ردت سيادتها و ... ألحين بتقعد على السرير .. دخل عادل
عادل: بعدج زعلانه
علياء ما ردت عليه .. وقعدت
ويوم يـاي يقعد ... وقفـت وابتعـدت ..
عادل: لا لا الغاليه زعلانه
علياء اطالع نفسها بالمنظره: لا مب زعلانه
تقرب .. ألحين هي خايفه بس ما تبى تبين له
واقف وراها: عيل قومي نروح نشتري اغراض البيت
ردت عليه واطالعه من المنظره: اغراض البيت ؟! نحن انا ما اعرف شيء
عادل: حتى انا ما أعرف بس نشتري اللي يعجبنا
علياء: والله فكره هههه ملل ما طلعنا مكان من رجعنا
صـدت صوبه متحمسه الأخت: متى نروح
عادل يبتسم ويطالعها:مب مصدق
علياء تحرك يدها : حوو شو مب مصدق
عادل: انه انتي في حياتي
هالمره اضطرت تبتسم .. : وايد متأثر بالأفلام انت ...
فتح عليها الباب وكانت يالسه تلبس عباتهـا
علياء تعاتبه: دق على الباب مره ثانيه
ضحك: انتي حرمتي ومن حقي .. خلصتي؟
علياء: بلبس شيلتي وبطلع
عادل: اترياج في سياره عيل
علياء: اوكي
دقايق وعلياء معاه في سياره ..
علياء: يالله إلى السوق
شغلت على المسجل ..
علياء: تامر حسني تسمع اغاني تامر حسني انت؟
عادل: يعجبني اغانيه احسه رومانسي الريال
علياء: بس ما احيد الشباب يسمعون اغاني مصريه
عادل: مب كلهم نادر ما تلقين وانا منهم عاد وانتي يعجبج اغانيه
علياء: اسمعه بين فتره وفتره
عادل: اذا مب عاجبنج عادي غيري
علياء: اكيد بغير اذا مب عاجبني .. بس هو عاجبني ..
علت على الاغنيه يا بنت ايه
ابتسم : اهداء حقج
علياء: عندك ذوووق
عادل بثقه: اكيد دام انا اخترتج اكيد عندي ذوووق
علياء: يا حبكم للتجامل
عادل:خخخخخ اونج عاد تتغلين ليش؟
بالاول راحوا الجمعيه
نزل عادل بعدما لبس نظارته .. ونزلت علياء بعدما عدلت شيلتها
علقت عليه: اونك خقاق بعد
عادل: شو نسوي بعد .. البنات يموت على خقتي
علياء تجدمت: معلوووم واولهم ..سكتت
عادل: يا حبها للمعياره
لحقهـــا ... ومسك يدهـا
علياء وقفت : شو تسوي ؟ وين تبى
عادل يطالعها: حرمتي وكيفي ونحن في الجمعيه
علياء: لا تستخف ..
ضغط على يدها: نمشي؟
علياء: لا .. كانت بتكمل بس هو سحبهـــا
علياء واقفه و محتاره .. فاجأها عادل وبيده كورفلكس ..
عادل: شو تسوين
علياء: محتاره
عادل حط كورفلكس في العربه
علياء: انا احب جبن كرفت بس انت شو تحب
عادل: اللي تحبينه
علياء: كرفت يعني
عادل: هيه
ابتسمت علياء:ا وكي .. شلت الجبن وحطته في العربه
راحوا صوب الخضروات ...
