أقول... واعرف مع منو تتكلم
تركي" أنا آكل تبن ...أوريك أنا
تدري دور لك حرمه غيرها ميثووووه من اليوم ما بتشوف ظفرها وروح المحاكم إذا كان فيك خير
ميثه صارت تبكي " رااااااااشد
مسكها تركي من شعرها وطلع فيها بره المجلس
راح راشد له وضربه بقسوة ورماه على الأرض ومسك ميثه
بلهفه وصار يتطمن على حالها
تركي وقتها لعب براسه إبليس وأخذ الكرسي اللي بالحديقة وضربه على راسه عندها صرخ راشد صرخة وحده وسبح
بدمه على الأرض
ميثه حاطه يدها على فمها وتطالع براشد اللي مرمي قدامها
تركي الحين في موقف محرج ... مسك ميثه وهددها إن
تكلمت لأحد راح يكون مصيرها ومصير ابوها مثله
هرب تركي وميثه مصدومة تطالع راشد اللي راح من يدها بليلة حياتها
معقولة هذا اللي مرمي على الأرض وسابح بدمه هو
حبيبها راشد
؟؟؟؟؟؟؟؟؟؟؟؟؟؟؟؟؟؟؟
كبرياء رجل وشذوذ إمرأه
البارت الرابع والثلاثون
ميثه حاطه يدها على فمها وتطالع براشد اللي مرمي قدامها
تركي الحين في موقف محرج ...مسك ميثه وهددها إن
تكلمت راح يكون مصيرها ومصير أبوها مثله
هرب تركي وميثه مصدومة تطالع راشد اللي راح من يدها
بليلة حياتها
معقولة هذا اللي مرمي على الأرض وسابح بدمه هو
حبيبها راشد
؟؟؟؟؟؟؟؟؟؟
\\
//
\\
في النمسا وفي الإضاءة الحالمة كانت صيته واقفة قدام
الدولاب وتلبس ملابسها
دخل عليها ماجد ولقاها مو منتبه له وكانت تدندن وهي تلبس
ومو حاسة باللي حواليها
كان يطالعها بإسهاب وعيونه جالسه تتجول عليها
وعلى وجهه ابتسامه رضى
ماجد بهدوء" يسلم لي الصوت وصاحبته
عندها صيته شهقت وغطت حالها بملابسها
ماجد يبعد نظراته عنها ويجلس على السرير " ما أدري أنا
متزوج سمكه ولا حد قالي ولا ايش ؟؟
صيته بارتباك " ماجد ... حرام عليك خوفتني
ماجد يروح لها" بسم الله عليك حبيبتي
صيته بخوف " ن...نع..نعم وش تبغي
ماجد يبتسم لها" اقرى عليك المعوذات خايف عليك من
عيوني لا تحسدك
صيته تصد عنه" بعد عني تكفى
ماجد تواخذ كثير من كلامها وطلع من الغرفة من غير ما
ينطق بكلمه
صيته قلبها راح ورآه كان خاطرها تلحقه وتعتذر منه وتقوله
إن مو قصدها تضايقه أو تحرجه لكن كيف تطلع له وهي كذا
؟؟؟؟؟
,,
في الغرفة المجاورة لهم .....
كانت نوف مرمية في أحضان نواف ويده ما شالها من
شعرها
نواف" أحس إن إحساسي هذا ما مر على أحد
نوف تطالعه " كيف يعني
نواف يوطي لها يبوسها" سعادتي ما تنوصف وأنتي جنبي
إحساس غريب يجري بعروقي
وربي لو ألف الدنيا ما ألاقي وحده بظفرك
نوف بابتسامه" الله لا يحرمني منك حبيبي ...وأنا بعد متأكدة
إن ما في إلا نواف واحد بهذا الوجود
نواف" يا لله... مسرع انطوى أسبوع وما باقي غير أسبوع
نوف" مو المهم إحنا وين ...المهم إن إحنا مع بعض
صح ولا آنا غلطانة؟؟
نواف" آآآآه يا قلبي يلوموني فيك عقل وثقل وزين وحلا و.....
