منتديات قصايد ليل - عرض مشاركة واحدة

07-17-2011

>>>>الجزء الرابع والعشرين<<<<

باليوم الثاني...

جالسة وتحرك الملعقة بكوب الشاي...

جلست على الكرسي وهي تفكر...ايش الي خلا راكان ينفعل عليها امس...

كان بحالة مو طبيعية..وليه كان يقول ابكي عليه؟؟..تبكي على مين بالضبط؟؟..

من امس وهي تفكر ومو فاهمة قصده...حتى انها ماقدرت تفهم منه شي...من امس طالع وللحين مارجع...

انتبهت للجريدة بجمبها...صارت تتصفحها بملل...ولا مبالاة...

انتبهت لاسم شدها...

وقفت مو مستوعبة الي تقراه...طاح الكوب من يدها...

حست بشعور غريب وهي تقراه...شعور ماتقدر توصفه...

ماتدري تزعل ولا تفرح..تبكي ولا تضحك...

وليد مات...وبحادث سيارة..

حست رجولها مو شايلتها..جلست على الارض وعيونها للحين معلقة بالاسم...

الحين فهمت ليه راكان كان متغير...وليه عصب عليها كذا وكان يقولها ابكي عليه...

بس هي وش دخلها...وشلون بتعرف وهي محبوسة هنا...

وهو ليه يتنرفز عليها كذا...هو مايحبها ولا يهتم فيها..

راميها هنا وكلها كم شهر وبيطلقها...ولا يعني لازم يستغل كل لحظة بعذابها...

ولو على اتفه سبب...

حست بدمعه نزلت على خدها...ماتدري على نفسها او على وليد..

بس كل الي تعرفه انها تبي تبكي وبس...

راحت على غرفتها...ملجاها الوحيد بهاذا السجن مثل ما تقول...

قفلت على نفسها الباب وبكت...خلاص..لين متى بتستحمل يعني.هي مو متعودة على هالمعاملة...

لازم تحط حد لراكان...يااما كذا..او تتركه وتجلس ببيتهم لين يطلقها...

********************************

من يوم ما طلع من عندها امس وهي تفكر فيه...

بس كان لازم تسوي كذا عشان مايتعرض لها مرة ثانية...

خلاص ماعادت تستحمله..كل يوم بمزاج وكل يوم بحال...

مرة معها ومرة مع غيرها..خلاص طفشت هاذي مو عيشة..

اشتاقت لحياتها الاولى.بدون مشاكل..الي تبيه عندها..

تحب تكون دلوعة الكل ومحور اهتمامهم...

زياد ولينة واسيل وسحر..كانو كلهم حولها ويهتمون فيها..

هي الي يشغلهم وبس...ياليتها ماكبرت.ياليتها ظلت صغيرة ماتفهم شي..

تتمنى الزمن يرجع لورى ويرجع كل شي زي الاول..

وهاذا الي مستحيل يصير...بس كل الي تتمناه بهاذي الحظة..والي ممكن يصير...

هو ان خواتها يكون حالهم احسن من حالها...

*********************************

ابرار وهي واقفة قدامه:خلاص بتروح

محمد ابتسم:ايه خلاص

ابرار:اكيد بتفرح اول ماتشوفك

محمد:تتوقعين؟!

ابرار دفته:اقول لك اكيد

محمد مسك كتفه:هههههههه طيب اعصابك

سمعوا النداء الاخير للرحلة...

محمد:يلا مع السلامة

ابرار:مع السلامة وسلملي على اسولة اوكي

محمد:هههه يوصل

ابرار:باي

محمد:باي

وقفت تطالعه لحد ما غاب عن عينها ودخل للبوابة..

ابتسمت بخبث اول ما راح..

طلعت جوالها من الشنطة ودقت عليها...

اسيل:هلا ابرار وحشتيني

ابرار:وانتي اكثر يالدبة

اسيل:ها بشري وش صار؟؟

ابرار:افا عليك وتسالين بعد

اسيل:يعني كل شي اوكي؟؟

ابرار باستهبال:ابن خالتي الان يحلق فوق سماء المملكة متوجها الى لبنان وتحديدا العاصمة بيروت

اسيل ابتسمت وقالت بحماس:فديتك ابرار

ابرار:مايفيدني هالكلام ابي فعل انا

اسيل:امري تدللي وش تبين؟؟..طلباتك اوامر

ابرار:اوه كل هاذا عشان جبت لك المسعد حمود.لو داريه كان من زمان سحبته من كشته وجبته لك

اسيل:هههههههههههههه الله يرجك

******************************

رجع للبيت وهو مو طايق حياته بعد الي صار امس..

