الجــــــــــــــــــــــــــــــــــــــــــــزء العشـــــــــــــــــــريـــــــــــن
(الجزء الاخير)
قرب ابراهيم من بدر ولقاه بدون اي حركه او نفس..قربت لينه وهي خايفه وللاسف لقته مااات وقلبه ماينبض
لينه بمنظريقطع القلب: لاا فيصل ذبح بدر لااااااااااااا
غاده وهي تبكي: لييش ليش يابدر سويت فينا وفي نفسك كذا...؟
نزل ابو فيصل وام فيصل بعد ماسعموا صوت الرصاص والصراخ وطلعت ام ناصر من غرفتها
ام ناصر: ياحافظ وش صاير..
ام فيصل: وش هالصوت..؟
جاوا ام ناصر وام فيصل وشافوا لينه في حالة انهيااااار وغااده واقفه مكانها لاصوت ولا حركه..وابراهيم مايفرق عن حال غاده
ولاما تبكي وفهد يبكي ووجد ترجف من الخوف وتصيح....وجثة بدر ومغرق الارض بدمه....وفيصل واقف مكانه..
ابو فيصل: وشفيكم؟؟
في هاللحظه دخل نايف وزياد وانفجعوا من منظر بدر...
نايف وهو مفجوع: وش صار..؟
قرب زياد من بدر وبأسف: الله يرحمه..
ابراهيم بصوت متقطع ودموعه بعيونه:....فيـصل ذبح بدر..
ام فيصل صرخت صرخة ام على ولدها وام ناصر ولاول مره بكت وحست انها مو قادره تسوي شي وكأنها انشلت..اما ابوفيصل
ماقدر يتمساك وحس بتعب وطاح على الارض
ابراهيم: يبا...
نايف: عمي..
زياد: قوموا نوديه المستشفى..
راح زياد وابراهيم يودون ابو فيصل المستشفى وبقا نايف مع فيصل اللي مانطق وحاس انه مو قادر حتى يفكر
نايف بألم: فيصل ليش سويت كذا...؟
ام ناصر وحاسه ان قلبها بيوقف:فيصل ليش ياولدي ليش..؟
ام فيصل: ياقلبي على ولدي (وهي تزيد في صياحها) ااه ياربي..
فيصل ونطق بعد ماكان ملتزم الصمت: هو اللي جابه لنفسه...يبي يعذب زوجتي وبغى يذبح بنتي وش تبون اسوي له..بذبحه واشرب من دمه بعد..
نايف: فيصل شلون ذبحته..؟
فيصل: انا اصلا كنت ناوي اذبحه من الاول بس هو اللي جاني بنفسه...
نايف: انت تدري وش سويت بنفسك الحين..؟
قرب فيصل من نايف وحط يده على كتف نايف: نايف...وصيتي لك (وهو يتكلم بألم) من بعدي...زوجتي وعيالي..
بالاول ماكان لهم غير ربي ثم انا والحين مالهم غير الله سبحانه وتعالى ثم انتم..
نايف ماقدر يرد على كلام فيصل وحس ان دموعه بتنزل: زوجتك وعيالك بعيوني يافيصل..
راح فيصل لـ لينه اللي حالتها كانت حاله عقب اللي صار
فيصل: قومي..
وقفت لينه وهي تبكي
فيصل وهو يحضنها ودموعه بعينه لاول مرره بحيااته: ابي اضمك لصدري ولو لاخر مره بحياتي..
لينه وهي على حالها: فيصل حرام عليك..انت وعدتني انك ماتتركني وين وعدك لي..؟..وين وعدك اني ببقى لك مهما حصل..؟
فيصل بعد مانزلت دمعته: لينه لاتزيدين علي الله يخليك..
لينه وهي تبكي: وين وعدك بتتركني..؟..مين بيربي معي فهد ووجد..مين بيمسح لي دموعي..مين بيهتم فيني لما اتعب مين بيحميني..؟
فيصل بألــم: ربك موجود..وان شاء الله اخوانك معك وابراهيم ونايف وخالد وعبدالعزيز..
لينه: ما ابيهم ما ابيهم..ابيك انت...
فيصل ودموعه على خده: لاتبكين يابعد هالدنيا...ياعذاابي كله..
