07-25-2011
|
#2
|
◙◙◙
الجزء الخـامسوالعشـرون
◙◙◙
لما دخل الشقه .. دخل العامل الاغراض ..ابتسم له سطام وشكره
طلع العامل وسكـر البـاب!!
هنــــــا بس
حس بـ هدوء ..بـ الوحده .. حسانه لحاله بهـ العالم
حس بـ تقلص في معدته .. وشي يعصـر قلبه عصر ويقطعه نصين .اخذ نفس والعبره خانقته ..وعاض شفايفه
يعني خـلااص؟ ..هذي اخرتها ياسطام ؟ .. لحالك من غير احد ؟
مالك مستقبل؟ مالك اهل؟ ولا اصدقـاء
جلس عالكنب بـ تعب ..طلع جواله .شاف اسم مشعل يبي يدق بس مايبي يزعجه
.. وتنسد ورجع راسه للـ ورآ .. مسح وجهه بـ يديه ثم مشاها للشعره .. لين استقرت على رقبتـه ..بلع ريقه وهو يذكرالله
أتجهه للشباك ..ماكان شباك ..كانت بلكونه
وقف عـ البلكونه والجوال بـيده .. أرتاح يوم كلم ملاك وعرف انها اكلت شوي .. هو دق على نوره من جوال الحـارسحق العماره ..قبل يدخل الغرفه
ناظر جواله ..دق رقم حافظه صـــم .. كان رقم فهد
وش كثر محتـاج له الحين ..بس على طول سكر الجوال ..هو مب محتـاج احد .. ربه معه !!!
مايدري جلوسه فـ الشرقيه مؤقت ولالا ..
هل هو يعتبـر هرب منهم ؟
ولايرتـاح منهم لـ الابد .. لـ الابد ؟
وش كثر تخوف هـ الكلمه ..
◙◙◙◙◙
ضآإأيــق ۈٍ أشۈٍۈٍف الحآإأل مآ هۈٍۈٍب ينطآإآ‘ق
, , , , , , لا الأرٍرٍرٍضٍ تآإسـعني’
, , , , , , , , , , , , , , ۈٍلـآ الجوٍجۈٍۈٍي »!
◙◙◙◙◙
جلس عـ المكتب وهو يتنفس .. :شغل شغل شغلشغل ..يـاليل ماأطولك
طارق بـ بتسامه : قامت الشغاله تتحلطم
ناصر عطـاهنظره :لا يكثر اقول
طارق :ههههه المهم .."طلع ملف اخضـر " ..امسك يقول ابوك
ناصر:أقـول ..زر امهـأ بس ..وش ملفه يرحم امك انتهـى الدوام
(زر امها اوزرها مدري وش معناها ههههه ..بس اخوي الكبير يقولها..وكل اصدقاءه لما اطلب منه شيويصير الجواب هو الرفض يقولها لي .. كم مره سألتها بس النذل معيي يقولي خخ)
طارق :طيب وين تبي نروح ؟
ناصر يفـكر :اممممم .. امش بيتنا وش رايك ؟
طارق :طيبليه ماتجي انت ..
ناصر :تكفـى ياخي تعال اليوم بس
طارق:خلاص بس المرهالثانيه تجي انت
◙◙◙◙◙
- وش تسـآفرين مهبوله انتي؟
بندر :وليهماتسـآفر ؟ .. عادي
سعود :بندر انهبلت انت؟ .. هي توها بـ العده
بندر :طيب ..انا مارحت طلعتها تتمشى وقلت لها امشي السوق ولا الملاهي ..هي بـ تجلس فـ الفندق ..تونسني واونسها .. يعني عدتها فـ فرنسا
سعود :اتحــداك كانك مقتنع بـ الليتقوله
بندر :خجل ميب بزر وهي موافقه ..
خجل بـ خوف من اخوانها :سعود ..ودياسافر اغير جو عن الرياض .."خنقتها العبره " ..وربي حاسه اني بـ ختنق
التفتسعود لـ امه :يمه ..سامعه ولدك وبنتك وش يقولون
ام سعود وهي مب مقتنـعه بسقالت: سوي اللي تبينه
تركتهم ..وركضت لـ غرفتها ..سكرت على نفسها الباب ..انسدحت على السرير وهي ماسكه دمعتها ..
شافت لاب توبها مفتووح وكانت فاتحهالمسن .. راحت له ..تبي تطلع من هالمود ..فتحت المستندات .. وبعدها عـ الموسيقـى ..وفتحت على اغنيه تحبها لـ رآشد "يآقلبي "
تنبسط عليها ..فتحت على مدونتها ..وكتبت خاطره ..
◙◙◙◙◙
دخلت مكتب فيصل .. اللي كان جالسومعه كم ورقـه ..ومعاه صديقه ثامر اللي جالس يتعبث في المكتبه ..
اول ماوصلتللمكتبه .. رفع عينه لها وأبتسم
فيصل :هلا جوان .. حطي الاوراق هنا
ضربقلبها لما قال جوان .. بلعت ريقها وهي تحط الاوراق : some thing else?
(تريدشيئـاً آخر؟)
فيصل أبتسم لها : لأ مشكوره ..تقدرين تتفضلين
اسـتغربت منه ..طلعت وهي تحس ان فراشات بطنها معيه تهجد خخ
راح ثامر عند فيصل ..وجلس عـالطاوله قباله .. : what was that ?
(ماكان ذلك ؟)
فيصل :نو ثيـنك (لاشيء)
ثامر :اقول لا يكثـر انت وجهك ..كذب على كل الناس الا انا
فيصل يناظراورآقه :احس البنت معجبه فيني ..
ثامر طالع في فيصل :.............؟؟؟
رفعفيصل عينه ..وشاف نظرة فيصل كنه يقوله "يـآوآثق" .. قال : منتب مصدق؟
ثامر :معليش ..ادري انك زين ..في نظر البنات يعني ..
فيصل:وش قصدك؟..يعني في نظرك مبزين؟..وبعدين ترا البنت تفضححها نظراتها ..صدقني البنت ممكن تمثل انها تحت شخص..لكنمسستحيل تخفي حبها لـ شخص
ثامر :هههههههه .. وبعدين وش يخليك تقول انها خاقهعندك .. وهي تناظرك كنها شوي وتقوم تكوفنك ؟
فيصل رفع حاجب :تبي اوريك؟
ثـامر :يـ الله
قام فيصل وعدل جاكيته الاسود الرسمي ..اللي كان لابسهمع جينز ..بـ عكس لبس ثامر اللي كان برمودآ اسود ..مع بلوزه نص قميص ابيض ورافعالقلاب على فوق وشعره موقفه بـ تسريحة الديك ..
