منتديات قصايد ليل - عرض مشاركة واحدة

08-05-2011

طاح000طاح

الليل طرف وخاويـت المسـا للصبـاح ؛؛؛ والشمس مثل الهنوف لياارتفـع شالهـا
والحلم ودع جفون النـوم والنـوم راح ؛؛؛ واحلى المواعيـد خلتنـي علـى بالهـا
ما قدمها الا المحبه والشعـور القـراح ؛؛؛ بغيابهـا مـا ذخرتـه كـود لوصالهـا
ما يمدي الشوق في صدري يفل الجنـاح ؛؛؛ للفرحه اللـي طلـوع الفجـر يغتالهـا
لو قلت يا طيبي البارح عرفـت المـراح ؛؛؛ البنت ما تتـرك البـارح علـى فالهـا
ان ساقها الـود يمـي كـل بـراق لاح ؛؛؛ لو ما تهـادى مطرهـا جيـت بظلالهـا
تستاهل الحب والغيـره وكـل الجـراح ؛؛؛ اللي ذبحها الهيام وهـي علـى حالهـا
حوريةٍ لا رتع فيهـا النظـر واستـراح ؛؛؛ هيجنت لاشواقي العطشى علـى جالهـا
حنت ضلوعي ولج الضلع الاقصى وصاح ؛؛؛ ان بينـت بدرهـا الوضـاح وهلالهـا
ماغابت الشمس عن جيد الذهب يافـلاح ؛؛؛ النور مـا فـارق السبحـه وسلسالهـا
ومجدلٍ طيحته وحـده ليـا طـاح طـاح ؛؛؛ ان طاح في غفلـة منهـا ثنـى حالهـا
هداجة الحسن راعيـة القـوام الشنـاح ؛؛؛ ابطيت اغني بهـا شعـري ولا طالهـا
ان شفتها قلت وش علم القصائد شحاح ؛؛؛ ماهيب هـذي قصايدهـا ومـن قالهـا
ان كان ما قلت فيها ورد شعري وفـاح ؛؛؛ لعلهـا مـا تخليـنـي عـلـى بالـهـا