الجـــــــــــــــــــــــــــــــــــــــــــــزء الرابــــــــــــــــــــــــــــــــــــع عشـــــــــــــــــــــــر
أم عبدالعزيز: أجل إن شاء الله ملكة ابراهيم وغاده الاربعاء..
ساره: اي إن شاء الله
ابو عبدالعزيز: الله يتمم بخير
الكل: امين
أم عبدالعزيز: طيب وفيصل اخوه ماراح يحضر..
ساره: لا إن شاء الله بيحضرون..
عبدالعزيز: لينه وراها دراسه أكيد بيرجعون..
ساره: ياحليلها غاده عقب ماتتزوج بتصير قريبه مننا
عبدالعزيز: الله يوفقهم
الكل: امين
ساره: ياعمري ياخالتي بتصير بروحها مع عمي..
خالد: انا ابي افهم بس بدر ذا مو ولدهم..كم سنه له ماشفته..
ساره: بدر ذا انسان متبلد بمعنى الكلمه وجوده مثل عدمه حتى اخته مو راضي يحضر ملكتها
ابو عبدالعزيز: الله يهديه هالولد ذبح ابوه..
ساره: عبدالعزيز..بكره أبي أطلع مع مزون وريم..عشان نبي شوية اغراض لملكة ابراهيم
عبدالعزيز: إن شاء الله
.........................................
فيصل: لينــــه..
لينه: هممم
فيصل: ههههههه وشفيك ماتردين..؟
لينه: ولا شي
فيصل: استحيتي..؟
لينه وهي تحاول تخفي ابتسامتها: مم لا
فيصل وهو يحط يده على ظهره: يعني ما استحيتي..
لينه بعد ماقدرت تمسك ابتسامتها: فيصل وخر ترى بيجيك شي مو زين
فيصل: هههههههههههه (وهو يسوي نفسه مسكين) ليش انتي ماتحبيني وتكرهيني..؟
لينه: هههههههههههه ليش من قالك..؟
فيصل بخبث: يعني تحبيني..؟
لينه:......
فيصل: شفتي ماتحبيني تكرهيني..
لينه: يعني يا احبك يا اكرهك...
فيصل: اي اختاري..
لينه: ما ادري
فيصل: هههههههههه طيب جد لينه تكرهيني ولاتحبيني..؟
لينه وهي أول مره تصارح نفسها وتصارح فيصل: أول ما ملكت علي كنت مو متقبله فكرة الزواج نفسها وبعدين كنت دايما تغيظني وتسفزيني
وكنت انقهر منك كثير بس لما جينا ايطاليا صرت طول الوقت معك عرفتك اكثر يعني عرفت اشياء فيك ماتوقعتها..
فيصل: مثل..؟
لينه: يعني زي انك حنون وطيب بس دايما تخفي هالاشياء ورى شخصيه قويه وغامضه
فيصل: يمكن...طيب لين الحين ماجاوبتي..
لينه: اعترف لك يافيصل واعترف لنفسي اني بديت احبك
فيصل بفرحه: جد..؟
لينه بحيا: اي...بس لاتقول لاحد..
فيصل: هههههههههههههههههههه
لينه: ههههههههههههه
فيصل: طيب اجل ليش تنفرين مني واحسك تتجنبيني..؟
لينه: ما ادري خايفه اني احبك
فيصل: خايفه تحبيني..!!
لينه بألم: اي خايفه احبك وتعذبني خايفه احبك وتحطمني
فيصل: حرام عليك يالينه كيف تقولين هالكلام انا احبك اكثر من الدنيا هذي كلها شلون اعذبك..؟
لينه: ما ادري يافيصل انا خايفه
فيصل: كيف تخافين وانتي ماعطيتيني فرصه ابين لك حبي احنا من يوم ماتزوجنا لين اليوم واحنا علاقتنا مو علاقة اثنين متزوجين...
لينه انحرجت من كلامه ونزلت راسها
فيصل وهو يرفع وجهها: لينه المفروض انك ماتستحين مني هذي الحقيقه صح ولا لا..؟
لينه باحراج: صح
فيصل بأبتسامه: اجل كيف حكمتي علي..؟..عطيني فرصه وبعدين احكمي..
لينه ردت على كلام فيصل بأبتسامه
فيصل بأبتسامه: ها موافقه..؟
لينه هزت راسها بالايجاب وهي تبتسم له
فيصل وهو يمسك يدها ويبتسم: أجل خلاص الليله بنبدا حياتنا مع بعض وننسى كل اللي فات...
