الجــــــــــــــــــــــــــــــــــــزء الخامـــــــــــــــــــــــــــس عشـــــــــــــــــر
رجعوا ريم ومزون ونزلت ساره معهم
ام عبدالعزيز: ها خلصتوا..؟
ساره: اي والله..
ريم وهي تقعد: ااه تعبنا والله
مزون: اي انا قرررفت
ساره: هههههههههههه غريبه مزون تتعب من السوق واللفلفه..
مزون: هههههههه والله ما ادري وشفيني جد تعبنا
ريم: وورانا سفر
مزون: ايه صح بكلم لينه..اشوف متى بيرجعون..
كلمت مزون لينه ولا ردت
مزون: ماترد..
ريم: غريبه..!
ساره: ياجماعه فيصل اخوا ابراهيم اكيد عارف بزواجه
ام عبدالله: طيب قوموا فصخوا عبايتكم ياحافظ
ساره: لا انا ابي اروح البيت..
ام عبدالله: بدري..
ساره: من عمرك يمه بس تأخرت
ام عبدالعزيز: طيب سلمي على عمك وخالتك وعزيز وخالد
ساره: ان شاء الله
رجعت ساره البيت
.................................................. .....
فيصل: ها لينه جهزتي اغراضك..؟
لينه: اي خلاص...اووف واخيرااا
فيصل: ههههههههه شكلك ميته تبين ترجعين
لينه: هههههههه يعني
فيصل وهو يقرص خدها: بعد كل هاللي سويته معك ومافي فايده
لينه: هههههههه اااي وشفيك امزح..
فيصل: المفروض اني مخليك تسافرين مع مزون احلى..
لينه وهي تطلع لسانها: احسن
فيصل: انتي وبعدين معك تراك مره مو بزر..
لينه بدلع: كيفي
فيصل: ودلوعه بعد
لينه: يحق لي..
فيصل: هههههههه يحق لك ونص ترى بنسافر بدري الفجر
لينه: مو قبل لانطلع تقول الصبح
فيصل: مافرقت يعني يلا بس ابي ارتاح لين اقوول بس لان بنوصل وليلتها لازم نكون مستعدين لملكة ابراهيم غير السفر
لينه: كويس اجل جهزت كل شي حتى انا ابي اريح..
.................................................. .....
محمد وهو واقف عند باب الشارع: يلا تأخرنا متى نوصل..
مزون: طيب خلاص انا خلصت
ابو عبدالله: حمود لاتسرع سامع ترى ما احد لاحقك..
محمد: إن شاء الله
عبدالله: ترى تأخرنا عبدالعزيز يقول انهم مستنينا عشان نمشي في نفس الوقت
ابو عبدالله: توكلنا على الله
ركبت مزون مع محمد وريم وعبدالله وولدهم نايف وبو عبدالله وام عبدالله ومعهم الشغالات
والتقوا بطريقهم ببوعبدالعزيز واهله وكملوا طريقهم......اما بو فيصل واهله جاوا بعدهم بفتره وقعد عند خال عياله ومها وزوجها ونايف وامه قعدوا في بيت ملك لزوج مها
رغم ان ابو بدر لزم عليهم يقعدون عنده بس هم ماحبوا يثقلون عليهم
.................................................. .....
يوم ثاني
فيصل: يلا لينه لانتأخر
لينه: خلصت يلا
فيصل: مانسيتي شي
لينه هز راسها بالنفي: لا
طلعوا لينه وفيصل واتجهوا للمطار وبعدها ركبوا الطياره واقلعت
لينه: اوف فرق بين الجيه والروحه..
فيصل: ليه..؟
لينه: الحين حاسه مرتاحه اما واحنا جايين العكس كنت تعبانه
فيصل وهو يقهرها: غريبه العاده انتي مرتاحه وتأذين غيرك ..
لينه: ههههههههه ماخذته منك..
فيصل: بالعكس عاد انا ابتلشت فيك
لينه: ههههههههههه يصير خير خلنا نرجع اوريك..