ابتعد فيصل وشاف عياله
فيصل بأبتسامة حنان ودمعه على خده: تعالوا..
قرب فهد من ابوه وحضنه
فيصل: فهد حبيبي انتبه لماما ووجد واسمع كلام ماما...
فهد بصياح: تيب..
فيصل: ليش تصيح حبيبي..؟
فهد: عشان اانا احبك
حضن فيصل فهد بقووه اكبر: وانا احبك...بس الرجال مايصلح يبكي..طيب..؟
فهد وهو يمسح دموعه: تيب
التفت فيصل لوجد واشر لها بحضنه وجاته تركض تحضنه بقوه وكأنها حاسه انها اخر مره بتشوف ابوها
فيصل: خايفه حبيبتي..؟
وجد: شوي..
فيصل: لا لاتخاافين دام..(فيصل كان يبي يقولها دام بابا موجود بس...) لاتخافين..البنت الحلوه ماتخاف طيب..؟
وجد وهي تمسح دموعها: تيب..
فيصل: لينه...انتبهي لفهد ووجد..حطيهم بعيونك..لينه لو كبروا تكفين فهميهم
ان اللي سويته لاني احبكم واخاف عليكم...لاتخلينهم يحطون في بالهم ان انا انسان مجرم وقاتل
تكفين فهميهم ان اللي صار كله غصب عني...
لينه ماقدرت ترد على فيصل الا بالبكي..
بعدها وصلوا الشرطه والاسعاف وخذوا فيصل..
فيصل.......ااه ياربي...الحين مصيري وعرفته بس وش مصير عيالي..وش مصير زوجتي..
شلون بيعيشون عيالي بين الناس ويقولون لهم ابوهم مجرم...خواتي ازواجهم ماراح يطلقونهم...
اهل غاده وش بيسون...معقوله كل هذول بتنهدم حياتهم بسببي...لينه
.................................
رجعت الذاكره بفيصل ليوم كان مع لينه وكانوا مسافرين
لينه: وين رحت..؟
فيصل: جاني تلفون..تأخرت عليك..؟
لينه: لابس بردت..
فيصل: يعني انا اللي بدفيك..؟ ههههههه
لينه: هههههههههه(قربت لينه من فيصل ومسكته من جكيته وصارت تغني له)ياللي انفاسك دفايه ولمست ايدينك شفايه يكفي بس تبقى معايا من هو من بعدك مهم..
فيصل: ههههههه كل هذا عشان التلفون..؟
لينه: ههههههههههه اي مره ثانيه لاتخليني
فيصل: من عيوني ماراح اكررها
لينه: يعني وعد ماراح تتركني يوم من الايام..؟
فيصل: وعد..
.................................
..ااه يالينه..وشلون بتعيشين من بعدي..
الفتره اللي باقيه لي من عمري اهلها بيخلونها على ذمتي...عيالي بيعيشون عند اهلي ولا عند امهم واهلها..
انا اللي كان ينضرب فيني المثل واهلي يتشرفون فيني..والكل يتمنى قربي..صرت مجرم والكل مايبي اسمه يرتبط فيني..
ياربي (رفع فيصل يده) يارب ترئف بحالي وحال زوجتي وعيالي ياربي تفرجها علي
.................................................. .....
طلع الدكتور
ابراهيم: بشر يادكتور الوالد وشفيه..؟
الدكتور: ارتفاع في الضغظ بس الحمدلله لحقتوا عليه..
زياد: والحين كيفه..؟
الدكتور: الحين الحمدلله...وان شاء الله بتتحسن حالته..
زياد: ان شاء الله...يعطيك العافيه..
الدكتور: الله يعافيك..
ومشى الدكتور وخلاهم
التفت زياد لابراهيم ولقاه دافن راسه بين ايديه
زياد: اذكر ربك..
ابراهيم: لا اله الا الله..لااا اله الا الله...رحمتك ياربي..
زياد: الله يفرجها..
ابراهيم: يااارب...الحين وش بيصير في فيصل
شلون بنعيش بعد فيصل...وزوجته وعياله اللي مالهم ذنب...وعمي ياربي المصايب كلها تجي مره وحده..