رفه ثامر ساعته :الحين خلصالدوام ..تلقاها بتروح البيت ..
فيصل: لا وين ترجع ..دايم تطلع معي في نفسالوقت
ثـامر :إيووّوه ! .. لا جد شكلها غرقـانه لين شوشتها ..طيب وحسين حبةعيني
فيصل: هههههه سافطته الاخت .. اسمع خلك جوآ المكتب بس ناظر فهمت
ثامربـ غباء:اناظر بـ حيث هي تدري اني اناظر ولا أتوزآ
فيصل:يـآ ثور! .. الحين اناوشوله قايل لك لا تطلع ؟
ثامر :طيب ياربيه
طلع فيصل لقـى جوان عندمكتبـه لـ الملفات .. وجالسه تحط كم ملف من اللي طلبهم فيصل ..
جـآ فيصل سوآنفسه يبغـى ملف .. هي ارتبكت من قربه لها .. التفت لها وابتسم إبتسامته اللي تذوبها .. ثم اخذ الملف .. فتحه وعقد حوابجبه
جوان :متـأكد تبغـى هالملف
ناظر فيصلالملف اللي معه .. ثم رجع يناظرها .. مد يده وحطها عالجدار .. وهي كانت بين المكتبهويده .. بلعت ريقها .. ماأستغرب من سكوتها .. لو احد ثاني كان لعنت خامسه ..بس هذافيصل ..
انصدم ثامر من حركة فيصل .. اللي كان قريب منها .. طلع من المكتب .. :فيصل؟
التفـتوا اثنيهم .. أبتسم فيصل وكأنه يقول ..شفـت ؟ .. اما جوان بعدتعنه بـإحراج شديد
طلعـوا ثامر وفيصل
ثامر:يـارجال مالك داعي ترا .. وربي وش هـ الحركه
فيصل بـ بتسامه جذابه .. وعينه تناظر قدام وكأن مشهد جوانينعاد قدامه : عشان تعرف .. تدري؟ ..هـ الحركه اثبتت لي انها مو بس معجبه .. الاعلى قولتك غرقانه لـ شوشتها .. انا الحين مرتـاح انها ماتفكر في حسين
ثامر :اممممممم .. مو شي مطمن .. انت الحين تدري انها ماتحب حسين ..طيب تدري انها ماتحبالفلوس؟ .. هذا اللي لازم تعرفه
فيصل كان مفكـر بهالشي .. بس تناساه .. وذكرهثامر .. كمل ثامر : لازم تعرف اذا من نوعية بنات اللي اهم شي زوج يحبني .. ولا لازمواحد غني حتى لوه شايب .. "وببتسامه " .. وووو حسين مب شايب يعني مافيه شي تخسسره !!
◙◙◙◙◙
كان جالس في مكتبه .. مبسوط لأن راتبه بـ يكفي اهله .. ملّ من كثر مايصرفون عليهم نوره وخاله مشعل
وهو حاط يده على خده ويدهالثانيه يحرك بها ماوس الاب توب .. مر من عنده واحد لـ المره الثانيه يحسبه سطام
عرف انه نفس الشخص
قام ولحقـه .. صدم في واحد وقال :أ ..أسف والله ماأنتبهت
الرجال :لا عادي
تو الرجال بيروح بس سأل متعب :لو سمحت
الرجال وقف :هلا؟
متعب يأشر على ناصر :من هذا ؟
الرجال :قصدك ناصر؟ .. ماتعرفه ..هذا ولدصاحب الشركه ناصر عبدالرحمن محمد آل "....."
متعب بلع ريقه :طيب .."جآ بيسأل بسهون".. ولا خلااص ..مشكور
الرجال:العفوو
وراح
لحق متعب ناصر .. :لوسمحت ..أستاذ ناصر
وقف ناصر :بغيتني ؟
متعب مبتسم :إيه .. أ ..بغيت أسأل ..
تردد يحس سؤاله غبي .. ناصر ينتظره يسأل .. قال متعب في نفسه ..بقول واللي فيهافيها
متعب :تعرف واحد اسمه سطام ..أظن يعني مب اكيد اسمه كذا
ناصر مبتسم :سطـام .. لا والله ليه ؟
متعب :مشبهه ..يشبه لك مره .. تتذكرني انا اللي
قاطعه ناصر :إييييه انت اللي قبل مشبهه علي .."بضحكه"..هههههههتحسبني هويعني؟
متعب يناظره بـ تمعن نفس الصوت .. نفس الرزه والهيئه .. :إ..إيه
ناصر :لا والله .. ماأعرف احد بهالاسم ..
متعب :آسف اجل .. لأنه إنسان عزيز علي .. ولا أعرف عنه شي
ناصر :يجمعكم ربي إن شاء الله
متعب انحرج منه :آمين ..يالله ماأطول عليك
ابتسم ناصر .. متعب شكله في عمره .. واغلب اللي فالشركهياهمهم الشغل .. مافيه الا هو وطارق
الباقين شياب ولا زي ماقلت همهالشغل
ناصر: طيب يأ متعب ..شكلك في عمري .. وش رايك تجي معآي المكتب .. نسولفاناوانت وطارق
متعب :ياليت والله بس عندي شغل
ابتسم له ناصر
ورآح
تو ناصر بيرجع للمكتبه دق جواله ..
المتصل>>ست الحبايب
ناصر :يـآهلا والله وغلا
ام محمد:هلا بك اكثر.. ناصر فاضي انتبكره؟
ناصر :اصير لك فاضي ..بس وش بغيتي؟
ام محمد :موعدي بكره ..فالمستشفى
ناصر ..ضآق صدره يوم تذكر هيله :طيب ..بوديك
ام محمد : جعلكفالجنه
◙◙◙◙◙
طلع من الشقه حقته .. ورآح عند البحر الليقبال شقته ..نزل من سيارته
كان لابس شورت اصفر مخطط بـ كحلي واحمر .. وبلوزهساده عليها رسمه من قدام بالاحمر .. نظاره شمسيه ..كان شكله رآيق مره
وهو ماشيبمحاذاة البحر .. حس بـ شي على رجله ..ناظر كانت جريده
نزل واخذها .. وبالصدفهكان موجود إعلان عن وظيفه ..