ضرب الطاولة بيده وطيح المزهرية القزاز على الارض وتكسرت...

كانت جالسة بالصالة الثانية وتطالع التلفزيون.رمت الريمونت اول ما سمعت الصوت...

طلعت من الصالة بسرعة...وقفت بمكانها لما شافت القزاز متناظر على الارض وتركي بيده دم...

راحت له ومسكت يده بخوف...

لينة:تركي...ليه كذا؟؟..شفيك؟؟

تركي سحب يده منها:ولاشي

لينة طالعته باستغراب وخوف...

تركي مسك ذقنها بيده الثانية:لاتخافين حبيبتي مافيني شي..بس...بس كنت ماشي وما انتبهت للمزهرية وطاحت...هاذا كل الي صار

لينة وهي مانزلت عيونها من عليه:طيب وين كنت؟؟

تركي:....بالشغل

لينة طالعته بشك...شكله مو شكل واحد راجع من الشغل...مو معقولة الشغل يتعب لهاذي الدرجة....

تركي انتبه لنظراتها:طيب انا تعبان..بروح انام اذا خلص الغدا قوميني

لينة هزت راسها:اوكي

**********************************

واقفة عند الدريشة وتناظر الشارع...

ابتسمت اول ما شافت سيارته وقفت عند الباب...

لازم تغير اسلوبها مع راكان...يمكن هو بعد يتغير معاها...

وقفت قدام المراية وعدلت تنورتها البيج القصيرة الي فوق الركبه بشوي..

وعدلت بلوزتها العنابية وفيها شك بالذهبي...

فتحت شعرها وخلته يتناظر بكل حيوية...

وقفت قدام المراية شوي وهي تناظر نفسها...عدلت روجها العنابي...وكثرت من العطر...

ابتسمت بخفة وهي تتذكر لما كانت ببيتهم...

كانت لينة تجيها كل صباح وتجلس معاها وتختار معاها لبسها وتشوف شكلها مناسب ولا لا...

اشتاقت للينة ولاوامراها....حتى لو ماكانت عاجبتها بس بعد اشتاقت لها...

نزلت بسرعة قبل لا يطلع لفوق ويدخل غرفته...

وقفت عند الدرج لما شافته...

كان منزل راسه بس وقف ورفع راسه لما حس ان في احد واقف قدامه...

وقفو لدقايق كل واحد يطالع الثاني والصمت سيد الموقف...

تقدم راكان وكان بيعدي من جمبها..

سحر قالت بسرعة وبكل نعومة:صباح الخير

راكان عقد حواجبه باستغراب...قال بهدوء:صباح النور

سحر وقفت قدامه:وين كنت من امس...شغلت بالي عليك

راكان حس قلبه يدق بقوة مو طبيعية..اول مرة يحس بهالشعور...

لما حست سكوته طول قررت تتحرك هي...

مدت يدها لراسه واخذت الشماغ والغتره... وبكل جراءة حطت يدينها على كتوفه...

سحر بنعومة:تعبان؟؟...اجيب لك شي تاكله؟؟

راكان بلع ريقه بتوتر:ل...لا...شكرا..

سحر قربت له اكثر:طيب ارتاح...تعال معاي

بعدت يدها عن كتفه ومسكت يده ونزلت معه لتحت...

يمشي معاها ومايدري وين...مو مهم اهم شي يكون معاها حتى لو كانت بترميه بالنار...

جلسته على الكنت وجلست جمبه...

سحر وقفت...

راكان رفع راسه:وين؟؟

سحر ابتسمت:بروح اسوي لك شي تاكله...(نزلت راسها لمستواه وحطت يدها على خده بهدوء)...شكلك تعبان

راكان هز راسه وهو مانزل عينه من عليها...

ابتسمت له وراحت للمطبخ...

***********************************

واقف عند باب الشاليه وماسك الكاس بيده...