فيصل: الله يستر بروح ملح ههههههه
بعد ثواني انتبهت لينه ان في شي يشد عباتها التفت ولقت طفل وشالته
لينه: ياحليله شوف فيصل توه صغير..
فيصل وهو يبتسم: الله يخلي لاهله..
لينه: صدق وين اهله..؟
فيصل: تلاقينه قاعد يعلب وجا هنا..
كان في ساندوتش جنب فيصل وقعد الولد يأشر عليه
لينه: فيصل..ممم تبي الساندوتش..؟
فيصل: لا
لينه: طيب بعطيه الولد شكله جوعان
فيصل: هههههههههههه عطيه
اكلت لينه الولد وعطته عصير يشربه وبعدها بشوي جات امها وخذته وشكرت لينه وفيصل
لينه: ياحليله ياليته ماقام..؟
فيصل: تحبين الاطفال..؟
لينه: كثيير...
فيصل: مفكره تتخصصين طب اطفال..؟
لينه: لا
فيصل: أجل..؟
لينه: ودي جراحه..
فيصل: مو صعب عليك..
لينه: ليش..؟
فيصل: يعني الجراحه الاغلب اللي يتخصصون فيها رجال مو حريم..
لينه: لا انا حابتها ودي بعد اتخصص جراحة مخ واعصاب..
فيصل: من صدقك..؟
لينه: اي والله..
فيصل: الله يوفقك ويعينك..
لينه: امين..
فيصل: ماله داعي تخافين انا بدرسك
لينه: ههههههههههه بالسقوط ان شاء الله
فيصل: ههههههههههه اي ولايهمك
.................................................. ....
بعد ماوصل الكل اسهروا الشباب في المجلس والبنات داخل
قامت مزون بدري شوي ولقيت الكل نايم وما احد قام
مزون: اوف اروح اكل شي
راحت مزون ودخلت المطبخ وخذت لها كاس عصير وكروسان
محمد وهو داخل للمطبخ وشكله توه قايم من النوم: اهلين
مزون: هلا صح النوم
محمد وهو يتثاوب: صح بدنك..وش مقومك بدري..؟
مزون: شبعت نوم
محمد: اجل دام كذا فزي سوي لي شي اكله
مزون: وليش تتكلم كذا..؟
محمد: كيفي..
مزون: اجل مافي سوا لنفسك
محمد: بتقومين غصب
مزون: ما ابي..
محمد: طيب عشاني..
مزون: هههههههههه اي خلك كذا
محمد: ترى عاد عطيتك وجه
مزون: تعطيني ونص..
محمد: ياربييييي طيب اخلصي يابنت الحلال
مزون: وش تبي..؟
محمد: مممم تونه..
مزون: استغفرالله ما احبها ابد...طيب الحين اسوي لك...تبي شاي معها..؟
محمد: ههههههههههههههههههههههههه شاي ياربي ارحمني برحمتك من صدقك انتي تونه وشاي..؟
مزون: انا ادري عنك اجل احد ياكل تونه..؟
محمد:طيب سوي لي..
سوت مزون لمحمد ساندوتش تونه وكان واقف معها
محمد: شكرا ياقمر
مزون: العفوو
محمد: ما احد قام لين الحين..؟
مزون: ما اضن..الا تعال كيف السهره امس..؟
محمد: ماعليها...انا بروح اشوف الشباب قاموا ولا..
مزون: ماقاموا بعد..؟
محمد: لا روحي عاد انتي شوفي لك شي سويه
مزون: طيب اوف طفش
محمد وهو طالع: روحي نامي احسن
مزون: عاررفتك انت هذا اللي فالح فيه خيشة نوم
محمد: هههههههههه طيب سلام..
رجعت مزون دخلت الغرفه لقتك مظلمه ولافيها نور والمكيف مشغل وريم وساره وغاده في ساابع نومه
مزون: غااده ريم سويره قوموا طفشت
ساره قامت وطالعت مزون ثواني: خير..!
