الجــــــــــــــــــــــــــــــــــــــــزء الســـــــــــــــادس عشــــــــــر
مزون: تعالي
لينه: ااي طيب عورتي يدي شوي شوي
مزون: تعالي قعدي بس
لينه: هذا انا قعدت
مزون: يلا يلا قووولي وش سويتوا..؟
لينه: في وشو..؟
مزون: يمه عليك احيانا تجيك حالاات غباء...في السفر وش سويتي مع فيصل..؟
لينه: اييييييه طيب ليش اللقافه....؟
مزون: هذي اللي الحين بيجيها كف الحين صارت لقافه..؟
لينه: ههههههه امزح سمعي ياحلوه
مزون: ايوه
وقالت لينه كل شي لمزون من اول يوم سافرت
مزون: ههههههه والله انا قايله فيصل هذا فله
لينه: هههههههه
مزون: طيب والحين تحبينه..؟
لينه : ما ادري..
مزون: شلون ماتدرين يا تحبينه يا لا..
لينه: ما ادري
مزون: ترى انا الحين اتكلم بأدب واسألك..لاتجننيني
لينه: مممم تقريبا بس مو متأكده
مزون: والله سخافه مو عارفه تحبينه ولا لا
لينه: ما ادري احيانا احس عادي واحيانا احس اني احبه وماودي يبتعد عني ابد
مزون: انتي تحبينه بس تحاولين تتجاهلين هالشعور
لينه: يمكن
مزون: بتشوفين بس اتركي نفسك مو تقعدين تتجاهلين شعورك...لما تحسين انك ودك بقرب فيصل اقعدي معه ولما تحسين انك تحبينه قولي له احبك مو تسكتين..
لينه: لا والله..؟
مزون: اقول بدينا..؟
لينه: ما اقدر انا ماتعودت عليه
مزون: سدي فمك غصب عنك مو بكيفك
لينه: هههههههههه
مزون:لينه اسمعي كلااامي طيعيني والله ماتخسرين شي
لينه: اوف طيب....قومي بس طفشانه ابي اغير جو
مزون: وجع يوجع العدو وش طفشانه توك جايه من ايطاليا ولا بعد جايه بيت خالتك مو بيتكم عشان تطفشين
لينه: انتي طفشتيني ههههههههه
مزون: ههههههههه صدق انك بايخه اقول تصدقين انتظر طلعة بكره بفارغ الصبر
لينه: ليش..؟!!
مزون: عشان غاده وابراهيم يااي وناسه
لينه: ههههههههههههههه الله يخلف عليك صدق خبله
مزون: ههههههههههه تشوفيييييين وش بيصيرر
ريم ساره: سلام
لينه ومزون: عليكم السلام
مزون: اهلين ياحلوين وش مجيبيكم يامفرقين الجماعات..؟
ساره: اعوذ بالله من لسانك..
ريم: عادي مع الايام تتعودين
ساره: اي ياقلبي انتي 24 ساعه مع هالعله..
مزون: انا عله ؟
ساره: اي عله ونص
مزون: ترى بنادي محمد يسبحك زي ماسوى بعزيز ههههههههههههههه
لينه: هههههههههه متى سبحه..؟
مزون: الصبح فاااتك يالينه سبح عبدالله وعزيز ونااااااسه هههههههههه
لينه: هههههههههه عاد من قدك الحين
ريم: شمااته يمه منكم
ساره: لو انك جايه يالينه بدري شوي كان دخلتي بالخناقه
لينه: ليش ياعمري اشوى اني مالحقت على هبالكم
ريم: عاد لينه مايحتاج حمايه خاصه
الكل: ههههههههههه
لينه: ترى مو وقت استظرافكم
ريم: ههههههههه لينه مقهوووره ليش رجعت...
ساره: ههههههههه واضح
لينه: قسم بالله ماعندكم سالفه ترى بكفخكم...وين نايف وحشنني
مزون: انا بجيبه
ساره: شوي شوي لاتفترسين الولد
بعد بشوي جات مزون ومعاها نايف
مزون وهي تعطيه لينه: سمي..