حسب ان هالاعلان قديم ..توه بيرمي الجريده بس شيداخله قال له اقرآ التاريخ
لينها جريدة امس
رمى الجريده وكمل مشيه بعدماعرف وين مكان الشركه .. اللي تناسب تخصصه اللي كان محاسبه
بس من بيوظفه وهويتعبر معاه ثنويه .. وانجليزيته على قده ..
دخل يده في جيب الشورت وهو يطالعفوق ويتذكر
/
- سطام يآبوي !
سطام اللي كان يطالع في بيالته .رفع عينهلأبوه :سم يبه
ابو سطام :وانا ابوك انا رجال كبرت ..وصار الشغل يتعبني
سطام :طيب ؟
ابو سطام : ابيك من بكره تروح تدور لك شغله ..
/
رفع راسهوهو يحس بـ الهواء يهب على وجهه ..والجو بارد
بس من حـرر مافيه .. مايحسبهالبرد ابد..حتى كان في عائله يناظرونه .. وكيف انه لابس هاللبس .
دخل يده فيجيبه .. وهو يتذكر يوم لقى له وظيفه وش قال ابو
/
ابو سطام : كيفك معشغلتك ياسطام؟
سطام: ايه الحمدالله
ابو سطام :وكم لك وانت موظفهناك؟
سطام يحسب :امممممم تقريبـاً .. 4 شهور
ابو سطام :وكيفك معالجامعه؟
سطام :والله يالله نلحق .. بس إن شاء الله سنتين واخلص والقى لي وظيفهاحسن بما اني جامعي
ابو سطام :لا وانا ابوك .. هذا انا معاي سادس وموظف ..اتركعن الدراسه انت مخلص ثنوي .. ومهب لازم تدرس
/
تذكر كيف كان يحاول فيابوه .. ودرس سمستر من غير علم ابوه .. بس يوم درآ ابوه زعل
ما رضى عنه الا يومترك عنه الجامعه
رفع عينه وهو يتذكر بعد ..كيف صار نطقه لـ الكلمات .. غريبشوي .. هو ملاحظ هالشي .. بس شكل محد ملاحظ
وقف عند كوشك بـ يختبر نفسه :لـوسمحت ! ..
الرجال :يس
سطام :مويه
ارتاح يوم شاف ان نطقه عادي .. بسهو لاحظ يوم جآ بيكلم رآعي الشقه .. كيف كان يـتأتأ ..
من بكره
طلع منالشقه واخذ له تاكسي ورآح للشركه اللي كانوا حاطين الاعلان .. طول الطريق جالسيستغفر ويدعي ربه
اول ماوصل .. تيسر له كل شي ..مامرت نص ساعه الا هو عندالمدير
المدير يقلب الاوراق قدامه :والله يا أخ سطام ..انا من عادتي لمااوظف احد ..لازم اشوفه بـ نفسي .."أبتسم " ..بس انت مب جامعي!
سطام مبتسم :انامعي خبره 6 سنين .. ماتكفي؟ .. وتخصصي محاسبه بس خبرك ماكملت الجامعهلظروفي
◙◙◙◙◙
توها داخله البيت .. دخلت للغرفتها .. تدري ان امزوجها ياطالعه يا نايمه
لأنها ماتحتك معاهم ابد
دخلت شافت احمد جالسعالكرسي ومعاه اوراقه وعليه نظارته الطبيه المستطيلة الشكل ..
ومعاه شاهيويقـرا فالاوراق بإندماج
نوره وهي تعلق عبايتها :السلام عليكم
احمد:وعليكمالسلام
نوره جلست عالسرير بملل ..فصخت جزمتها .. وانسدحت وهي تطالع السقف وتفكرفي سطام
احمد قام وجلس جنبها :نوره
نوره :نعم
احمد :وجهك مب عاجبنيعاليومين ! ..تاكلين زين اني؟
نوره قامت وهي متوتره :إيه يمكن عشان ضايق صدريوكذا ..مدري ..
احمد يتفحصها :طيب وش رايك نسافر لبنان؟
طالعته بصدمه :نسسسافر؟؟؟ عشان تسكر مره ثانيه ؟؟
احمد سكر عيونه وكأن هالكلمه عورته :أسكر؟ .."مسك يديها وحط عينه بعينها".. نوره انا تغيرت عشانك صدقيني
بلعت نوره ريقهاوهي مسكره عينها .. وتعيد اللي قالته قبل شوي
جرحت نفسها قبل لاتجرحه .. :مقدرالحين .. اهلي في أزمه وانا جالسه اسعسع في لبنان ؟
هي من زمان ودها تشوفلبنان .. بس هالمره مالها خاطر فيها ابد
◙◙◙◙◙
كانالجرس يرن .. فتح مشعل الباب وهو يحك راسه وشكل توه قايم
انصدم من اللي واقفعند الباب : فــهد ؟؟!
فهد توتر من مشعل .. قال وهو يناظر :يده إيه فهد
مشعلتسند عالباب وقال بـ ملل .. وهو ماله خلقه :خير وش بغيت ؟
فهد :بغيت رقم سطام ..لأني ادق عليه وجواله مقفل
مشعل من غير لا يناظر فهد : وش بينك وبينه مثلاً .. ما أظن ان بينكم شي عقب يوم
فهد قاطعه :مشعل ..لو سمحت .."وبـ تردد " .. يعني ينجلس كذا عالباب الرايح والجاي يسمع
مشعل بعد عن الباب :تفـضل!
يوم دخلـوا
مشعل :خلك هنا دقايق ورآجع
فهد :مشعل .. لا تجيب شي ..انا جاي بكلمك شوي وبطلع
مشعل يجلس :اسمعك
فهد يناظر يده ويهز رجله :اممممم .. "طالع مشعل".. بصراحه انا اخطيت في حق سطام وادري انه زعـلان مني ووديأأ ..
قاطعه مشعل بإنفعال وصدمه:زعـلان؟ ..يعني انت تحس ان سطان زعلان منكبس
فهد ساكت :......
مشعل :فهـد انت تدري وش اللي صار مع سطام بعد ماتركتهانت ؟ .. فهد مات (أبو سطام ) .. وملاك اخته انشلت وهي الحين ماتتكلم ولا تاكل ولااي شي ..ويبي لها علاج برآ ..طبعاً كل هذا كان وقتها في
فهد طالعه بـ صدمه ..شدعلى يده لين صار لونها اصفر ..بس
مشعل يكمل : االسسسجن يوم كنت أنت "ويأشر عليهبقهر"..تعرف انه ماسسسوى شي ..بس هالحثاله سامي لعب براسك وتدري بعد هذا وش صآر ؟ ..