مزون: قوموا طفشت بروحي
ساره: يوه مزون ذلفي ابي انام
مزون: يمه قووموا ماشبعتوا..؟
غاده: ياااااربي سدي فمك ابي انام
مزون: مافيه قووموا
ريم: ووجع اسكتي
مزون: هين انا اوريكم
نزلت مزون الصاله ولقت محمد وتموا ثواني يطالعون بعض
محمد: ههههههههههههههههه ماقاموا..؟
مزون: لا هههههههه وانت..؟
محمد:ماقاموا بس هين انا اوريهم
مزون: وش بتسوي..
محمد: تشوفين الحين...روحي قولي للكديش اللي نايمين فوق لحقوا على رجالكم انذبحوووا
مزون: محمد وش بتسوي..!؟
محمد وهو يمسك طرف ثوبه بأيده ويرفعه عشان يقدر يتحرك براحته: تشوفين
مزون: بروح اقول لهم هههههههههه
في الغرفه
فتحت مزون الستاير
غاده: مزون سكريه
ريم: والله لاقوم اكفخك
ساره: ياعله اوف وشتبين..؟
مزون: لحقووووووووووووووا
ريم: وش تبين..؟
مزون: عبدالله وعبدالعزيز قاعدين ينذبحون..
ساره: وشو..؟ من صدقك..؟
مزون: نزلوا ودعووهم قبل لايمتون وماتشوفونهم..
ريم: وش تقولين..؟
غاده: صدقتوها كذابه
مزون: ما اكذب انزلوا وشوفوا..كيفكم انا قلت لكم
ريم: هذي شكلها من صدقها
قاموا ساره وريم وغاده نزلوا يشوفون وش صاير..
في جهه ثانيه
محمد كان جايب جيك مويه ودخل الملحق لان الشباب كانوا نايمين فيه
محمد: اجل ماتبون تقومون ها؟؟
رش محمد المويه على عبدالله وعبدالعزيز وسبحهم وهرب محمد لبرى
عبدالله: يالخااايس وش سويت؟؟
عبدالعزيز: الله ياخذك
طلعوا عبدالله وعبدالعزيز يلحقونه وكان محمد ماسك هوز المويه ومتخبي
واول ماطلع عبدالله وعبدالعزيز سبحهـم واول ماجات عليهم المويه رمى الهوز ورفع ثوبه وهرب وقعدوا يلاحقونه
نزلوا البنات
وطلعوا الحديقه
ساره: وش هالاصوات..؟
مزون: عشان تصدقوني
ريم: طالعي محمد
غاده: وينه..؟
ريم وهي تأشر : شوفي قاعدين يلاحقونه عزيز وعبدالله
غاده: هههههههههههههه وشفيهم ذول استهبلوا..؟
مزون وهي تصفر لمحمد: ياهووووووووو محمد انتبه لايسمكونك
محمد وهو يركض: ههههههههههااي سبحتهم
مزون وغاده: ههههههههههههه
بعدها مسكوا عبدالله وعبدالعزيز محمد بس ما اسرع مافلت منهم بعد ماجا خالد ورش عليهم مويه من جديد
مزون وغاده: ههههههههههههههههههه
ريم: وش جاهم هذول..؟
ساره: خبووول
ام بدر وهي جايه: يالله صابح خير .... وش صاير..؟
غاده: ههههههههههه شوفي يمه عيال اختك
ام بدر: بسم الله وشفيهم يراكضون ورى بعض..وبعدين ليش عبدالله وعبدالعزيز ثيابهم رطبه..؟
مزون: ههههههههههههههههههه محمد وابراهيم سبحوهم..
ام بدر: ياربي الناس تكبر وتعقل وهذول يكبرون ويدبرون..
البنات: ههههههههههه
.................................................. ..
وصلت طيارة فيصل ولينه وبعدها راحوا لبيت بوعبدالله بعد اصرار من لينه
لينه: فيصل
فيصل: هلا
لينه: مافي احد..؟
فيصل: شكلهم زي ماتوقعت سافروا..