نوف" وشنو؟؟ شبلاك ما كملت كمل ....خايف تمدحني أغتر
ولا تستخسر فيني كلمتين
نواف يضحك" ههههه وكذابة
نوف بزعل" أنا ؟؟ ليه؟؟
نواف" يوم سويتي حالك انك غرقانه يا بنت اللذين ..يعني أنا
لو وقف قلبي ساعتها وش بتسوين؟؟
نوف تلم نواف لها أكثر" بسم الله عليك لا تجيب لي السيرة
هذي مره ثانيه بصراحة أتضايق لما أذكرها
نواف بابتسامه لها مغزى" طيب خلينا نفرفش شوي
نوف بعدت عنه وغطت حالها بالبطانية وهي تضحك
.................
,,
طلعت صيته من الغرفة بعد ما لبست ولأول مره قميص نوم
وكانت خطواتها تخونها خطوه قدام وخطوتين ورى
ماجد حس فيها لكنه تجاهلها ...راحت صيته لعنده وجلست
جنبه وحطت يدها على يده
ماجد التفت لها ولما شافها با لستايل الجديد عليه ابتسم
ابتسامه مشرقه ونسى اللي صار
صيته" تكفى ماجد لا تزعل مني غصب عني أنا كنت
.....أنا يعني ....كنت خجلانه
ماجد يلمها له " حبيبتي أنتي زوجتي والمفروض إن إحنا
نكون جسد واحد مثل ما إحنا روح وحده
صيته تطالعه" روح وحده ؟؟
ماجد يبوسها بين عيونها" صيته أنتي اليوم شي كبير عندي
لا تفكرين انك ما تهميني
صيته نزلت من عيونها دمعه حزن كانت تتمنى إنها تصدقه
لكن كيف وهي سامعته بإذنها ومحد قالها
ماجد يقوم على طوله ويسحب صيته معه ويسكرون ورآهم
باب الغرفة
؟؟؟؟؟؟؟
\\
//
في الرياض وفي بيت بو تركي بالذات وعند راشد والمسكينة
ميثه
هرب تركي وميثه مصدومة تطالع راشد اللي راح من يدها
بليلة حياتها
معقولة هذا اللي مرمي على الأرض وسابح بدمه هو
حبيبها راشد
جلست صيته عند راشد وهي مبهورة لحد الموت مو قادرة
تتكلم أو تصرخ حتى ....الموقف أكبر من إنه يحتمل
لكن الكل جا بسرعه من سمعوا صوت راشد وصرخته
الرهيبة اللي زلزلت قلوب أهله ....
تجمعوا عليه ومن شافوا الموقف المخيف صار الصراخ
والبكي وراشد مو حاس بالدنيا
بو راشد يصرخ" مااااااااااااااات ولدي ؟؟
زهور" اخوووووووووي حبيبي وش صار لك ؟؟
طروب" وش ها لعقد النحس وش صار لأخوي ؟؟
بو تركي" تعوذوا من إبليس راشد حي ...
اتصلوا بالإسعاف بسرعة
أم راشد تهز بميثه" وش صار تكلمي يا ميثه وش جرى على
زين الشباب هااا
بو راشد" شيلوه بسرعة ...
بو تركي" لا لا تحركونه خلوه ....الضربة براسه لو شلناه
غلط الله العالم وش راح يصير فيه
كل هذا وميثه جالسه قدام راشد ودموعها على خدها وجالسه
تعتذر منه لأنها ما قدرت تسوي له شي
بعد نص ساعة جاو الإسعاف وشالوه من مكانه وودوه
المستشفى ...الكل راح وراه ماعدا ميثه اللي بالموت أسحبتها
أمها والشغالة وصعدوها فوق وحمموها بعد ما نجست حالها
وهي مو حاسة كانت بس تبكي وتردد اسم راشد وتترجاه
ما يتركها
,,
في بيت بو نواف الكل جالس يحضر الفلم اللي جايبه طارق
للجدة ....كانت طالبه فلم لشاروخان (هندي) بعد عيني تموت
بالرومانسية بهدلت حالها من البكي وطارق ونوره جالسين
يتغامزون عليها والله رحم إنها مندمجة وما انتبهت لهم ولا
كان علوم ؟؟؟؟
خلص الفلم ...
