الجــــــــــــــــــــــــــــــــزء الثــــــــــــــــــــاني عشــــــــــــــــــر
فيصل ولينه كان باقي على اقلاع رحلتهم تقريبا ثلث ساعه وقعدوا ينتظرون لحد ماتعلن الرحله عن اقلاعها
فيصل شرى جريده وقعد يقراها لينه جلست تلعب في الموبايل
لينه فجأه قامت والتفت لها فيصل وكأن يقول على وين؟
لينه: ماصليت الفجر بروح أصلي ..
فيصل وهو يقرى الجريده: اوكي تقبل الله..
لينه: منا ومنك
ومشت لينه قبل لاتسمع رده
راحت لينه وصلت وقعدت تدعي ان الله يعينها خلصت لينه من صلاتها ورجعت وقعدت جنب فيصل
فيصل: يلا المفروض نقوم اعلنوا عن الرحله..
لينه قامت بدون رد
بعد ماكبوا الطياره
فيصل: قد رحتي ايطاليا من قبل..؟
لينه: لا
فيصل: حلو عشان تشوفين بلد جديده...
لينه: ممم صح
فيصل: تدرين وش يسمون روما..؟
لينه بتنهيده: اييه عاصمة العشاق..
الكابتن اعلن ان الطياره راح تقلع ولازم الركاب طبعا يربطون الاحزمه
فيصل: لينه..
لينه وهي تلتفت له : همممم
فيصل:ما تخافين من الاقلاع..؟
لينه: لا من قال..!
فيصل: هههههههههه محمد مره يسولف لي يوم انتوا صغار يقولي انك ابرد وحده في الطيران يعني تقعدين تضحكين وتنططين
لينه اضحكت لانها تذكرت ذيك الايام: اي صح كنت استانس وقت الاقلاع
فيصل: عكس عهود وعنود لحظة الاقلاع امراض الدنيا تجيهم
لينه بضحكه: وانت..؟
فيصل: لا عادي...تبين تشربين شي..؟
لينه: لا مشكور..
بقوا فيصل ولينه طول الرحله في هدوء أو كلام بسيط بينهم لايضر ولاينفع
............................................
ثاني يوم
مزون: اقول محمد حبيبي..
محمد: هلا
مزون وهي تمد يدها: بعد أذنك ابي فلوس..
محمد: كم تبين..؟
مزون: ممم انت كريم واحنا نستاهل..
محمد: تستاهلين ونص بس ما ادري كم تحتاجين..
مزون: يعني وشرايك انت..
محمد: ممممم يعني ثلاث الاف..؟
مزون: نعم؟؟
محمد: مو زينين..؟...طيب ممم خمسه..؟
مزون: وشو..؟
محمد: طيب طيب ممم ثمانيه..؟
مزون: محمــــد..
محمد: عشره..؟
مزون: من صدقك..؟
محمد: وش تبين انتي..؟ حشى مصروف بيت..
مزون: يعني زيدهم شوي..
محمد: 11 وبس
مزون: عشاني خاطري..
محمد: 11 وخمسميه يكفي عاد
مزون: ااه طيب..ادبر نفسي
محمد: وش تدبرين نفسك انا ابي افهم وش تبين فيهم..؟
مزون: الدراسه قربت وابي اشتري اغراض جديده
محمد: اغراض بـ 11 الف..؟..من صدقك وشذا..
مزون: اي انا محتااجه عاد
محمد: اعوذ بالله
مزون: المهم بتعطيني..؟
محمد: بعطييييك هذا وجهي لو مافقرتني يامزون
مزون: ههههههههه معليش عااد لما اشتغل ماراح اطلب شي منك
محمد: هههههههههههه وش هالشلغه اللي بتجيب لك 11 الف..ومن قال اصلا انك بتشتغلين..؟
مزون: ليش..؟
محمد: بس انا ابيك تقعدين ما ابيك تشتغلين
مزون: اجل استحمل مصاريفي..
محمد: حاضر بستحمل...اقول انا الحين بطلع وراي دوااام..
مزون: الدوام لله
محمد: ههههههههه طيب يلاا سلام
مزون: لاتنسى ..
محمد: من عيوني...أوامر ثانيه..؟
مزون: سلامة قلبك..
محمد: الله يسلمك مع السلامه..
مزون: الله معك
............................................