لينه: هالخاينين ولايقولون لي..
فيصل: شفتي حتى مزون ماقالت لك شي وتحبينها كل هالحب....لو انك حابتني انا مو احسن ع الاقل انا ماراح اروح واخليك
لينه: ههههههههههههه مو وقتك عاد
فيصل: هههههههههههه ياحبي لك ياشيخه
لينه: ولد اسكت تراك في بيتنا
فيصل: اي داري ههههههههه
لينه: طيب خل نتأكد يمكن نايمين..
فيصل: اي نايمين هالوقت صدقيني مافي احد..يلا حتى احنا ورانا طريق الحين
لينه بتنهيده: طيب
طلعوا لينه وفيصل ورجعوا بيتهم
دخلوا البيت ونزل فيصل الشنط لان ماكان في احد يساعدهم
طلع فيصل مع لينه الغرفه...دخلوا الغرفه كانت قمه في الترتيب والفخامه...ابو فيصل خلال فتره سفر فيصل غير غرفته كلها عشانه وعشان زوجته لدرجه ان فيصل
نفسه تفاجأ في البدايه وبعدها عرف انها حركه من ابوه...ابو فيصل كان انسان يعرف الواجب والاصول وذوق وينحب لانه طيب ويتمنى الخير لكل اللي حوله
لينه: وااو وش هذا كله..؟
فيصل: مممم تصدقين ماعرفت غرفتي في الاول
لينه: اي انا قلت يمكن داخلين غرفة عمي وخالتي بالغلط ههههه
فيصل: لا اشوى غرفتنا هههههههههه (وهو يبي يغيظها) الله يالينه فرق اول اقول غرفتي الحين غرفتنا
لينه باحراج وطنازه: تصدق عاد ماكنت ادري..
فيصل: هههههههههه طيب بروح اخذ شاور
لينه: اوكي انا برتي الشنط
فيصل: طيب
دخل فيصل ياخذ له شاور وفكرت لينه تكلم مزون
مزون: هلااااا
لينه: لا ياشيخه هذي اخرتها يالخاينه
مزون: ههههههه الحمدلله ع السلامه..
لينه: الله يسلمك شخباركم..؟
مزون: بخير نتجهز لملكة غاده
لينه: عمووما هذا انا بجيكم بس نتجهز انا وفيصل
مزون: توصلون بالسلامه..ها كيفك وكيف فيصل..؟
لينه: والله تماام
مزون: جد وكيف علاقتك فيه..؟
لينه: الحمدلله حلوه..
مزون بفرح: بذمتك؟..يعني تقبلتيه..؟
لينه: كثيييير
مزون: لينه من صدقك ولاتمزحين..؟
لينه: هههههه ليش امزح والله جد..؟
مزون: ونااسه لما تجين بتقولين لي كل شي بالتفصيل..وينه الحين.؟
لينه: ياخذ شاور..
مزون: حلوووو اسمعي
لينه: هلاا
مزون: روحي الحين وطعلي له لبس وشي عليه عطر ويكون مرتب ومغسول ومكوي..خليه اول مايطلع يلاقيك مجهزه له كل شي
لينه: طيب...
مزون: تمام..عقبها روحي خذي لك دش وسنعي نفسك ابيك اليوم تطلعين احلى من غاده نفسها..
لينه: ههههههههه ايوه..
مزون: اكلمك جد ابيك روعه سمعتي..؟
لينه: حاضر عمه مزون
مزون: طعيني يالينه والله فيصل يستحقك لاتضيعين هالفرصه خصوصا واضح انه يحبك سمعي كلامي..
لينه: طيب يامزون بسمع كلامك
مزون: يلا بسرعه روحي سوي اللي قلت لك عليه..
لينه: طيب يلا سلام سلمي على اهلي وقوليلهم وصلت.