زياد: استغفر ربك هذا قدر ومكتوب...
ابراهيم: استغفرك ياربي واتوب اليك...
.................................................. .....
ابو بدر اول ماعرف باللي صار...جاتها سكته قلبيه وانقلوه للمستشفى...
لينه بعد ما اخذوا فيصل وجثة بدر ماقدرت تستحمل وطاحت عليهم..وجاتها مزون وكل اهلهم بعد ماعرف الكــــل باللي صار
في غرفة لينه
مزون كانت قاعده مع لينه ولينه كانت منهاره ومزون كانت حالتها حاله على لينه وفيصل
مزون وهي تبكي:استغفر الله بدر حتى بموته سوى مصيبه
لينه وعيونها وجهها احمر من البكي:اكررهه اكررهه ياليته مات قبل لايوصل هنا
مزون: استغفري ربك...الحين هو ميت اذكروا محاسن موتاكم..
لينه: مزون شلون انا الحين اقدر اعيش من دون فيصل شلون بكمل حياتي شلون بربي عيالي واللي ببطني..؟
مزون: لينه انتي حامل...؟!!!
لينه بألم: اي
مزون: وفيصل يدري..؟
لينه بألم اكبر: كنت بقوله الليله بس..
مزون: لينه لاتقطعين قلبي...
لينه: انا قلبي متقطع على حالي..كل ما احب احد افقده ليش هذا معي انا بالذات..بدر لما حسيت يوم من الايام اني احبه طلع يلعب علي
وراح وتركني...وفيصل لما حبيته وحسيت اني لقيت سعادتي معاه وجبت منه فهد ووجد راح وتركني.. وبكره ما ادري من اللي بفقده
مزون: اذكري الله وقومي معي
قامت لينه مع مزون بخطوات ثقيله..مزون خلت لينه تنسدح على السرير
وقعدت تقرى عليها لين مانامت وبعدها شغلت مزون القران بغرفة لينه وطلعت وسكرت الباب
(ألا بذكر الله تطمئن القلوب)
راحت مزون للعيال ولقتهم نايمين..ونزلت بعدها للصاله
كل واحد كان قاعد ويفكر بهالمصيبه اللي حلت عليهم..
مزون بصوت مبحوح: السلام..
الكل من غير نفس: وعليكم السلام
قام محمد واشر لمزون
ودخلوا المطبخ
محمد: كيفها الحين..؟
مزون: نايمه قريت عليها وشغلت القران وطلعت..
محمد: الله يرحمنا برحمته..
مزون بتردد: محمد..
محمد: نعم
مزون: الحين لو فيصل انسجن بتخلونه يطلق لينه..؟
محمد بضيقه: ما ادري لا تسأليني عن شي..
مزون: يعني بتخلونه يطلقها..
محمد: اوف اقولك لاتسأليني..بس لينه مستحيل ترضى تتطلق ولا حتى فيصل..
مزون: بصراحه لو خليتوه يطلقها فأنتوا اكبر ظالمين..ظلمتوا هالبنت لين ماقلتوا بس
محمد: هذا لو بقى فيصل وماحكموا عليه بالاعدام
مزون: يعني ممكن يحكمون عليه بالاعدام؟؟؟
محمد: ما اضن بيكتفون انهم يسجنونه..
مزون: لا لينه بتموت لو صار هالشي..
محمد: بكره بنجيب له اكبر المحامين يدافعون عنه..
مزون: طيب ممكن يعتبرونها دفاع عن النفس..
محمد: بس فيصل كان معه السلاح من اول ونازل فيه لانه كان ناوي يروح لبدر ويذبحه وربك كتب ان بدر اللي يجيه بنفسه..
مزون: ياربي...والله حرام..
محمد: خلاص سكري الموضوع بروحي متنكد..
.................................................. .........
مر أسبوعين حولوا فيصل فيها للنيابه...ابو بدر دخل بغيبوبه وعدت على خير...
لينه اختفت ابتسامتها وراح صوت ضحكتها...الكل بعد اللي صار حاولوا يتماسكون نفسهم
فهد ووجد ماعادوا مثل قبل بالعكس صاروا هاديين اكثر من اللزوم وما ينسمع لهم صوت واذا تكلموا اسألوا عن أبوهم
.................................................. .........