عادل: كم كيلوا تبين
علياء: وانا شو عرفني
عادل: مممم ناخذ كلويين
علياء: ناخذ ... شو ورانا
بعدما خلصوا المشترى في الجمعيه ... راحوا يتحاسبون
علياء: عادل انا بروح فوق بشوف ملابسهم
عادل: اوكي انا بتحاسب وبلحقج
علياء: اوكي
راقبها لين ما صعدت المصعد
وبعدما تحاسب .. خل الاغراض في صوب ... وراح فوق عند علياء
قعد يدورهـا .. وقدر يلمحهــا كانت ترمس بتلفون وتضاحك .. ومب حاسـه بشي
تتطالع البدلات بس ما تختار شيء
عادل تحرك صوبها .. الا ينتبـه على واحد كان يطالع علياء ... تتحرك خطوه يتحرك معاها .. عصب وراح صوبها وبنبره جاده: خلصتي
علياء صدت صوبه :لحظه نوف .. ردت عليه: يابيين بدل حلوه
عادل: انا اقول لو تقعدين تشرين وتخلصين بدال الهزره على تلفون
تضايقت من اسلوبه ورجعت تكلم نوف: نوف بعدين بكلمج .. صكرت عنها
علياء: شو هالاسلوب البايخ؟
عادل ماسك نفسه: خلصتي انتي؟
ما ردت عليه ... تجاهلته وراحت عنه
طالع الشاب بنظرات: لا تخلني اجلع هالعيون
خاف الشاب: لا تعصب انزين
خاطره يذبحه بس مب متفيج له .. لحق علياء ... اللي معصبه منه .. وكانت تتريا قرب السياره
وهو طلع مع الهندي ومع العربه ..فتح السياره من بعيد
دخلت علياء بعدما صكت الباب بقوه
ترك الهندي يحط الاغراض وراح يركب السياره
عادل: ليش ما اشتريتي شي
صاده على صوب الثاني وما ترد عليه
يوم خلص هندي ... تحرك عادل .. تمو ساكتين لين ما وصلوا البيت نزلت هيه وتم هو حتى الاغراض ما نزلوهم ... وتحرك
علياء تفصخ عباتها وتتحرطم: ما ادري شو يحسب نفسه ويقولون عني خبله
وما يشوفون اخبل عني موجود .. عبيط .. اكره ماخلاني اشتري ..
تمت تقول هالكلام لين ما وصلت غرفتها
ويوم رن تلفونها ردت على نوف ويلست تسولف معاها ما همها عادل وين راح
وما رجع البيت الا بعد صلاة العشا ... وهي سمعت حسه يوم طلعت من الحمام
تنشف شعرها .. فرت الفوطه على الشبريه: الحمدلله على سلامه مستر عادل.. سخيف
يلست على التسريحه وبدت تجهز نفسها
دق على الباب يوم شاف ماشيء رد .. فتح الباب بس ما دخل .. لأنه يده اللي ماسك فيه باقة ورد .. سبقه حركه يمين ويسار: آسف .. احم احم آسف ..
دخل راسه يوم حس مالها حس ..
عادل: ها وينها
دخل وسمع صوت الماي في الحمام
عادل: اهـــــاااا حياتي في الحمام
لاحظ بدله على السرير ..
طلعت علياء من الحمام ويوم شافته واقف ... تعكر مزاجها ..
ما سوت له سالفه راحت صوب التسريحه وتمت تعدل خصل شعرها
انتبه عليها عادل وكانت متكشخه: بتروحين مكان
علياء ببروده: هيه
عادل: وين
علياء اطالع باقة الورود:نوف مسويه حفله بمناسبه سنة اليديد وعازمتني رفيجاتي كلهم بكونون هناك
وبسخريه: عندك شيء ثاني بعد .. لاني ابيك تطلع
عادل تضايق: لا
علياء: هالورد لي منو
عادل: هيه صح ... حقج اسلوبي معاج كان بايخ ومب شيء اعتذر
مد يده عشان يعطيها الورده
تبى تاخذه .. بس ما خلاها
عادل: لحظه اذا سامحتيني خذي عني واذا لا لا تاخذينه
رجع يعطيها .. وبعد فتره قصيره مب طويله يعني ثواني .. خذت عنه الورده
عادل ابتسم: اتمنى تستانسين في الحفله
تحرك صوب الباب وكان بيظهر لكن الغاليه والذكيه علياء حست إنه عنده شيء مب ياي يعتذر وبس فسألته: عادل عند شي تبى تقوله
عادل: لا بس بغيت اعتذر
علياء: متاكد
عادل: هيه
علياء: كيفك
حطت الورد على الطاوله .. الا عادل رجع لها: هيه عندي شي بس انتي كيف عرفتي
علياء: من شكلك
عادل: ما ابغيج تروحين الحفله .. عرف إنها عصبت منه
عادل: اسمعيني بعدين عصبي
علياء: قول اللي عندك
عادل: بتسهرين اليوم بس معاي يعني انا وانتي بس وانا مجهز كل شيء ها شو قلتي
مب مجبوره تقدرين تروحين الحفله انا عادي بقضي الوقت بروحي
تمت ساكته علياء اونها تفكر بس يوم شافت ملامحه اللي يقول بليز وافقي
ردت عليه: اوكي
عادل مستانس: شو
علياء: اوكي بسهر معاك اليوم
عادل: يااااهو .. بدأ يغني: بسهر مع حبيبتي يا سلااام الحلم تحقق
لين ما وصل صوب الباب وعلياء مشغوله في الضحك
وصل صوب الباب: خلي مفتوح ياب لج هديه
بعدما راح
علياء: هديه؟!!