أم عبد الرحمن" حمار يا طويرق حسبي الله على إبليسك
...كيف يموت البطل في آخر الفلم ؟؟
طارق " وش لي دخل سحوره ؟؟ لا يكون أنا الكاتب ؟؟
أم عبد الرحمن" الله يلعن ذا الكتاب اللي ما يفهمون ...أنا 37
سنه عمري ما شفت بطل يموت .. ما سمي بطل إلا انه بطل
...جعل الموت لك يا لدثوي إنت والكاتب بعد
طارق" لا حوووووول
أم عبد الرحمن رجعت تبكي وتتحسب" حسبي الله على
إبليس ....والله انه حرام فيك الموت يا شاروخان عليك
جمال سبحان الخالق ... ولااا عيونه كأنهم عيون نواف
نوره بحده " بسم الله عليك...
الحين نواف القمر تشبهينه بهذا ؟؟
أم عبد الرحمن" وش فيه هذا ؟؟ مو بشر مثلنا ؟؟
أقول ضفي ذا الوجه اهو... الشرهة علي اللي أشوف
أفلام معكم ....الليلة بعد ما تنامون أرد وأحطه بروحي
طارق" على خير..... بس إن شاء الله ما يموت الليلة بعد
هههههه
أم عبد الرحمن" أنطم ... أقول بكره تجيب لي واحد غيره
طارق" والله ما نيب جايب ...فشلت وأنا داخل قسم الهنود
ويا ليت نفع معك أو بين بعينك
والله واحد يقولي ..بابا انت في واحد نفر خووش لأن أنتا
هبي أفلام مال إحنا , ليش بابا أنتا هندي ولا ماما مال انتا
سيلاني ؟؟
أم عبد الرحمن" والله كان قلت له شوف لوني وتعرف إني
تبعكم.... وربي فوق راسي لو تلبس بدله وتروح سوق
الهنود يعطونك جنسيه
طارق" قولي قسم سحوره ؟؟
طيب ما ني رايح ودبري حالك... ولا تحاولي تعتذري أنا
خلاص ركبت راسي
أم عبد الرحمن "كسر براسك ... ما بتروح ها؟؟
جرب أشوف كان تبغي تذوق عصاتي ؟؟
بروح أنام ولا تنسون جلسة الصلاة فاهمين ؟؟
راحت الجدة وهم جالسين يضحكون عليها
نوره" أما انك عجيب يوم قلت لها شوفيه بالليل يمكن ما
يموت البطل ههههههههههه
طارق" ههههه شفتي كيف ؟؟ وربي إني رهيب بس الخوف
انه يموت واتوهق فيها
نوره تقوم بتصعد فوق" ههههه الله يستر ...يا لله تصبح على
خير
طارق" وأنتي من أهله ...
صعدت نوره الغرفة وشغلت الإستريوا كالعادة وجلست على
تسريحتها تمسح ماكياجها وهي تطالع بشكلها وتقاسيمها
وكانت تفكر بمالك وكيف كان رايه فيها لما شافها ؟؟؟
مسكت الجوال ودقت على مالك اللي مارد عليها
رسلت له مسج ....
هلا بالغالي اللي يتغلى .... هلا بأول صفحه من حياتي
الجديدة ...هلا بنور عيني اللي ما صارت تشوف غيره
...هلا بحياتي اللي شلتها بين كفوفك ...هلا بريحه هلي
واللي يعزونهم ....
اشتقت لك عدد نجوم السما وعدد حبات المطر ....لو قلت
وش قلت لي أدري مو من قلبك ...لأني أنا اعرف معدنك
زين .... وعندي إحساس كبير انك لي أنا ومحد غيري مثل
ما أنا بكون لك أنت ولوحدك ...
اسمح لي اسمي حالي حبيبتك من بعد ما نشلتني من ماي
عشقك ...ومن بعد ما ختم فمك على فمي اللي ما نسيت طعم
قربك ...ومحد تجرأ يلمسني غيرك .... وتأكد إني سعيدة جدا
بذكرياتي ....جرأتي سر حبي ...لك كل أحلامي حبيبي
....حبيبتك النور .