في بيت بو عبدالعزيز
خالد: يمه وين عهود..؟
ام عبدالعزيز: فوق ياولدي..
خالد: تغدت..؟
ام عبدالعزيز: لا والله تقول مو مشتهيه
خالد: بروح اشوفها..
طلع خالد لعهود
دخل الغرفه ولقاها قاعده تقرا القران وقعد انتظر لين ما خلصت..
عهود: هلا خالد..
خالد: وشفيك تقول امي ماتغديتي..؟
عهود: مو مشتهيه شي..
خالد:بس انتي ما اكلتي شي من الصبح..
عهود: ما ابي شي ياخالد.. حاسه اني مو طايقه شي كارهه كل شي حولي..
خالد بحنان: ليه طيب..؟
عهود بدت دموعها تنزل: ما ادري خايفه على فيصل..على مصيره..انت تدري مثل هالقضايا وش عقوبتها (وهي تزيد بصياحها)
شلون ادخل بيت اهلي وما الاقي فيصل قاعد مع عياله يعلب معهم ويضحك معنا ويسولف...يمكن فيصل مايكون مثل ابراهيم
ويبين من برى انه انسان غامض او شديد بس فيصل من الداخل العكس تماما فيصل اخوي طيبة الدنيا وحنيتها فيه
فيصل ما يعرفه زين اللي يعاشره...رغم ان الكل يقول اني اخاف منه بس بالعكس
فيصل احبه احسه ابوي الثاني ما اقدر اتخيل حياتي بدونه..
خالد بتنهيده: الحين ياعهود هالكلام ماراح ينفعك...مالك غير الله سبحانه وتعالي ادعي له وربي بيفرجها ان شاء الله..
عهود وهي تمسح دموعها: ونعم بالله..
.................................................. .........
مر شهرين حالة ابو بدر تحسنت وصارت كويسه...فيصل حكموا عليه...دخل رمضان الشهر الكريم..وقرب عيد الفطر..
عنود ولدت وجابت ولد وسموه فيصل...وعهود جابت بنت وسموها لينه
.................................................. .........
أول ايام عبد الفطر..
الكل اجتمع ببيت ابو فيصل عشان يواسون لينه..
بغرفة لينه..
مزون: ها لينه جهزتي..؟
لينه هزت راسها بالايجاب
مزون: وشفيك حبيبتي..؟
لينه: تصدقين مزون..
مزون: ايوه..
لينه: هذا اول عيد من يوم زواجي اقضيه بدون فيصل...العاده يكون فيصل قاعد قبلي ويقعد يضايقني لين ما اقوم
ولا اقوم والاقيه قدامي قاعد يلبس بس هالمره غير اول ماقمت من نومي وفتحت عيوني قعدت افكر في هالعيد..
شلون بيكون من غير فيصل... (وهي تصيح)والحين بتعود على هالشي وكل عيد بيمر علي بقضيه لوحدي..
مزون: ياقلبي لاتقولين كذا كلنا معك وعيالك معك..
لينه: بس مايغنوني عن فيصل يامزون..
مزون: عارفه والله شعورك يالينه بس هذا شي مكتوب مالنا يد فيه..
لينه وهي تمسح دموعها: الحمدلله على كل حال..
مزون وهي تسحبها من يدها: يلا قومي بس ننزل..
نزلوا الصاله ولقوا الكل موجود لينه قعدت تتلفت وحست انها فاقده فيصل وما احد مالي مكانه الخالي..
سلمت لينه على الكل وقعدت وبعدها بشوي دخلوا الشباب
الشباب: السلام
الكل: عليكم السلام
الشباب: كل عام وانتوا بخير
الكل: وانتوا بخير ...
محمد: كيفك لينه..؟
لينه: الحمدلله
محمد: مو ناوين تعطونا عيديه؟؟
ابو بدر: وش تبي وانا اعطيك..؟
محمد: والله ياعمي انت كريم واحنا نستاهل..
ابو بدر: انا كريم بس انت طماع هههههه
الكل: هههههههههه
محمد: انا عندي عيديه لـ لينه..