دخـل عادل وبيده كيسين .. عطاها الكيسين : لا تفتحين الا من بعدما اطلع اوكي
ركض بسرعه .. ضحكت وفتحت الكيس الاول .. ألا ويدخل عادل: هيه صح لا تلبسين عباتج السهره بتكون هنا في البيت
علياء مستغربه: في البيت؟
عادل: هيه .. طلع
ابتسمت: تخبل الريال .. رجعت تتطالع محتوى الكيس إلا مره ثانيه يدخل
عادل يفاجأهـا: علياء؟!!
علياء: بسم الله .. عادل وش فيك
عادل يضحك: سوري سوري بس بغيت اقولج لا تطلعين ما انا اقولج تعرفين شو
خذ المفتاح وقفل الباب من برع
علياء راحت صوب الباب: عادل عادل شو تسوي مب شارده انا
عادل: ههههه اعرف بس لازم اضمن حياتي
علياء: ههههههه بصوت عالي: أهبـــــــــــل
عادل:ههههه أعـرف يالله تجهزي
تلصقت على الباب وتمت تضحك: خخخخخخخ خخخخخخخ
واختفت الضحكه: ليش تضحكين مصدقه عمرج وياه شو؟
راحت صوب المنظره وبغرور: ليش ما صدق الريال طلع يحبني
غيرت تعابير ويها لوحده ياهل اونها: بس انا كنت غبيه كنت العوزه
ردت لغرورها: معلوم انتي غبيه من زمان بس انا لا .. انا علياء اللي تعرف العشق واعواقه
اونها ياهل: مب كأنه اغنيه سلام العشق واعواقه
وبدت تضحك: كككككككككككككككككككككككك
ككككككككككككككككككككك ..ككككككككككككككككككككك .. تضرب على المنظره : صج هبله اروح اجهز احسن لي
راحت صوب الكيس وطلعت المحتوى..
علياء: شو ها؟
وقفت عشان تشوف كيف بيظهر عليها البدله
تتطالع من يمين ويسار:ممم عنده ذوق الريال
بدله عباره فستان بسيط بلون اسود وبدون اكمام ..
طالعت البدله عدل: بس مب كأنه فضيحه البس هذا جدامه
رجعت صاحبة الغرور: أي فضيحه هذا ريلج وخلي يشوف علياء مب ياهل وتعرف تحب
تركت البدله على السرير: ابوي خلنا اجهز عن يقولون عني فيني انفصام الشخصيه
وفي الكيس ثاني كان علبة قلاده من ألماس وكان بسيط على شكل قلبين
تكشخت وطالعت نفسها بالمنظره ..
علياء: تهبلين هههههه
شافت ساعتها : وين هذا
راحت صوب الباب ونادت عليه:عادل خلصت عااااااااادل
سمعت صوته: اوكي ا وكي ... واختفى الصوت
يلست على السرير .. تتريااااه
علياء: اووو نسيت اتصل في نوف
اتصلت فيها: هلا نوفي هيه اعرف تأخرت عيوني ما بقدر احضر ..الريل مسوي لي مفاجأه اونه ... خخخخخ شفتي عاد رومانسي الاخ .. عقبالج ان شاءالله .. يالله عيل اوكي
بعدما صكرت من عندهـــــا .. يلست ادندن وتلعب بخصلتهـــا
لين ما انتبهت على قفل الباب ...ينفتـح
فوقت تعدل نفسها قبل لا تطلع ...