................................................
ثاني يوم
قامت ساره من الصبح ونزلت ولقت مرت عمها
ساره: صباح الخير..
ام عبدالعزيز: ياهلا والله صباح النور والسرور
ساره وهي تبوس راسها: كيفك اليوم ياخالتي..؟
أم عبدالعزيز: بخير الحمدلله...ماشاءالله قايمه مبكر اليوم
ساره: اي والله نمت مبكر
ام عبدالعزيز: احسن لك والله يابنتي بدال ماتقومين الظهر نومة الظهر مامنها فايده..
ساره: وانتي صادقه
ام عبدالعزيز: اليوم عاد ان شاء الله بنسافر لاهل خالتك غاده
ساره: اي حتى انا بعد شوي بطلع مع ريم ومزون نروح نشتري شوية اغراض
خالد وهو بيدخل الصاله: في احد..؟
ساره: لحظه خالد
خذت ساره الجلال وتغطت
ساره: حياك تعال
خالد: السلام عليكم
ام عبدالعزيز: عليكم السلام...متى قمت
خالد: من كم ساعه فطرت ونزلت
ام عبدالعزيز: ساره فطرتي يابنتي..؟
ساره: لا والله ياخالتي
ام عبدالعزيز: قومي اجل فطري عشان تطلعين وتروحين وتجين براحتك بعدين تجوعين وتتعبين..
ساره: ان شاء الله
عبدالعزيز: مرحباا
الكل: هلا
ام عبدالعزيز: هذا عبدالعزيز صحى..
عبدالعزيز: ليش..؟
ام عبدالعزيز: افطر مع مرتك
عبدالعزيز: اي والله جوعان
ساره: يلا انا بقوم اقولهم يسون لنا فطور
خالد: يمه جهزتوا اغراضكم..؟
ام عبدالعزيز: اي من امس بعدين مافي شي كلها شوية اغراض..
خالد: زين خلاص انا بروح وراي دوام
ام عبدالعزيز: في حفظ الله
.................................................
أبو بدر: جهزتوا البيت عشان لما يجونا
ام بدر: اي رتبنا كل شي
ابو بدر: زين اشوى رتبوا لهم الغرف وحطوا لهم القهوه والحلا والفواكه في الغرف ما اوصيكم..
ام بدر: ولايهمك كل شي مجهز..
ابو بدر: طيب انا بطلع اجل اروح الشركه وان شاء الله برجع بدري قبل جيتهم بوقت..
ام بدر: الله معك..
عقبها راحت ام بدر تشوف غاده
ام غاده: ها غاده قمتي..؟
غاده: اي يمه
ام غاده: اجل تعال معي نشوف لايكون في شي ناقص عشان لما يجون الاهل..
غاده: ان شاء الله
.................................................
محمد: يبا وشرايك..؟
ابوعبدالله: كيفكم والله لو تبون تروحون والكل موافق خلاص نروح..بس متى بترجعون..؟
محمد: الجمعه عشان الشغل والدراسه..
ابوعبدالله: اجل شاور اهلك..
محمد: عبدالله وريم ومزون موافقين وامي ان شاء الله ماهي معارضه..
عبدالله: السلام عليكم
بوعبدالله ومحمد: وعليكم السلام..
عبدالله: ها حمود وش اللي موافقين عليه..؟
محمد: طلعة المزرعه..
عبدالله: ايه صح والله...ماعندك مانع يبا..
بوعبدالله: لا لو تبون تطلعون خلاص ليش اعارض..
عبدالله: الله يخليك لنا ماتقصر ياطويل العمر
محمد: اجل بنقولهم موافقين بس لما نتأكد من فيصل ولينه..
بوعبدالله: متى بيرجع فيصل واختك..؟
محمد: ماراح يتأخرون اكيد بالكثير الاربعاء
بوعبدالله: ايه يوصلون بالسلامه
الكل: ان شاء الله
.................................................
مزون: رييييييييييييييييييم يلااااااااا
ريم: يمه طيب اسم الله علي
مزون:ساره صار لها ساعه واقفه برى
ريم: خلاص هذا انا خلصت..؟
مزون: وين خليتي نايف..؟
ريم: عند خالتي والشغاله بتساعدها وتجلس جنبه
مزون: زين أجل يلا تأخرنا
ريم: اقول ماكلمنا غاده لايكون محتاجه شي..