لينه: بسم الله...(وهي تبوسه) ياقلبي وحشني اكثر منكم استغفر الله بس
الكل: هههههههههههه
مزون: من قلة الوفا
لينه: ههههههههههه..حرام عليك شفتي كلام فيصل..
مزون: اي هين صرفي
ريم: عقبال مانشوف عيالك يالينه
لينه: ما ابي عيال
ساره: اي صح عندك مزون هههههههههه
مزون: يلا عاد
ريم: الا ماودكم تجيبون عيال..ترى ولدي بيكبر اخاف مايلاقي احد يعلب معاه
مزون: صدق فاضيه
ريم: فكري في الموضوع انتي
مزون: ريم وش جايك اليوم ترى يدي تحكني ودي اضرب
ريم: لييش حرام عليك لينه توها راجعه وبعدين ولدي في حضنها
مزون: عقلك سليم ولا فيه شي؟
ريم: هههههههه لالا تمااام
ساره: يمـــــــه عليكم ان شاء الله انتو طول الوقت بالبيت كذا..؟
مزون: عندك مانع؟؟
ساره: لا ياختي لامانع ولا حمد يلا بس
لينه: وين غاده..؟
مزون: ههههههه افهميها يالينه
لينه: اهاا ههههههه طيب
.................................................. .............
عبدالعزيز: فيصل تعال صح شلون بتسافر بداية الترم الثاني..؟
فيصل: ليش..وشفيها..؟
عبدالعزيز: يعني ماعندك مانع..؟
محمد: ههههههههههههههههههههههههه يابطني...عزيز ميت مايبي يروح لهالسفره
فيصل: ههههههههههههههه اقعد..
عبدالعزيز: أي اقعد..؟...والله يحشون رجلي
فيصل: ههههههههه اجل الله يعينك جاي معنا يعني جاي
عبدالله: اعزيز والله انك مكبر السالفه..
عبدالعزيز: يااخي ما ابي اساافر خذوا ابوي بدالي
محمد: هههههههههههه مافي امل بتروح
فيصل: عزوز فكر في طلعة بكره بدال ماتشغل نفسك بشي تو الناس عليه
محمد: الحين المزرعه كم ساعه من هنا
عبدالله: تقريبا 3 ساعات
محمد: اي هين
عبدالعزيزوهو يأشر على محمد: هذا بيوصل بساعه
عبدالله: ههههههههههه
فيصل: من جد محمد انت تسوق ولا تطير..
محمد: انا ما اعرف امشي براحتي وش اسوي
فيصل: الله يستر منك
محمد: اقول انا بروح ابي اناام سلام
الكل: عليكم السلام
دخل محمد البيت يشوف مزون ولينه ولقاهم جالسين يطالعون مسرحيه بالفيديو
محمد: مانمتوا؟
مزون: لا
لينه: يعني انت اللي نمت الحين..؟
محمد: ناموا ناموا الله يعقلكم بكره ورانا طلعه من الصبح ترى الساعه خمس بنمشي
لينه: طيب روح نام انت الحين ومالك شغل فينا
محمد: برااحتكم تصبحوون على خيرر
مزون ولينه: وانت من اهله
ثاااني يوم الساعه تسع الصبح
مزون: محمــــــد قووم
لينه وهي داخله: ههههههههه ماقام لين الحين..؟
مزون: لا ياربي عليه
لينه: حمود قوم قال الساعه خمس ههههههههههههه
محمد بصوت مليان نوم: نعـــم الله يقرفكم من صباح الله متفيقين
لينه: ههههههههه قوم قال الساعه خمس قال مااالت
محمد: اوووف خلاص بقوم
قام محمد واخذ له شاور وتجهز
...........................................
لينه: الوو صباح الخيرر
فيصل:صبااااااح النوور والسرور... حي الله هالصوت..
لينه: الله يحيك فطرتوا..؟
فيصل: لا والله..
