>>< البــ الثالث ــارت ><<
يارا: هاه شنو صار؟؟!
سحر:طارق بيرسله..
يارا:طارق؟؟!
سحر:ايه..
يارا:ليش مادقيتي على خط لمياء..؟!
سحر: لأني ماعرفه..
"قعدوا خمس دقايق وياى بو زياد"
بو زياد" شاف الحجاب على كتف سحر":على وين؟؟!
سحر:بروح للـ..للـ..للبيت عمتي ام يعقوب..
بو زياد: مع اني مابي بس اعتبر هذا مكافأه على اللي سويتيه امس..
"سحر لا ارادياً نزلت دموعها..وراحت هي وياى يارا لساحه البيت.."
بو زياد "شافهم بلا اهتمام وراح يقوم سهر تزهب له فطور"
==================
يالله يابرود اعصابها .. هاي كيف عايشه امس شافت فلم ونامت متاخر واللحين يت 11 وما قامت مب عادتها؟؟! اقومها احسن..
دانه"برقه لانها تعرف لمى نومها خفيف وقليل ": لموي..لموي..
لمى: همممممممممم"وانقلبت للصوب الثاني"
دانه: يالله قومي بتفوتج المحاضره و اليامعه "بدا الجذب"
لمى"برعب": هاه ايه والله.."ويوم شافت دانه يالسه تضحك"..يالحماره تجذبين علي؟؟!
انا اراويج "ورجعت للسرير"
دانه: يالله عاد قومي ابي اتريق..
لمى: اوكي يالدبه..
دانه: بلا سخافه انا انحف عنج..
لمى:هههههههههههههههه ايه صايره جنج زيتونه اللي في باباي ههههههههههههههههههه
دانه: صج رايقه اذا خلصتي بتلقيني اتريق.."وبتروح"
لمى"مسكت ايدها": لا لا دقيقه بس تريني وبييج طياره..عاد مب تخلصين الريوق..
دانه:"طلعت لسانها" باكله عنج .."وطلعت "
********* *********
لمى بس طلعت لفت حجابها عدل تحسباً لاخوان دانه..وبسرعه راحت تتريق..
-------------------------------
يلست انتظر الدريول على احر من الجمر .. لمى ذكيه وبتقدر تحل المشكله اللي حطيتها فيها .. ياربي انا شنو سويت فيها..قتلتها ..طعنتها..خنتها..واكثر من جذي..انا موتها..ياربي انا شنو سويت..هذا وانا اعرف انها ماداني الريايل ايل غيري شبيسوي؟!..
يارا: سحور..شفيج خلقج ظايق وباين على ويهج الحزن انت مسويه شي..؟!
سحر"بكل ندامه ": ايه..
يارا"بنصدام":شنو سويتي؟!
سحر"بكل الآم الدنيا" قالت:طعنت وحده من ورى ظهرها..
يارا:"شهقت"..وماتت..
سحر"وخلاص بتبجي وبدا صوتها يتجهد": الا الان ماتدري عن طعنتي..
يارا: كيف وانتي طاعنتها؟؟!
سحر:"تنهدت"مب لازم تفهمين... كاهو الدريول ياى..
ركبت يارا ورى السايق وسحر عالصوب الثاني..
يارا"بذهول":طارق؟؟!
طارق"مثل الهنود": ايوا .."يحاجي سحر" ماما سحر وين ابقى روه؟؟!
سحر"في عالم ثاني "
يارا: سحور .. سحور.. طارق يكلمج..
سحر: هاه .. نعم..
طارق: على وين ؟؟!
يارا: عحمر العين..
طارق"ناظرها": لا تتطنزين..
يارا"تهز راسها مثل الهنود": ان شاء الله محيي الدين..
طارق: شنو شنو شنو انا محيي الدين لا عمري انا شاروخان ولا هرثك شانج بتسويني هندي ... و بعدين وحده تيي قدام مب دريول انا عندكم..
يارا:والله محد ظربك عايدك وقال تعال خذنا.. وع مب يالسه عدالك..
"وبدت مناقشتهم تشتد الا ان انتبهت لهم سحر"
و قالت "بصوت يلفه الحزن": استغفر الله خلاص لا تطولنها واهي قصيره.."ونزلت وركبت عدال طارق ويارا بين المقعدين"
طارق"حس بان سحر فيها شي"
سحر: يارا دليه ع بيت دانه ..