سامي وقف جمبه وحط يده على كتفه:حرام عليك ياشيخ من امس وانت ماهديت هالزفت من يدك

زياد:هالزفت..الي مو عاجبك....هو..هو الي بينسيني

سامي سحب منه الكاس:عنك مانسيت...بس مو تقتل نفسك

زياد بصراخ:يووه..انت شتبي مني..روووح...روح لها..

مسك كتفه عشان يثبت نفسه:لا تضيعها من يدك...(ضحك باستهزاء وهو ياشر على نفسه)...لا تصير مثلي

اخذ الكاس من يد سامي واشر له على الباب:توكل بس اقول

سامي اخذه منه مرة ثانية:مستحيل اخليك هنا لوحدك..انت انسان مجنون وممكن تسوي أي شي

زياد:ههههههههه..حلوة ذي..انسان مجنون...ههههههه..ممكن تعيدها

سامي عقد حاجبه وتنهد:انت مامنك فايده

كان بيطلع من الباب بس صوت زياد وقفه...

زياد بصراخ:انتو وش فيكم علي....انت وابوي وحتى ترف...كلكم تقولون انا مامني فايدة ولا اعرف اسوي شي..ولا راح اتغير...وش تبوني اسوي يعني(قال بانفعال)...اموت نفسي...اموت نفسي عشان ترتاحون

سامي وقف قدامه:اهدى شوي

زياد بانفعال اكثر:اهدى...انا هادي..مين قال اني مو هادي...انتو بس ابعدو عني وانا اكون بخير

سامي:طيب طيب بس ماله داعي الصراخ والانفعال

زياد بنفس الطريقة:مين قال اني منفعل..انت وش فيك غصب يعني

طاح الكاس من يده وانكسر...

سامي مسكه بخوف لان شكله ما يطمن:زياد خلاص اهدى(بصراخ)..زياد...

***********************************

جالسة بالغرفة والقطوة بحضنها وتلعب فيها...

ترف:هههههههه...تدرين وشو احسن شي سواه زياد...انه جابك لي...ياحبي لك

سكتت لما سمعت صوت جوالها...

عقدت حواجبها وهي تشوف رقم غريب...

ترف رفعت كتوفها:وش بخسر يعني..ارد

ترف:الوو

سامي:الو

ترف:ايوه مين معاي؟؟

سامي:انتي ترف؟؟

ترف رفعت حاجبها باستغراب:مين معاي؟؟

سامي بتردد:انا...انا سامي..صديق زياد

ترف باستغراب:صديق زياد؟؟

سامي:ايه صديقه..اسمعيني انا دقيت عليك عشان اقول لك ان زياد بالمستشفى وهو مرة تعبان و....

ترف قاطعته:اسمعني انت...اذا هاذي لعبة جديدة من الاعيب زياد عشان ارجع له..قوله يستريح لاني مستحيل ارجع له

سامي:هو مايدري اني داق عليك...ترف وربي انا ما اكذب عليك..زياد بامستشفى ومعاه انهيار عصبي....الو...الو

رمى الجوال بقهر..سكرت بوجهه...لهدرجة زياد المها..خلا قلبها حجر من ناحيته...يبي يساعد صديقه باي شي بس مو قادر...مو بيده شي....

********************************

طول الوقت جالسة وتناظر فيه...تحس فيه شي متغير...

انتبهت عليه انه بيرفع راسه..

نزلت عينها على الصحن بسرعة...

قالت وهي عيونها لسى بالصحن:وش رايك بالاكل؟؟

رفعت راسها عشان تشوف ردة فعله...

راكان ابتسم:حلو...بس مو انتي الي سويتيه

سحر ابتسمت:لهدرجة واضح

راكان:مرة

سحر:لقيته بالثلاجة وسخنته...بس مو مهم اهم شي عاجبك

راكان:مو بس الاكل الي عاجبني

ظلت تطالعه لثواني وبعدين نزلت راسها للصحن...

تحس انها مخنوقه...ماتقدر تكذب اكثر من كذا...هي مو متعودة تتصنع ولا تعرف تتصنع وخصوصا عند الناس الي تكرههم...

حطت الملعقه بالصحن ووقفت...

راكان:خلصتي؟؟

سحر هزت راسها:ايوه...اذا خلصت قول لي عشان اشيل الصحون

ظل يطالعها لحد ما بعدت عنه وطلعت من الغرفة...

تنهد...هالبنت مو قادر يفهمها...كل شوي بحال...

