الجـــــــــــــــــــــــــــــــــــــــــــزء التـــــــــــــاسع عشـــــــــر
لينه: ها وش تسوون؟
فهد: نلعب مع بابا تعالي ماما لعبي معنا
لينه وهي جايتهم: وش تلعبون..؟
وجد: يلعبون سيارات
لينه وهي تشيل وجد: من الفضاوه حبيبتي
فيصل: ههههههههههه
لينه: وين غاده..؟
فهد: راحت تلبس لاما
فهد ووجد عيال لينه توأم عمرهم تقريبا خمس وهم قمة الشطانه والجمال...لاما البنت الوحيده لغاده وابراهيم عمرها تقريبا ثلاث سنين ونص
سعود ولد محمد عمره خمس سنين بعد ..لمى اربع سنين وهي قمة في البراءه والطفوله والدلع...
عبدالرحمن خمس سنين ولد عزيز وساره الوحيد ومثل ابوه...اما عهود وعنود ونايف وخالد ينتظرون اللي بالطريق
ونايف ولد عبدالله ذكرته قبل كذا وعنده اخت جدييده اللي هي أمل تقريبا ثلاث سنين ونفس الشي احمد ورواء عياال مها ذكرتهم قبل كذا
................................................
بالمطعم
محمد: ها خلاص نمشي..؟
سعود: لا بابا نبي نقعد..
لمى:نبي نلعب
محمد: لا حبيبتي مو زين تاكلين وتلعبين..
لمى: لييييه...؟
محمد: الحين انتي لعبتي قبل لاتاكلين خلاص نرجع..
لمى مبرطمه:.............
محمد: لمى حبيبتي ( عااد لمى دلوعة ابوها) تبين تتعبين وبعدين تروحين الدكتور يعطيك ابرا..؟
لمى هزت راسها بالنفي
محمد: اجل خلاص نخلي اللعب مره ثانيه
لمى: اوف طيب..
محمد وهو يبوسها: مره ثانيه اوديك الملاهي تقعدين طول اليوم تلعبين..
لمى: طيب
محمد: والله لو اوديك دزني لاند ما اضن بين في عينك ههههههههههه
لمى: ايش..؟
محمد: ولاشي ههههه يلا نروح..
................................................
راحت لينه لغاده
لينه: مرحبا
غاده: مراحب حياك..
لينه: الله يحيك (وهي تقرب من لاما) ياربي سلمهم عسل
غاده:خذيها لو تبينها اذتني
لينه: حرااام عليك..يازين هالبنت بس
وجد دخلت تركض ونطت على السرير
لينه: وش جايبك توك تلعبين..؟
وجد وهي تتقرب من حضن لينه: ابيك..
لينه وهي تحضنها: ههههههه والله لانك غيرانه..
وجد بضحكه: يعني ايش...؟
لينه: يعني ماتبين اقعد مع لاما تبيني طول الوقت معك..
وجد بضحك: اي
لينه: الله يستر ترى انا ما احب هالعاده بتبطلينها سامعه..؟
وجد ردت على كلام امها بضحك
لينه: اوريك (والتفت لغاده)..غاده..
غاده: هلا والله..
لينه بتردد: مزون تقول بدر وصل..
غاده: تصدقين عاد انا اخته وسمعت هالكلام ولا شفته..
لينه: جد..؟
غاده: اي والله عموما هو كذا ولا كذا ماراح يفكر يشوفنا..
لينه: الله يهديه..
غاده: الله يسمع منك..
..................................................
بدر وهو يخانق: ياسلام وشلون ماتقولون لي؟؟
نايف: وش نقولك..؟..انت اصلا لك كم سنه وتوك ترجع ماعمرك فكرت حتى ترفع سماعه تلفون تسأل احنا عايشين ولا ميتين..
بدر بعصبيه: ولوو لاتقعد تتحجج شلون هذا يصير من وراي..
نايف: وشو اللي من وراك لايكون انت ولي امرها؟؟
بدر: لينه لازم تتطلق سمعت؟؟
نايف: خير؟؟ وش قلت؟؟ على كيفك هو ؟؟
بدر: لينه لي انا مو بكيفكم..تزوجونها..
نايف: اسمع يابدر انت تدري ان لينه يوم من الايام حبتك وانت كنت تلعب بمشاعرها وحطمتها وسافرت
والحين عقب ماتزوجت وصار عندها عيال ترجع تقول تبيها..
بدر: بكيفي تسمع بكيفي..انا قلت لك تتطلق..
