منتديات قصايد ليل - عرض مشاركة واحدة - عذبتني ذليتني دست بكرامتي و أخرتها تقول لي أحبك

07-23-2011

(( بغرفة نور ))
كانت ندى طالعة تلبس ثوبها
واريام خلصت من شعرها
نور تحط لها المزينة ماكياج
ريمه خلصت
وظلت مع نور بالغرفة والباقي طلعوا
ريمه : الكل راح للقاعة
نور بتوتر نزلت منها دمعة وخربت الكحل
المزينة وهي تحط لها ماكياج
: لا ليه بتبكي
ريمه رفعت راسها: اكيد بتبكي من الفرح صد يا نور
نور ابتسمت بتوتر
المزينة عدلت الحكل وظلت تحط اللمسات الأخيرة
وطالعتها وابتسمت : قمررررررر
ريمه : نوووور احمد اليوم بيغمى عليييه صدقيني
نور ابتسمت : لا تبالغين
ريمه : اقول يا عروستنا لبسين ثوبك لأن راح نروح للصالة الحين
قامت نور ولبست ثوبها الابيض
ولبست عباتها
طلعت لهم برا الغرفة
الكل طالعها
ندى : ماشاء الله نورر طالعة جنااااااان
اريام : إلا قمر الله يحفظها
ندى : اكيد طالعة تشبهني فأكيد بتطلع قمر
ريمه : لا تصدقين نفسك انتي وين ونور وين
اريام : هههههه
ندى : عبد العزيز ينتظرنا برا
وطلعت
البنات : ههههههه
ريمه : لحظة عبد العزيز هو إلا بيوصلنا
اريام : أي
ريمه مسكت يد نور
وطلعوا مع بعض
ساعدتها بثوبها لأنه كان طويل
صعدوا السيارة وسلموا
وبعدها عبد العزيز توجه لصالة
" في السيارة "
ندى : ريمه ليه ساكته مو من عادتك يا المزعجة
اريام : وانتي ما تخلي البنت بحالها
ندى : اقول ريمه إلا ماخذ عقلك يتهنى فيه
ريمه رفعت راسها
وطلعت عيونها الجذابة مع الماكياج
ريمه بهدوء : ندى احترمين نفسك
ندى : هههههه البنت خجلت
اريام ابتسمت : ندى عيب عليكِ
عبد العزيز : ندى ما تعرفي تسكتين .. نور
نور : هلا
عبد العزيز : تبي تاكلي شي
ريمه ابتسمت لنور
نور : لا مشكور ما ابي شي
عبد العزيز : مايصير يا نور انتي اليوم كله ما اكلتين شي
نور : مدري احس اني مو مشتهية
عبد العزيز سكت
معقولة يا نور منتي مبسوطة
أو ماتبي هالزواج يصير
او شعور كل بنت ليلة عرسها كذا
نور
التفتت لنافذة ظلت تطالع الشوارع ..البيوت ... الاسواق
تحس بخوف .. بحزن ... بضعف
ماتبي تبينه لحد
ريمه : نور .......نوووووووووووووووووور
نور : نعم
ريمه : في وين سرحانة وصلنا من مدة
نور طالعت
لقت اريام وندى نزلون
نور بخوف : هااااااا وصلناااااااااا
ريمه : أي
.................................................. ...............
بيت ابو احمد
"ابو احمد"
دخل البيت وهو بقمة سعادته
اكيد ولده الوحيد راح يتزوج
وينك يا احمد الحين اكيد طلع ووصل قبلي
مشى خطوات بطيئة وانصدم لما لقى احمد نايم بالصالة
جلس بجنبه
أبو أحمد : احمد ..يا احمد
احمد قعد وظل يطالع بأبوه
أبو أحمد : ليه يا ولدي نايم نسيت ان اليوم زواجك
أحمد : الساعة كم
أبو احمد :الساعة 10
أحمد وقف : طيب انا صاعد البس
صعد احمد غرفته
ظل يراقبه ابو احمد
نايم يا احمد ..نـــــايم !!!
نسيت ان اليوم زواجك
آآه تأكدت الحين انه صدق مو ناوي يتزوج وماتزوج نور إلا لسبب
(( احمد))
اخذ شاور سريع
وبعدها لبس ثوبه
تعطر ..