,,
كانت جالسه لوحدها في الغرفة ودموعها لها أول مالها آخر
كانت تبكي على حالها وعلى راشد اللي راح بسبب انه قربها
هي مثل المرض المعدي من قرب له انصاب ...
معقولة راشد راح من يدها ...يصير يكون تحت التراب ؟؟
مجرد التفكير بهذا خلاها تصرخ من راسها جات لها أمها
تركض وتهدأها
أم تركي" يمه بنيتي بسم الله على قلبك عمري
ميثه تبكي " راااااااااااااشد حبيبي
أم تركي" يمه راشد بخير بس أنا شفتك نايمه ما حبيت إني
أزعجك ...
ميثه تطالع بعيون أمها تدور على الحقيقة من بين
عيونها".................
أم تركي" هم خبروني انه بخير لكنهم حاطينه تحت
الملاحظة وان شاء الله بيقوم منها
ميثه تحضن أمها وتبكي لكن هالمرة من الفرح
\\
//
في اليوم الثاني وفي النمسا وعند صيته وماجد ...
كان ماجد جالس على السرير ويطالع بصيته اللي كانت مثل
الملاك نايمه على جنبها وشعرها ملخبط على وجهها
قرب منها ماجد بابتسامه وصار يرفع الخيوط الحرير من
شعرها عن وجهها لحد ما بين بياض وجهها
قرب منها وباسها بوسه طويلة جلستها من نومها
صيته بخجل" صباح الخير حبيبي
ماجد" صباح الجمال
صيته منحرجه منه" فطرت ؟؟
ماجد" وأنا اقدر آكل شي قبلك ؟؟
صيته بتموت بمكانها" طيب روح الصالة الحين بس اتروش
أجهز لك فطورك
ماجد بنظرات متلهفة" بس أنا مو جوعان
صيته تبتسم له" والله أنا أعرف أغلي الحليب لا تخاف
ماجد يبتسم لها" أنا أخاف ؟؟ إي بالله أنا أخاف على حالي
من نظراتك وأخاف انك تتركيني لوحدي
صيته تغير الموضوع" اليوم بنروح البحيرة؟؟
ماجد" أنا أحس إني مكسل وما ودي أقوم من السرير
صيته استغربت من رومانسيته اللي زادت عن حدها اليوم
لكنها ما علقت وقامت تغسل لكنه مسكها من يدها وطلب منها
إنها تظل بجنبه لحد ما ينام
صيته انصاعت له لكن بقلبها تدعي على نوف ألف مره .....
,,
في غرفة نواف ونوف ...
نوف" حبيبي أبغي أكلم بيت أهلي ..
نواف" يا عمري دقي لازم تستأذنين ؟؟
نوف" وش أسوي بعمري ذوووق
نواف يبتسم لها" في كل شي ما شاء الله عليك ...بس تدرين
متى احكم عليك صح ؟؟
نوف " متى ؟؟
نواف" لما نرجع البلد ... وأجرب طبخاتك
نوف" ههههه طلبت غالي يا ولد عمي ...تدري إني ما
أعرف أسوي شي
نواف" هههههه علينا ؟؟ ما أتوقع أخوك تركي وما تعرفين
تطبخين
نوف" هههههه وش له ها لسيره من صباح الله خير
نواف" هههه ...أقول دقي على العرسان بنظل ننتظرهم
كثير؟؟ خلص اليوم وهم بفراشهم
نوف بابتسامه خبيثة" تعبت وأنا أدق عليهم وما ردوا علي
شكلهم ذايبين في العسل
نواف بيجننها" هذي العرسان مو أنا حسره علي
نوف حطت يدها على خصرها" وش قصدك ؟؟
نواف مو ملتفت لها حتى يغطي على ابتسامته" يعني اللي
يشوفنا يقول متزوجين من سنتين
نوف" اوووه حراااام عليك نواف ...خاف من ربك ...
يعني أنا مقصرة بشي ؟؟
نواف" اوووه كثير مو شي واحد
نوف عصبت جد" مو مشكله ...وطلعه ما ني طالعه وروح
اطلع لحالك
نواف يبتسم " والله براحتك ..يا كثر البنات اللي تارسين
الشوارع ويدورون واحد مثلي ....وسيم
نوف جن جنونها وصارت تتوعد فيه وترمي عليه كل شي
قدامها وهو يتحاشاهم وميت ضحك على تصرفاتها
\\
//
في الشرقية ....