لينه: طيب انا سويت لكم فطور تعال خذه من المطبخ
فيصل: ليش تعبتي نفسك..؟
لينه: وشدعوه ماسويت شي يلا تعال خذه
فيصل: طيب هذا انا جاي
راح فيصل واخذ الفطور من لينه وفطروا الشباب وبعدها تقريبا بنص ساعه مشوا
بعد ماوصلوا المزرعه
مزون: واااااااو حلوووه
لينه: ماشاء الله خطييره
غاده: تعالوا بوريكم الخيووول ونااسه
عهود: يااااااااي خيووول وناااسه
عنود: لايكون بتركبين بعد هههههه
ريم: حلوه والله
ساره: وكبيره بعد
غاده: تعالوا بس اوريكم وبعدين قولوا ارائكم
ابو بدر: ان شاء الله عجبتكم ..؟
لينه: بالعكس عمي المزرعه ماشاء الله روعه
فيصل: واضح انه متعوب فيها والله
محمد: اجل عندكم خيول ياعمي تمام والله نبي نفلها
ابوعبدالله: اذكر الله لا يصير شي الحين
محمد: ههههههههه لهذي الدرجه تخافون من عيني يعني..؟
ابو عبدالعزيز: دايما ياولدي اذكر الله في كل شي مو عشان عينك حاره ولا بارده..
محمد: ماشاء الله تبااااااارك الله يعطيهم خيرها ويكفيهم شرها
ابراهيم: بس شكلها جديده..
ابو بدر: اي والله توها
ابراهيم: ماشاء الله
غاده: بنات ماودكم نروح الخيول
مزون: الااا انا ابي ارووح
ابو عبدالعزيز: انتي متى بتركدين..؟
مزون: الله اعلم..
الكل: هههههههه
محمد: طيب احنا بعد نبي نروح نشوف الخيول
ابو بدر: روحوا سووا اللي تبونه المكان مكاانكم
فيصل: تسلم..
عبدالله: اسمعوا طيب نروح نغير ملابسنا ونركب الخيل
عبدالعزيز: اي والله احسن
راحوا الشباب وغيروا لبسهم عشان يركبون الخيل وبعدين لحقوا البنات
محمد: ها وشرايكم في الوسامه بس..؟
مزون: ههههههههه ايش هذا كله مااا اقدر انا كذا..
لينه: حركات كلكم اشوى بس مو في الشارع هههههههه
محمد: مزون وشرايك تركبين معي..؟
مزون: جد؟؟
محمد: اي
مزون: ياليييييييت تكفى ابي اركب..
ساره: خبله انتي؟
مزون: يووه ابي اركب تكفى محمد
ريم: لا مزون انتي تخافين
مزون: يووه محمد وش قلت..
محمد: امشي ماعليك منهم اركبك..
مزون: ياهووو يلا
راحت مزون وركبت الخيل بس ماقدرت تركب كثير لانها حست بغثيان لما ركبت..
ريم: قايلين لك من الاول
مزون: يوه عادي المهم ركبت
لينه: انا ودي اركب..
ساره: ها خلصنا من الاولى جينا للثانيه..؟
غاده: هههههههه ياحليلكم تحبون الخيول رياااضين
عنود: اقول جد ليش الشباب يعني بس هم اللي يركبون
عهود: اي والله نبي نركب نقعد نتفرج يعني؟
غاده: الحين ينزلون ونفلها ههههههههه
لينه: بس ترى مو زين البنت تركب خيل
عنود: يوووه عاد تكلمت لينه
لينه: ههههههههه خلاص بسكت
عهود: بجد كل شي لا مو زين ما ادري وشو
فيصل: عهوود ودك تركبين؟؟
عهود: اي والله
فيصل: هههههههههه تعالي اركبك..