بلع فهد ريقه..تمنى الارض تنشــق وتلبعه وينسآه كل من فالكره الارضيه ..مسكراسه وقال يستعطف فهد :مشــعل يرحم امك خــلااص!
مشعل بسخريه :انت الحين من مجردكلام قلت خلااص .. وجالس تسوي لي مسلسل .. هالمسكين وش يقول .. بس اقولها لك منالحين ..لا تفكر تدق على سطام ..لأنه عآفك وعرف معدنك الحين ..وهو خصوصاً في هالحال ..في غنـآ عنك
فهد خنقته العبره .. ويحس بـ قزازه في حلقه ..مسك كم مشعل :تكفىمشعل ..هات رقمه الله يخليييييك ريحني من هالعذاب
مشعل وخـر يده وبعد عينه : لاتحلم .. انا وعدته اني ماأعطي رقمه الجديد أي احد
فهد مهمـوم :تكفى مشعل ..تكفىتهز رجال .. الله يخليك
◙◙◙◙◙
كان بندر يمشي بإتجاه الباب بيطلع .. ومعاه شنطة الكاميرا
سمع صوت امه تناديه : بندر ..
التفت بندر :هلا يمه
ام بندر : متى بتسافر
بندر :لاثنين ؟
ام بندر بشوية عصبيه :منتب صآحي ..
بندر :ليه ؟
ام بندر : لالا لا تســآفر الاثنين اجل سفرتك شوي .. متىموعد بداية دراستكم ؟ مدري وشي حقتكم ذي
بندر ببتسامه : يعني ..3 اسابيع شهر .. مابعد بدت عطلة الكرسمس
ام بندر : طيب ! .. آآخر سفرتك على وش مستعجل ؟
بندر : مب على شي .. بس ... رسالتي مابعد بديت فيها يمه ومامعي الا شهرين بس
ام بندر : طيب خلك هالشهـر فالرياض .. عبدالعزيز ولد عمك تعبان فالمستشفى ومب حلوه في حقناوحق ابوك انك تسافر
بندر :ليه؟ وش دخلني انا .. ولد عم ابوي ياخال ابوي حكظهري
ام بندر : انت مب أي ولد .. انت ولد آل ".........." يعني عدم وجودك جنبولد عمك بجيب لنا الحكي
بندر يعدل الشنطه على كتفه وقال بـ ملل :ياارب! .. ياليتني مب ولد آل"...." اللي غثيت امن جابتني فيها .. وبعدين يمه انا مارحت اسعسععشان تقولين حكي وماحكي .. انا رآيح ادرس
ام بندر بصرآمه :حــــتى لو
◙◙◙◙◙
◙◙◙
الجزء السـآدس والعشـرون
◙◙◙
بعد مـرور 3 اسابيـع
كنت جالس عالكرسي..فيالدوام ..آوف وجعني ظهري ..نسيت اعرفت على واحد من اهل الشرقيه
أسمه قريب لأسمي ..سلطان !
عمره قريب من عمري ..إنسان طيب وينحب من جد ..عرفني على تركي وحساموانس .. كلهم من اهل الشرقيه بعد هههه
شكل ودي اتعرف لي على احد من اهل الرياضيحسسني بالانتماء شوي
سلطان :سطام وين وصلت ؟
سطام :معك
سلطان يناظرساعته :ترا خلص الدوام ..كانك تبي نطلع
يوم قــآموا
سطام وهو يلبسنظارته :وين ناوي تروح ؟
سلطان يطلع ورقه من جيبه :بروح اجيب مقاضي لأهلي .. مابقى على رمضان الا تقريبـاً كم اسبوع ..بتقضى قبل الزحمه
سطام :متى بتروح؟
سلطان يفكر : امممممم وش رايك ؟
سطام :وش رايك بالمغرب .. وانا بروح معاك
سلطان يبتـسم :خلااص ..وبعدها نروح للربع
سطام :خـلااص صار
◙◙◙◙◙
اول مادخل عبدالعزيز للصاله ..وكان متجهه للباب .. ناوي يطلع
كان ابوه جالس : الحمدالله عالسلامه .. الحمدالله نزلت من غرفتك
عبدالعزيز مارد ..بس اكتفـى بـ:انا طالع
مبارك :على وين ؟
عبدالعزيز :بشم هــوا
مبارك بشك : طيب خذ معك واحد من ال
قاطعه عبدالعزيز :ماأبي احد .. بروح لحالي
وطلع
نادا مبارك واحد من البودي قارد :رح الحقه وقلي وينرآيح
◙◙◙◙◙
- يـاعبدالله قلت لك .. حجزنا الخميس الفجر بأذن الله
عبدالله :كانك مشغول يابندر .. ترا ماعندي مانع نكنسل الرحله
مهبول انتنكنسل الرحله .. ورسالتي موقفه عليها :لا ..بس شلون اختك ؟
عبدالله :والله منسيء لـ أسـواء
بندر ضآق صدره يحس انه السبب
/
كانت تطالع شنطهااللي مرميه عند الدولاب .. متى بتسافر؟..وتتعالج وتفتك من هالهم؟.. رفعت عينهاللمرايه قبالها كان شكلها يخوف .. وجهها اصفر وتحت عينها بنفسجي .. عيونها ذابله .. شعرها فقد لمعانه وبشرته باهته
معـد فيها روح ابد
رفعت عينها :يارب ..ياربفكنـي من اللي انا فيييييه .. "نزلت دموعها "..حسبي الله عليك يـا أيمان ..حسسسبيالله عليك ..جعلك ماتتهنين بحياتك
◙◙◙◙◙
كفاني ياحزن تكفى ترانيفي النهاية إنسان"'
ولا أقوى ولا اتحمل حزين وحالتي حاله"'
حالي يكسر الخاطروهمي كسر الجدران"'
وقلبي بالحزن متروس ودمعي أصغرعياله
◙◙◙◙◙
حطت يدها على خدها وهي تطالع في خجل :لازم نسوي لك بارتي ..توديع
ندى :صح صح ..لااااازم!
خجل ببتسامه :اوكي ! .. بس إحنا الثلاثه
نجلا عفست ملامح وجهها الناعم :لا .. نبي ونـآسه ..