مزون: لالا انا ملكمتها ماشاءالله مو ناقصها شي
ريم: زين اجل
طلعت مزون وريم
مزون وريم وهم يركبون: السلام عليكم
ساره: وينكم فيه انصهرت من الشمس
مزون: سلامات سلامات ماصار شي
ساره: ههههههههههه
مزون: كل من هالحلوه
ريم: يمه عليك خلاص عاد ماصار شي
ساره: هههههههههه شكل الشمس مأثره على عقولكم هاش خباركم بس.؟
ريم: بخيرر
مزون: انا مو زينه ابد
ساره: لااااا؟..لو لينه كان صرتي تمااام..
مزون: وانتي صادقه والله
الكل: هههههههههههههه
.................................................
طلع فيصل من الحمام بعد ما اخذ شاور وحلق كان لابس جينز لونه كحلي تقريبا وبلوزه بيج مايل للابيض كان محليه ولقى لينه غاطه بالنوم
فيصل وهو يقعد جنبها: لينه..
لينه وهي تلف للجهه الثانيه: همممم
فيصل: قومي..
لينه وهي على حالاتها ونايمه: طيب..
فيصل: ههههههههههه قومي
لينه: طيب
فيصل: يالووووولو
لينه: هاااااااا
فيصل: قومي
لينه وهي تدفن راسها بين المخادات: يوووووه طيب
قام فيصل وفتح الستاير وجا النور قوي على لينه
لينه: يووه ياربي ابي انام
راح فيصل ونسدح جنبها وقعد يضايقها مسك ورده كانت على الطاوله وقعد يمررها على خدها
لينه وهي تحك خدها: فييييييييييييييييصل
فيصل: هههه قومي يلا
لينه وهي تقعد بعصبيه: اووف ابي انااام
فيصل: طبعا ماتنلامين متى نمتي امس الفجر..
لينه بأحراج وعصبيه مسكت المخده اللي بيدها وقعدت تضرب فيصل: ياخفة دمك
فيصل: هههههههههههههه
لينه: وش تبي فيني النوم
فيصل: ابيك مشتاق لك
لينه: لا ياشيخ
فيصل وهو يغني لها: يالعنبوا هالشوق جرح عيوني
لينه: الحين مقومني عشان تغني
فيصل: هههههههههه قوووومي بس احنا في ميلانو ترى وملكة غاده بعد بكره
لينه وهي تشهق: نسيييييييت
فيصل: اشوى اني معك عشان اذكرك هههههههه
لينه: ماجبت لها شي ولا هديه ولا غيره
فيصل: قومي نطلع الحين واشتري لكل واحد اللي تبين
لينه: طيب متى بنرجع..؟
فيصل: حجزت بكره الصبح
لينه: طيب بقوم اخذ شاور وبعدها نطلع
فيصل: يلا انتظرك
لينه كانت رايحه واستوقفها شي
لينه: فيصل..
فيصل: هلا
لينه: ممممم انا ماعندي شي البسه لملكة غاده وابراهيم
فيصل: عادي...نشتري من هنا
لينه بأبتسامه: طيب
وراحت لينه واخذت لها شاور وتجهزت عشان تطلع كانت لابسه بلوزه سماوي وتنوره بيج وبوت بيج
فيصل بأبتسامه: وش هالكشخه..
لينه بأبتسامه وهي واقفه كأنها تستعرض لبسها قدام فيصل: حلو..؟
فيصل وهو يقرب عندها: اكيد انتي اللي محليته مو هو اللي محليك..
لينه بحيا: من ذوقك..
فيصل: الذوق مايجي الا لاهله...يلا نطلع..؟
لينه بأبتسامه: اوكي
فيصل: بس بننزل اول ناكل شي..ونطلع
لينه: في بوفيه الحين..؟
فيصل: ما ادري عموما لو مافيه ناخذ اوردر
لينه: اووكي
طلعوا لينه وفيصل لينه شرت لها فستان بسيط بس كان حلو مره وبعدها شروا هدايا للباقين
دخلوا لينه وفيصل محل مجواهرات وبقت لينه تدور هديه حلوه لغاده في نفس الوقت فيصل شاف عقد ألماس في حرفين
متشابكين كان حرف F,l وشراها من غير ماتحس لينه
فيصل: هالينه..خلصتي..؟
لينه: اي وشرايك بذا..؟
كان بيد لينه خاتم الماس الونه مايله للموف شوي
فيصل: حلو مره هذا لغاده..؟
لينه : اي
فيصل: طيب تعرفين مقاس اصبعها..