عهود بفرح: جد؟
فيصل: اجل مزح..؟
راحت عهود وركبت مع فيصل
عهود: ياحبي لك بس
فيصل: هههههههه مشكووره
عنود: فصوول وانااااااااا؟
فيصل: ياربي عليكم تعااالي كل شي ولا عنووود
عنود بفرح: يااااي
فيصل: اسمعي بس اخلص من عهود وتعالي ركبي
عنود: اووووووووكي
في هالوقت كانت لينه تطالع فيصل وتسمع كلامه مع خواته وتراقب تحركاته ونظراته...ومزون تطالعها وتطالع فيصل بنفس الوقت
مزون وهي تساسر لينه: مالت عليك اجل هذا ما تحبينه والله انه شخصيه روعه فنااان
لينه بضحكه خفيفه: ولايهمك بحبه
مزون: والله اذا ماحبيته وكسبتيه فأنك خبله بنت عم خبله
لينه: ههههههههههههههههه لالا كل شي ولا كذا
بعد تقريبا نص ساعه
عبدالله: يلا انا تعبت نبي نرتاح جينا وعلى طول على الخيل
عبدالعزيز: اي والله صدق تعبنا
محمد: مزون كيفك الحين..؟
مزون: كويسه الحمدلله
محمد: انتبهي لنفسك..
مزون: ان شاء الله
غاده: ترى انا جعت يلا ندخل
دخلوا بعد كذا البنات وتغدوا الحريم ونفس الشي الرجال
في غرفة البنات
مزون: اوف ابي اناام
لينه: حتى انا..تعباانه
غاده: يوه وش تنامون..؟
عهود: صدق انكم مو حقين طلعات
مزون: انا ميته نووم امس قايمه من صباح الله ونمت متأخر واليوم قمت بدري والطريق اوف
لينه: وانا امس وصلت من المطار على البيت على طريق سفر على سهره على جية اليوم..زين مني الحين قاعده لين الحين
ريم: غاده هذا صوت تلفونك..؟
غاده: اي عن اذنكم
مزون: اذنك معك تفضلي ما اوصيك على ابراااهيم
الكل: هههههههههه
غاده بضحك: يلا مناك
ساره: غدوو وشرايك تكلمين عندنا..؟
الكل: هههههههههههه
مزون: اي تكفين
غاده: بلا خفة دم
عنود: تعاالي بس
لينه: يلا عاد
غاده: لا
ومشت غاده وردت على ابراهيم وطبعا لحقووها
غاده وهي الكل لاصق فيها: هلا ابراهيم..
ابراهيم: هلا ياقلبي شخبارك..؟
غاده: انا...بخير الحمدلله...وانت
ابراهيم: تماااام الحمدلله...وشفيك..؟
غاده: ها..؟لا مافي شي..
ابراهيم: ما ادري
غاده: لالا مافي شي ماقلت لي عجبتك المزرعه..؟
ابراهيم: اهم شي انك انتي فيها..
مزون وهي تبي تتكلم: أحـ.....
لينه سكرت فم مزون عشان ابراهيم مايسمع الصوت
غاده: من ذوقك حبيبي..
ابراهيم: طيب اقولك الحين وش تسوون..؟
غاده: ولا شي قاعدين..
ابراهيم: اها طيب ترى اليوم في مباراه..
غاده: هههههههه جد..؟...بين مين ومين...؟
ابراهيم: انا وخالد ومحمد فريق وعزيز وعبود ونايف وفيصل فريق
غاده: وااو حلوو بنجيب اجل اعلام ونحط صوركم
ابراهيم: ههههههههههه ماله داعي نوصيكم عاد
غاده: هههههههه خلاص ولايهمك..بس متى المباراه..؟
ابراهيم: الساعه سبع
غاده: خلاص اجل سبع بنجيكم وتصفير وتصفيق ولا يهمكم
ابراهيم: ههههههههههههه ننتظركم
بعد ماسكرت غاده من ابراهيم
غاده: اذبحك انتي..؟
مزون: هههههههههه ماكان قصدي
لينه: الله يرجك بغيتي تفضحينا يلا بسسس عطيتكم وجه بروح اناام
عنود: ونااااااااااااااااسه اليوم في مبااااارااه
ساره: اي بنروح نصفر اجل..؟
ريم: هههههه بالعكس فللله
لينه: طيب عن اذنكم
