ياســر اللي تخدر من كلامهــا جلس يناظـر بجواله لين طفت اضاءته ,,حرك سيارتـه وهو زي المسحـور لدرجـه أنه طاف الدوار اللي قدام بيتهـم ثلاث مرات .. نزل عن دكـان قريب من بيتهـم يشتري سجائر ويوم طلع نسـى سيارتـه ورجـع للبيت مـشي ,,, وصــل البيت وبدال مايروح لغرفتـه راح المطبــخ ..
ياسـر وهو يضرب راسـه :اووووووف أنا وش جابنـي هنـا ...
فتح ياسـر الثلاجــه وطلع عصيـر تفاح اللي كان جنبــه خــل ,,, صب له نص الكأس شغل سيجارته وجلس على الطاوله بيشرب اول ماذاق طعمه رجعه بالكأس ومن الطعم الاذع اكتشف أنه بدل مايصب عصيـر تفاح أخذ خــل التفاح
جلس ياســر يشرب ماء لين حس أن طعم بدا يخف ,,طلع غرفتــه وهو يحس أنه دايخ اول ماحط راســه على المخده جلس يسترجع الكلام اللي قالته له سالي وصورتهـا وهي تفك اللثمــه وتضحك
كل ماقفـل عينه شافهـا قدامـه ياسـر بصوت مسموع :ماني مصدق أنها تعرف تقول كلام حلـو حسبـي الله عليهـاطيـرت عقلــي بصوتهـا الناعـس ...
ياســر بعصبيه حط المخده على راســه وهو يقوووول:الله يحرمك النوم مثل ماحرمتيــه عينـي ,, وانقلـب على الجهه الثانيه :متــى يجي يـوم الخميس ,,وبتنهيـده : يابعــدك يالخميـس ...
جلست تقلب الجـوال بيدهـا وتكلم نفسهـا:معقـوله كلمتـه أمس وأنا نايمـــه لا أنـا اكيد اتخيــل ,,مثل اشيـاء كثيره تخيلتهـا وهي ماصارت بالواقـع مثل السعود اللي شفته هنـا بالرياض وهــو بأمريكـا ,,صح صح انا اتخيــل ماكلمتــه ...
وهج اللي ملت من حالتهـا:طيب روحــي للمكالمات المستلمـه وشوفــي اذا فعلاً اتصـل ورديتي عليه ولا هذا واحد من أحلامك ..
سالي :لا أجلـس كذا مادري افضل من أني ادري اني كلمتـه وانا نايمــه ..
وهج :طيب جيبي خليني أشوف ..
سالي :لا مستحيل وشوفي وش بسوي ..دخلت على المكالمات المستلمـه ومسحتهــا كلهـا ...
وهج :احسن بعــد ,,وطالعت بساعتهـا :وش فيها عبير تأخرت ..
سالي :يمكن ماجات ,,وش تبغين فيهـا مأكفيك انا ...
عبير من وراها :لا ياشيخـه تكلمين فيني من وراي ,,اجل خلاص برجع الفطور اللي اشتريته لك ...
سالي اللي ميته جوع على غداها أمـس :لا انا ماقصد اللي فهمتيــه انا.......
عبيــر:أكيـد ماراح تقدرين تقولين كلمتين على بعض لأنك ماتعودتي تقولي كلمـات طيبه كل كلامك هواش وطنازه ...
سالي وهي تجر الكيسه منهـا:أقوول جيبي بس ...
عبيــر:يمه انتبهي بس لاتاكلين القراطيس بعــد ,,مو جوع هذا اللي يسوي فيك كـذا ....
نزل تحت وغتــرته على كتفه ,, شاف أبـوه جالس يتقهــوى ويقـرأ الجـرايد ناظر بسـاعتـه وشافهـا عشـر استغـرب وجود أبوه هالوقت فالبيت ...
ياســر سلم على ابوه ووقف بيطلـع ...
أبو ياسـر :وين بتروح اجلس شوي ابيك ...
رجـع ياســر وجلس على الكرسي اللي قدام أبوه :آمـر طال عمـرك ..
أبو ياسـر اللي نزل الجريده قال بجديه:وش سويت مع شركة صالح ..
ياســر:صالح مـن ..
ابوياســر: ليه فيه غيـره صالح الـ...... جد ولد عمك ..
ياســر وهو يحاول يهدي نفسـه:للحين ماسوينا شـي بس اتفقت معهـم بنوقع يوم الخميـس ...