بس معقولة مو حاسة فيه..لهدرجة هي تكرهه...

حط الشكوة بالصحن ووقف...

رن التلفون...

راكان:الو

سمع صوت امه وهي تبكي...

راكان بخوف:يمى شفيك؟؟

ام راكان:راكان...الحق على اخوك...زياد تعبانوبالمستشفى

راكان:ايش؟؟..شفيه؟؟

ام راكان:يقول الدكتور معه انهيار عصبي...راكان تعال بسرعة انا ما اعرف حق المستشفيات وابوك بعد مدري وينه

راكان:طيب خلاص انا جاي

***********************************

حاط يده على خده ويناظرفيها وهي تسوي العصير...

داني:ولو اسيل أي ماصار عصير شو عم تعملي

اسيل:انت وش عرفك خلك ساكت بس

داني:أي لو كيميا خلصيت

اسيل:ههههه خلاص خلصت

داني وهو ياخذ منها العصير:منشوف هلأ شو النتيجي

اسيل ابتسمت:يلا

بدى يشرب العصير بهدوء واسيل تناظر برقبته تشوفه لو بلعه ولا لا....

حط العصير على الطاولة وهو عاقد حواجبه...

اسيل:ها بشر وش رايك؟؟

داني وهو لسسى عاقد حواجبه:ممم..بديك اليك بصراحة؟

اسيل:ايه اكيد

داني:ممم بصراحة...ماتوقعتيك بتعرفي تعملي شي بس العصير كسر القاعدة

اسيل:يعني حلو؟؟

داني:كتير تسلم ايديكي

اسيل باسته من خده:ميرسي

داني ابستم بهدوء وارتباك...

داني:ممكن اسالك سؤال

اسيل:تفضل

داني:اليوم شايفيك مبسوطي كتير..شو السر؟؟

اسيل تنهدت وابتسمت:اقول لك وما تعلم احد

داني:كولي ازانن صاغية

اسيل:محمد بيجي اليوم

داني:مين محمد؟؟

اسيل:خطيبي...ممم اقصد الي كان خطيبي..نسيته؟؟..قلت لك عنه

داني عوج فمه:ايوا تزكرتو

اسيل وهي تفتح علبة الماي:هههههه وش فيك تقولها كذا

داني:شو اليت؟؟

اسيل وهي تشرب الماي:ولاشي

رن جوالها...استغربت لما شافت رقم سحر...من اول ماجت على لبنان مادقت عليها...

اسيل:الو هلا سحر

سحر:اهلين..اخبارك؟؟

اسيل:تمام انتي شلونك؟؟

سحر:بخير...اسيل وش بغيت اقول لك...ترى زياد تعبان

اسيل حطت الماي على الطاولة:ايش؟؟

سحر:معاه انهيار عصبي...وكلهم عنده هناك قلت لازم تعرفين

اسيل:اكيد انا جاية لكم

سحر:اسيل ماله داعي خلاص احنا معه بس قلت اخبرك عشان ماتقولين اننا خبينا عنك

اسيل:سحر هاذا اخوي لازم اجي له

سحر:على راحتك

اسيل:اوكي خلاص انا بجي على اول طيارة للسعودية

سحر:اوكي ننتظرك

اسيل:اوكي باي

سحر:باي

داني طالعها باستغراب:شو الحكايي؟؟

اسيل:زياد تعبان

داني:شو بيه؟؟

اسيل:تقول سحر معاه انهيار عصبي

داني:ييه..من شو؟؟

اسيل:ما ادري بس انا لازم اروح للسعودية اليوم

داني بتردد:و...محمد؟؟

اسيل ضربت راسها بخفه:اوف شلون نسيته..(التفتت على داني ومسكت يده)...داني تكفى انتظره بالمطار اذا جاه قول له اني ما قدرت استقبله واني رجعت السعودية

داني:وانا شو دخلني

اسيل:تكفى داني بعدين انا بشرح له بس انت قوله كذا

داني:بس انا ما بعرفه كيف بدي اول له يعني بسحب أي حدا وبسالو ازا انت محمد ولا لا

اسيل:انا عندي صورة له

داني:كمان

اسيل:ايه شنو فيها يعني...يلا عاد داني لاتصير بزر

داني:شو يعني بزر

اسيل:هههههه بعدين بقول لك اذا صرت شاطر وقلت لمحمد الي علمتك عليه بقول لك

داني:ولو انتي شو شايفيتني بيبي

اسيل:بالضبط يلا عاد

داني:اوف خلاص طيب لا تنئي

اسيل باسته من خده بقوة وقالت بحماس:مشكوو...(قرصت خدوده)..فديتك والله

داني ابتسم بهدوء:you welcome

*************************************

بالمستشفى...