نامت لينه ومزون وبعدها قعدوا بمعاااااااااناااة ونزلوا وراحوا لعند المباراه ....وجاوا الشباب وتوزوعوا في امكانهم وقعدوا يسون حركات
ويرسلون بوسات في الهواء ويبتسمون بكبريااء
البنات بصراخ: ياهوووووووووووو
محمد وهو يتكلم مع البنات بصوت عالي: لا داااعي لادااعي
نايف: ههههههههههههههه
ابراهيم: ياشين الثقه الزايده ههههههههه
محمد وهو يكمل كلامه مع البنات: عارف عارف والله انكم جاايين المباره عشاني وانكم تموتون فيني ...لاداعي لاداعي
خالد: هههههههههههههه اي صح مساكين شوف كاتبين على وجيهم بالاحمر اسمك ولا بعد بلايزهم مرسوم عليها صورتك يا الله وشذا كله
محمد: وش اسوووي ياخالد...؟
خالد: يامعذب قلوب العذااارى هههههههههههه
محمد: مايبي لها كلام
عبدالعزيز: اقول حمود روح بس لمكانك
عبدالله: معذب قلوب العذاارى اجل؟ هههههههههه
عبدالعزيز: اذا انت معذب قلوب العذارى انا ولا عبود ولا فييصل وش نطلع..؟
محمد: ولاشي
عهود: ابراهيم ياهووووووووووو
محمد: ترى هي قصدها محمد بس غلطت باللفظ
عبدالله: ههههههههه وااضح
عنود وغاده: ابراااااااهيم
ساره: عزيييييييييييييز
ريم: عبداللــــــه
مزون: خير خير ان شاء الله ياقلبي على حمود..ما احد جاب خبره
لينه: ههههههههههههههه
مزون: محمـــــــــــــــــــــــد...ياهوووووووووووو (وهي تصفر) محمد محمد ياهوووووووووو
محمد: كفؤؤؤؤؤ مزون
خالد راح مسك ميكروفن مكبر للصوت وقعد يتكلم: نلاحظ ان النسبه لاعلى لابراهيم بن فهد...اما كل من عبدالعزيز
وعبدالله ومحمد فقد حصلوا على صوت واحد امااا احم احم خالد ونايف وفيصل ماعندهم ماعند جدتي وسلامتكم
الكل: ههههههههههههههههههههههه
لينه: ليييييييييش ياخلووود من قال...(وهي تصفر) فيصــــــــــــــــل
خالد: الان في تعديل بالنتيجه لينه تصوت لفيصل ويتعادل فيصل مع عزيز ومحمد وعبود
راح خالد جنب فيصل ومعه مكبر الصوت: اخ فيصل وشرايك بما ان جاك تصويت من شخص واحد فقط..؟
الكل: ههههههههههههههههه
فيصل: بالنسبه لي صوت لينه يكفي
البنات وهم يصفرون: ياهووووووووووووووو
خالد: طيب الحين بعد ما الكل تنشط بنبدا اللعب
بدت المباراه وانتهت على تعااادل
عبدالله: اوف تعبنا
خالد: خساره مثل مادخلنا طلعنا ههههههههه
محمد: المفروض حطينا شوط اضافي عشان نحسم النتيجه
عبدالعزيز: لا والله خلاص نهد حيلنا
نايف: اوف عطشان..
محمد: جد نبي مويه
البنات: جييييينا
محمد: ابي مويه
مزون وهي تعطي محمد:سم..
محمد:سم الله عدوك..
وخذا كل واحد له مويه
خالد: يوه عطشاان مافي..؟
لينه: اروح اجيب لك..؟
عهود وهي جايه: لا خلاص انا جبت...(وهي تعطي خالد) تفضل..
خالد بأبتسامه: مشكوره تسلمين..
عهود: الله يسلمك..
عنود: عهود تعالي معي برجع..
عهود: ليش..؟ قعدي..
عنود: تعبانه..ما احد يبي يروح معي..؟
ريم: قعدي وين تروحين..؟
مزون: تو الناس..
ابراهيم: والله احنا ميتين تعب ومانقدر نتحرك..
عنود: اي بس البيت بعيد اخاف اروح بروحي..
لينه: حرام احد يقوم يوصلها قوم فيصل..
فيصل: لينه والله مو قادر تعباان مهدود حيلي
عنود: يعني الحين ما احد بيوصلني..؟
نايف: انا اوصلك..
عنود بحيا: بس ما ابي اتعبك..