اخذ جواله
لقى فيها 5 مكالمات من نواف ومكالمتين من متعب
تنهد وطلع من غرفته
حس بصداع قوي
فتح الباب حتى يطلع لقى وحدة قدامه
"هناء"
وصلت البيت وطلعت من السيارة
طالعت الفله بأعجاب آآه لو انا بعدني زوجتك هذا الحلال والفلوس راح يكون كله لي
فتح لها الحارس الباب
دخلت وصلت للحديقة وبعدها توجهت للباب الرئيسي
كانت راح تفتحه لكن سبقها احمد وفتحه
دخلت
ابتسمت وهي تشوف احمد
طالعته من فوق لتحت
أحمد بنرفزة : شنووو تسوين هنا
هناء : ههههه من متى تكلمني بهاذي الطريقة هههه والله وكبرت يا احمد وصرت تشبه ابوك ..ابوك إلا سحرني بجماله لكن للأسف ضن اني خاينة
أحمد : انا سألتك انتي ليه جاية هنا
هناء : ابارك لك بعرسك يا حبيبي ما قلت لي تحبها
أحمد صد عنها
تقربت منه وصارت قريبة منه كثير
حطت يدها على شفايفه
وظلت تطالعه بنظرات
أحمد بعدها : اسمعي هي دقيقتين إذا ماطلعتي من البيت الحين بكرامتك فأنا راح اطلعك
هناء : تطردني !!!!!! طيب يا احمد اعرف اني ما ابيك تتزوج وهذي إلا اخذتها مصيرها ماراح تسلم مني لأنها سرقتك مني ومن
أحمد بصراخ : براااااااااااااااااااا
طلعت هناء من البيت
وأحمد حس برجفة
الغبية هاذي شتفكر فيه
يكرها ...يكره كل شي فيها

طلع من البوابة ودخل سيارته
شغلها وظل يتذكر
ليه مو قادر يا احمد تنسى لييييه
في هاذي اللحظة كره نور
اكيد الخاينة راح تسوي لي كذا
وصل لصالة
وقف سيارته ولقى متعب ونواف ينتظرونه
نزل من السيارة
توجه لهم
وسلموا عليه
متعب : مبرووووك يا الغالي
أحمد ابتسم : الله يبارك فيك
نواف : الله يوفقك (سكت شوي ) تعال ليه كذا وجهك من صدقك بتروح لزوجتك كذا
متعب : اقول نواف الاخ واصل متأخر بعد احمد ادخل
انا ونواف اليوم قاعدين على قلبك راح نعدل فيك
أحمد : والله توني صاحي من النوم (وبثقة) وبعدين انا ما احتاج تعديل
متعب :وشذا عريس ينام ليلة عرسه وبعدين يا ابو الثقة اكيد ما تحتاج لأنك تشبهني صح نواف
نواف : ههه عاد هاذي صدقة أحمد ملك الجمال يقارن معاك هاذي شي اوووو
متعب : هههه طيحة وجهي قدام الرجال
أحمد : اقول الدنيا حر يا الله ابي ادخل
نواف : تصدق نسينا ندخلك
أحمد ابتسم
دخل احمد
ودخل وراه نواف ومتعب
متعب : تصدق ان ولد عمك تغير كثير
نواف : كثير بس إلا تغير الأول لما يدخل شايف نفسه ان ابوه هو إلا رفع العيلة بس الحين احس انه تقرب لنا اكثر
.................................................. ...................