فتح عينه بصعوبه وبتعب...

يشوف الصورة مو واضحة قدامه...

رجع غمض عينه مرة ثانية واخذ نفس يريحه شوي...

رجع فتحها مرة ثانية بهدوء...بدت صورهم تتوضح قدامه...

انتبه بامه الي جالسة وماسكة يده بقوة والدموع بعيونها والخوف واضح عليها...

طالع راكان الي واقف ويطالع بسحر وهي ولا على بالها وجالسة تناظر فيه وسرحانة...

التفت بعيونه يدورها...

شد على يد امه ...

ام راكان بفرحة وهي تمسح على شعره:الحمد الله على السلامة حبيبي

زياد ابستم لها بدون مايقول شي...

راكان:الحمد الله على السلامة

سحر:الحمد الله على السلامة زياد

زياد ابتسم بهدوء:الله يسلمكم

قال بتردد:...سحر...

سحر قربت منه:نعم

زياد:....وين..وين ترف؟؟

سحر بعدت شوي وقالت بهدوء:موجودة...بالبيت...هي ماتجري انك هنا

رجع راسه على السرير بتعب وغمض عينه((شفيك يازياد..البنت بتنخطب وانت تبيها تجي لعندك...مستحيل))...

التفت على امه:وين ابوي؟؟

ام راكان:ما جا...يمكن ما يدري

راكان:لا يدري...انا بالطريق دقيت عليه وقلت له

ام راكان بهدوء:وانت ليه ما تسكت

سحر كتمت ضحكتها وهي تشوف وجه راكان...

ام راكان:حبيبي يمكن مشغول

زياد تنهد:هو اصلا دايم مشغول

*******************************

جالس بالسيارة وهو بجمبه...

مايدري كيف قدرت تقنعه يجي وياخذه..

هو ما يعرفه بس مايدري ليه يحس انه يكرهه...

باين عليه طيب ويحب اسيل بس بعد يحس انه يكرهه...

رن جواله وكانت اسيل...

ابتسم لا شعوريا اول ماشاف رقمها...

داني:اهلين سوسو

محمد ناظره باستغراب...مين سوسو؟؟...يمكن وحدة من صديقاته او قرايبه...

داني:انا بخير...انتي وينيك هلأ؟؟؟....بالمطار...ايه الحمد الله على سلامتيك

داني وهو يطالع بمحمد:ايه وصل...ليه مابديك تحكيه...خلاص براحتك حياتي....طمنيني عليكي وعلى زياد اوكي...بيوصل...باي

رمى جواله والتفت على محمد:اسيل بتسليم عليك

محمد عقد حواجبه:اسيل؟؟

داني:ايه اسيل

محمد:وليه ما كلمتني؟؟

داني:والله مابعرف شو بدي اول لإلك..بس هي الي اليت لإلي مابدي احكي معو وسلملي عليه

محمد:هي قالت كذا؟؟

داني:يعني انا بكزيب عليك...خيدا وانا حاكيتها ادامك

محمد تنهد...معاه حق هو كلمها قدامه يعني مايكذب وبعدين ايش بيستفيد لو كذب....

************************************

جالسة بالغرفة ترتب ملابسها...

تبي تروح للبحرين يومين تريح نفسها شوي...

تبي تغير جو...يمكن لو راحت تتغير نفسيتها وتقدر تتخذ القرار الصح...

سمعت طق على الباب...

ترف:جولي روحي ماابي اكل شي

زاد الطق على الباب...

ترف راحت للباب وفتحته بعصبية:انتي ما تفهمين..قلت لك ما ابي ا....

ترف بصدمه وهدوء:..سحر!!

