ووقف يدور حواليهــا : أنتــي الكـرت اللي بلاعب جنـى فيـه ... سكـت شوي بعــدين كمــل : 72 ساعـه بس وبتكــون أختــك هنـا بالشقــه هـذي واقفـه وقفتـك هــذي ذليلــه وراسهـا للأرض بس بفرق بسيط أنتـي انغـدر فيك وهــي بتجــي لهنـا بكــامل رضاها عشــان تحمــي اختهـا من الفضيحــه وقرب حتـى وقف على راسهــا : اللحيـن فهمتـي ايش الحكـايه ياحبــي ...
:وتـوته تــوته خلصـت الحتوته صح يا فـارس!!! ...
فارس بذهـول لف علــى صاحــب الصوت :نايف وش تســوي فيــذا ... يـوه غيرت رايك بس راحـت عليك أنا نسقت مـع جميــل ...
نايف يمشــي بهـدوء لمـه :افاا مـاكـان هـذا العشـم يافارس ..!!
فارس :طيب وش فيك مسوي ثقيــل ترى ماعنـدك أحــد ...
نايف :ماعرفتنا علـى بعض ...
فارس بضحكــه :وين أعرفكم علـى بعض ماتشوف البنت شوي وتمــوت بعـدين هذي نظيـفه ماهـي من خوياتك ... واذا كنت مصـر على التعـريف مهنا مانــع ... وجاء وقف جنبــه :اعرفك يانايف علــى وهج محمـد الـ .....
وانتي ياوهــج أعرفك علـى نايف فلان الـ ......
وهــج كانت حاس بجسمها مخـدر وماكانت تصدر منهـا أي ردة فعـل بس يوم سمعـت الاســم صدرت منهـا شهقــه مخنوقــه ...
فارس التف علـى نايف اللي كان واقف جنبـه ويطالعـه برود :هاه خلصنـا من التعريف وش الخطـوه الثانيــه ..؟!!
نايف هـز كتف بعـد مبالاه وقال :الخطـوه الثانيــه بتوديك علـى قبرك بـدري ...
فارس :هههههههههههههههههههههههههههههههههههههههههههههه
هههههههههههه...
وش فيك نايف قاعــد تقط حكــي ...
نايف مارد عليــه بس راح للباب وفتحــه بمفتاحــه اللي رماه علــى وهـج وقالهـا :اظنـك عرفتــي من انا واللحيــن خذي المفتاح واجلسي بسياره تحـت لين اصـفي حسابتـي هنـا ..
فارس جالس يطالع فيــه ومصدوم مـو فاهــم وش اللي قاعـد يسويــه نايف ...
نايف يوم ماشاف من وهــج أي ردة فعـل راح لهـا وبحـركه وحـده سحبهـا ورمـاها برى الشقـه ورمـى المفتاح عليهـا وصك الباب ...
فارس بقهـر :وش الحركه البايخه هذي بعد ..؟َ!!.. لوهـربت اللحين وش اســوي فيك .. راسـك مايكفينــي ..ومشــى بيروح الباب ...
بس نايف كان اسـرع منــه ومسـكه قبل مايوصل الباب ورماه بكـل قوتــه علـى الارض :والله أنتــي اللي راسك الليله مابيكفينــي ....
فارس قام وبغضب حاول يضــرب نايف بوكـس على وجهـه بس الحركـه ذي ماغابت عن عين نايف اللي غير مكانه بخفــه ....
فارس بقهــر :اللحيـن أنت وش تبـي وش جايبك هنـا ...
نايف بسخـريه :جاي اتفـرج عليك وأنت تلعب فـ بنت خالي ...
فارس يوم سمــع كلمـة نايف انخطف لون وجهه وصار شاحـب ...
نايف :اللحين عرفت وش ابغى فيك يالخسيس ...
فارس صرخ فيه: اللحيــن صرت خسيس ولاكأنك كنت مشاركنـي فكـل مخططاتــي فأذا كنت انا خسيس فانت راس الخسـه ... بعـدين وش تفرق معاك بنت خالك ولاغيـرهـ ...
قطــع كلامــه نايف اللي ضربه كف خلا الارض ادور فيــه ودفــه علـى الجـدار اللي وراه وبعـد ماطاح علـى الارض اركلــه مع بطنـــه ...
فارس اللي طايح على الارض رفع راســه وبيده كان يمســح الدم اللي نزل من فمــه :على فكــره حتـى لو كنت ادري من قبل انها بنت خالك ماراح تفرق معــي ...
نايف ماتحمـل كلامــه وركـله ببطنــه وبنفس اللحظـه فارس مسكــه مع رجلــه وطيحــه على الارض ...
كان كلــهم علــى الارض وبالوقت نفســه تحـركت يديـهم علــى هـدف واحــد سكينــة نايف اللي كان رابطهـا على خصــره بس يد فارس كانت اقرب فسحب السكيــن ووقفم كلهم بنفـس الوقت ...
نايف لفارس اللي كان رافـع السكيـن بوجهه :صح هــي معك بس ماتقـدر توردها ..
وتراجــع خطـوه علــى ورى (نايف وفارس كانوا كلاً واقف بوجـه الثانـي وكأنه وحـش بينقض علــى فريستــه وكانوا يتحركـون حول بعض وبينهـم مسافه وهم يتكلمــون )
فارس حرك رجله بخـطوه متردده :للأسف للحيـن ماعرفتنـي زين يانايف صدقنـي اقتلك بدم بارد وبرجلي اتوطيء جثتـك ..
نايف اللي ثابت بمـكانه بضحكــه رنانه :طيب خــلك من الكــلام ورنــي افعـالك ...
خطــوه وحـده من فارس كـانت كفيله أنهـا تقربه من نايف ويرفع السكيــن على وجهــه بيشوهه بس نايف كـان اسـرع منـه وتلقى السكيــن بيــده اللي سال الدم منهـا بقوه ....
فارس تراجــع وهو يلهـث :المره ذي كنـت ناوي علـى وجهـك بــس المـره الثانيــه تـرحـم علـى روحــك ...
نايف اللي ضاغط علـى يده اللي تنزف :رخمـه وطـول عمـرك بتظـل رخمــه ليه تعدد لـي وش بتسـوي فينـي ورنــي مالازم تحذرنـي قبل ...
فارس قرب منه بثوره بس نايف ركلــه مع بطنــه بقـوه افقـدته انفاســه ...
طاح فارس علـى الارض والالـم منـعه من الوقوف أخذ نايف السكيـن معـه
وطاح فيــه ضرب ليــن افقـده وعيــه ...
|