نايف بأبتسامه: لا وشدعوه يلا..تعالي..
عنود: مشكوور نايف يابختك ياريم بأخوك مو انا استغفر الله
نايف: ههههههههههه العفو ماسوينا شي تفضلي
في الطريق لين البيت..
عنود: اسفه نايف لو ازعجتك..
نايف: لا ولايهمك...وشرايكم بالمباره..؟
عنود بضحك: خطيره
نايف: واخرتها تعادل ههههههه
عنود: بس كانت حلوه...عموما انتوا الشباب ماخذن حقكم دايما زي الحين المزرعه من اللي استانس فيها اكثر..؟..انتوا طبعا
نايف: ممممم وجهة نظر..
عنود: انا حس ان راي اقرب للصحه نوعا ما..
نايف: اي بس مو شرط يعني ....يمكن بس بسبب البيئه اللي انتي فيها اقصد العادات والتقاليد والعيشه اللي عندنا
عنود: اكيد هالشي بس انا اتكلم معك عننا احنا..
نايف: حتى لو عليكم انتوا...مااشوف ظلم كبير لكم
عنود: لانك مو في مكانا
نايف: يمكن بس مع كذا ما اشوف انكم ملظومين بالعكس انا خواتي مها وريم لما كنا نسافر مايبقى شي في نفسهم مايسونه..يعني ماحسيت انهم يوم من الايام انظلموا
عنود: نايف وش تخصصك..؟
نايف: تجاره..
عنود: اهاا..حلو..
نايف: انتي احلى
عنود بحيا: مشكور..المفروض دخلت فلسفه..
نايف: هههههههه يعني..طيب وانتي..؟
عنود: ادب انجليزي..
نايف: حركاات
عنود: هههههههه...هذا احنا وصلنا مشكووور نايف
نايف: وشدعووه مااسويت شي
عنود: تسلم ماتقصر..
نايف: الله يسلمك انتي تامرين ياعنود..
عنود بحيا: مايامر عليك عدو
نايف: عن اذنك..
عنود: تفضل..
.................................................. ........
عبدالله: وشرايكم بالمباراه..؟
عهود: خطيره بس لاتصدقون عمركم..
خالد: هههههههه شلون يعني..؟
عهود: يعني صجيتوونا من يوم ماخلصتوا شرايكم شرايكم دوري ابطال اوربا على غفله..
خالد: ههههههههههههه
فيصل: عهود..
لينه طالعت فيصل بنظره
فيصل بأبتسامه: ما عجبتك يعني..؟
عهود بأستغراب: الا بس لاتزودونها يعني..
خالد: حاضرين انسه عهود..
بعدها جا نايف
عبدالله: وصلتها..؟
نايف: لا انحشت وخليتها..
خالد: هههههههههه امووت في الادب
نايف: وانا اموت فيك..
خالد: ههههههههههههه مايحتاج..عارف
نايف: شكلك صدقت..؟
عهود: هههههههههه انا عاد اموت في الثقه الزايده
نايف: هههههههههههه لساانك طويل..
عهود: كييييفي..
نايف: يادلوووعه
عهود: يحق لي
نايف: بس مو لايق عليك..
خالد: من قااالي..اذا عهوود ماتدلع من يدلع..؟
عهود: شفت كيف الناس الذوق..؟
خالد: احم..
نايف: ههههههههههه الحين من شوي الثقه الزايده صار ذوق..
عبدالعزيز: بصراحه انكم خبول..
ريم: مو غريبه الغريب ان الاخ محمد والاخت مزون ساكتي على غير العاااده
ساره: ههههههههههه جبتيهااا عالجرح..
لينه بطنازه: هذي اغنيه..
عبدالعزيز: لا ياشيخه..؟..قايله شي جديد يعني..؟
عبدالله: حمود وشفيك
محمد: سلامتك..
عبدالله: والله ماضنتي....شفيك مزون...؟
مزون: ابي انام والله ماعرفت انام قبل شوي
عبدالله: حتى انا ووودي انااام
فيصل: ومن سمع لكم...عموما اانا استأذن
عبدالعزيز: خذني معك..