سحر ابتسمت:شفيك معصبة؟؟

ترف رمت البلوزة على الارض وضمت سحر:وحشتيني

سحر ضمتها وهي شوي وبتبكي:وانتي اكثر

ترف رفعت راسها شوي:ليه رحتي وخليتيني...كلكم رحتو

سحر:صدقيني موبيدي..راكان يبي كذا

ترف:قوليله انك تبين تسكنين هنا..معاي...تعالو البيت كبير وانا لحالي

سحر((لو تدري انا كيف عايشة ماقلتي كذا)):خلاص حبيبتي بقول له

ترف:تعالي اجلسي

سحر دخلت للغرفة وشافت الملابس مرمية بالشنطة والفوضى بكل مكان...

سحر باستغراب:ليه كل هاذا؟؟

ترف وهي ترفع الملابس من على السرير:بروح البحرين

سحر:ليه؟؟

ترف:طفشت لحالي قلت اروح اغير جو

سحر:ومين بيروح معك؟؟

ترف طالعتها باستغراب:لحالي

سحر:لحالك؟؟...لا طبعا مستحيل اخليك تروحين

ترف:وليه ان شاء الله؟؟

سحر:لانك بنت ومايصير تسافرين لوحدك

ترف:انا رايحة البحرين مواخر الدنيا وبعدين هاذي مو اول مرة

سحر:بس الحين غير

ترف ظلت تطالع فيها مستغربه...سحر تغيرت كثير...الاول تسافر لبلاد ابعد من البحرين ولوحدها وعادي..والحين صارت ما ترضى...معقولة الزواج يغير كذا...

سحر:ترف

ترف:هلا

سحر:ليه ما رحتي المستشفى عند زياد؟؟

ترف باستغراب:زياد بالمستشفى؟؟

سحر:ايه..من امس

ترف وقفت حست بشعور غريب...ماتدري هو خوف ولاشي ثاني...

سحر:تعالي معاي عشان نروح له

ترف وهي تكابر..قالت بدون ما تناظر فيها:لا ماراح اروح

سحر باستغراب:ايش؟؟

ترف:الي سمعتيه...ماراح اروح له

سحر:ليه؟؟

ترف:بس كذا...مابي

سحر:براحتك

ظلت تطالع ترف الي بدت تلم اغراضها وترجعها للدولاب...استغربت ليه تقول كذا...معقولة ماتبي تتطمن على زياد...

سحر:ليه ماترجعين اغراضك؟؟

ترف:ما ابي اروح

سحر استغربت من مزاجية اختها...فجاءة تغير رايها وبودن مقدمات...

*************************************

بدبي...

جالس بالحديقة ويناظر بالصورة...

تنهد بالم على حاله...مو قادر ينساها بعد كل الي صار...

حس بشي صقع برجله..ناظر لعند رجله وشاف كورة صغيرة...

رفع راسه يشوف من وين جت...انتبه ببنت صغيرة واقفة بعيد وتاشر لجهته..

ناظر بالصورة الي معه وناظر بالبنت...سبحان الله يخلق من الشبه اربعين...

لو هو مايعرف انه مستحيل تكون هي ولا كان قال انها لينة...

تقدمت البنت الصغيرة لعنده...

البنت:لو ثمحت

فيصل ابتسم:نعم

البنت:ممكن تعطيني الكولة

فيصل رفع الكورة وعطاها اياها:خوذي حبيبتي...انتي وش اسمك؟؟

البنت:رنا

فيصل:الله اسمك حلو

رنا:انت ثنو اثمك؟؟

فيصل:اسمي فيصل

رنا:حتى انت اثمك حلو

فيصل قرص خدودها:هههههه والله ماغيرك الحلوة

رن جواله وكانت اليازي...

فيصل:هلا اليازي

اليازي:هلافيصل...انت وينك؟؟..يلا بنتاخر على الاجتماع

فيصل:انا بالحديقة انتي وينك؟؟

اليازي:طيب دقايق واكون عندك

بعد دقايق جت اليازي وانتبهت للبنت الي مع فيصل...

اليازي:هلا فيصل

فيصل:اهلين..اعرف هاذي رونوش الحلوة

اليازي ابتسمت لها وقربت منها:هلا رنا شخبارج؟؟

رنا:انتي مين؟؟

اليازي:انا اسمي اليازي

رنا وهي توجه كلامها لفيصل:هاذي زوجتك؟؟

فيصل التفت لليازي الي حمر وجهها...