لينه: غاده مثلي انا قسته لقيته قدي..
فيصل: خلاص خذيه..
شرت لينه الخاتم وبقوا لينه وفيصل يتمشون بعدين راحوا يشترون ايس كريم
لينه: مشتاقه ارجع
فيصل: خلاص مابقى شي بكره ان شاء الله نكون هناك
لينه: ان شاء الله
فيصل: اهم شي انك انبسطتي
لينه: الحمدلله...بس ايطاليا حلوه يعني ماتوقعتها كذا..
فيصل: حلوه فيك..
لينه: فيك اكثر
فيصل بأبتسامه: تسلمين لي حبيبتي...بس احنا لو كنا قاعدين اكثر ووديتك باريس وبعدها نيو يورك كان قلتي ايطاليا مافيها زود
لينه: لهذي الدرجه يعني..؟
فيصل: صدقيني..
لينه: اجل خلاص فيصل ما نبي نرجع خلنا نروح باريس ونيويرك هههههههه
فيصل: هههههههههههه يعني..؟...عموما ولايهمك اوديك يعني ادويك
لينه: الله يخليك لي..
فيصل: ويخليك حبيبتي..ماقد رحتي فرنسا..
لينه: لا ....بس من احلى البلدان اللي رحت لها..اليونان لان كان فيها طبيعه روعه رحنا جزرها فضيعه جزرها وحده من جزرها
كانت مشهوره بالفستق تمشي ع الارض والفستق تحتك من كثررته جزرها كانت خيال ورحت المانيا المانيا عاد شي ثاني انا احبها
فيصل: انا قلت اوديك ايطاليا عشان تشوفين شي جديد
لينه: بالعكس انا كنت حابه اشوف بلد جديده احلى
فيصل: عمي بوعبدالعزيز كان يروح مع عياله وياكم
لينه: هههههههه طبعاااااا ولا شلون انا ومزون نقدر نبعد عن بعض..
فيصل فجأه خطر شي في باله وقعد يضحك: هههههههههههههههههههههههه
لينه بأبتاسمه واستغراب: وشفيك..؟
فيصل: ههههههههههههههه سلامتك بس ما ادري ليش تهيأ لي للحظه ان انتي ومزون فيس وليلى مو بنا صالح وسالم هههههههههههههههه
لينه ضحكت غصب عنها وضربت كتف فيصل بخفه: بايخ
فيصل: ههههههههههه انتي ابيخ
لينه: لا والله..؟
فيصل: اي حتى متندم جبتك معي..
لينه: ما احد جبرك تتزوجني..
فيصل: الا في
لينه: مين؟؟
فيصل: هذا (وهو يأشر على قلبه)
لينه: والله ما احد قالك امش وراه
فيصل: وش اسوي والله مو بيدي انا كلي له ما اقدر اخالفه غدر فيني وخلاني كلي لك
لينه: هههههههههههه
فيصل: هو الحين لك..بتحافظين عليه..؟
لينه: بحطه بعيوني زين كذا..؟
فيصل: ههههههههه ياليييييييت...طيب انا بعطيك شي معه وابيك تحافظين عليه معه..
لينه: وشو..؟!!
فيصل قرب من لينه وبحركه خفيفه طلع العقد من جيبه ولبسها اياه
لينه بأتسامه واستغراب: وشذا..؟
فيصل: شوفيه..
لينه تأملت فيه حست للحظه بشي غريب لكن سرعان ماتلاشى لما جات عينها بعين فيصل
لينه: حرفك وحرفي
فيصل بأبتسامه: اي...توعديني انك حفظينه وتحفظين قلبي معه..؟
لينه ولاول مره تحس انها تبي فيصل وقربه وحاسه بعاطفه اتجاهه: أوعدك يافيصل...
فيصل وهو يقبض على يدها: وانا اوعدك اني بكسب قلبك..
لينه: بس انت كسبته يافيصل..
فيصل: افهم من كلامك انه صار لي..؟
لينه ابتسمت وهزت راسها بالايجاب: مممممممم
ورد فيصل على كلامها بأبتسامه كلها حب
.........................................
كيف بتكون رجعة لينه وفيصل..؟
وعلاقتهم كيف بتكون..؟
|