نايف: البنت تحب زوجها..
بدر: لاتكذب لينه ماتقدر تحب غيري
نايف: مو مصدق روح اسألها..
بدر بارتباك: حتى لو انا لازم اهدهم حياتها
نايف: حرام عليك..هذي بنت خالتك ليش تسوي فيها كذا ليش تكرهها..؟
بدر: مالك شغل...
نايف: ماراح تقدر تسوي لها شي يابدر..لينه رغم انها حبتك اول بس ماعمرها غلطت لا معك ولا مع غيرك
واضنك ذاكر شلون كنت تحاول تتقرب منها وهي تصدك عشان تصون نفسها..
بدر بضحكة استهزاء: ومن قالك اني بقول لزوجها الحقيقه..؟
نايف بصدمه: وش قصدك..؟
بدر: انت خبل ولا صاحي؟؟ اروح اقول لزوجها ترى زوجتك كانت تحبني بس لانها محترمه ومتربيه ماكانت تعطيني وجه..
نايف: بدر..وش بتسوي؟؟
بدر: بقوله ان علاقتي بـ لينه كانت قويه وكنا نطلع مع بعض وكانت تحبني واحبها وانها انغصبت عليه وهي تبيني وكانت تكلمني حتى بعد زواجهم
نايف بعصبيه: بدير حرام عليك انت تتهم البنت بشرفها..
بدر بنذاله: كيفي..اسمع انا بروح انام واقوم وبعدها يصير خير..وروح انت شوف لك شغله احسن ماتسوي لي مصلح اجتماعي
راح بدر ينام....نايف انصدم وعرف ان بدر بيسوي اللي قال عليه واول شي فكر فيه انه يكلم زياد...
زياد كان عارف كل شي والسالفه كلها اللي انطوت من سنين وقاعده تنفتح من جديد وفكروا انهم يقولون لـ لينه كل شي و يعلمون فيصل ويفهمونه السالفه
كلم نايف لينه وهي لما عرفت بقت تبكي واتمنت ان بدر مارجع ظهر في حياتها من جديد وخافت انه يهدم حياتها الحين بعد ماحطمها وهي صغيره
لينه بين دموعها...اكرررهك دمرتني وانا بنت ما اعرف شي..خليتني احبك وبعدها حطمتني ورجعت تقولي بكل برود
انا كنت اتسلى معك وخلاص طفشت والحين بعد ما تركتني بقايا جروح جاي تهدم اللي بنيته انا بسنين بنيته مع دموعي وجروح قلبي منك
اكرهك اكرهك يابدر..ياليتك رحت واختفيت للابد..ومارجعت..ولا سمعت عنك شي...
تجيني بعد ماحبيت غيرك....حبيبي ليه هاللحظه تجيني
حسايف توك تغير مسيرك....تجي يوم انطفت شمعة حنيني
صبرت سنين ابي صحوة ضميرك....ولافكرت في اللي صار فيني
زرعتك ورد واشتقت لعبيرك....خساره مالقيتك في يميني
بكيت من العطش وأنا بغديرك....شربت من الضما دمعات عيني
عشقتك صوت واحياني اثيرك....وضاع الصوت مابينك وبيني
تحسب اني مثل أول اسيرك....علي تغلط بلحظه تحتويني
تذكر يوم قلبي مثل طيرك....على كيفك ورأيك كل حيني
عيون الشمس تعرفني سهيرك....بقايا الليل نجمه في جبيني
هويت إنساان عوضني كثيرك....عطاني كل عمره في يميني
ولو تفرش الى بيتي حريرك....انا ما ابيع واحد مشتريني
..................................................
مزون: ها وين رحتوا..؟
محمد: وديتهم مطعم طبعا لمى صجتنا نقعد ونقعد المهم اقنعتها بالرجعه
مزون: هههههههههههه بنتي طالعه علي ما احب جلسة البيت
محمد: اقول كش عليك انتي وبنتك...طلعتوا روحي
مزون: يلا عاد ههههههههه
لمى: مااما نبي نروح لخاله لينه..ابي اشوف وجد..
مزون: طيب بعد شوي اوديك
محمد: لا اله الا الله توك جايه من برى..؟..ولابعد صديقتها الصدوق وجد اقلب اللي شسمه على فمها تطلع البنت لامها
مزون: هههههههه حتى المثل تخرف فيه
لمى: يوووه البيت تفش
محمد: تفش..!..هههههههههههه الله يأجرني فيك انتي وامك..