وصلت صوب الباب بس ترددت كيف تظهر جيه ... تستحي الحرمه
راحت وخذت شيلتها وسوته على شكل شال
اول ما فتحت الباب .. عاد تخيلوا معاي ...
الريال اللي قدر عليه دبر تقريبا 15 نفاخات على شكل قلوب بلون احمر طبعا شوي نثرهم على الباب وشوي حولي الطاوله ..
الطاوله في نصها شمعه ...
فتحت الباب وطلعت ... احتارت تستغرب ولا تضحك من اللي شافته
ولا بعد اول ما فتحت الباب سيدا شغل الاغنيه وفي بدايه كان لحن ..
وصلت صوب بدايه الدري تضحك: عادل شو ها
وبدأ يغني الريال: يا حبيبي من حبي فيك لا هالتكلم ولا اغني لك
من يوم بأ حبك حب جديد يخليني حبيبي ادعي لي لك
الله يباركي لي فيك يا اغلى من عيني
الله يخليني فيك واجيب لك الدنياه ديه
خلاص علياء لاول مره صاحت بدال ما تضحك ولا بعد يلست .. خاف عادل وركض صوبها: علياء وش فيج
علياء تصد صوب الثاني وما ترد عليه
عادل: اذا ما عجبج مب مشكله انكسل لج ألحين كل شيء
ألحين بقوم .. مسكت علياء وبنبره عتاب: تعال وين رايـح
شاف عيونها: ليش تصيحين
علياء: لاني غبيه وهبله وعبيطه قاطعها عادل:ايه عاد حدج ما ارضى تسبين حبيبتي
ضحكت علياء: اهبل
عادل: ههههه بس صج ليش كنتي تصيحين
علياء: لأني ما عرفت حبك من قبل ولأني كنت عميه واحد كان يحبني هالقد وانا كنت احاول اطفر فيه
عادل:ههههه بس عشان هذا ..
علياء: مب شيء عادي هذا
عادل: اعرف بس مب مهم ننسى ألحين هالسوالف ونعيش جونا الرومانسيه ها شو رايج
هزت راسه بالموافقه وبنفس الوقت كانت تضحك
وقف عادل ومسك يدها عشان توقف
عادل:خربتي علي الاغنيه ..
علياء: ولا بعد تغني معاه بس تعال كنت تحرك شفاتك بس
عادل: عشان اتفشل بصوتي راقي
علياء:خخخخخخخ
عادل:فديت هالضحكه انا
اونها استحت
عادل: زين انا بعيدها الاغنيه وانزلي عاد كأنج عروس تراني مشغل الكاميره وكل شيء تسجل ترى
علياء: قول والله وينه الكاميره
عادل: هناك
علياء تمسح دموعها: اويييه اكيد اخوف
عادل:هخههههه لا لا ما صار شيء بويهج
علياء: يالله يالله انزل خل نعيد المشهد
عادل:خخخخخخ والله إنج .. انزين خوزي هالشيله مب شيء
علياء: لا لا استحي
عادل: مني
علياء مستحيه: هيه
عادل: والله ... سحب عنها الشيله وركض تحت
علياء اونها مستحيه بس يوم قال اكشن .. ولا كأنها كانت مستحيه شغل على الاغنيه
ونزلت على الموسيقى في بدايه .. وعاد تحاول ما تضحك بس مب قادره وعادل يبتسم ويطالعها ... ويوم غنى المطرب بدا يغني هو ... ويوم وصلت مد يده عشان تمسكه .. مدت يدهـــا ... وخذها لين الطاوله
تمت واقفه وهو قعد
عادل: قعدي حياتي
علياء: لا والله مب لازم تحرك لي الكرسي عشان اقعد
عادل بلوم: هيه صح .. وقف بسرعه : تفضلي حبي
ضحكت ويلست وقبل لا يقعد شغل الشمعه وراح يصكر الليتات
وراح يقعد .. قعد شوي وقام
علياء: وش فيك
شل كرسيه وقعد حذالها
علياء:خهخخخخخ
عادل:هههه احبج
نزلت راسها علياء
هي تأكله وهو يأكلها .. ويوم الغنيه توصل على مقطع الله يباركي لي فيك يا اغلى من عيني ..الله يخليني ليك واجيب لك الدنياه ديه .. الله الله .. يحميك حبيبي يا عمري يا غالي ويخليك لي .. (الاثنين يغنونه )
علياء: عادل ألحين هذي ثالث مره اسمعها الاغنيه
عادل:خخخخ ترى بس حطيت هالاغنيه .. مليتي منه
علياء: لا طبعا .. خلاص حبيته الاغنيه
عادل : عيل شو تترين
علياء مستغربه : شو اتريا
وقف وسحبها ..