يارا: ان شاء الله..
"وبدت تعلمه الطريج وصار يعرف البيت لانه كان يسكن في فريجهم من قبل"
طارق"بصوت منخفض": بس .. بس.. يارا شفيها سحر مسافره لعالم ثاني؟؟!
يارا"بصوت منخفض": مادري عنها عيزت وانا اسالها عن السبب مب راضيه تقول..
طارق: اها.."رفع صوته"..الا تدرين ليش ييت ويبتكم؟؟!
يارا: عشانك هندي..
طارق:لا..
يارا: انزين ليش؟!
طارق: تمر وعيش..
يارا"تتغصب الضحكه":هي هي هي يا ملقك..
طارق"طنشها وحب ان سحر تدخل معاهم في الجو":طيب انت يا سحر تدرين ليش؟؟!
سحر:........
طارق:الو..
سحر:.......
يارا: طوط طوط طوط .. الخط مشغول ارجاء اعادة المحاوله..طوط طوط
طارق:الوووووووووووووووووو سحر موجوده..
سحر:هاه..هلا ..
طارق: تدرين ليش؟؟!
سحر"ماتدري شنو يقولون":ليش؟؟!
يارا"مطلعه طقم اسنانها":تمر وعيش..
طارق:خطأ عليج..الجواب وبكل بساطه هو اني كنت طفشان & ملان just this
يارا: بس جذي وانت سنه تسألني... مالت عليك وعلى اسالتك..
انا قلت مشتاق ..ملهوف..مثل الافلام الهنديه ..ويا هالويه يالهندي..
طارق:يع شنو انا مب شايف خير عشان احبج .. شايفتني حمار ولا خبل..
يارا: يحصلك انت وحده مثلي.."وبكل غرور" تتمناني..
طارق:ههههههههههه انا اخذ ياهل ..ولاااااااااا زياده على جذي قزمه .. جان انتحر في ليلة عرسي..
يارا:انا اللي بنتحر ليخذتك والقزم انت"وهي تعدد باصابعها".. يالكريهه ..يا السخيف..
يا المليق.. يالخسف..
طارق: الله ألفتي فيني شعر وانا مادري..
يارا"تتغصب تضحك": هي هي هي ياخف دمك..
----------------------------------------
سامر:روميووووووووووووووووووووووووووووو..روميوووووو وووووووو
رامي"بدون نفس":خير.. شفيك تصارخ ترى الشقه صغيره ماتكفي صراخك..
سامر:هلا روميو عاشق جواليت"ناظره بخبث" من عليه الغداء اليوم؟؟!
رامي"يتهرب":ااااااااااااااااااا..يمكن عزوز..
عبد العزيز"داش":لاااااا عيل يا حلو من الي غداكم امس؟؟!
رامي:اففففففف..المطلوب..
سامر:نبي نتغدى من مطعم ((الـ.....))
عبد العزيز: حتى انا..
رامي"يناظرهم من فوق لتحت":لا والله .. ليش ياى على بالكم بالذات ؟؟!
عبد العزيز"بنذاله": لانه ابعد مطعم و..
"كمل" رامي:وما يوصل..
رامي: شفتوا طول الليل؟؟!
سامر&عبد العزيز : ايه..
رامي: شفتوا آخره؟!
سامر&عبد العزيز:أيــــــه ..
عبد العزيز:خلصنا بسرعه احجي..
رامي:اذا بروح..
سامر&عبد العزيز:أيـــــــــه
رامي: بييبه..
سامر&عبد العزيز: أيـــــــــه
رامي : في ذاك الوقت..
سامر: عااااااااااااااااااااااااااااااااااااااااااااااااا ااادي عندي.."ناظر عبد العزيز"
عبد العزيز: حتى انا..
رامي:مالت عليكم تشوفون شنو بسوي اذا ياى دوركم..
عبد العزيز: انا فنان في الطبخ ما يحتاي اروح للمطاعم مثلك..
سامر:وانا بتعلم..
رامي"بسخريه": بتتعلم .. وعلى بال ماتتعلم الاني تيوزت وافتجيت منكم..
عبد العزيز: ومن تعيسة الحظ؟؟!
رامي:الا محظوظه..
عبد العزيز: انزين مين؟!
رامي:لمى..
عبد العزيز"باستغراب":لمى بنت سهيل؟!