مزون: مو وقت اهلك يلا سلام
لينه: ههههههه الله معك
سكرت لينه من مزون وفكرت ثواني في كلامها وقامت سوت اللي قالت عليه مزون......طلعت لينه لفيصل ملابسه وعطرتهم وجهزت له اغراضه
بعد ماخلص فيصل طلع ولقى لينه مجهزه له اغراضه ومترتبهم..صحيح لينه مرتبيه اساسا بس أول مره يحس بهالاهتمام منها...
لينه: نعيما..
فيصل: الله ينعم عليك..
فيصل بأستغراب: هذي ملابسي..!
لينه: اي انا جهزتها لك..
فيصل: يعطيك العافيه..!..بس ماكان له داعي تتعبين نفسك..
لينه بأبتسامه: تعبك راحه
فيصل بأبتسامه: تسلمين..!
لينه: الله يسلمك..انا بعد بروح اتحمم..
فيصل:اوكي..
لينه: فيصل...ترى جهزت لك اغراضك وحطيتهم بالهاند باج..
فيصل: مشكوره..!!
لينه:العفو ماسويت شي..عن اذنك..
فيصل: تفضلي
دخلت لينه تحممت وبعدها طلعت ولبست الفستان اللي جابته من ميلانو وفلت شعرها لاول مره وحطت شوية جل وخلته كيرلي وبعدها حطت مكياج ناااعم كان شكلها ولا احلى
لينه: ممممم فيصل وشرايك..؟
فيصل انصدم من شكل لينه لان ماتوقعها بتكون كذا
لينه: ممم حلو..؟
فيصل قام من مكانه وبقى يطالعها...لينه حست بأحراج من نظراته وسكوته
لينه ووجهها أحمر: مم فيصل ماقلت لي وشرايك..؟
فيصل: بصراحه ما ابي أتكلم عشان ما أظلمك..
لينه: حلو يعني..؟
فيصل: حرااام عليك حلو ووبس؟؟؟
لينه بحيا: طيب ماراح نمشي الحين..؟
فيصل: هههههههههه صدق نحيسه خليني اتمتع فيك شوي كل هذا عشان مزون..
لينه بأحراج: لا بس تأخرنا
فيصل: ههههههه ايه طيب...يلا انا نزلت الاغراض..
لينه: اجل خلاص توكلنا على الله..
فيصل: ونعم بالله
لبست لينه عبايتها ونزلت هي وفيصل
بعد ما ركبوا السياره
فيصل: لينه مو جوعانه..؟
لينه: لا
فيصل: بس اخاف تجوعين وعلى مانوصل ونقعد وحوسه بتتعبين..
لينه: لا عادي
فيصل: يابنت الحلال سمعي كلامي
لينه: صدقني موجوعانه ولو جعت بقولك..
فيصل: طيب براحتك..
لينه: فيصل عندك كاسيت...؟
فيصل: ايه عندي..شوفي في الدرج
لينه: هههههههههه وش باقي مو عندك..؟
فيصل: هههههه الله يخلي الثلاثي المرح
لينه: ههههههههه امين
قعدت لينه تدور بعدها لقت كاسيت عجبها وحطته
فيصل: وش حطيتي..؟
لينه بمرح: مم شي حلو بس اسمعه..
فيصل: اوكي
إيش جابك من بلادك لبلادي..إيش خلاك تسكن في فؤادي..أحس الشي في مهجتي لك غير عادي...كل ما أشوفك يزيد ..ياذا الحب الجديد يعتصر قلبي وياخذ مايريد..
فيصل: احم احم
لينه: هههههههههههه الكلام مو لك لعبدالمجيد..
فيصل: ههههههههههه لا ياشيخه
لينه: اسمي لينه مو شيخه
فيصل بضحك: تخيلي اسمك شيخه هههههههههههه ااه ياقلبي تطلعين فضيعه..
لينه: ما ابي اتكلم كثير عشان ما اجوع
فيصل: واضح ههههههه
لينه: تصدق احلى شي ان غاده بتاخذ ابراهيم اخوك..
فيصل: اكيد احلى شي عشان انتي تبين قربي دايما..
لينه: ياشين اللي يدخل نفسه في المواضيع..