أبو ياســر:زين سويت ذي الناس اللي ينوثق بشغـل معهـا ,,,كنت خايف لاتدخـل بمغامرات مع شركات صغيـره وتوهق عمرك ...
فاطمــه :لاتخـاف على ياســـر هذا ولدي ذيب مثــل أبوه ...
طالع ياسـر بأمــه وابتســم وهو يقول بداخله :الله يستر منك لودريتي ولدك الذيب وش ناوي عليه ...
فاطمــه :مادريت يابوياســر..
ابوياســر بأستغراب :ادري عن ايش ..؟؟
فاطمـه بشماتـه :يوم الخميـس ملكـة بنت أختك على ولد عمهــا ...
أبوياســر:وش قاعده تقـولين انتي من جايبــه هالكلام ..؟؟
فاطمـه بأنفعال:من وين بجيبــه ,,أم سالم اتصلت تعزمنـا على ملكة ولدها ..
أبو ياســر:بس هذا مايصيــر حنا متكلمين على البنت من يوم كانت صغيـره وحاجزينهـا لياســر..
ياســر بهالحضـه شرق بالشاي اللي يشـربه وجلس يكح لين دمعة عيونـه ..
فاطمـه وهي تمد له كاس مويا:بسم الله وش فيك أنت الثاني لاتكون تبغيهـا...
ياســر:لا ,,لأبيهـا ولابي غيـرها انا اللحين مافكر بالزواج (لاياشيخ ومن اللي بيملك يوم الخميس ههههههههههههههههههههههههههههههههههههههههههه)
أبوياســر:تبيهـا ولا ماتبيهـا ,,هذا مايصيــر كيف أختـي تكسـر كلمتي وتزوج بنتها ومن وراي ..
فاطمــه اللي كانت تبيهـا من الله :اللحين مو وقت التشره البنت راحت فحال سبيلها والله يوفقهـا ولدك ألف بنت تمناه ,,وعنده بنات خالتــه اللي يسـون فاتن وطوايف فاتن,,هاه يمــه وش قلت ..
ياســر :اللحين ماني مستـعد للزواج ..
فاطمـه :طيب لاتزوج اللحين بس خلني اخطب لك قبل ماتطير البنت من يدينـا ...
ياســروهو يوقف وبأبتسامه لأمــه :سوي الي تبينه يمه ...
سالي :يالله وهج بنطلع دقيت على راجو واللحين هو برا ..
وهج بصراخ:وشووو على كيفك انتي تصـرفين انا ابغــى أحضــر المحاضـره ..
سالي وهي تجرها توقفهـا :امشي بس خلي عنك العناد هذا ,,عادي ماعمرنا غبنا عندها...
عبيــر:بتطلعون وأنا ..
سالي :انتي اجلسي اكتبي المحاضره عشان ننقلهـامنك ..
عبير بقهـر:انشاءالله عمتـي سالي انتي تامرين أمـر ...
سالي :يالله عاد عبيـر ياما نقلتي مني ماقلت شي ,,بعدين احمدي ربك احط يطلب منك المحاضره انتي وخطك اللي تقل جرت دجاج ..
عبيــر :أنا خطي مثل جرت الدجاج ..
سالي :لا أنا ..
عبيــر:اذا أنتـي مافيه شك ...
وهج وهي ترفع نظرها لسمـاء:الله يكملكم بعقـولكم ...
عبيــر:ليه وش شايفتنـي ناقصــه ,,ادعـي لخالتك هي اللي محتاجه دعوه مثل هذي ..
سالي اللي طفرت من هم :وهج بتجين ولابروح لحالي ..
وهج :خلاص بجي معك ,,والله يعين على أمي اذا شافتنا راجعين بدري..
سالي :ولا يهمك خلي هذا علي بس انجزي عطلتين ...
دخلن البيت اللي كان فاضــي مع الباب الخلفــي طلعـت وهج فوق وسالي راحت للمطبــخ اللي كان فيـه أم ناصــر وناصــر وكان يتكلمـون عن سالي جت بتدخــل بس يوم سمعت كلامهم اللي انصدمت فيه وقفت تسمــع...
ناصــر:مستحيــل اشــاركم باللي ناوين تســونه ,,تدرين هــذا وش يسمـونه يمــه خداع استغفــال ...
أم ناصــر:حنا نبي مصلحتهــا وماقدامنــا اللا هالطريقــه ولاتبي ابوي يخســر فلوسه وسمعتــه بسبب دلع ساليووه ..