وصلوا لينه وفيصل لمطار روما بعدها كان في سيارة الاوتيل تستانهم وصلوا الاوتيل
كانوا ماخذين جناح ملكي وكان قمة في الفخامه وكانت الهاوس كيبر مرتبه الشنط بعد ماقعدوا فيصل ولينه وحطوا اغراضهم
راحت لينه اخذت لها شاور ولبست بنطلون اسود وتي شيرت رمادي
وكانت حاطه كحل داخل عيونها كان محليها كثيير لان لينه عيونها عسلي ورسمة عيونها حلوه وحاطه قلوس وردي فااتح ومحليها
خصوصا ان خدودها كانت حمره من بعد الشاور
فيصل كان قاعد يقرى المجلات والجرايد وحاط رجل على رجل وفجأه التفت ولقى لينه قدامه نعومتها وبساطتها كانت مثل الملاك النازل من السما
قعد فيصل ثواني يتأمل في شكلها:نعيما
لينه وهي تقعد: الله ينعم عليك..
لينه حست ان فيصل مركز عليها ومو راظي يشيل نظره عنها
لينه: ممم ماتبي تتحمم.؟
فيصل بأبتسامه: الا بقوم
قام فيصل واخذ له شاور ولينه حست انها جوعانه لها اكثر من يومين ما كلت شي
لينه: اووف معدتي تعورني جوعانه
قامت لينه وفتحت الثلاجه مالقت فيها الا شوكلاته ومشروبات غازيه وعصيرات
لينه: اوف ماينفع اكل هالاكل بطني بيوجعني اكثر
طلع فيصل ومالقى لينه بالغرفه وفجأه دخلت عليه
فيصل كان لابس بنطلون بيج وبلوزه سوده وهو كان مربي له سكسوكه فيصل اساسا كان جمسه روعه وبياضه كان حلو عليه لانه رجال
لينه وهي أول مره تنتبه لوسامة فيصل: ها خلصت.؟..نعيمها..
فيصل: ينعم عليك...لينه ماتبين تاكلين..
لينه: اذا تبي اطلب لك..
بعدها دق الباب وفتح فيصل كان جاي لهم الاكل لان فيصل اطلبه قبل لايتحمم
فيصل: يلا تعالي كلي..
لينه: ما ابي..
فيصل: تعالي بس انتي ما اكلتي شي
لينه: موجوعانه
فيصل: مممممم طيب..معليش بعد أذنك تجين تقعدين جنبي..
راحت لينه وقعدت جنب فيصل...خذا فيصل قطعة توست بريد وحط فيها جبن وجام
فيصل وهو يعطيها لينه: تفضلي..
لينه: شبعانه..
فيصل وهو يسايرها: ادري انك شبعانه بس لاترديني
خذت لينه من فيصل البريد وبعدها عطاها كاس عصير
فيصل: يلا اكلي عشان احس ان في احد ياكل معي
لينه وماقدرت ترده لان شكل الصينيه يشهـــي وهي اساسا ميته جووع: طيب
لينه في قلبها: فيصل ذا احس عمري ماراح افهمه مره ما افي الطف منه معي ومره مافي اجفس منه...!!
فيصل: الحمدلله..
لينه: شبعت..؟
فيصل: اي...طيب انا بروح انام تعبان من السفر..
لينه: اوكي
فيصل: ماتبين ترتاحين..؟
لينه: ممم لا مافيني نوم
فيصل: اهاااا طيب براحتك..
لينه: روح انت ارتاح انا بجلس اطالع التلفزيون
فيصل: طيب
دخل فيصل ونام وبعدها بشوي ماقدرت لينه تقاوم النعاس ونامت ع الكنب
بعد ساعتين تقريبا طلع فيصل للصاله وشاف لينه نايمه وشكلها كان طفوولي وصاافي وقعد يتأمل في ملامحها
بعدها لينه حست ان في احد واقف وقامت
لينه: قمت..؟
فيصل: ليش نايمه هنا..؟
لينه: مافي شي بس غفيت بدون ما احس..
