تفضلوا البارت
الجـــــــــــــــــــــــــــــــــــــــــــــــ ـزء الســـــــــــــــــــــــــــابـــع عشــــــــــــــــر
لينه وهي مازالت تبكي: عهود ردي علي..سكوتك معناته ان كلام نوره صح..
عهود: لاموصح..
لينه: أجل..؟
عهود: انا بقولك يالينه بس سمعيني للاخر..
لينه وهي تمسح دموعها: طيب
عهود: نوره من زمان تحب فيصل بس هو مايعطيها وجه وهي دايم تتلزق فيه..وياما صارت منها مواقف ماتسويها بنت متربيه كل هذا عشان تحاول تكسب فيصل
بس ماقدرت..لان فيصل مايحبها..
لينه وشكلها يقطع القلب: يعني مايحبها..؟
عهود: صدقيني فيصل ماعمره حب احد غيرك..
لينه: اي بس اللي واضح ان بنت خالتك حاطه فيصل في بالها وماراح تستغني عنه والدليل الكلام اللي قالته لي من شوي..
عنود وهي داخله عليهم: عاد هذا يالينه يعتمد عليك..
لينه: شلون..؟
عهود وهي تقاطعهم: اقول بروح شوي وراجعه
عنود: طيب (ارجعت عنود تكلم لينه) سمعي الحين انتي عرفتي انها تحب فيصل ومو شايلته من بالها الدور والباقي عليك
اكسبي فيصل خليه يحبك انتي وهي شيليها من بالك...ولما تشوف كيف علاقتكم ماراح تقدر تسوي شي...وحطي في بالك ان فيصل يحبك من الاول..
.................................................. .............
عهود راحت لفيصل عشان تقوله عن اللي صار..وبعدها راح فيصل يشوف لينه
دخل فيصل الصاله مع عهود ولقى عمته وامه وخالته وبناتها
فيصل بعصبيه: وين لينه..؟
ام فيصل: داخل
ام ناصر: تعاال انت ماشفت قليلة الادب ذي (وهي تأشر على نوره) وش تقول..
فيصل وهو معصب: وش مسويه لزوجتي..؟
نوره وهي مرتبكه: ماسويت شي..
في هاللحظه طلعت عنود ولينه من المطبخ وكان فيصل معطيهم ظهره وما انتبه لهم
فيصل: عهود قالتي اللي قلتيه...انتي ماتحشمين احد..؟..بأي حق الحين تقولين هالكلام لزوجتي..؟
نوره وهي تبي تقهر لينه: فيصل حراام عليك ليش تسوي فيني كل هذا نسيت وعودك لي..؟...نسيت وش كنت تقولي..خلاص نسيت كل اللي كان بينا..؟
الكل انصدم من كلام نوره ووجرأتها..
اما لينه ماقدرت تستحمل الكلام اللي سمعته وراحت غرفتها..وانتبه لها فيصل..
نوره بفرح: اوف فكه راحت تعال فيصل اقعد معنا بس
فيصل عقب اللي سوته نوره ماقدر يمسك نفسه..
فيصل بعصبيه وهو ماسك يد نوره ويضغط عليها: قسم بالله ان ما بطلتي سوالفك وخليتيني في حالي (وهو يدزها)اني لافضحك عند ابوك واخوانك (وهو يصرخ بوجهها) سمعتي..؟
نوره وهي توقف: اييي كل هذا عشانها الله ياخذها..
فيصل ماقدر يمسك نفسه اكثر وماحس الا وهو يعطي نوره كف طيحها ع الكنب من قوته
الكل انصدم من اللي سواه فيصل وما احد قدر يتكلم وبقت نوره تبكي من قوة الكف اللي جاها
فيصل بصراخ: خالتي ربي بنتك
ام ناصر: زين ماسويت وان ماربتها امها انا بربيها
وطلع فيصل يلحق لينه...