مزون: خيررر؟؟؟
محمد: هههههههههه سلامتك طال عمرك..
مزون: طيب حموودي لايكثر انا بطلع ترى بعد ساعه كذا..اوكي حبيبي..؟
محمد: اوكي
..................................................
نايف: هذي كل السالفه من اول يوم من اكثر من ثمان سنين..انا بقولك شي يافيصل
لينه كانت طفله صغيره وبدر لعب بمخها ورغم كذا ماقدر ياخذ منها اي شي وانا احلف بربي اني كنت اقعد معه ويقولي انه مو قادر ياخذ منها اي شي
ولينه ماعمرها غلطت لا مع بدر ولاغيره...وانا متأكد انها تحبك ومحافظه عليك وبتبقى معك كذا طول العمر..
فيصل كان مرخي راسه:.............
نايف: وانا الحين جيت اقولك ان بدر بيجيك وبيتهم زوجتك...بشي ماحصل وهو مايدري اني جايك ولا اني بقولك شي
فيصل: يصير خير..
نايف: اتمنى انك تتفهم السالفه وما تكبرها وتفهم ان لينه كانت انسانه صغيره طفله وهذا شي ماضي راح وانتهى
وكل مشاعرها كانت مشاعر مراهقه عشان كذا لاتهدم بيتك بيدك وتشتت عيالك بينك وبين امهم..
فيصل: إن شاء الله
..................................................
مزون: من صدقك..؟
لينه ببكا: والله
مزون وهي تحضنها: طيب حبيبتي هدي اعصابك ما يستحمل ان شاء الله مو صاير الا الخير..
لينه وهي تمسح دموعها: ان شاء الله
مزون: الحين انتي خايفه من وشو..؟
لينه: ما ادري خايفه من اللي جاي وكارهه كل اللي راح ودي امحي حياتي قبل لا اعرف فيصل..
مزون: ليش تقولين هالكلام..؟...انتي ماعمرك غلطتي مع بدر بس كنتي تحسين انك تحبينه يعني مشاعر كاتمتها بداخلك ماصرحتي فيها ولا ارتكبتي شي غلط
لينه: نايف يقول بدر بيقول لفيصل ان علاقتي فيه كانت اكبر من كذا وبيتهمني باشياء ماحصلت يعني بيهدم حياتي
مزون بقهر: مايقدر ماعنده اي شي عليك..وبعدين نايف قالك انه بيفهم فيصل كل شي..وفيصل مو بزر رجال وبيفهم كل شي وفيصل يحبك ويحب عياله
وواثق فيك وعارف اخلاقك وتربيتك واهلك زين وانك مستحيل تسوين شي غلط..
لينه: ياليته مارجع ياليتني ماعرفته..
مزون: اذكري الله وامشي بس ولاتقعدين تفكرين كثير..
..................................................
بالليل بغرفة فيصل
فيصل: لينه
لينه بخوف: نعم
فيصل بتنهيده: قعدي
قعدت لينه بدون اي كلمه
فيصل: نايف قالي كل شي
لينه لما قالها فيصل هالكلام حست ان دموعها بعيونها
فيصل: اذا بتبكين بسكت..
لينه: لا خلاص ماراح ابكي
فيصل: طيب..اسمعي يالينه انا واثق فيك بشكل ماتتصورينه وعارفك زين اكثر من نفسك..
لينه:...........
فيصل: كل اللي ابيه منك اسألك وتجاوبيني بصراحه..
هزت لينه راسها بالايجاب
فيصل: طيب لينه وشرايك تقولين لي قصة حياتك..؟
لينه: انا كنت دايما وانا صغيره مع مزون اكثر حتى من اختي ساره وعلاقتي فيها اقوى من اي شخص ...
وكان اقرب واحد لي من اخواني محمد يمكن عشان تقارب السن كنا دايما انا وهو وخالد ومزون وبدر وغاده نلعب مع بعض....
كبرنا ومرت الايام وكنت اعتبر خالد وعزيز وبدر اخواني...وفي يوم جاني بدر وقالي انه يحبني انا وقتها كنت صغيره بالعمر
وقدر يلعب علي ويمثل الحب..ودايما كان يقولي ليش ماتطلعين معي او تكلميني وانا اكنت ارفض لاني ماتربيت على هالشي
يوم من الايام جاني بدر في بيتنا لان هو متعود يزورنا ولقيته جايني بالحديقه وانا رايحه المطبخ....