كان مالك جالس بغرفته وحاط يده على راسه
وش يرد عليها ويقول .... هذي مو جرأه هذي وقاحة
كيف ترضى على حالها إنها تحط حالها بهذا الوقف قدام
رجال غريب عنها ؟؟
معقولة تفكرني راح أكون لها ؟؟ يعني أنا ارفض العفاف
والطهر شيماء بنت خالي وأفكر بوحده مثلها؟؟
أنا آخذك وإنتي ملاذ كل هارب من واقعه ؟؟؟
والله انك ما عرفتيني زين يا بنت عمي ....
في هذا الوقت دقت عليه نوره
مالك يرد وهو ياخذ نفس طويل " هلا والله
نوره بصوت مرتاح" هلا مالك كيفك؟؟
مالك" الحين صرت زين من سمعت صوتك
نوره مستغربه"...........
مالك" نوره ....
نوره بهدوء" آمرني
مالك" أنا آسف ...كنت قاسي معك شوي
نوره بدلع" شوي ؟؟
مالك" هههه لا مو شوي .....كثير
نوره راحت فيها بعد ضحكته اللي تسمعها أول مره" مو
مشكله يا ولد عمي
مالك" نوره ...أحبك تناديني باسمي
نوره" مالك ...أحلى اسم
مالك بحنان مبالغ فيه" اللــــــــــــــه الحين بس عرفت إن
أبوي سوى فيني خير لأن اسمي طالع غير شكل من لسانك
نوره" هاهاهاي ... وكأنك واحد ثاني متأكد انك مالك
مالك" والله أنا هذي شخصيتي ... لكن يوم كلمتك هذاك اليوم
كنت متضايق الف
نوره" بسم الله عليك من الضيق.....
مالك ...انت تعني لي الكثير
مالك" أشكرك ... وأنتي إنسانه طيبه كثير
نوره " بس ؟؟
مالك" نوره كيف عرسانا ؟؟؟ ما تكلمينهم
نوره تضايقت لأنه غير الموضوع" هم بخير ويسئلون عنك
...كل يوم نكلم صيته , ليه أنت ما تكلم ماجد؟؟
مالك " إلا أكيد ماجد حبيبي واخوي ...لكن ها لفترة صاير
في سوء تفاهم بينا
نوره بخوف" كيف كانت علاقتكم ؟؟؟ يعني تفضفضون
لبعض وأسراركم عند بعض ولا كيف ؟؟
مالك بخبث" والله شخصية ماجد غريبة شوي عنده قاعدة الله
يهديه صديقك اللي يمك ...ومن يروح عني ينساني
ماجد هو صديقي من أيام الدراسة لكن من راح بلاده تدرين
العلاقة ما راح تستمر بنفس الطريقة...لأن المكان والزمان
يغيرون شوي ...والبعيد عن القلب بعيد عن العين
لكني ما أنكر إني أحبه وأغليه
نوره" أصلا ماجد ما عنده شخصيه ...الله يساعد أختي عليه
مالك ما قدر يتحمل يسمع هذا الكلام على ماجد" لو سمحتي
لا تتكلمين عنه بالشينه
نوره " أنا آسفة ما كان قصدي
مالك محتار كيف يتعامل معها" لا تتأسفين صحيح الرجال
غايب لكن ملائكته حاضره ....
نوره" خلينا من سيرة ماجد كلمني عن نفسك ...
أبغي أعرفك زين ....
مالك يتهرب " عن إذنك نوره لكن أمي تنتظرني أوديها بيت
خالي
نوره بضيق" راح اسمع صوتك مره ثانيه ؟؟
مالك" ما أوعدك لكن بحاول
نوره " ايي بس ...
مالك يقاطعها" سلام
قفل الخط ورمي حاله على السرير وهو متنرفز حده " أنا لك
يا نوره لحد ما تعرفين إن الله حق ...
وأنت يا عمي أتحمل ما يجيك لأنك انت اللي بديت والبادي
أظلم
...................
,,
|