فيصل ابتسم لها:لا حبيبتي هاذي صديقتي

رنا:بس هي حلوة

فيصل ناظر اليازي مرة ثانية:ادري بس انتي احلى

اليازي اخذت نفس وهي تحس بمشاعر متلخبطة بداخلها من كلام هالبنت ونظرات فيصل لها...

***********************************

باليل...

واقفة عند باب الغرفة وهي تحس بتوتر وارتباك...

تحس دقات قلبها تتضارب بداخلها...

تدخل ولا ما تدخل...

غمضت عيونها وفتحت الباب لهدوء....كانت الغرفة فاضية ومافيها احد...

ترف وهي تكلم نفسها بهدوء:معقولة طلعوه من المستشفى؟؟

انتبهت لباب الحمام يفتح من وراها ويطلع منه زياد وشعره مبلول...

زياد باستغراب:ترف؟؟

حست قلبها وقف من الخوف...فاجءها بطلعته...

زياد وهو ينزل الفوطة من راسه قال بهدوء:كيفك؟؟

ترف بلعت ريقها:انت كيفك..ان شاء الله بخير

زياد:كانه يهمك الحين

ترف بسرعة:طبعا يهمني

زياد التفت لها باستغراب..

ترف بارتباك:اا..اقصد يهمني اعرف...يعني اعرف اذا كنت بخير ولا لا

زياد قرب منها ومسك يدها...قال بهمس:تخافين علي؟

ترف بلعت ريقها ونزلت راسها...حاولت تسحب يدها:زياد بلا سخافة...انت ولد عمي...واكيد بخاف عليك

زياد رفع راسها:يعني تخافين علي..بس لاني ولد عمك؟؟

ترف بعدت عنه:زياد انا جاية اتطمن عليك وبس..مو عشان شي ثاني

زياد:فديت الي يبي يتطمن علي

ترف حمر وجهها وقالت بانفعال:زياد..لاتنسى اني مخطوبة

زياد:اذا جاية تنكدين علي فا اتوقع تدلين الباب..الي جاني منك كفاية

ترف:تطردني يا زياد...وبعدين انا وش دخلني بالي يصير فيك

زياد:كل الي فيني بسبتك

ترف:انا وش دخلني..وش ذنبي اذا انت صايع ومالقيت من يربيك ويوجهك

زياد بصراخ:ترف

ترف بنفس نبرته:ترف....وش بتسوي يعني..بتضربني يلا ماراح يصر مع كل الي سويته لي

زياد:انتي فيك شي صح..منتيب صاحية

ترف:مو صاحية عشان اقولك الكلام الي انت عارفه ولا تبي تقتنع فيه او تصدقه....انت صايع وطول عمرك بتظل كذا..عالة على غيرك مستحيل تتغير او تعتمد على نفسك...انت فاشل وخاين...انت احقر انسان شفته بحياتي انت.....

سكتت لما جاها كف من زياد....

ترف والدموع بعيونها من الصدمة:هاذا الي انت قادر عليه...تفرد عضلاتك وبس...لاكن تعرف ايش احسن شي سويته بحياتي والي مستحيل اندم عليه...انتي تركتك ووافقت على خالد

طلعت من الغرفة وهي تبكي...

ظل واقف بمكانه مصدوم من نفسه...

ناظر بيده الي ضربها فيها...عمره ماتوقع ان علاقته بترف بتصول لهاذا الحد...

*********************************

جالس على الكنبة ويناظر فيها...

رايحة وجاية قدامه بكل توتر....

راكان:سحر خلاص اجلسي حولتيني وانتي رايحة جاية جاية رايحة....اهجدي شوي

سحر:خابفة عليها يا راكان انت مو حاسس فيني

راكان:ترى تو الساعة 10 يعني تلقينها الحين بالطريق

سحر:لا ترف تغيرت ماني قادرة افهمها احسها غير

راكان:كيف غير يعني

سحر:مدري كيف بس انا خايفة عليها

راكان وقف وسحبها تجلس جمبه:اجلسي بس ماله داعي كل هالتوتر...ارتاحي

ناظرته وهي تتنهد:بجلس وبشوف

راكان ناظر فيها بتامل...حتى وهي مو حاطة مكياج حلوة..

راكان:تدرين وشو اكثر شي يعجبني فيك؟؟

سحر طالعته باستغراب:ايش؟!