رامي:ايه..
عبد العزيز:مبروووووك يالحمار تملج من دون ماتقول لي..
رامي"بذهول":املج؟؟!
عبد العزيز: ايه امس قال لي واحد من الشباب ان لمى ملجت ويوم سألته مين قال مادري..
رامي:شنوووووووووووووووووووووووو؟!
عبد العزيز"حس انه غلط يوم قال لرامي لانه ماكان يعرف انه يحب لمى"
عبد العزيز: ااااااااااااااا ..
رامي: صج اللي تقوله؟!
عبد العزيز:اااااااااا تقريباً..
رامي: كيف تقريباً؟!..
عبد العزيز:يعني كلام شباب ماتدري صجه من جذبه..
سامر: وانا معاه ..."مع انه متاكد من الخبر"
لاتحط هالسالفه في راسك والغداء انا تنازلت وبروح اييبه..
رامي:لا انا اللي بييبه..
سامر:قلت انا بييب الغداء..
رامي: ما قلت لا... انا اقصد انا بييب صحة هالخبر..
سامر:لالالالالا انا بروح اييب الخبر..
وعبد العزيز اللي بسوي الغداء"وغمز لعبد العزيز"..
رامي"بحزم":لأ يعني لأ... انا اللي بييب الخبر..
سامر:انا اللي بييبه ..اذا رحت انت بتروح ارواح بسبتك..
عبد العزيز"حب يلطف الجو الحامي":لا تشيل هم الغداء مب بيض طماط بسوي اومليت.."ابتسم و كمل"..وانا اللي بييب الخبر لاتتنجرون بسبة خبر ماينعرف صجه من كذبه..
رامي"بعصبيه واندفاع":الكلام معاكم ضايع انا رايح.." وطلع"
سامر"بصوت معاتب":يعني لازم تقوله ماتدري انه يحبها الله يهديك بس.."وتنهد و يلس على الكنبه"
عبد العزيز"بأسف":انا ماكنت ادري ان هالبنت تعنيله شي ..والله والله ماكنت ادري..
سامر"تذكر شي فجأه ووقف":احنا شلون خليناه يروح جذي بهالحاله..
عبد العزيز:أي والله .."وراحوا بكل سرعتهم يبون يلحقون عليه وللاسف ماقدروا "
----------------------------------
طارق:الا ماقلتي ..
سحر"بصوت متعب":شنو..
طارق:ليش عيونج حولها هلات سوداء؟!
وليش تبين تروحين لبيت بو طلال بسرعه؟!..
سحر"سكتت":....
يارا"بكل لقافة الدنيا وثقلها":لانها طعنت وحده ..
طارق"باستسخاف":شنو..
يارا"كملت":وهالوحده ماتدري عن طعنتها..بس جذي ..تخيل يصير اللي تقوله..
طارق:والله ممكن يصير بس بالافلام..
سحر"تتقطع من جوا لانهم ذكروها بذنبها":...
طارق"التفت على سحر":صدق اللي تقولـ...
"وماقدر يكمل كلامه"
------------------------------
صج ورطــــــه ..كله منها هالجلبه ليش رضت فيني.."تنهد"
وانتبه له رفيجه
خالد"سكران ويتمايل لسانه مع كل جمله يقولها":انت مب ياي.. هني عشان تعدل.. مزاجك ..وما تتنهد..اشرب وروق ياخي.. الشقه شقتك..والبلاوي اللي فيها بلاويك..والحرام حرامك..هع هع هع..
جاسم"باستحقار":عشان اصير مثلك..اول مره اكتشف ان السكران شكله نكته..هههههههه..
بعدين تبيني اناااا وركز على كلمت انا اشرب..جاسم بن سالم يسكر مايصير..جذي غلط.."ما كأنه يسكر قبل"..انا لي هذول وأشر صوب مجموعة مختلطه ..
خالد:شفيه هذا.. مايبي يشرب.. و..و..يروق المزاج ؟!..شكله سكران..
"وللاسف اللي يشوف خالد مايصدق ان فيه حتى ريحة عقل.."
---------------------------------------
كله مني ..انا اللي خليتها توصل لهذي الدرجه..انا شنو بسوي واهي زوجته تبغاني انتحر..
لكن لأ..انا اراويها اهي لي بس لي انا بس بس..
بس اهي متيوزه وو وعلى ذمت ريال..لكن لأ لأ لي انا بس..