فيصل: لا ماغفيتي انتي كنتي متعمده
لينه في قلبها: اذبحه ذا..؟
فيصل: وشفيك ماتردين..؟
لينه: ولا شي
فيصل: طيب مره ثانيه ماله داعي تقولين ما ابي اكل وانتي ميته جوع وتقولين ما ابي انام وانتي نعسانه
لينه بجد احرجها كلام فيصل وقهرها اكثر
لينه في قلبها: هذا اللي بذبحه الحين ناقصته انا؟؟
قامت لينه من مكانها ووقفت قدام فيصل
لينه وهي حاطه ايدينها على خصرها: اسفين استاذ فيصل مانكررها
ودخلت لينه الغرفه وخلته
فيصل: هههههههه خبله هالبنت
لينه دخلت الغرفه وكانت منقهرره من حركاته...يعني بيبقى كذا طول عمره يناقرني ويسوي هالحركات اووف وبعدها ماقدرت تمسك دموعها
لينه من النوع القوي بس الشي اللي ممكن يبكيها القهر والزعل القوي
شاف فيصل لينه وانتبه لشكلها وكأنها تصيح وقعد يلوم نفسه وقرر انه يحاول يراضيها
فيصل جلس جنب لينه كان شكله طالع مره حلو وهو قاعد من النوم
فيصل: لينه
لينه:..........
فيصل: الحين وشفيك تبكين..؟
لينه: مافي شي
فيصل: انا ماكان قصدي ازعلك ....انا الحين زوجك المفروض انك ماتستحين مني
لينه:انا مو زعلانه..
فيصل: اجل ليش تبكين..؟
لينه: مافي شي اشتقت لاهلي..
فيصل: امداك تشتاقين لهم تونا جايين..؟
لينه: والله عاد هذا شي غصب عني..
فيصل وهو يمسح دموعها: طيب كلها اسبوع بالكثير ونرجع..وبعدين أنا وإنتي بنطلع ونتمشى وأنا متأكد إن إيطاليا بتعجبك كثير..
لينه:..........
فيصل: ها الحلو زعلان الحين..؟
لينه في نفسها: لا والله هالانسان مو طبيعي أكيد عنده إنفصاام في الشخصيه..!!!
لينه: خلاص مو زعلانه
فيصل: طيب الحين ارتاحي ولما ترتاحين نطلع نتمشى..
لينه: طيب بس..ابي اكلم اهلي..
فيصل: تبين تلفوني..
لينه: لا تلفوني عندي..
فيصل: خلاص كلميهم
بعدها طلع فيصل للصاله وكلمت لينه أهلها
ريم: الوو
لينه: اهليييييين
ريم بفرحه: لينه..هلا والله..الحمدلله ع السلامه
مزون كانت قاعده قريب من ريم وتلعب مع نايف واول ماسمعت اسم لينه نطت وراحت لريم
لينه: هلا فيك الله يسلمك شخبااركم..؟
مزون وهي تسحب سماعة التلفون من ريم: الووو ليووووووون وحشتيييييييييييييني ياااربي شخباارك الحمدلله ع السلامه شخباار فصول
لينه من بين دموعها اللي جفت على خدودها: ههههههههههه طيب شوي شوي علي اول شي الله يسلمك واشتقت لكم مووت
مزون: ها لولو كيفك وكيف فصول..؟
لينه: وبعدين معك انتي وش فصول..؟
مزون: احلـــــــى والله حركااااااات صرنا مانرضى عليه
لينه: اقول عاد بلا مصاخه زايده
مزون: طيب شخبارك معه..؟
لينه: عادي
مزون: شلون يعني..؟
لينه: مافي شي اعوذبالله توني واصله..
مزون: يصير خير ترجعين واوريك..
لينه: اجل ماراح ارجع بعد
مزون:ههههههههه والله وطابت لك القعده ياقليلة الخاتمه.. هذا وانتي توك واصله
لينه: هههههههههه المهم وش مسوين..؟
مزون: اللي يسمعك توك مفارقتنا..
لينه: يالخايسه وش هالاخلاق مع وجهك..؟
مزون: ههههههههههه المهم احترمي نفسك والزمي حدك ورجعي..
لينه: هههههههه اوووكي ولايهمك راجعه راجعه وقاعده على قلبك..
مزون: اييييييه هيين قصدك على قلب عنود وعهود..
لينه: بس عاد عطيتك وجه
مزون: بقوووه
لينه: ههههههههههه طيب سلميلي على الكل خصوصا محمد بوسيه من خدوده..
مزون: ههههههههههه ااه ياللي ماتستحين...ترى عهود وعنود يقولون قولي لـ لينه تبووس فيصل من خدوده وتحضنه لنا يعنــي ما يحتااج اوصيك..