بعدها قام الكل وراح يناام اليومين تقريبا مرت بسرعه والكل رجع لبيته كانت طلعه حلووه لكن عيبها انها قصيرره مره
.................................................. ......
في بيت بو فيصل
ابراهيم: يمه تكفين نادي بناتك ترى بمشي واخليهم..
ام فيصل: لا اله الا الله وش مستعجل عليه..؟..الحين نازلين..
ابراهيم: وراي شغل
ابو فيصل: قصر حسك من صباح الله لسانك واصل الشارع
عهود وهي جايه: يمه وشفيك انت..؟
ابراهيم: وين أختك..؟
عهود: نازله الحين..
ابراهيم: اقول انا بمشي..
عهود: وين الشغاله راحت تناديها استنى
ابراهيم: روحي انتي..
عهود: اووف طيب
راحت عهود عند الدرج وقعدت تصارخ: عنوود يلا انزلي ابراهيم بيمشي..
في جهه ثانيه عنود قاعده تعدل لبسها وشكلها عشان لما تقابل صديقاتها بعد فترة الاجازه..
عنود: يووووه طيب جااااااايه
لينه وهي تطل من باب الغرفه: صبااح الخير يامزعجه البيت كله قايم بسبتك..
عنود وهي تطالع المرايه: هههههههه صباح النور هلا والله
لينه: يلا انزلي ساعه عند المرايه..
عنود:يووه بقابل صديقاتي اروح لهم بدون ما اتعدل عشان ينحاشون من شكلي..
لينه: قوولي يحلمون فيك بالليل اعوذ بالله لو رحتي بشكلك الطبيعي ولا دراكولا
مسكت عنود علبة المناديل اللي جنبها ورمتها على لينه اللي انحااشت بسرعه وبقت تضحك
لينه: ههههههههههههه
فيصل وهو جاي من وراها: ضحكينا معك..
لينه: يمه من وين طلعت
فيصل: من الغرفه..ماودك تداومين اليوم..؟
لينه: لااا وشو ما ودي اداوم شوفني لابسه وجاهزه بس البس عباتي
فيصل: وانا اقول متعدله لي..
لينه: ههههههههههه
طلعت عنود من غرفتها ومرت على لينه وفيصل اللي كانوا بالصاله
عنود: يلا تأخررررررت سلام..
فيصل ولينه: مع السلامه
بعدها بشوي نزل فيصل ولينه ولقى امه
فيصل وهو يبوس راس امه: صباح الخيير
لينه وهي تبوس راس ام فيصل: صبحك الله بالخير خالتي
ام فيصل: صباح النور..قعدوا فطروا
فيصل: الا وين عمتي..؟
ام فيصل: قامت وفطرت وراحت الخيمه..ترى اليوم خالتك ام منيره وبناتها جاايين..
فيصل بصدمه: وشو..؟
ام فيصل: وشفيك..؟
فيصل: ليش بيجون..؟
ام فيصل: بيجون يباركون لمرتك وشو اللي ليش يجون بعد..
فيصل: اووف خلاص انا طالع تأخرت...يلا لينه..
لينه بأستغراب: طيب
وطلعت لينه وفيصل
.................................................. .......
بنفس اليوم بالليل جات خالة فيصل اللي كان متضاايق
عند الحريم
ام منيره: الحمدلله على سلامتكم..
لينه: الله يسلمك..يارب
منيره: ماشاء الله يابخت فيصل فيك..
نوره بغرور وكبرياء: ايه...والله انا شفت ساره اختك احلى منك ياليتنا ماخذينها لفيصل..
الكل انصدم من كلام نوره لـ لينه..
ام ناصر: ااه ياقليلة الحيا..صدق انك ماتستحين وش هالكلام يالقرده..؟
عهود وعنود ماقدروا يمسكون نفسهم من كلام عمتهم واضحكوا
لينه: والله ما احد ضربكم على يدكم كان خذيتوا ساره...