قالي انا بسافر قلت له ليش قال كذا بس ما ابي اقعد هنا قلت له وانا
قال وشفيك انتي قلت بتروح وتخليني..قالي ليش وشدخلني فيك..انا انصدمت من طريقة كلامه...
قالي بعدها لايكون صدقتي اني احبك..انا كنت بس اتسلى والحين عاد بسافر وما ابيك تروحين تقولين لاحد
اني يوم قلت لك انا احبك ولا قلت لك تعالي نطلع ورفضتي لاني مو ناقص مشاكل......
ومشى وخلاني(وهي بدت تبكي) ليلتها كانت بداية عذابي يومها كرهت نفسي لاني صدقته وانقهرت كيف قدر يلعب علي....
قعدت فتره طويله كذا لين ماجا ابوي في يوم وقالي واحد خاطبك ولازم تتزوجينه رضيتي ولا مارضيتي....
وفعلا تمت الخطبه انا في ذيك الفتره كنت كارهه بدر بس في نفس الوقت خايفه اني احب احد او ارتبط فيه....
ولما صارحتني انك تحبني زعلت كثير على نفسي وقلت ليش مو بدر مثلك او ليش انا اللي اخترت غلط وحبيته هو ليش ماحبيتك انت...
ولما سافرنا كنت خايفه كثير ويمكن انت نفسك حسيت هالشي ولما عاشرتك وعرفتك حبيتك من كل قلبي وعرفت ان كل شعوري لبدر كان مراهقه او نزوه
وبديت ابني حياتي معك بديت تتملكني بكل مافيني حسيت انك عوضتني عن كل اللي شفته بحياتي ..احس اني بدونك ما اقدر اعيش
حبيتك يافيصل عشقتك حبيتك اكثر من نفسي احس اني اموت في الارض اللي توطاها جبت منك اغلى شي بحياتي فهد ووجد
ماتدري وش اكثر افرح لما اشوف فهد يقلدك بتصرفاتك بطباعك بحركاتك...اشوف وشكثر هو يشبهك في شكلك في عيونك في ابتسامتك....
فيصل ما عرف وش يرد على كلام لينه يفرح عقب ماعرف وشكثر لينه تحبه؟
ولا يواسيها من اللي شافته...؟..ولايفكر ببدر...؟
لينه وهي تبكي: عشان كذا ما اقدر والله ما اقدر اتصور حياتي يافيصل بدونك..
فيصل بجد حس ان قلبه يتقطع على لينه حياته كلها قرب منها وحضنها
فيصل: ولا انا يالينه ما اقدر اتصور حياتي بدونك..واوعدك انتي بتبقين لي مهما حصل...والماضي انا ماراح احاسبك عليه لانه ماضي وفات..
ابتعد فيصل عن لينه ومسح دموعها وهي ردت عليه بأبتسامه سعاده...وحست كأنه هم له سنيييييييين وانزااااح عنها
.................................................. ..
ثاني يوم بالشركه
السكرتير: استاذ فيصل في واحد اسمه بدر طلال يبي يقابلك
فيصل: دخله
دخل بدر
فيصل: تفضل
بدر من غير نفس: شكرا
فيصل: تفضل وش بغيت..؟
بدر: انا بقولك كم كلمه وماشي بعدها..
فيصل بلا مبالاه: قول
بدر: اانا اصير ولد خالة لينه مرتك..
فيصل: اعرفك..
بدر: زين اجل...اسمع انا ابي منك شي واحد زوجتك تطلقها..
فيصل: صاحي انت؟؟
بدر: اسمع زوجتك ذي انا اعرفها قبل لاتاذخك..
فيصل: احترم نفسك..
بدر بوقاحه: محترم نفسي قبل لا اشوفك الدور والباقي عليك قاعد مع وحده تعرف واحد قبلك وتحبه وهي متزوجتك..
فيصل قام ومسك بدر من بلوزته
فيصل وهو ماسك نفسه: احترم نفسك زوجتي اشرف من انك تجيب سيرتها على لسانك الوصخ...
بدر: ماجبت شي من عندي..
فيصل: اطلع برى لا اجيب لك الامن يورونك شغلك انا لين الحين محترمك عشان اهلك ولا لو هي علي كان وريتك شغلك..
بدر: يعني ماراح تطلقها..؟
فيصل بصوت عالي: بــرى
طلع بدر وهو مرتفع ضغظه ومعصب لانه حاس ان كل اللي سواه فشل وخطته فشلت
.................................................. ..
مر أسبوع...لينه حست انها مو مطمنه وحاسه انه في شي بيصير وخايفه منه
بالليل الساعه 11
لينه: فيصل..