ندى :طيب خن نسوي حفلهسنبل
نجـلا :إيوه .. تكون الملابس جينز وهيك .. يعني مو حفله كبيره
خجل:مينبـ تعزمون؟
نجلا :صديقات الجامعه .. يكفون
ندى :خـــــلاص
◙◙◙◙◙
- متعب وش فيك تهـوجس ؟
متعب ينـاظر امه :احسب مصاريفمقاضي رمضان ..انا اخذت راتبي مقدماً كله عشان رمضان .. ولازم اقتصد فيهم
اممتعب مبتسمه .. وكأنها تشوف سطام قدامها .. هذا متعب تعلم المسؤوليه : انا عنديدراهم كانك تحتـاج
متعب :مدري ..لكل حادث حديث .."بتردد وضيق".. مادق سطام؟
ام متعب تناظر فنجالها : لا
◙◙◙◙◙
طلع من البنك لأنه كان مقـرريشوف كم بحسابه عشان يقدر يتقضى للرمضان
ماتـوقع بيلقى الـ 200 الف في حسابه
اكيد مشعل هو الي حاطها
رفع جوالها بيكلم مشعل
مشعـل :يس ..مسترمشأل سبيكنق؟
سطام :هههههههه ماتترك حركاتك انت ؟
مشعل :لا .. وشتبي؟؟؟
سطام :أفـا .. وش هالاخلاق؟
مشعل :اندري عنك ؟ اجل ياحمـآر اسبوعينماتدق ولا تسأل؟.. ولا حبيت لك شرقآويه وسحبت على اماً جابتنا
سطام : ههههههههههههههههههه .. اقول لا يكثـر .. وش اخبارك ؟
مشعل : الحمدالله .. انتشلونك ؟
سطام :بخير .. اسمع بقولك .. وش قصة المتين الف اللي في حسابي؟
مشعل :اسمـع انت .. تراني زهقت منك انت واخوانك ..
سطام :لا جد مشعل .. ليه تعطونياياها
مشعل : ابوك كان يبي هالمتين لك .. بس ماكان يقدر يعطيك اياها لأنه مريضبمرض خطير ..والهبه ماتجوز في حالة المرض خطير خصوصا ان المبلغ كبير ..فلازم موافقةاخوانك ..واخواتك اصصروا ان هالمتين لك ..وانا مالي دخل ..انا مجرد عبد مأمور قالوالي خل هالفلوس بحساب سطام ...
سطام يوم شاف سيارة سلطان قريب لأنه كان مواعده :أهـأ .. طيب واللي مايبيها ؟
مشعل :مب على كيفك .. وبعدين فاضي لك انا انتواخوانك اجلس ماغير اراكض بينكم ..
سطام : ههههههههه اسمع مششيعل .. فالليل عندكشي ؟
مشعل :ليه .."وبرومنسيه "..تبي تسمع صوتي؟
سطام :ههه بالظبط ..
مشعل :ابد فاضي
سطام : طيب المدام ؟
مشعل :ماقلت لك ؟ .. المدام رآيحهعلى لبنان
سطام :أكششخ ..
مشعل :تطورت منفوحه ههههه ..
سطام ابتسم بس :وانت؟
مشعل :منيب رآيح ..
سطام :انا اللي اعرفه ان اهلها قرآوآ .. وشلونتروح ؟
مشعل : بتروح مع نوره ..
سطام رآح يركب مع سلطان :نوره بتروح لبنان؟ ..والمحرم طيب ؟
مشعل : معها اخوها .. يمكنه ابو 17 او 18 .. بـزر
سطام :اهــا .. طيب اجل ..انا الحين مشغول .. ولين سمعت صوتك حياتي فالليل علمينيالسالفه
مشعل :هههههههههههههههه يلعن شكلك مصدق انت ؟ ...تراني مرتبط
سطام :هذا اللي عايقك انت ووجهك ..وبعدين لا عاد تلعن لا العنك ..اصلا منتب وجه احد يصيرمعك رومنسي..وبعدين ماينعرف لك انت وسالفة ارتباطك؟
مشعل :أسمـع بالمغموض والمزاجيه
سطام :ههههه يالله بس فمان الله
مشعل يغني :الي لقـى احبابه نسىاصحابه ..
سطام :يـالييييييل
مشعل :هههههههه فمان الله ياربيهمنك
سلطان ببتسامه ويده عالدركسون :الحين من تكلم حرمه ولا رجال
سطامببتسامه :لا هذا خالي مشعل .. مسوي رومنسي هو ووجهه ..لا والمشكله انه متزوج ..مدريوش يحس
سلطان :شكله خفيف دم
سطام :مــره
سلطان :الا منتب رآجع للريا ض؟يعني على رمضان
سطام ضاق صدره من هالطـاري ..قال وعينه عالشباك :لا !
سلطانحس انه تلقف عليه ..فسكت
◙◙◙◙◙
- يبـه ؟!
عبدالعزيز ببتسامه :إيهابوك ؟
نواف بعد عن الباب :تفضل تفضـل !
دخل ابوه للمجلس .. ورآح للأمهوخالته اللي جالسين فالصاله
نواف :يمه ..جيبـوا القهوه!
ام نواف: عندكضيوف؟
نواف ببتسامه :إيه .. أبـوي
ورآح لأبوه
ام نواف من قال "أبـوي " ..كأن احد كاب عليها مويه حاره ..عبدالعزيز هنا ؟
حست بـ شعور غريب ..ضيقه علىفرحه قاتله
كأن الارض معد تشيلها ابد
/
- هلاعبدالعزيز ..
ابتسمت وهي تحط نواف الصغير عالسرير : وش فيك مب على بعضك ؟
عبدالعزيز : أنا ..آسف يا آم نواف .. والله مب بيدي
ابتسمت ام نواف وهيتطالعه ..لفته عليها ومسكت وجهه بين يديها : وش فيك عبدالعزيز؟ قـل لي
عبدالعزيز ابتسم .. وش كثر يحبـها : أهلي دروا اني متزوج
جحظت عينها .. وتيبست يدها ..هذا له معنـى واحد انهم مستحيل يسكتون على هالزواج .. يعني بالعربيبتفقده .. ولا ..يمكن تفقد ولدها بعد
عبدالعزيز مسك يدها : نــوره ! .. لاتخافين يالغاليه منيب مفـرط فيك بسهوله
ابتسمت وهي تجاهد دمعتها : عبدالعزيز .. لا تحاول مع اهلك ..إحنـا مب قدهم والله
عبدالعزيز بعصبيه : الله اكبـر منهم .. وانا ماسويت شي حرام .."حط يدها اللي قبل شوي على خده مره ثانيه " .. انا ماخذكبالحلال يـا نوره .. وين الغلط فيه ؟
نزلت دمعتها بس هي لين الحين مبتسمه : احناماغلطنا .. والله بينصرنا .. بس/
- هيييه ! ..نوره وين وصلتي
مسحت دمعتها بس ماقدرت .. تحولت هالدمعه للعبره تخلي الاعمـى يحس بها
قامتمن مكانها واتجهت للمجلس بس تبي تسمـع صوته
- لا والله مايدري ..