لينه: والله لو انك جنبي كان كفختك يالبايخه
مزون: هههههههههههههه
لينه: يلا عاد عطيتك من وقتي
مزون: ههههههههههههه ايه نسينا ايام اول تترجيني اكلمك مع الوجه
لينه: ترى انا حاسه اليوم ان الاخلاق تجاااريه
مزون: هههههههههههه المهم انتبهي لنفسك
لينه: ههههه ولايهمك سلمي ما اوصيك يلا سلاااام
مزون: في حفظ الله
سكرت لينه من مزون وكان فيصل بالصاله
فيصل: ها كلمتي..؟
لينه بأبتسامه: اي..
فيصل بأبتسامه: هديتي يعني..؟
لينه: اي الحمدلله..
فيصل: طيب نامي الحين وارتاحي عشان نبي نطلع..
لينه:........
فيصل: لاتخافين انا بقعد برى اشوف لي شي اسويه
لينه بأحراج: طيب
بقت لينه تفكر في فيصل وفي حياتها معه...الحين توه يرمي كلام وشفيه صار يراضيني ياربي عليه صدق ماينفهم كل شوي بحال الله يعني عليك يافيصل..
مرت تقريبا ثلاث ساعات ارتاحت فيها لينه وغطت بالنوم وفيصل نام ع الكنب يعني تبادلوا الاماكن بس فيصل كان مرتاح اسااسا ومو تعبان مثل لينه
لينه: فيصل..
فيصل وهو يلتفت لها: هلا....ها ارتحتي..؟
لينه وهي تقعد: اممم نمت زين..
فيصل: الحمدلله.....ها نطلع..؟
لينه: ممم اوكي بس اروح اغير ملابسي
فيصل: خلاص بس لاتتأخرين...بعد انتو البنات ساعه تختارون لبس وساعه قدام المرايه..غثه
لينه: لاياشيخ..؟..عموما ماراح اتأخر..
فيصل: ههههههه بنشوف..
لينه راحت بدلت ملابسها وأخذت ربع ساعه تقريبا
لينه:خلصت..
فيصل: ماشاءالله..
لينه: ماطولت..
فيصل: لا مو كثير بس انا اذكر الله عليك..طالعه قمر..
لينه بأحراج : مشكوور
فيصل: طيب يلا..
طلعت لينه وفيصل....طبعا روما معروفه إنها أكبر عاصمه فنيه في أوروبا
فيصل: ها لينه كيف لقيتي روما..
لينه: مممم حلوه مره
فيصل وهو يمسك يدها: مو انا قايلك بتنبسطين...وش تبين بمحمد الحين عشان تتناجرين معه..؟
لينه: ههههههههههه
فيصل: ههههههههههه (وهو يغمز لها)انا عارفه اصلا انتي من تبين..؟
لينه: انا ..!..من أبي..؟
فيصل: يعني تحسبيني مو عارف..
لينه: مين طيب..؟
فيصل: مزون حبيبة القلب..
لينه: ههههههههههه
فيصل: صح..؟
لينه: صح ونص..
فيصل: بس ياخساااره يالينه مالك غيري هنا...يعني لو بذبحك ما احد درى عنك..
لينه: اعرفك سفاح..
فيصل: هههههههه انا سفاح..؟..ليش..؟ انا بريئ..
لينه : ياااعيني على البراءه..
فيصل بضحكه: كل شي منك حلوو...ماجعتي..؟
لينه: يعني..
فيصل: وبعديييييين...؟
لينه: ههههههه طيب صراحه جعت..
فيصل: جعتي بس..؟
لينه بحيا: يعني..
فيصل: اجل مو لازم ناكل..
لينه: لا فيصل جوعانه مره
فيصل: كذا اوديك..
لينه بأحراج: طيب
فيصل: تحبين البيتزا عاد..؟
لينه: مممم يمي يمي كثيير..أكلتي المفضله..
فيصل: هههههههه عاد اشهر شي بأيطاليا البيتزا والاسباجتي..
لينه: طيب يلا ورنا عاد
فيصل وهو يأشر على عيونه: تامرين من هالعين قبل هالعين..
لينه بحيا: تسلم عيونك..
راحوا فيصل ولينه للمطعم وتعشوا وبعدها رجعوا الاوتيل..