لينه ببرود: وشي..؟
طلع محمد برى ورجع بعدها بشوي
محمد: شوفي عيديتك يالينه...(وهو يكلم اللي برى) تعااال حيااك
دخل فيصل عليهم والكل انصدم صدمه قويه وفررح خصوووصاا لينه وفهد ووجد
فيصل بعد ماحكموا عليه وافرجوا عنه راح سكن بأوتيل يومين تقريبا عشان يفاجأ اهله وخلوا جيته يوم العيد عشان تكون الفرحه فرحتين بالعيد ورجعته
فيصل بأبتسامة سعاده وفرح: شخباااركم كل عام وانتووا بخير
ابراهيم: وشرايكم بهالمفاجأه..
اهله كلهم قاموا وسلموا عليه
فهد: بابا اشتقت لك
فيصل وهو يبوسه: حتى انا حبيبي
نطت وجد بحضن فيصل: هلا والله بحبية بابا مااشتقتي لي..؟
وجد: الا كثييير قد البحر
فيصل: ههههههه انا اشتقت لك قد الدنيا هذي كلها
لينه كانت منصدمه ودموعها على خدها من الفرحه
فيصل بعد ما سلم على اهله التفت لـ لينه
فيصل مد ايدينه لـ لينه بأبتساامه تذوب: هلا والله...وحشتيني..
لينه ما قدرت تمسك نفسها وارتمت في حضن فيصل من الفرحه وهي تبكي
فيصل: يووه عاد حتى لما ارجع تبكين
الكل: هههههههههههه
لينه وهي تمسح دموعها: هههههههه اشتقت لك..
فيصل: والله حتى انتي وحشتييني مووت
لينه بابتسامه: الحمدلله على سلامتك..
فيصل بفرح: الله يسلمك ياروحي..
ابو بدر قام من مكانه وحضن فيصل
ابو بدر: الحمدلله على سلامتك..
فيصل: الله يسلمك ياعمي..كل عام وانت بخير
ابو بدر: وانت بخير وصحه وسلامه...بيتك نور برجعتك..
فيصل: منور فيك... (بحزن)عسى مايكون بنفسك شي علي..؟
ابو بدر: ابد وربي يشهد علي..والحمدلله على كل حال..وبدر ما اقول غير انه كان ولدي الله يرحمه ويغفر له
فيصل براحه: امين..
ابو عبدالعزيز: الحمدلله على سلامتك..
فيصل: الله يسلمك
ابو عبدالله: وليش ماقلتوا لنا..؟
فيصل: انا قلت لهم حبينا نسويها مفاجأه..
مزون: حراااااااااااااااام عليكم خبيتوا علينا
عنود: اي والله بس احلى مفاجأه..
فيصل: تعالي بس انتي وين سميي..؟(وهو يكلم عهود) وانتي ترى بنتك بزوجها لفيصل
الكل: هههههههههههههههههه
عبدالعزيز: ايوه تمام كذا
ساره: عشان يصيرون مثلك انت ولينه..؟
فيصل:لالا ما احد مثلي انا ولينه..
الكل: ههههههههههه
ريم: طيب وين عيدية لينه عاد..؟
عبدالله: هذي عيدية محمد عاد فيصل ما ندري عنده عيديه ولا لا..
لينه: لاهالمره انا اللي عندي عيديه لفيصل..
فيصل بأهتمام: وش هي..؟
لينه: مممممم مو حاس ان شكلي متغير شوي..؟
فيصل بمرح: الا سمنانه يالدبه
الكل: ههههههههههههههههههه
لينه: ههههههههههههه اي قربت..
فيصل بفرح: لايكون..؟
لينه بأبتسامه: الا..
محمد وهو يصفر: مبرووك
لينه وفيصل: الله يبارك فيك..
محمد: عاد اللي بيجي تمسونه محمد وتحمدون ربكم اني راضي اسميه محمد
الكل: ههههههههههههههههه
.................................................. ...................
بعدها عاش الكل وكمل حيااته بسعاده مع نصفه الثاني...ووفى فيصل بوعده لـ لينه..
النـــــــــــــــــــــــهــــــــــــــــــــــا يــــــــــــــــــــــــــه
|