(( في الصالة ))
مرام : نور جات
شروق : على ما اضن أي الحين هي بغرفة العروس
مرام : انا راح اروح لها
شروق : انا راح اجي معك وانتي يا غرور
غرور تطالع بجوالها: انا الحين عندي مكالمة راح اكلم واجي لكم
مرام : طيب
طلعت غرور ووصلت للحديقة
رفعت الجوال
غرور : هلا زياد
زياد : الحمد الله هالمرة بعد ماغلطتي وناديتيني بأسمه
غرور : زياد قلت لك اني مو متعمدة وبعدين انت شصاير لك هاليومين
زياد : ولا شي مو صاير لي ولا شي اقول كملين كلام مع حبيبك
غرور : زياد انت ليه تشك فيني
زياد : غرور انا مو فاضي الحين طيب اكلمك بعدين
سكر بوجها
غرور تنهدت : ياربي انا ما خنتك يا زياد كيف اثبت له كيف
بعدت عن الحديقة
ودخلت غرفة العروس
غرور : السلااااام
البنات : وعليكم السلام
غرور : نور ماشاء الله ما ابي احسدك طالعة حلووة
نور : مشكورة عيونك الحلووة
ريمه : انا قلت لها احمد راح يكون بالمستشفى اليوم
غرور ابتسمت
ندى : يا قلبي يا نور صرتين عروس
نور ابتسمت : وا شاء الله قريب اريام ليه ماتبوا تباركوا لها بعد اسبوعين ملكتها
البنات : صدق !!!!!!
اريام نزلت راسها بخجل: وبعدها ان شاء الله راح نخطب لعزوز يا قلبي عليه
ندى : لقيت له بنت حلوووة اسمها عبير ال .... كانت معاي بأيام الدرسة واتوقع انها تناسبه
البنات ابتسموا
ريمه ابتسمت بتوتر
وبعدها استأذنت وطلعت
سكرت الباب
ومشت
عبد العزيز راح تتزوج ..اي ليه ما يتزوج
يعني انتي شنوو مفكرة انه يحبك
اووووو ريمه بلاها هالأفكار
جا ببالها صورة عبد العزيز مع عبير
غباء واثنيناتهم بحرف العين
من حلاتها عبير شفتها مو حلوة مرة
اوووو
دمعت عيونها
اكتشفت انها تحبه ..اي تحبه ..بس من مدة تحاول تقع نفسها انه كأي انسان
حتى في اوقات فراغها تظل تكتب اسمه بدفاترها ... اغراضها
مسحت دموعها
دخلت الحمام (( الله يكرمكم )) عدلت شكلها ودخلت للبنات
.................................................. ................

بيت هناء
ظلت قاعدة تضحك مع غرام
غرام : ها يا خالتي شنوو صار
هناء : هههه ليه مستعجلة وعلى فكرة انا ما عرفت للحين هو يحبها أو لأ
غرام ضربت رجلها : اوووف لو كان يحبها
هناء : نعمل له سحر المشكلة تغير ماصارت شخصيته مثل قبل تمشينه على كيفك
غرام : هههه حتى لو كان مريض نفسي بس ياخذني واعدله
هناء : هههه طحتين على انسان وسيم آآه لو هو مو ولدي واهم شي فلوسه يا حلوووة
غرام ابتسمت ووقفت عدلت ثوبها وشعرها لبست عباتها : يا الله يا خالتي انا رايحة عرس ولدك زوجي المستقبلي هههههه
هناء : هههههه تعجبيني
طلعت غرام من البيت
تحس بالغيرة بس مو علي احمد لي يعني لي
.................................................. ......
في الصالة
" ياسمين"
مشت بتعب لقت احلام اخت عبد الله تناديها
توجهت لها وجلست معها بالطاولة
احلام : شلوونك
ياسمين : الحمد الله بخير
احلام : ههه من طلقك اخوي امتنتي
ياسمين : أي وشنووو قصدك
احلام : ولا شي
ياسمين : على فكرة انا متنت لأني حامل
احلام : شنوووو !!!!!!!!!!!!
ياسمين وقفت
ومشت عنها
عبد الله كان احلا انسان بحياتي اخوي وابوي وصاحبي وزوجي
وبالنهاية بأبسط شي يطلقني
ريمه : ياسمين
ياسمين : هلا ريمه
ريمه : هلا والله وينها شهودة
ياسمين : مدري عنها اضن انها جاية بالطريق
ريمه : اهاااا
ياسمين : متى راح تدخل نور
ريمه : والله مدري عنهم
ياسمين : طيب انا رايحة لها
ريمه : وانا بجلس مع هبه
ياسمين ابتسمت لها ومشت
ريمه جلست مع هبه بالطاولة
ريمه : ليه جالسة بروحك
هبه : لا بس
ريمه : انتي الحين عايشة ببيت عمك
هبه : أي
ريمه : هبه اسألك سؤال
هبه : تفضلي
ريمه : في مرة حبيتين
هبه : سؤالك صعب اني اجاوب عليه تصدقين اني مدري انا احب أو لأ
ريمه : انا اول مرة احس بالحب شعور غريب يجي الأنسان فجأة خاصتاً ان مو هو إلا يختاره القلب هو إلا يختار
هبه : وصعب انك تحبين انسان وماتدرين يفكر فيكِ ولا يحبك أو لأ
ريمه طالعتها
اكيد هبه تحس بلي انا احسه
قطع عليهم افكارهم صوت سنين
سنين : هاااااااااااي
ريمه : هلاااا
سنين : كيفك ريمه وبس
ريمه : بخير
هبه طالعتها
هاذي ليه تكرهني
وقفت وراحت لغرفة نور
.................................................. ...............