ناصــر:مهما قلتي هذا مايبرر لكم اللي ناوين تســونه ,,هي حره ماتبي تزوج وبعدين هي مو بضاعه عشان جدي يبيعهـا ولا هذا تصــرف واحد عاقــل ...
أم ناصــر:ناصر اللي جالس تكلم عنــه هذا جدك اللي عايشن بخيـره ,,ولاتنسى وقفتـه معنـا بعـد وفاة أبوك ...
ناصــر:مساعدته لنا ماتعني أنا نوقف معه على حق أو باطــل ,,اللي يسـويه جدي هذا شــي مايرضي الله ...
أم ناصــر:كيف يعنــي منت مودي سالي للقصيــم مثـل ماتفقت مع أبوي ...
ناصــر:لا ,,ومو كنتم متفقين أن سعد هو اللي يجي يأخذهـا ...
أم ناصــر:أنت تدري باللي بين سالي وسعــد ...
ناصــر:يمــه افهميني أنا مأقدر اكذب على خالتي واقول أن جدي مريض,,أنا اصلاًمو راضـي بالموضوع الخطبـه من بدايتـه تبغيني اكذب ..
أم ناصــر:بتوديـن أنا وسالي يوم الاربعــاء ولاتراني غضبانه عليك ليوم الدين ..
ناصـربانفعال :يمه وش هالكلام حرام عليك تجبريني على شي مابغاه ...
أم ناصـر وهي توقف بتطلع :هذي اخر كلمه عندي ..وطلعت ..
سالي أول ماحست إن أم ناصـر بتطلع ركضت على طول وتخبت ورى طاولة التلفزيون ...
شافت أم ناصـر وهي طالعه فوق لغرفتهـا ...
دخلت على وهج وهي سرحانه وتعض أصبعهـا السبابه ...
وهج :وين الفطور ..؟؟
سالي :هاه ,,لقيت ناصـر وأمك بالمطبخ فرجعت ...
وهج الي جالسه على الكمبيوتر:مالت عليك وكل هالوقت وش تسوين ...
سالي:اووووف هو تحقيق ,,خلاص قلت لك لقيتهم بالمطبخ ورجعت ...
وهج جلست تكلم بس سالي ماكانت تسمعهـا لأنهـا سرحت تخطط لأهلـها وكيف بتوقعهم بالحفره اللي حفروهـا لها ...
فاطمــه:على ويـن العـزم ..؟
ياســر اللي كان لابـس جينز اسود وتي شيرت بيج كت ماسك على جسمـه :بروح القصيـم عندي شغـــل ...
فاطمــه بتريقـه :عمتك بتزعــل وبتأخذ بخاطرها لودرت أنك ماحضــرت ...
ياســر:ولو يمـه وأنتي وين رحتي سلمي لي عليهـا وباركي لها ولفاتن بنيابـه عنــي ...
وجلس ينادي: ميرري,, ميررري ...
فاطمـه :وش تبغـى فيهـا ..؟
ياسـر:ابيهـا تطلع ثيابي وتعلقهـا بالسياره ...
فاطمـه :بتروح بري ..
ياسـر :ايه انشاءالله ..
فاطمـه بحنيه :انتبـه لاطريق ..
ياسـر :انشاءالله لاتخافين علي ولانسيتي اني ولدك الذيب ...
فاطمـه :اطلع أنت وأنا اخليهـا تلحقك بالثياب ..
ياسـر وهو يحب راس امه :اجل يالله مع السلامـه ..
أول ماركب سيارتـه طالـع بشكلـه بمراية السياره ومرر يده على ذقنــه :يابيله تنعيــم ,,لازم اطلع اليوم صدق معـرس,, وأمـي تبني احضـر ملكة بنت عمتـي طيب وأنا من يحضـر بدالي ملكتـي
هههههههههههههههههههههههههههههههههههههههههههههههههه ههه
هههههههههههههههههههههههه..
جابت له ميـري ثيـابه وغترته وعلقهم بشبابيك السياره اللي ورى ...
راح بالبدايه للحلاق بعـديـن اخذ طريق الرياض القصيــم وطار بسيارتـه...
وبسيـارتـه يصدح محمـد عبـده برائعتــه ليلة خميـس ...
ليلة خميس طرز بها نور القمر
شط البحر نصف الشهر..
و الليل من فرحه عريس ليلة خميس...