نوره: والله هذا اللي كان ودنا بس للاسف ساره اتزوجت ولا حرام تتفوت سبحان الله خلق وفرق خوات وشوفي الفرق بينكم
عهود قامت وكانت مقهوره من كلام نوره: اقووول نوير امسكي فمك سامعه ومالك شغل ترى فيصل اخونا مو اخوك صدق لسانك طويل وماتستحين
نوره: خير ان شاء الله احترمي نفسك ترى اانا اكبر منك سامعه..
عهود: ماالت عليك علمي نفسك تحترمين الناس وبعدين خلي الناس تحترمك...
نوره: عهود مالك شغل سامعه..
ام ناصر: صدق انك ما تستحين اسمعي لو اهلك ماربوك ..انا اربيك بهالعصا..
عهود: والله شين وقوى عين قسم بالله انك ماتعرفين تحشمين احد يا ام لسانين..
ام فيصل: ام ناصر طولي بالك وش جاكم نوره وش هالكلام عيب وانا خالتك وانتي ياعهود نوره اكبر منك..
عهود: امحق اكبر مني وماتحشم احد
عنود: نوره ماله داعي هالكلام وبعدين فيصل هو اللي يبغى لينه واذا تبين الصدق لينه احلى من ساره مليون مره فلا تقعدين تسوين فيها وتبينين غيرتك
نوره: وش قصدك اسوي فيها ياحبيبتي...انا اصلا اشوف لينه عاديه وبعدين انا قمر ما اغير من وحده زي لينه
عهود بطنازه: هههه وااضح الدليل انك منطقه في بيتكم وما احد تقدم لك
ام منيره: بس عاد تراكم زودوتها..
لينه: عن اذنكم
قامت لينه وراحت المطبخ
عهود: صدق انك سخييييفه
نوره: ليش ان شاء الله وش سويت..؟
عهود: اوووه وانا وشوله اقعد هنا مع وحده مثلك..
وراحت عهود تلحق لينه وتشوف وتطيب خاطرها
منيره: انتي وش سويتي..؟..مو عيب عليك..؟
نوره: من زينها الحين..
عنود: ياليتك تجين ربعها
ام ناصر عاد وهي مايهمها احد: ام منيره المي بنتك...لا اقوم المها لك الحين...
وقامت عنود وتركتهم
ام منيره: اسفين يا ام ناصر تعرفين توها صغيره
ام ناصر: اي صغيره بعد..؟..جحشه تقولين صغيره..
نوره وهي ماسكه نفسها: عن اذنكم شوي ..
...............................................
في المطبخ
عهود: لينه حبيبتي زعلتي..؟
لينه وهي تخفي دموعها: لاعهود ولايهمك..
عهود: لاتحطينها في بالك والله تغار منك اتركيك منها..
لينه: صدقيني مازعلت..
عهود: اصلا هي منقهره وحاسدتك على اللي انتي فيه..
نوره: هههههههههه احسدها على وشوو؟ على انها متزوجه واحد يحب بنت خالته ومايحبها..
عهود: نعم؟؟ انتي وش مجيبيك الحين الله يقلعك
لينه: وش قصدك..؟
نوره: ياماما فيصل يحبني انا ولو مو مصدقتني روحي اساليه..
عهود: لا ياشيخه..؟..حلفي انتي بس..دامه يحبك ليش ماخذاك وانتي صايره زي بيت الوقف
نوره بوقاحه: ومن قال هالحكي..؟..فيصل خذا لينه عشان يقهرني وبعدها بيقهرها هي وبياخذني ...
لينه انصدمت من كلام نوره في نفس الوقت انقهرت وتذكرت ان فيصل الصبح عصب لما عرف بزيارة خالته..معناته كلام نوره صحيح
عهود: بصراحه انتي وقحه...اطلعي برى..
نوره: طالعه بدون ماتقولين لي من زينكم..
ما التفت عهود الا ولقت لينه تبكي
عهود بحزن:لينه ليه تبكين حبيبتي..؟
لينه من بين دموعها: عهود صدق فيصل كان يحب نوره..؟
عهود سكتت وماقدرت ترد على كلام لينه
.................................................. .............
ايش بيكون موقف لينه من فيصل...؟؟
وكلام نوره بيكون صحيح وبتتزوج فيصل...؟؟
.................................................. ......................
|