في سيارة شهد
شهد : يا الله اسرع تأخرنا
السواق : الشارع كله سيارات وين نمشي الحين
شهد : اف ياربي تأخرت
تلفتت
رفعت جوالها وكلمت اختها ياسمين تقول لها انها يمكن تتأخر
سكرت الخط وانطفى جوالها لأن الشحن خلص
السواق : وينا الصالة
شهد : ليه انت ما تدل
السواق: لا
شهد : صدق انك غبيييييييييييييييييي ليه ماقلت من البداية
السواق سكت
شهد رفعت جوالها لكن كان مقفل
شهد : عندك الحين جوال
السواق : لأ
شهد : اوووف انا شنووو اسوي فيك طيب اسأل أي حد عن الصالة اسمها ........
السواق فتح النافذة
وقفوا عند اشارة
ووقف عند سيارة صارت بجنبهم
السواق : لو سمحت
فتح خالد النافذة : نعم
السواق : وين صالة الـ ...........
شهد رفعت راسها لقت خالد
ليه الصدف دوم تجمعني معاه ليه بكل مكان اشوفه
خالد : طيب وبعدين روح على اليمين وبتلاقيها
السواق : شكرا
بعدوا عنه وتوجهوا للصالة
.................................................. ...................
مر الوقت
ودخلت نور للصالة
الكل ظل يناظر فيها نور كانت مبتسمة لكن بداخلها
الم
كيف راح يعاملني احمد ؟؟؟
صدق راح يذلني وبعدها يطلقني ؟؟؟
وصلت لنهاية وجلست
اخذت المصور لها صور حلوة
وواخذت لها ولصاحباتها وخواتها صور جماعية معها
ريمه تهمس لنور : شنووو شعورك خاصتاص ان مابقى شي ويجي احمد
نور منصدمة : راح يدخل !!!!!!!!
ريمه : أي ليه منصدمة
نور : لا مش منصدمة بس مدري
ريمه : متوترة صح
نور : أي
ريمه ابتسمت لها : احمد انسان طيب وما اتوقع يزعجك
نور : طيب !! ليه انتي تعرفينه مثلي
ريمه : صدق انا ما اشوفه كثير بس سوا لي جميل وانقذني وماراح انسى مساعدته طول عمري
نور نزلت راسها
ريمه قامت لأن سمعت ان احمد راح يدخل
البنات لبسوا عباياتهم
نور توترت
يارب ادعوك انه مايجرحني قدام الكل
خايفة يسوي الكلام إلا قاله لي
تذكرت آخر زيارة له
كان بالسريع جاي لعبد العزيز بالبيت وبالصدفة شافها
أحمد : هلا بزوجتي
نور : ..........