فيصل: ههههههههه اشوى مو انا اللي ادخل نفسي
لينه: لاجدي..
فيصل وهو يستفزها: الله يرحمه ميت من زمان
لينه: امين صدق ماعندك سالفه
فيصل: ليش هذا احنا نسولف..
لينه: ياخي انت مستفز بشكل..
فيصل: حرام عليك انا مافي مثلي
لينه: صح مافي احد مثلك برفعة الضغط
فيصل: لا بالعكس بس انتي اللي ماتتحملين كلمه..لانك دلووعه
لينه: انا دلوعه..ياويلي على حالي بس انا اقل وحده اتدلع..
فيصل: انتي اللي ماتبين الدلع
لينه: اشك صراحه ان هو اللي مايبيني..
فيصل: بالعكس انتي رافضته..
لينه: من قال..؟
فيصل: انا اقول هذا انا ابي ادلعك وانتي مو معطيتني فرصه
لينه: انت بس تبي تدخل في المواضيع وبس
فيصل: هههههههههههه طيب جد انا ما ادخل نفسي انتي ماتبين ادلعك..
لينه: اي ما ابي زين؟
فيصل بضحك: طيب اسمعي وشرايك تجربين..؟
لينه: وش اجرب..؟
فيصل: تجربين ادلعك لو ماعجبك نبطل..
لينه: وشرايك بعد نحط شروط جزائيه...عقد هو؟
فيصل بضحك: وشفيك انتي شابه بس جربي وبعدين احكمي..ها وش قلتي..؟
لينه: طيب بنجرب..
فيصل: خلاص اجل من اليوم بتشوفين الدلع..
لينه: الله يستر من دلعك
فيصل: لا انا ما اخوف لهذي الردجه يادلوعتي..هههههههه
لينه: يابايخ
فيصل: ههههههههه
..................................................
مزون كانت نازله من تحت ودخلت الصاله وكان الكل موجود
مزون بمررح: يااااااااااهووووووووووووووووو
محمد:وشفيك على هالصراخ..قصري حسك
مزون: ما ابي اقصره ابي اعلييييييييييه
محمد: لا انا اغار ما ابي احد يسمع حسك غيري..ولا بلشطه
الكل: هههههههههه
مزون: ههههههه ترى مو وقتك...اسمعووا ياجماااااعه لينه وفيصل وصلووا والحين هم بالطريق
الكل بفرح: الحمدلله على سلامتهم..
ام غاده: وشخبارهم ان شاء الله ماتعبوا من السفر.؟
مزون: الحمدلله بخيررر ويسلمون عليكم كل ابوكم
ام عبدالعزيز: صدق انك طويلة لسان وش كل ابوكم...ربعك حنا..؟
مزون: عادي يمه عاد الحين لاتشرهون علي انتظر لينه بفارغ الصبرر..
ساره: ههههههههه اي مزون الله يعينك حالتك صعبه الحين..
ريم: لاتطحين علينا بس هههههههه
مزون: يلا يلا بس ولا كلمه انتي وهي
عبدالعزيز: هييييييييييييه ووجع خير ان شاء الله امسكي لسانك
مزون: سكت مرتك الاول
عبدالعزيز: ماراح اسكتها ماقالت شي غلط انتي سدي فمك واسحبي كلامك
محمد: نعم عزوز؟؟ وش قلت اقول لاتطول لسانك على مزون
خالد: اصلا هو مقور من التسبيحه المحترمه الصبح هههههههههههااي
الكل: ههههههههههه
عبدالله:هين ياحمود انت وخويلد ان ماردينها لكم
محمد: ايييه على مايجي يومها يصيرر خيرر بنجيب ثور ينحطكم مو نسبحكم وهذا تحذير نهائي لو بتنامون للظهر
الكل: هههههههههههههه
مر الوقت بسرعه الكل قعد يتجهز عشان الملكه والبنات اتفقوا مع مشغل يرسلهم كوافيرات للبيت احسن
وصلوا لينه وفيصل بيت بو بدر
فيصل وهو يلتفت لـ لينه: الحمدلله ع السلامه
لينه: الله يسلمك
فيصل: لينه وشرايك نرجع يالليل احسن..؟
لينه: لا فيصل تكفى..