فيصل:......
لينه: فييصل..
فيصل: هلا
لينه: وشفيك ماترد..؟
فيصل: ولا شي بس ما انتهبت
لينه: طيب ماتبي تتعشا توه ابراهيم راجع عشان نتعشى كلنا..؟
فيصل: الا بس انا بطلع مشوار نص ساعه وراجع جهزوا انتوا العشا
لينه: وين بتروح..؟
فيصل: بروح لواحد من الشباب ابي منه شي وراجع
لينه بأستغراب: طيب
راحت لينه تحت وقعدت هي وغاده والشغالات يجهزون العشا
فيصل اول ماطلعت لينه راح للدولاب وقعد يدور على شي ولقاه...شال فيصل المسدس وحطه بجيبه عشان ما احد يشوفه وكان بينزل
.................................................. ..
تحت بالحديقه ببيت بوفيصل كانت قاعده وجد وفهد يلعبون مع لاما
وجد: لالا فهد ابي انا السياره
فهد: لا انتي خذي الطياره انا باخذ السياره انا ولد
وجد: لالا انا قلت قبلك..
فجأه سمعوا خطوات احد جاي لهم والتفتوا
بدر بأبتسامه خبيثه: وين ماما..؟
وجد: داخل من انت..؟
بدر: قولي اول انتي مين..؟
وجد: انا وجد..وهذا فهد اخوي...وهذي لاما بنت عمي ابراهيم وخاله غاده
بدر: ايش اسم امك..؟
وجد: اسمها لينه..
بدر: طيب فهد روح انت ولاما وخلوا وجد عندي..
فهد: ليش وش تبي منها؟؟
بدر: حبيبي روح قول لماما وبابا انت ولاما ان بدر جا..
فهد: طيب..
دخل فهد ولاما داخل وبقى بدر مع وجد
.................................................. .
زياد: انت وش تقول؟؟
نايف: والله هذا اللي قالي اياه..
زياد: امش نلحقه لا يسوي فيهم شي الله يستر
نايف: بسرعه يلا
وركبوا نايف وزياد السياره ومشوا رايحين لبيت بوفيصل
.................................................. .
فيصل كان بينزل وفجأه سمع صوت صراخ
نزل فيصل وانصدم لما شاف المنظر قدامه
لينه وهي تبكي: بدر تكفى خل بنتي الله يخليك ابوس ايدك خلها..
بدر كان شكله يخووف من اثار الدراجز(المخدارات) والشرب والسهر
بدر: ما ابيك تبوسين يدي ابيك تجين معي
غاده بصياح: خل البنت وش ذنبها..؟
ابراهيم: هد البنت..
بدر كان ماسك مشرط وماسك وجد وهي تبكي وميته خوف وفهد كان خايف وماسك في ملابس عمه ويبكي ولاما شايلتها امها وتصيح
بدر: لينه بتجين معي ولا اذبح بنتك؟؟
لينه وهي تجلس على الارض وتبكي: تكفى تكفى خلها ابوس ايدك ابوس رجلك تخليها
بدر: تعالي معي وانا اهدها
وجد انتهبت لابوها وهي ميته من البكي وتشهق: اهئ اهئ باااباا اهئ
فيصل بعصبيه: هدها
بدر: ماني هادها
فيصل بصراخ: اقولك هدها
بدر: بنتك ماراح اهدها يافيصل..
فيصل وهو حاط يده ورى ظهره ويصرخ: هدهااااا يابدر احسن لك
بدر: سوا اللي بتسويه بس ماراح اهدها سمعت..
وجد: اهئ اهئ باابا باابا
فيصل وجه يده بالمسدس اللي كان شايله لبدر: هدها يابدر
الكل شهق لما شاف فيصل شايل المسدس
لينه اللي حاسه ان كل واحد يعذبها من جهه: فيصل لااا لاتذبحه
ابراهيم بخوف: فيصل لاتضيع نفسك..
غاده بصياح: يابدر تكفى هدها
بدر: ان ضربتني يافيصل ذبحتها سامع
فيصل وهو على حاله: هدها
بدر: ماراح اهدها
فيصل: انت اللي جنيت على نفسك يابدر
لينه بصرخه قويه: لاااااااااااااااااااا
اطلق فيصل رصاصتين على بدر طيحته على الارض غرقان بدمه ومااات...
.................................................. ......................
اخلي التوقعـــــــــــــــــــــــــات لــــــــــــــــــــــــــكم
|