أحمد : لا تردين مو مهم نور حطين شي ببالك انا مستحيل اظل متزوجك طول العمر انتي عارفة انا ماخذك ليه وحتى اخفف من ذلي لك فأنا اقول لك من البداية راح اطلقك قدام الناس كلهم
المصورة : نووووور
نور رفعت راسها
طلبت المصورة منها تبتسم
بس ماقدرت حست بالخوف
لا يا احمد لاتطلقني الحين قدام الناس كلهم
دخل احمد
ونور وقفت مثل ماقالت لها المصورة
نزلت راسها وظلت تدعي ربها
انا عمري ماشفت انسان يتزوج عشان يذل
ليه يسوي كذا شنووو بيستفيد
حست ان خطواته تتقرب منها
دق قلبها بسرعة جنونية
تحس ان راح يطلع منها
تحس انها مو قادرة توقف
(( احمد ))
دخل وهو حاس بالملل
المكان كله بنات وع انا اليوم منقرف منقرف
وخاصتا مع هالـ
وقف كلامه وهو يطالع نور
إلا منزلة راسها وتحرك شفايفها وباين انها تقول شي
ما اهتم لها
وقف بجنبها
وظلت المصورة تصورهم
وبعدها صعدت بنت لابسة ثوب فاضح
وصارت ترقص قدام الكل
ريمه : منووو هاذي
غرور : مدري بس ما اذكر ان احمد له خوات ولا انا غلطانة
(( غرام ))
ظلت ترقص مو مصدقة ان احمد الحين هنا
بعدما خلصت الغنية
لقت نور تطالعها با اندهاش
وجهت نظرها لأحمد لقته سرحان ويطالع ثوبه
حست بالقهر
انا كل هالأستعراض حتى تشوفني وآخرتها
توجهت بسرعة له
غرام : هاي حبيبي مبروووك
احمد رفع راسه : تكمليني
غرام : حبيبي متى يجي اليوم إلا انا معاك راح نجلس هنا
أحمد وقف : نور اضن الحين راح نطلع يا الله
نور طالعته ووقفت وهي مو فاهمة شي
مشوا مع بعض والكل يبارك لهم
لحد ماطلعوا لنهاية الصالة
غرام
لبست عباتها وطلعت من الصالة بسرعة
وظلت تبكي تحس بالقهر
.................................................. ..........
بيت ابو عبد الله
دخلت احلام وسلمت
لقت امها وعبد الله
أم عبد الله : هلا ببنتي
احلام : هلا يمه
عبد الله
ظل ساكت كان يبي يسألها عن ياسمين
بس لقاها سبقته : تفاجأت اليوم بشي
عبد الله : شنووو
احلام : ياسمين حامل
عبد الله وقف بسرعة :
ياسمين حامل متى وليه ما قالت
ام عبد الله : وليه انت عطيتها فرصة حتى طلقتها وماقلت لنا السبب
عبد الله : انا طالع غرفتي
.................................................. ...............
بيت أبو أحمد
دخل احمد ونور البيت
نور كانت متغطيه
كشفت عن وجها
جات الخدامة واخذت نور تدلها على مكان الغرفة
أحمد راقبها بصمت وهي تمشي
وبعدها طلع من البيت
(( نور))
دخلت الغرفة
حست بأرتباك
قعدت بنهاية السرير
اكيد راح ينام بغرفة بحاله
لأنه يبي يذلني وبس
واحسن بعد لأني ما ابيه يكون معي
بعد لحظات دخل احمد الغرفة وسكر الباب
نور ارتجفت
أحمد توجه للمرايه
فسخ شماغه والقى بنفسه بالسرير
نور وقفت بسرعة
أحمد وقف ودخل الحمام (( الله يكرمكم )) غير ملابسه
لبس بنطلون وتيشرت
نور : احمد انت طالع
أحمد : أي راح اطلع وعلى فكرة يمكن اجي بكرا
سكر الباب وطلع
نور بدلت ملابسها
وقعدت على السرير
تغطت
بس ماجا لها النوم
تحس ان يعاملها عادي
صدق ان تركها بس خافت انه يعاملها بقسوة
.................................................. ...................
بيت أبو راشد
دخلت هبه
وهي مبتسمه وفرحانة لنور
سمعت صوت مازن
تحجبت بسرعة وتغطت
مازن : كيفك هبه
هبه : انا بخير
دق جوالها
ابتسمت وماعرفت ترفعه
رفعته بسرعة
هبه : الووو
......... : وينك
هبه بخوف : انت منووو
...........: اضن انك حفظتي صوتي وتعرفين شكلي وإذا تبيني اذكرك انا إلا شفتيه بالملاهي
هبه حست بخوف : هاااا
مازن لاحظ تغير صوتها
منوو هذا إلا تكلمه
هبه ماتدري وصار سبيكر
.... بصراخ : احببببببببببببببببببببببببببببببببببببببببببببببك
مازن رفع راسه بسرعة ...!!!!!