نواف : احسن ..خلني اكحلعيني بشوفتك .. والله يبـه اني مبسوط من هالجيه مره
عبدالعزيز :الا وش اخبارك مع الشغل ؟
نواف :والله ماشي عال العال ؟
عبدالعزيز : اهم شي الفلوس اللي اعطيك اياها..والفـله تكفيك انت وامك وخالتك؟
نواف :إيه وزيـاده بعد .. والله يبه ماله داعي هالفلوس وربي .. شاق بنفسك
سندت نفسها عالجدار جنب الباب .. وجلست عالارض وهي حاطه يدها على فمهاوجهها احمر ..تمنع ان أي صوت يطلع لها ويحس فيها .. كل هذا صار على مرأى من مريماختها
ذكريات تعصف بها ..ليه لا وهذا زوجها .. وعلى قولة القديمين ..الزوج خشيرالعقل ..
راحت لها مريم .. وقومتها وهي بعد تمنع دمعتها : نوره قومي تكفييين .. مب حلوه يحسون فيك .. وش بتصير شعور ولدك ؟؟
بس ماحست بـ نواف .. اللي كان واقفوشاف المشهـد كلــــه !
راحت حطتها فالصاله واتجهت للمطبخ تسوي القهوه .. كانت مريم في ضيقه عشان اختها ..
جلست تتحسب على اهل نواف بينها وبين نفسها ..
ليه يحرمون نوره من زوجها ؟
/
- نوره يابنتي .. انتي توتس شباب والف واحد يتمناك
نوره ببتسامه لأمها :يمه انا جربت حظيبالدنيـا ..خلاص معد لي خاطر فالعرس
ام نوره : طيب هاللي يخطبونتس والله ان كلواحد احسن من عبدالعزيز
نوره وهي شوي وتصيح بس تبين قويه : في عيـني ...محداحسن من عبدالعزيز .. وانا منيب متزوجه ..بـ ربي ولدي نواف
/
تتذكر كيف كانت ترد احسن الخطاطيب كلهم ..عشان عبدالعزيز ..وأملها ان بيجييوم وبيقـدر يرجعها من جديد
(أكثر موقف وجع قلبي فالقصه =( )
◙◙◙◙◙
لآ وٍرٍبّي|مآنسيتگ|
وٍگل دقيقه يمرٍ طيفگ ‘
أحضنه منگل قلبي ,
بسألگ :يآ طيرٍ قلّي !
تقدرٍ توٍصّل لحبي }-
عطرٍ من [آشوٍآق ]نبضي ,
قوٍل لَـَـَـه:
"إحسآسي"يسأل!
لسّه في قلبهم گآني }-
مآتغيّرٍ !
مآ تغيّرٍ
مآتغيّرٍ
◙◙◙◙◙
وقفت وهي تناظر حسين واقفومعه واحد رجال شكله فالـ 50 من عمره .. جنتل وهيبه .. حست بالخوف وهي تشوفه
- انتي سكـرتيرة فيصل؟
جوان :yes saer (نعم سيدي)
ابو حسين : جـوانولا ؟
جوان طالعت في حسين اللي ابتسم لها : يس
ابو تقدم بيدخل على فيصل .. اول مادخل جاها حسين : جوان ياليت تقولين لي قرارك اليوم .. لأني فاتحت ابويبالموضوع
ورآح
جلست جوان عالكرسي وهي متـوتره ..تحس ان كل شي صار جد ..
سندت راسها
انـا كم مره قايل لك لعد تدقين عالجوري؟
انـا كم مره قايل لك لعد تدقين عالجوري ؟
انـا كم مره قايل لك لعد تدقينعالجوري ؟
عصبت بسبب هالذكـرى .. هالعيشه التعيسه ..
حركةفيصل ..خلتها تعييد حساباتها من جديد .. هي تميـل للفيصل ..بس تميل
تحاول تكذبعلى نفسها بـ هالكلمتين ..
قررت اول مايطلـع حسين .. بتقوله رآيها
◙◙◙◙◙
كان واقف وبيطلع .. مشـآ مع ولده لين الباب ..
أإبــًٍكتُمٍ بصـٍمتُيِ . .
الاآآفـٍـًـًوٍوٍآآهِ||
كانت امنواف تناظره ..تبي تحكل عينها بـ شوفته قبل يروح .. لين الحين شكله شغير ..لآنهالحين يعطي في نهـآية الـ 30 او بداية الـ 40 ..ماتفرق بينه وبين نواف من ورآ
ابتسمت وسط دموعها .. ودها تروح لها تقوله بس انها مشتـاقة له ..وانها تنتظره ..حتى لو مابينهم نصيب فالدنيـا ..بس تبيه يعرف إحساسها ..انها تنتظره
ماصفى لي غير خمس .. !
ألم ,
لمحات من فرقآ ..
حلم ,
وأوهام بي ترقآ ..
وذكرى الأمس .. !
نوافوهم فالحوش :يبه ليه مستعجل؟..توك حتى شاهي ماشربت
عبدالعزيز :والله يانوافجلستك ماتنمل .. بس لازم اطلع الحين قبل لا أسوي لك مشاكل
نواف بضيق وهو يتذكرشكل امه اللي قطع له قلبه :متى بـ نجتمع احنا الـ 3 .. من غير خوف؟!!
عبدالعزيزتنهد :فالجنـه يابوك إن شاء الله
ابتسم :إن شــاء الله ..بس صدقنـي يبه .. بيجياليوم اللي بـ فرحك فيه انت وامـي!