"وحس ان السياره ضربت شي بقوه وبعدها غاب احساسه"
--------------------------------------
سامر"بقلق":رد عليك..
عبد العزيز:لا...صبر بدق مره ثانيه..
سامر:بشر..
عبد العزيز: اغلقه..
سامر: شلون يعني؟!
عبد العزيز"بعصبيه":يعني الموبايل مغلق..يعني انا السبب..
"رن موبايل سامر"
سامر: لحظه يمكن هذا هو..
سامر:الو..
(؛؛؛؛؛؛؛؛؛؛؛)
سامر:وعليكم السلام..
(؛؛؛؛؛؛؛؛؛؛؛)
سامر"باستغراب":ايه انا سامر..
(؛؛؛؛؛؛؛؛؛؛؛)
سامر"برعب":شنو؟!
(؛؛؛؛؛؛؛؛؛؛؛)
سامر"جمد ملامحه":وين؟!
(؛؛؛؛؛؛؛؛؛؛؛)
سامر:مشكور اخوي ..جزاك الله خير..
"وطول هذا الوقت حاول عبد العزيز يعرف ولو جزء بسيط من القصه ما قدر"
عبد العزيز: شسالفه؟!
سامر:تعال معاي و بتعرف..
"وطلعوا من الشقه"
------------------------------------
دانه:مب غريبه يا لمى ان اهلج مادقوا عليج..
لمى:مادري عنهم..
دانه:ابدا مادقوا عليج مب معقوله..فتحي موبايلج وبتشوفين..
لمى"فتحته":10مسد كول من سحر و 2 من لمياء و3من ريناد و 4من رقم غريب..
دانه:شفتي دقوا عليج..
لمى:بس ابوي مادق..
دانه:يمكن داق من رقم غريب عشان تردين عليه..
لمى:احتمال..
"يت ام طلال من بعيد"
ام طلال:دانه..دااانه..
دانه"تصوت":نعم يما شنو تبين؟!..
"وصلت عندهم"
ام طلال: اخوج طلال ذبحني يقولي يبي مدرس خصوصي..
دانه:ليش؟!
ام طلال : يقول مايفتهم الاحياء والفيزياء..
لمى:افا عليج خالتي مدرس خصوصي وانا موجوده..
ام طلال:انتي تتفتهمين في هالاشياء؟!
دانه:الا تفتهم ..كانت اولى عالمدرسه في الثانويه العامه..
ام طلال:جان زين تفهمين..
دانه:هذاج لقيتي حد تنفعينه ماعندج عذر اذا قلتي مالج قيمه هني..
لمى: ايه والله..
-----------------------------
"راسي مصدع ومب قادره افتح عيوني ..اعصابي مشدوده وايدي تألمني..شنو فيني؟!"
سحر:آآآآآآآه ..
الدكتور:الحمدلله على السلامه ..ازيك دلؤت؟!..
سحر"قعدت": وين شيلتي؟!..
الدكتور:للاسف اضطرين نقطعوه عشان القرح اللي في راسك..
سحر"والى الان راسها يألمها وحاوجبها معقوده": وين يارا و و طارق..
الدكتور:اااه انت بتؤصدي اللي كانوا معاكي في الحدسه..
سحر:ايه..
الدكتور:انتي ارتاحي بعدين اولك..انا حنادي النرس ازا عزتي حاقه..
سحر"رجعت للسرير.."
النرس: حبيبتي تبيني بشي؟!"وكانت متحجبه"
سحر:ايه الله يعافيج ابي مثل اللي على راسج..
النرس:دقايق وبيكون عندك حبيبتي..
"يابت النرس شيله وحاولت سحرتلفه عدل"
النرس: تبين شي ثاني؟!
سحر:انا وين؟!
النرس:ههههه شنو هذا ..حبيبتي احنا بالمستشفى ما تشوفين حواليج..
سحر:انا شنو فيني بالضبط؟!
النرس:مافيج شي بس جرح براسج وخيطنا الجرح
وايدج مكسوره وسوينا اللازم معاها..
سحر:طيب اقدر اروح للبيت؟!
النرس:بعد ماتخذين المغذي وترتاحين..تبين شي ثاني؟!
سحر:لا..شكراً..
"النرس بتروح"
سحر:لحظه اختي..
النرس:نعم..