عهود: الله يااخذك جايبه لنا المرض اعوذ بالله منك على قولة عمتي قرده..
ام ناصر: وانتي صادقه القرد احسن منها
ام منيره: الله يفشلك من بنت كانك مفشلتني وفاضحتني امشي قدامي
ام فيصل كانت طول الوقت ساكته لان نوره بنت اختهاوهي غلطانه بس ماتبي اختها تزعل منها خصوصا ان بناتها وزوجة اخوها ماقصروا فيها وكف فيصل زود الطين بله وسكتت
ام فيصل: وين رايحين..؟
ام منيره وهي مفتشله: اسمحي لي بروح واعتذروا لي من فيصل ولينه ونوره يصير خير معها وفيصل ماقصر فيها
وراحت ام منيره وبناتها بيتهم
عهود: اوف ياكرهي الله
ام ناصر: صدق مو متربيه هالقرده
عنود وعهود: ههههههههههه
ام فيصل: الله يصلحها..والله فشيله هاللي سواه فيصل
ام ناصر: الا قليل فيها ياعمري يالينه تنكدت البنت..
ام فيصل: والله ماتستاهل...
عهود: قسم بالله كنت بقوم اكفخها بس اشوى فيصل بررررد حرتي فيها يوم هزئها ودزها وعطاها كف
عنود: تستاهل والله شويه عليها..الله يستر بس لاتزعل لينه وتكبر السالفه..
عهود: ان شاء الله فيصل بيراضيها مو صاير الا الخير...خساره ياليته شايفه الكف اللي جاها
.................................................. .....................
فيصل: لينه...
لينه وهي تبكي:..........
فيصل في نفسه: ياقلبي عليك
فيصل: لينه ردي علي..
لينه وهي على حالها: نعم..
فيصل: انا اسف على اللي قالته لك هالخايسه..
لينه: فيصل ليش خذتني..؟
فيصل بتنهيده: لينه لين الحين مو عارفه كم مره بقولها لك..والله مابيني وبين نوره شي هي من الاول تتلزق فيني..
لينه: اجل ليش عصبت الصبح يوم دريت ان خالتك بتجي مع بناتها
فيصل: لاني كنت حاس ان نوره بتسوي شي..
لينه: كنت حاس لانكم كنتوا تحبون بعض...او يمكن هي تحبك وانت تلعب عليها..
فيصل: لا والله مو كذا...صدقيني ماعمري حبيتها ولا عطيتها وجه والله يالينه ماعمري حبيت ولاعرفت غيرك..
لينه:...........
قرب فيصل من لينه ومسح دموعها: انتي ماشفتي وش سويت فيها على اللي قالته لك...اسألي عنود وعهود..والله لولا اني ماسك نفسي كان ذبحته تحت يدي
لينه:...........
فيصل: خلاص عاد ...حرام عليك تزعلين مني وانا ماسويت شي...
لينه: خلاص مو زعلانه..
فيصل بأبتسامه: جد..؟
لينه بأبتسامه: اي
فيصل: زين ممكن اسألك سؤال..؟
لينه: اسأل..
فيصل: ليش زعلتي يوم سوت فلم هندي وقالت نسيت يافيصل اللي بينا..
لينه: بس كذا..
فيصل بخبث: يعني..؟..بس كذا...؟
لينه: ممم لا يعني..
فيصل: يعني وشوو؟؟
لينه: مممم كذا ما احب تكون لك علاقه بغيري..
فيصل: لييييش..؟
لينه: ممم اغار عليك..
فيصل: لييش تغاارين علي..؟
لينه: ممم احبك
فيصل: ههههههههههه ياااااااويلي على حاالي انا اخيرااااااا سمعتها منك..
لينه: ههههههه
فيصل: وانا احبك وامووت فيك..
لينه: ترى احرجتني..
فيصل:ههههههه لين الحين تنحرجين مني..؟
لينه: لا يعني بس اخجلت تواضعي..ههههههه
فيصل: هههههههههههه طيب ليش ماتقولين لي انك تحبيني.