عبدالعزيز :بـ زواجك إن شاء اللههههه
نواف:هههههههه صح يمكن
رن الجرس .. وتقدم نواف وفتح الباب ..اختفتابتسامته يوم شـاف جده قدامه
دخل مبارك اللي كان شكله ابداً مايناسب مع هالبيتالمتـواضع
كان رآفع خشمه وكأنه شآم ريحه شينه ..التفت لعبدالعزيز :اجل هذا بيتاللي بعت بنات الاصـول عشانها ؟
عبدالعزيز :نـوره بنت اصول يبه ! .. وماأسمحلأي احد
مبـارك بعصبيه وبصوت عالي : انت لو مب مريض .. كان جريتك ورآي مثلالكلب !! .. الحين امنعك من ولدك تروح من جديد ؟؟
تو نواف بيتكلم ..بس ابوهسكته بأنه مسك يده :يبه وش فيها ان شفت ولدي؟ .. وهذاني طالع ولحد شافني حتى
مبـارك :انت ماتفــهم!!! ..انت بآيع سمعة عايلتنا ..مايكفى انك ماخذ بنتالـ.."ولا يتذكر اسم العايله فقال"..الي مايندرة وش اصلهم ..بعد تبي تفضحنا من جديدجآي عند هاللي ماتتسـمى اللي اكيد انها ساحرتك ولا مسـ
نواف ماتحمل ان امه تنسب : ابوي مبـارك ..انا ماأسمح لأي احد كان يقول عن امي شي
مبـارك كان يحتري أي شيمن نواف ..عطآه كــــف من قوته خلآه يلف عاليمين ..
عبدالعزيز بدت انفـآسهتتسآرع .. ام نواف ماقدرت تصبر..اخذت جلالها ونزلت تحت وطلعت بـرآ .. :خـلااص يآبوعبدالعزيز الله يرضى عليك ..أطلع برأ بس خل ولدي!!
التفت عبدالعزيز على الصوتاللي يعرفه اكثر من أي صوت ..كل شعور أعترآه بعد ماشافها ..
لين الحين ماتغيرت ..عرفها هذا صوتها ..طولها .. لونها كلها ..هذي أم نواف مر شبح إبتسامه على وجههاللي كان كله ذهول ودهشـه
مبارك :يآهلا والله بأم نواف .. إذا تبين صدق اخليولدك في حاله .. لاتقربون لولدي ..
في هالوقت عبدالعزيز ماقدر على هذا كله ..خصوصاً ان ماله ولا شهر من طلع من المستشفى .. حس بإنفاسه تتسآرع .. والدنيـآحوله بدت تسود
وآلم شديد في يده اليسرى الين فكـه .. حاول يوقف ويستعيد توازنه ..لأن الحين مب وقت طيحآته ..لكن هاللي جالس يصير فوق طاقته ..خصوصا ظهور ام نوافماتوقعه ابد
محد حـس فيه في هالحلظه الا ام نواف .. اللي صرخت بـ :عبــــدالعزيز!!!
التفـتوا مبارك ونواف لعبدالعزيز ..
◙◙◙◙◙
هآلضيْيْيْقه إلليْ كلٍ مآ رٍآحتْ, .
تعُوٍد معلّقهْ مآبينْ قلبيْ وٍ صدرٍي. . !
نآ‘س تنآم مدهنّه بدهنْعودْ‘
ونآستنآم مدهنهْ بزيتْ مقريْ, . .
◙◙◙◙◙
كان مبسوط وشايل بنته اللي جالسه تضحك .. دخلت امه : سعود مارحت الشغل؟
سعود :إلا بس ماكان عندي شغل ..رجعت بدري
امسعود جواها حكي : سعـود اممممم .. "وجلست " ..ودي اقولك شي
سعود يحط ديمه جنبه ..وعطاها لعبه وعطا امه انتبـآهه :سمي !
ام سعود :ابوك مرسلني عشان اكلمك فيموضوع بنتك
سعود :وش فيها بنتي؟
ام سعود : يبي لها ام ..انت لازم تتـزوج
سعود ماعجبه هالكلام : يمـه بتبدين معي شغل يوم قبل اتزوج ديمه ؟..تزوجوتزوج
سعود :سعود يآبوي انت توك شباب .. ولازم تعرس .. وانت الف بنت تتمنآك
سعود :وانا إنسـان ماأبي اتزوج .. خلااص يمه والله مالي خاطر فالعرس
امسعود :انا وابوك تكلمنـا فالموضوع ..وهو طلب مني افاتحك بالموضوع لأن حاله مب عاجبك ..يعني تعصينا ياسعود؟
سعود :لا يمـه مهب قصدي اعصيكم ..بس ترا الزواج مايصلحالا برغبه نابعه من الشخص نفسه .. ولا ودي اظلم بنت الناس معي .. وانا ماأبي اتزوج
ام سعود تقـوم : طيب وانا امك .. فكر ولا تستعجل
◙◙◙◙◙
فـيالسوبر ماركت
كان يدف العربيه .. وقف يوم شآف فيريرورشيـه .. أبتسم يوم تذكراميره
/
- خالي سطام ! .. وش تشتري هذا ترآه غالي !
سطام يناظر السعر :آلله ! .. وش ذا .. "ناظرها "..طيب وش اشتري ماسكه معيكاكاو
اميره تناظر الرف: اممممممم .. "تأشر على جلاكسي ساده"..هذا حلو معالقهوه
سطام يناظره :هههههههه منتيب سهله تتقهوين بعد؟
اميره : والتوييكسبعد .."وكملت بـ خقه" .. مع القهــوه ..شي حلو
سطام ياخذ التويكس :خلااص اجل ..تويكس وقهـوه مع الجلاكسي
/
اخذ له تويكس وجلاكسي ..
- ههههه جآي تشتري حلآو؟
سطام ابتسم:لا والله ..بس لفت نظري .. تذكرت بنت اختي
سلطان :خلصت ؟.. ولا تبي شي قبل نطلع
سطام :لا ..تعالنحاسب
◙◙◙◙◙
دخل المستشفى ..جلست امه في إنتظار النساء .. اما هوطلع بيروح إنتظار الرجال ..
بس لفت نظره كم بيرس .. تذكر هيله اللي مافارقتخياله من زمـان ..وده يعتـذر بس هل بتقبل ..واصلا وين بيلقاها؟
كان يدورها .. لف المستشفى كله ..
رآح عند غرفة الد. أسماء ..
توه بيلف مع اللفه ..كانت هي طالعه من المكتب ومعاها ملف ..جت وحده وحاكتها .. أبتسم لاإرآدياً..