علياء:خخخ عادل
عادل بدأ يرقص ورقصت هي معاه
علياء تضحك: ككك من وين تعلمت هالحركات طلعت رومانسي من خاطر
عادل: عيوني انا رومانسي من زمان
علياء: هيه صح
عادل في خاطره: الله يخلي واحد اسمه منصور يوم شافني في محل الهدايا عطاني هالخطط رغم إني اول مره اشوفه بس حب يساعدني ولا كنت محتار .. وقال بسوي نفس شيء مع حرمته .. (عرفتوا منو منصور صح؟ خخخخ)
نرجع لهم ..
عادل: علياء هالمقطع اهداء لج
عادل: سألت قلبي بحبك أدى إيه ... وقلي قلبي ده حب جديد علي
وبدأ يصرخ قرب إذنه الله يباركني فيك ....
تمت تضحك عليه وتصك اذنه
ساعه كامله وهي حاطه راسه على كتفه ويرقصون ...
عادل: علياء
علياء وراسها على كتفه: ها
عادل:اليوم آخر يوم وينتهي هالسنه ... بندخل في عام يديد شو تتمنين
علياء: قبل كنت مب مهتمه بس ألحين
رفعت راسهـا: اتمنى اكون معاك للأبد في سراء والضراء وحبنا يكبر ويكبر ويكبر
عطته بوسه على الخد: احبك
استحت ونزلت راسه لكتفه مره ثانيه
ابتسم حط يده على شعرها:اخيرا سمعته
بعد شهرين ...
عادل بدأ يشتغل في شركه ابوه وعمه .. وصار مدير على شؤون الموظفين
وزاد الحب بينهم .... بس القصه بعده ما خلص كنت ناوي انهي هنا بس قلت لاه خلني اعذبكم شوي ها ها ها .. نرجع لهم
في بيت بو سعيد
علياء يالسه وعادل يحط لها المناكير
علياء: هنا هنا .. خليته فاضي
عادل: اونج عاد اشتغل عندج انا
علياء تدلع: بس انا حبيبتك
عادل: هالمشكله ترى
دخل سعيد : شو ها قاصه عليك هذي
علياء: انت شو يخصك
سعيد: عادل اضربها وايد قاصه عليك
عادل: انا عاجبني
علياء: وييييييييييي احترق الويه
سعيد: ما عندكم سالفه
ام سعيد: عيل اسكت عنهم
عادل راجع من دوام وقال بشل حرمته وبشكارتهم من بيت بو سعيد .. بس علياء خلته يشتغل في شيء ثاني
ام سعيد:شو الشغل معاك
عادل: بخير والله
سعيد: عادل انا سمعت من محمد اونه سكرتيره مالك وايد حلوه صح؟
علياء تتطالع عادل اللي حس توهق
عادل: ناوي تمشكلنا شو ؟؟ لو كانت حلوه انا ما عندي احلى من اختك
سعيد: بس عيل
علياء: انا اقول لو تلقط ويهك وتروح تدرس احسن لك
عادل: خلصت مدام
علياء تمط خده: فديتك والله
سعيد: بل حاسبي اوادم يالسين هنا
علياء توقف: والله انا قلت لك القط ويهك ورح ادرس واذا عن امي .. فأنا ما تعلمت هالسوالف الا من امي
ام سعيد قامت عشان تضربها: يا اللي ما تستحين شو تقولين
علياء منخشه ورا عادل :ههههه هيه بعد شو
تبى تضرب علياء بس تفشل وتضرب عادل
عادل: آآخ انا شو يخصني
علياء: انت ريلي لازم ادافع عني
ام سعيد تعبت ويلست: ادبها من بدالي