لينه: هذا انا قلت..
فيصل: طيب ابي اشوفك تقولينها دايما ولا بروح لنوره ههههههههههه
لينه وهي تضربه بخفه: بايخ..
فيصل وه ينسد ح على السرير: هههههههههه الحين انا بايخ تو من شوي حبيبك..
لينه: اي باايخ..
فيصل: هههههههه خلاص بايخ بايخ..
.................................................. ........................
بعد اسبوع
في المستشفى
مزون: يلا لينه جا دورنا..
لينه: يلا
دخلت لينه ومزون للدكتوره لان مزون لها فتره تعبانه..وتحس بدوخه وغثيان دايما وصايره كسوله..
في نفس الليله ببيت ابو عبدالله
لينه: سلااام
الكل: عليكم السلام..
محمد: مزون وشفيك تقول ريم رحتي المشتفى..
مزون: محمد
محمد: هلا..!
مزون: بقولك شي بس...ما ابيك تنصدم وتزعل..
محمد بقلق: مزون فيك شي...؟
مزون: محمد اوعدني انك ماتزعل وتصبر وتعرف ان هذا شي خارج عن ارداتي..
محمد بقلق اكبر: مزون وشفيك؟؟..لينه وش صاير..؟
لينه:..........
محمد: تكلموا وش صاير..؟
عبدالله: وشفيكم..؟
ريم: لينه ليش ساكيتن وش صاير ترى اقلقتونا
ام عبدالله: ياكافي الشر اتكلموا
مزون ولينه:............
ابوعبدالله: بتمون ساكتين..؟
محمد بدى يقلق وحس ان في شي وشكله يكسر الخاطر
محمد: لينه تكفين قولي شي تكلمي...
مسكت مزون يد محمد وحطتها على بطنها
محمد كان باين على وجهه الاستفهام وبعدها بثوواني تحول الاستفهام لابتسامة فرح
لينه بفرح: مبروووووووووووك
ريم بفرح: مزون..حامل..؟
هزت مزون راسها بالايجاب
محمد بفررررح: يعني بصير ابو..؟
لينه: ههههههههه مبرووووووك...
ام عبدالله قامت وحضنت مزون: يابعد قلبي الحمدلله مبرووك
ابو عبدالله بأبتسامه: بالمباارك..
عبدالله: مبروك واخيرا..
مزون: الله يبارك فيكم
بعدها جا فيصل بياخذ لينه ولزم ابو عبدالله ان فيصل ينزل ويتعشى عندهم ورجعوا البيت..
...........................................
مزون: محمد جد فرحت..؟
محمد: اكيد.... فرحت وبس..؟ الا مت من الفرح..
مزون بأبتسامه: ياحبي لك..طيب قولي وش تبي ولد ولا بنت..؟
محمد: اللي يجي من الله حياه الله..
مزون: اكيد...بس وشو اللي بتفرح فيه..؟
محمد: انا فرحت فيه وخلصت..تدرين وش اكثر شي مفرحني..؟
مزون: وشو..؟
محمد: ان ولدي اللي بيجي بيكون منك انتي..لاني احبك..في كلمه يقولونها دايما..غلاة العيال من غلاة الام..
مزون: ياقلبي..
محمد: الحين اهم شي انك تقومين بالسلامه...انتي اهم..
مزون: طيب لما يجي ولد وش بتسميه..؟
محمد: ما فكرت فيها...
مزون: ماراح تسمي على عمي..
محمد: ليش تبين اعقد الولد بأسمه..؟
مزون: ههههههههههههه حرام عليك..
محمد: لا بسميه اسم حلو حرام عليك تلاقينه وش صغره اسمه صالح ولا سالم بينتحر..
مزون: هههههههههههههههههه حمود والله انك مالك داعي وش هالكلام؟
محمد: ما ادري عنك ....أجل(وهو يقلدها) بتمسيه على عمي...