فيصل: ها مدام لينه عجبتك الطلعه..
لينه: اي حلوه
فيصل: الحمدلله...طيب متى دراستك تبدأ..؟
لينه: اي صح السبت بتبدأ..ليش..؟
فيصل: لا ابد بس عشان نبي نرجع قبل دراستك ولا تبين تغيبين..
لينه: ما اقدر..
فيصل: لو تبين اجيب لك عذر..
لينه: لا ما ابي عشان مايفوتني شي..
فيصل: عشان كذا توقعت انك تبين تروحين قبل لاتبدأ الدراسه وقلت اسألك واتأكد عشان نرجع بدري..
لينه: يعني متى بنروح..؟؟
فيصل: يعني عشان تلحقين تجهزين للدراسه وهالاشياء نرجع الابعاء الخميس بالكثير
لينه بتنهيده: ان شاء الله..
فيصل: والله كان ودي نقعد اكثر وامشيك واوديك بعدها فرنسا وامريكا بس خيرها بغيرها..
لينه: ان شاء الله
فيصل: عموما ولايهمك بنقعد يومين هنا وبنروح بعدها فينيسيا وبعدها ميلانو عادبتستانسين بميلانو كلها اسواق وهالسوالف ههههههه
لينه: ههههههههه ان شاء الله
..............................................
نايف: هلا ريم..
ريم: هلا فيك اخوي شخباارك.؟
نايف: بخيرررر مشتااق لك ومشتاق لشين الحلايا ولدك
ريم: هههههههههه هذا وانا مسميته عليك..؟
نايف: حرام اسمي فيه هههههههه
ريم: ههههههه والله تحمد ربي مسميته عليك..
نايف: احمدي ربك رضيت اخليك تسمينه علي..
ريم: مادامك ماتحبه ليش تقول مشتاق له..
نايف: ما ودي احبط معنويااتك صراحه....المهم وشرايك تجينا..؟
ريم: ما ادري
نايف: اسمعي بجي اخذك بلا ماادري بلا غيره وحتى مها بمر عليها اخذها..
ريم: طيب..
نايف: جيبي معك ولدك
ريم: توه شين الحلايا
نايف: ههههههههههههه المهم جيبيه وبس
ريم: ههههههههه خلاص
نايف: يلا مع السلامه
ريم: ياهلا انتظرك..
..............................................
فيصل قال لـ لينه تنام براحتها ونزل للوبي حق الاوتيل وقعد تقريبا ساعه ونص شرب كافي ورجع
دخل فيصل على لينه ولقاها نايمه وشافها تتقلب وخاف انها تصحى ورجع راح للصاله
بعد نص ساعه قامت لينه وحست بألم في معدتها ماقدرت تنام بسببه
لينه: فيصل..
فيصل اللي كان قاعد يطالع فلم: لينه وش مقعدك الحين..؟
لينه وهي تتألم: بطني يوجعني
فيصل بعد ماجا وقف جنبها: وشفيك..؟
لينه: ما أدري يوجعني ماعرفت انام..
فيصل: أوديك المستشفى..؟
لينه: لا ما ابي اووف ابي حبوب..
فيصل بقلق: أروح أجيب لك..؟
لينه: لا عندي بس مولاقيتها..
فيصل: وين كنتي حاطتها..؟
لينه: عند الكومدينه..
فيصل: اي شفتها ورفعتها لحظه اجيبها لك..
راح فيصل وجاب لـ لينه الحبوب ومعه كاس مويه
فيصل: يلا اشربي..
خذت لينه الحبه وبعدها قعدت ع الكنب..
فيصل وهو يمسح على راسها: ماتشوفين شر...لو ماخف اوديك المستشفى..
لينه وشكل وجهها عرقان وتعبان: ان شاء الله بيخف..
فيصل: ان شاء الله ..
بعد شوي تحسنت لينه وراح الالم وارتاحت..
فيصل: احسن..؟
لينه: اي خلاص
فيصل: غريبه من ايش كان يوجعك بطنك..؟
لينه: يمكن لاني ثقلت..
فيصل: يمكن..
رفعت لينه راسها لفيصل وابتسمت له: مشكور فيصل..
فيصل: على ؟؟
لينه: لاني حسيتك اهتميت فيني..
فيصل: ولو حبيبتي.....ولايهمك اهم شي انك بخير الحين..
.................................................. ..................
|