مشت الممرضه اللي كانت تكلم هيله .. مرت من جنبـه وهي تتفحصه ..طالعفيها ناصر .. وش تبي هذي ؟
كان لابس ثوب ومع كآب .. طنشها وصآر يناظر هيله ... أخذ نفس وهو يقول للنفسه
"ناصر يـا حمار ..خلك رجال ورح اعتذر وانقلع لأمك .."
"إيه خلاص ..انا بروح اعتذر ..وبرجع لها فلوسها ..جآي اغازل انا ولا وش؟..الحمدالله بارب والله انك مجنـون ياناصر ..احد يغازل؟..ترا ماتوا ">وش يحس بهذا ؟ :!
ناظر حوله .. عدل الكاب ..واليآقه ..ورآح
ناصر:ألسـلام عليكم
رفعت عينها .. وشكلشوفته ماسرتها : وعليكم السـلآم
نزلت عينها عالملف .. ناصر ناظر تحت ..اخذ نفس وقال :إحم ..اممم .. وشسمه انا جآي عشـأن
رفعت عينهاله .. طالعها شوي .. بلع ريقه وماقدر يشيل عيونه من عيونها ..:هيله ..احم قصدي .اختهيله .. "اخذ شهـيق " .انا جاي وبصراحه .."وسكت"
هيله :أسمع ..رقمك منيب ماخذته .. ولو سمحت خلني في حالي انا في مشاكل مايعلم بها الا الله ..خلني في حـــالي
ناصر .. ضاق صدره إنها في مشاكل ..وهو اللي كان يقولها انتي تشتغلين بس تـرزز :لا والله ..وربي إن نيتي مب كذا ..انا جاي اعتذر عن كل شي سويته ..وانا مستعد اسويأي شي تطلبيينه بس ابيك تقولين الله يحللك ويبيحك
هيله :...............
ناصر كان يطالعها ..يبي جواب ..وده يسألها وش مشاكلها ..لوكانت ماديه ..يدفع كل اللي في حسابه عشانها ..
شافها ماتكلمت وكلهم ساكتين قال :هيــله ..وش قلتي؟
هيله : ...... الله يحللك ويبيحك؟
ناصر ..سكت ..كان متوقعانه بـ يبذل مجهود معها ..اقفت عنها وقال هو يحك راسه من تحت الكاب:بس ؟ .. كذا؟
هيله :وش تبي بعد؟ ..تبيني اذلك؟..انا مابعد صرت مثلك !!
ناصر..عرف انهاشايله لين الحين :والله انا من تغيرت
هيله :انت جالس تتكلم معي ..وكأني اعرفوموضوك يهمنـي .. انا ماأعرفك ولا أبي اعرفك ..بس انا قلت لك ..انا مسامحتك بسأتــركني
ناصر: طيب وشي مشكلتك ؟..صدقيني .. تبين فلوس رقبتي سداده ..تبين واسطهانا مستعد .. ولا تحسبين اني جآي اعطيك هالشي كذا ..انا مدين لك صدقيني
هيلهالتفت ..لحظـة ضعف مرت بها ..فكرت تقول له عن جود ..بس وش بيسوي لها؟ ..اخذت نفس :لا مــا أبي شي ..شكراً
ورآحت
◙◙◙◙◙
تقدم للدكـتوروقال بـ قلق :هاه يادكتـور ..بشرني عن أبوي
الدكـتور بوجه بآئس :والله إحنـاعملنا اللي علينا .. وو وأنا آسف بس الوالد
وسكــت
هنـا .. ام نوافاللي اصرت انها تجي مع نواف ومبارك للمستشفى ..صرخت :مـاات ؟؟؟؟؟؟
جلستعالارض:لا ..عبـدالعزيز مامات !!!
الدكتـور :لأء مش كدا يـآ مدام ..هوآ عايش ..بس الجلطه فالقلب .. ومش سهله ابداً ..وكان حيروح في غيبوبه
نواف تنفس براحه .. طالع في جده بـ قهر اللي كان هادي ..بس من جوآ لا ..
قرب له ومسك يآقة ثوبه ..وخبطه فالجدار وقـال والحقد يعتـريه :مبسوط؟؟ ..مبسوط باللي سويته ؟
مبـارك :أتركــني ياكلب ولا والله لا أجيب الحين البودي قارد
نواف رفعه زياده وهو يرصعلى اسنانه بـ حقد وكره وقهـر..وصدره يرقى وينزل من العصبيه :منيب مسامحك ..وصدقني ..بــــــــتندم!!!!!!
مبارك :ووش بتسوي ياولد امك؟
نواف ببتسامه :بعلمك شلونسمعـة عايلتك تروح وطـي ..وبتشوف
تركه وكأنه مشمئـز منه
مبـارك ماعطى تهديدنواف أي اهتمام ..بس كان مستغرب ان نواف الهادي الغبي "الزلابه " ..يسوي كذا ..
فرك ذقنه بـ قلق
◙◙◙◙◙
قال بـ فـرح :واخيــراً شرفت ياأخسطااااام !
سلطان وهو يجلس جنب اخوياه :زنيت عليه
سطام :ههههههه خويكمذبـآنه ابثرني
تركي : ليته والله ملح عليك من بدري و مضيقين الخناق عليك حتىتصبح شبه محاصر .. وكانكثلة من الخوارج تحصنوا في بناية
حسـام :ارحمني ..
انس :هههههه .. كل هذا عشن يجي سطام .."التفت للسطام "..والله ولك معـزه ياسطام ..طآح كرتنا
◙◙◙◙◙
الســاعه 5 الفجر ..
وصلت للمطـار ..كان اخوها ..يد عالدكسـون ويد عند فمه وشكله قمه فالتوتر
مرام :عبدالله ! ...وش فيك؟
عبدالله بعصبيه :مالتس دخل ..
وصلوا للمطار ..نزلوا وعبدالله شالالشنطه .. وصلوا عند صالة المغادره ..
عبدالله :أدخلي داخل .. وبتلقين واحد جوآ ..
توه بيروح الا نادته مرام بـ خوف :وانت؟؟؟؟؟
عبدالله اربتك :انا؟ .."أبتسم بربكه"..أيه ..لا بس برح اجيب كم غرض من الشنطه احتريني
طالعته بـذهول وخوف .. كل شعور شين داخلها الحين ..وهي تشوف اخوها
"عــــزوتها"
يتركها تسافر
|
|
|
|
|