مزون: هههههههههههههه خلاص مولازم يتمسى
محمد: لايعني مو لهذي الدرجه ههههههههههه..بس لاتستعجلين خليه يجي عاد ويصير خيرر
...........................................
خالد: مبروك محمد ومزون حاملين يووه اقصد مزون حامل
الكل: ههههههههههههههه
عبدالعزيز: هههههههههههههههههههههه ااه يابطني حاملين ههههههههههه
خالد: هههههههههههههههه ياحبك للشماته غلطت باللفظ من الفرحه..
عبدالعزيز: ههههههههههههههههههههه وااضح ههههههههااي
ساره: ههههههههههههههههه الله يبارك فيك
ابو عبدالعزيز: هههههههههههه ماشاء الله الله يقومها بالسلامه..
ام عبدالعزيز وهي جايتهم: خير وش صاير على هالضحك..؟
عبدالعزيز: هههههههههههه ابد سلامتك يمه بس مبروووك ترى مزون حامل
ام عبدالعزيز بفرحه: لاوالله اللهم لك الحمد
عبدالعزيز: على فكرره في خبر حلوو بس ماتعرفونه..
ام عبدالعزيز: خير بشرنا..
عبدالعزيز: احم احم ...ترى ساره حامل بعد اقصد ياخالد احنا حاملين هههههههههههههههه
الكل ماعدا ام عبدالعزيز: هههههههههههه
ام عبدالعزيز: عزوز من صدقك.؟
عبدالعزيز: اي والله يمه
ابو عبدالعزيز: مبروك..
ام عبدالعزيز: الحمدلله يارب بالمبارك
خالد: جد والله متفقين انتي ومزون ولا وش السالفه ههههههههه مبرووك سارونه..
ساره:ههههههههه الله يبارك فيك ياعسل..
عبدالعزيز: يالخايس وانا ماتبارك لي..
خالد: ههههههههه مبروووك
عبدالعزيز: الله يبارك فيك عقبالك..
ام عبدالعزيز:اي والله الله يسمع منك يارب واشوف عياله قدامي..
خالد: ههههههههه ان شاء الله..
ام عبدالعزيز بفرح: يعني موافق..؟
خالد: يمه مو الحين حرام خلوني..
ام عبدالعزيز: ياولدي وشو اللي حرام ابي اشوف عيالك وانا امك هذا محمد اللي انت وياه من صغركم الحين حامل زوجته اللي هي اختك
وبنت عمك واخوك وبنت عمك لينه ربك بيرزقها ان شاء الله قريب وابراهيم بيتزوج الصيف اللي بيجي مابقى غيرك..
خالد: ههههههههههههههه يمه حرام عليك بقى ما احد ماقلتي وش حالته...تفنعين تشتغلين بالشؤون الاجتماعيه
الكل: ههههههههههههه
خالد: ترى يمه باقي نايف..بعد توه مثلي وهو اكبر مني بعد..
ام عبدالعزيز: نايف ربك هداه وتوها امه مكلمتني تدور له على وحده
خالد: ماشاء الله يمه وش هالاخبار الحصرريه..؟
الكل: هههههههههههههههههه
ام عبدالعزيز: تكفى ياولدي فرحني خلني اشوفك مع مرتك وعيالك..
خالد: ااه يا يمه ان شاء الله بتزوج بس مو الحين..
ام عبدالعزيز: متى يعني..؟
خالد: وقت ماربك يكتب...تكفين عاد يمه لاتحنين علي بهالسالفه..
ام عبدالعزيز: والله طلعت الشيب براسي..
خالد: يمه انتي اللي جايبته لنفسك..
ام عبدالعزيز: كل هذا عشان ابي افرح فيك..؟
خالد: بتفرحين فيني قريب بأذن الله تعالى...يمه الله يحينا لين مانزوج نايف وابراهيم وقتها يصير خير..