سحر:انتي كويتيه؟!
النرس"بابتسامه":ايه..
سحر:شنو اسمج؟!
رنيم:اسمي رنيم..
سحر:اختي رنيم تدرين وين اللي معاي..
رنيم:من معاج؟!احنا نستقبل في اليوم ناس وايدين..
سحر"عبست":يعني ماتقدرين تساعديني؟!
رنيم:جان ودي اساعدج بس بشنو؟!
سحر:انا اقدر اتعرف عليهم .. يصير اروح ادورهم؟!
رنيم"مبتسمه": بتروحين لحالج مع المغذي و يدج المكسوره..انا بروح معاج..
رنيم:شوفي يمكن اهم امبينهم..في هذا الممر.." طلعت على الممر اللي فيه حجرتها"
"صارت تبحث عن يارا لمين شافتها ودشت الحجره الي اهي فيها"سحر:يارا..
يارا"بصوت متعب":سحر..
"يت ويلست عدالها وحطت المغذي حقها عدالها ونست كل الآمها يوم شافت اختها"
سحر: شنو يعورج حبيبتي؟!..
يارا:انا بخير بس جتفي يعورني جأنه بينخلع..
سحر:الله يشفيج..
يارا"انتبهت لسحر واشهقت": شفيها ايدج وليش تحت شيلتج شاش؟!..
سحر"ابتسمت ابتسامه باهته":ماتتركين رجتج..راسي مجروح وايدي مكسوره..
يارا:طيب وين طارق؟!
سحر:مادري..
رنيم:يالله سحر على سريرج..انت محتايه ترتحين..
"قامت سحر من عند يارا وحبتها على يبهتها وراحت مع رنيم"
--------------------------------------------
"لمى واهي فاتحه الموبايل رن رقم غريب..يت بتغلقه"
دانه"بدهشه":انتي شقاعده تسوين؟!
لمى"ببرود":اغلقه..
دانه:يمكن حد يبيج ضروري..
لمى:بس هذا رقم غريب.."وهو يرن"
دانه:بس دق وايد..اكثر من مره..ردي عشان خاطري..حتى لو كان ابوج
لمى"مبتسمه":بس عشان خاطرج..
لمى:الو..
(؛؛؛؛؛؛؛؛؛؛؛)
لمى"عاقده حواجبها":وعليكم السلام..من معاي؟!..
(؛؛؛؛؛؛؛؛؛؛؛)
لمى:ان شا الله دقايق ويايه.."وصكرت"
لمى"تحاجي دانه":يبي سويج سيارتي بسرعه..
دانه"باستغراب":ليش؟!
لمى:بروح للمستشفى..بسرعه..
دانه:ان شاء الله ..بس وينه؟!
لمى:ينب الكبت..
"راحت دانه ولمىيالسه على اعصابها ما تدري شنو بيصير في سحر و يارا وولد خالتها"
=============
بس دشت المستشفى راحت عالرسبشن بسرعه..
لمى" وياها دانه":لو سمحت سحر بن سهيل..
"اشر لها الموظف على الممر اللي فيه حجرة سحر..دشت لمى على حجرة سحر.."
"بس شافتها سحر بدت عيونها تدمع وصوتها يتجهد" سحر:سامحيني..
لمى"بابتسامه":مسامحتج على كل شي حبيبتي ..الحمد لله على سلامتج..
دانه"مبتسمه":الحمد لله على سلامتج سحر..
سحر"بابتسامه باهته":الله يسلمكم..
لمى "يلست على كرسي عدال سرير سحر.."
لمى"بمرح:شنو هذا ليش خليتهم يعالجونج وعندج اخت بالطب..بعلم عليج المخفر..
سحر"بضحكه صغيره":لا كلش الا المخافر..المره اليايه انتي بتعالجيني..
دانه"بابتسامه":عشان تلعب فيج..
سحر:عادي هاي اختي..
لمى"بجديه":وين يارا و طارق ؟!..
سحر: يارا في هذا الممر سألي عنها ..وطارق مادري عنه تعبت لمين لقيت يارا وماقدرت اكمل و ادور على طارق..
لمى:دانه انتي قعدي هني ..وانا بسأل على يارا وطارق ..انزين..
دانه:انزين..
=-=-=-=-=-=-=-=-------------=-=-=-=-=-=-
# ياترى شنو بيصير مع ابطال قصتنا؟!