فيصل: اريح
لينه: لافيصل
فيصل: نرجع احسن
لينه: فيصل عااد ياقلبي انت خلنا نقعد..
فيصل: ههههههههه انا كنت ابيك تدلعيني بس
لينه وهي تضربه على كتفه بخفه: يابايخ
فيصل: ههههههههه تو الحين قلبي صرت بايخ
لينه: اي
فيصل: طيب مشكوره يالينه يجي منك اكثر..
لينه: فيصل زعلت امزح معك؟
فيصل: لا عادي..
لينه: شكلك زعلان..
فيصل: لا مو زعلان..
لينه: يووه خلاص انا اسفه وماراح اقولك لا بايخ ولا شي وبدلعك بس لاتزعل
فيصل: اذا كذا اوكي هههههههههههه
لينه: ههههههه طيب يلا ننزل
دخلوا فيصل ولينه حديقة البيت......ومزون كانت قاعده فيها تستنى جية لينه
مزون بفرح: اهلييييييييييييييييييييييييييييييين ياهلااااااا والله
لينه بفرح وهي تحضن مزون: هلاااااا فيييييك
مزون: ياااربي اشتقت لك موووووووت
لينه: وانتي اكثرر
مزون وهي تحضن لينه بقوه: يااااااايي لينه واخيرا جيتي تفكيني من هالوحوش
لينه: ههههههههههههه ااي بفكك بس فكيني انت اول
مزون: ههههههههههه (انتبهت مزون لفيصل)...الحمدلله ع السلامه بوفهد..
فيصل: الله يسلمك..هذا انا وصلت لينه مافي اصابات ولا شي
مزون: هههههههههه لا ماشاء الله عليك حتى وزها زايد
فيصل: هههههههههه اي عشان ماتتهموني اني مجوعها ولا شي ماشاء الله هي ماقصرت حتى اكلي تاكله
لينه: ههههههههههه لا والله الحين انا وزني زايد واكل اكلك؟؟
فيصل:انا مالي شغل كلام مزون
مزون: افاا الحين تلزقها فيني هههههههه جد كلكم مافيكم امان..
لينه:توك تدرين..؟
فيصل: شكلكم بتتفقون علي امشي احسن..
محمد وهو جاي بسرعه ويعلي صوته: فصووول حيا الله بو فهد
فيصل وهو يسلم عليه: هلا فيك والله
محمد: حمدلله ع السلامه مابغيتوا تجون
فيصل: الله يسلمك
محمد: اجل اسمعووا دامكم جيتووا الحين نبي بكره نطلع مزرعة عمي بوبدر قول تم..
لينه: ع الاقل عبرني سلم قول اهلين اشتقنا لك..لا سلام ولا كلام ..؟؟
محمد وهو توه ينتبه لوجود لينه ومزون: افاااااااا لولووو هناااا ياهلا ومرحبا ملايين ولا يسدهم على قولة الاماراتيين (وهو يسلم على لينه ويحضنها)
حيا الله لوولوو وانا اقول المكان منور اثرك هنا
لينه بعد ماسلمت عليه: وخر عني بس مالت عليك يوم المطار اسلم عليك وابكي وانت الحين تفكر بالمزرعه
محمد: والله ما انتهبت لك ياحياتي..
لينه: اللي ماخذ عقلك..
محمد: ههههههههه يتهنااا فيه
لينه: يلا بس لايكثر بدخل اسلم ع البااقين
محمد: اوكي وانا بروح مع فيصل بعد
مر الوقت بسرعه الكل فرح برجعة لينه وفيصل وافرحوا اكثر بأبراهيم وغاده واتفقوا على انهم يطلعون المزرعه ثاني يوم الصبح
.................................................. .......
كيف بتكون طلعة المزرعه..؟؟
وعلاقة غاده وابراهيم..؟؟
|