ام عبدالعزيز: وانت ولي امرهم وشد خلك بهم يتزوجون ولا لا..؟
الكل: هههههههههههه
خالد: ههههههههه بغيت اسكر السالفه ماعرفت
الكل: ههههههههههه
خالد: يمه خليني واوعدك مايصير اللي يطيب خاطرك..زين كذا..؟
ام عبدالعزيز: اااه براحتك
...........................................
مرت الايام بسرعه ولينه حملت ....نايف خطب عنود اخت فيصل ووافقوا طبعا
انتهى الترم الاول مرت الاجازه حلوه تمت فيها خطبة نايف وعنود
وجا اليوم اللي يساافرون فيه الشبااب لمصر عشان المشرووع
...........................................
ريم: تروح وترجع بالسلامه
عبدالله: الله يسلمك...وين نايف..؟
ريم: قاعد يلعب مع الشغاله تحت..
عبدالله: اجل لما ننزل اسلم عليه
ريم: بتوحشني ياعبدالله
عبدالله بأبتسامه: حتى انت ياعمري بشتاق لك انتي ونايف موت...والله ماودي اروح بس...
ريم: مو تروح وتنسانا اول ماتوصل كلمني طمني عليك..
عبدالله: من عيوني امري بس..
ريم: مايامر عليك عدو..
عبدالله وهو يطالع ساعته: يلا مابقى شي لازم امشي..
ريم وهي متضايقه: الله يحفظك...
عبدالله وهو يحضن ريم: ريمي انتبهي لنفسك ولنايف ما اوصيك..
ريم بحزن: إن شاء الله..
عبدالله وهو يبعد عنها: يلا حبيبتي اشوفك على خير..
ريم :إن شاء الله..
ونزل عبدالله وشاف ولده نايف وسلم عليه قبل لايطلع وكان محمد توه نازل من غرفته..
محمد: يلا عبدالله..؟
عبدالله: توكلنا على الله..
محمد: ونعم بالله (وهو يكلم مزون) انتبهي على نفسك..
مزون: ان شاء الله وانتوا بعد..
طلعوا عبدالله ومحمد....في نفس الوقت فيصل وابراهيم سلموا على اهلهم وراحوا للمطار...ونايف نفس الشي وقعدت امه عند مها لين مايرجع من السفره
...........................................
في مطار القااهره بعد ماوصلت الرحله
عبدالله: الحمدلله على السلااامه
الكل: الله يسلمك..
محمد: وصلنا هههههههههههههه
خالد: اوووووه عااد محمد بيخربهااااا
فيصل: هههههههههههه صدق انكم فاضين ترى جاايين شغل مو سياحه ولعب وكلام فاضي..
ابراهيم: يووه عاد فيصل معنا من بيفكنا
عبدالعزيز: قسم بالله متضاايق ماودي جيت هالسفره...
نايف: هههههههههه حكم القووي
محمد: سمعوا عاد شغل ولا غيره انا جاي هنا ما معي احد يحكمني السفره كلها شباب بسوووي اللي ابببيييي وبس
خالد: وانا صراحه ماراح اقصر عموما الحمدلله اني مو مرتبط
عبدالعزيز: والله لو علي انا ارجع هالدقيقه..
عبدالله: والله حتى انا ماودي اقعد..
ابراهيم: بالعكس شباب نجي نتسلى عادي
نايف: والله انا مو متضايق من السفره بالعكس
فيصل: انا شايف انها سفرة شغل ونرجع وفي نفس الوقت مو حاط في بالي هالخرابيط اللي تقصدونها..
خالد: المهم يلا نبي نرووح نرتااح
محمد: مشيناا
وراحوا الشباب للاوتيل وكانوا حاجزين لهم غرف من قبل لايوصلوون...
.................................................. .....................
كيف بتكون سفرتهم...؟؟
وايش ممكن يصير فيها...؟؟
.................................................. ..........................
|