عادل:افا عليج انتي طلباتج اوامر
علياء يدها على خصرها: اونك عاد
عادل غير كلامه: افا عليج وانا اقدر على حبيبة قلبي
سعيد: اويييييه يمه بنتج ساحره الريال ما كذبوا يوم قالوا عنج ساحره
ام سعيد نازعته: وانت شو يخصك الريال ميت عليها من جذي يسمع كلامها ترى حتى انت بعدما تزوج بتنسى امك وابوك
سعيد يحضن امه: اللي ينساج عساه يموت
علياء: عيل عظم الله اجركم من الحين
ام سعيد: بسم الله منو مات؟
علياء: ولدج ... معروف يوم بتزوج بغير كلامه وبنساج
ام سعيد: بسم الله على ولدي ليش تفاولين عليه
سعيد مبوز اونه:شفتيها يمه
عادل:خخخخخخخخخخخخخ
علياء:ههههه يالله نرجع البيت
ام سعيد: تمو
علياء: لا يمه حبيبي تعبان ياي من دوام ومحتاج يرتاح
عادل مفتشل منها بس بعد يضحك على كلامها
سلمت على امها وضربت سعيد وراحت تنادي على بشكارتهم
بعدما وصلوا البيت ... عادل فر غترته على الكنبه
علياء خذت الغتره:جوجو اغسليه
خذت جوجو من عندها ...
يطالعها عادل بعدما قعد ..
علياء: شو في؟.
عادل سحبها وخلها تقعد حذاله: صايره ربة بيت اونج
علياء: شو نسوي بعد عندنا مهمل في بيت ولازم عاد يكون مسؤول في البيت دام السالفه فيها مسؤوليه فلازم انا احتل هالرتبه
عادل:خخخخخخخ
علياء: ضحكني انزين
عادل: ههههه ما تشوفين عمرج وايد ترمسين قلت كمله بس وانتي ردج ما شاءالله كان طويل
علياء اونها زعلت:تتمنى سوالفي انت
عادل مط خدها: اكيد عيوني ..
علياء: عبالي بعد
عادل: انا يوعان
علياء:و الله محد ما قالك تتغدى في بيتنا
عادل: فشله
علياء:الحين فشله قبل يوم كنت تتغدى مب فشله
عادل: بس مب كل يوم الناس .. طبخي شيء من يدج على الاقل
وقفت علياء:اللي يبى ياكل من يدي لازم يتريا مممم 4 و5 سنوات
عادل: والله يا الخقاق صبري انتي
علياء:خخخخ اوييييه ,,, ركضت
ركض يلاحقها ...
ويوم مسكها لوى ذراعها: بسوين غدى
علياء تنقز: لا لا هدني هههههه
عادل: ما شيء
علياء: عادل بليز عاد
رن تلفونها وكانت بترد شل عنها التلفون
عادل: ماشيء لين ما تطبخين لي
علياء:ههههه عادل حرام عليك عطني هذي اكيد نوف
ترك يدها: انتي وايد ترغين معاها شو عندكم
علياء تحاول تاخذه من عندها: انت شكو؟ سوالف بنات يا اخي
عادل: ومنو قال انتي بنت انتي حرمه الحين
خذت عنه التلفون: لا تكبرني
ردت على نوف: هلا نوفي .. سوري تاخرت في رد عليج .. ترى فار خرب علي
عادل: انا فار .. صبري انتي
علياء : والله ما تسوي شيء ههههه
نوف تتنازع بروحهـا
طاح التلفون من يدها لأنه عادل كان يدغدغها .. ومب حاسه انه تلفونها مب بيدها
مشغوله في ضحك مع عادل
|