راكان ابتسم:عيونك

سحر طالعته باستغراب اكثر((هاذا شفيه؟؟)):راكان والي يسلمك مالي خلق استهبالك

وقفت بس مسك يدها...

راكان:وربي ما استهبل

سحر بلعت ريقها بتوتر:راكان انا....

راكان وقف:انا الي ابي اقول لك شي

قرب منها وبدى يلمس شعرها بهدوء ونعومة:سحر...تعرفين احنا كيف تزوجنا وباي ظروف...بس انا ابي اقول لك اني كنت افكر فيك من اول ما شفتك..او تقدرين تقولين كنت معجب فيك من اول ماشفتك

سحر طالعته بصدمة واستغراب...حست انها تحلم...او ان واحد ثاني قدامها مو راكان...عمرهاماتوقعت منه هالكلام ابدا...

راكان قرب منها اكثر:سحر انا....

سكت لما دخلت ترف وهي تبكي...

سحر بعدت عن راكان وراحت لترف....

قالت بخوف:ترف شفيك؟؟

ترف طالعتها وانتبهت لراكان...تذكرت شكل زياد وهو يضربها...

زادت بكي وطلعت لفوق...

سحر ركضت وراها:ترف...ترف

راكان ظل واقف مستغرب...توه شايفها قبل لاتطلع كانت تضحك وعادي ايش الي غير حالها فجاءة...

بالغرفة عند ترف...

سحر فتحت الباب:ترف شفيك؟؟

ترف رمت نفسها بحضنها وبكت:انا الغلطانة...ليه رحت له من الاول

سحر:مين هاذا؟؟

ترف وهي تبكي:زياد

سحر ضمتها اكثر ومسحت على شعرها:حسبي الله عليه هو واخوه وابوهم فوقهم

ترف:ضربني يا سحر

سحر:انا اوريك فيه

ترف:ما ابي اشوفه...اجلسي معي هنا اخاف يجي عندي وانتو مو هنا

سحر:ليه هو جالك من قبل؟؟

ترف انتبهت لنفسها:ها...لا..بس اقول يعني..يمكن

سحر ضمتها:لا تخافين انا الي بوقفه عند حده

**********************************

جالس بالصالة ويحس انه مقهور...

راكان وهو يهز رجله بعصبية:يعني وش كان بيضرها لو تاخرت خمس دقايق بس...اوف

رن جواله واستغرب لما شاف رقم لينة....

راكان:هلا لينة

طلع له صوت لينة الي تبكي:راكان

راكان وقف وقال بخوف:لينه شفيك؟؟

لينة:راكان الحق علي...تركي تعبان وما اعرف ايش اسوي له

راكان:طيب انتي اهدي شوي

لينه:شلون اهدى اقول لك تركي تعبان وما اعرف ايش اسوي

راكان:طيب خلاص دقايق واجيك

لينة:تكفى لا تتاخر

راكان:طيب مسافة الطريق

اخذ شماغه ومفاتيح السيارة وتوجه للباب...

وقفته صوت سحر بنبرته الحادة...

سحر:راكان

راكان التفت لها:نعم

سحر:ممكن اكلمك بموضوع ظروري

راكان:سحر بعدين لازم اطلع ضروري الحين

سحر:اقولك ابغاك الحين

راكان:وانا مشغول...يلا مع السلامة

طلع من البيت وخلاها واقفة مقهورة منه وبنفس الوقت مستغربة سبب استعجاله...

*************************************

جالسة بالفندق وتكلم ابرار...

ابرار بانفعال:تستهبلين انتي...هو يروح وانتي تجين

اسيل:شسوي زياد تعبان

ابرار:وليه مارحتي له ياحظي بدال جلستك بالفندق

اسيل:الحين وقت الزيارة انتهى بكرة بروح له

ابراركومتى ناويه ترجعين للبنان

اسيل:مدري لما اتطمن على زياد وخواتي

ابرار:ومحمد؟؟

اسيل تنهدت:والله مدري...طيب هو ما يقدر يرجع لهنا

ابرار:لعبة السالفة...وبعدين انا اعرف محمد عنيد مرة واكيد بيقول لو هي تبي تشوفني كان انتظرتيني واذا ما يهمها انا بعد ما يهمني

اسيل:مين قال انه ما يمهني

ابرار:عاد قولي هالكلام له مو لي

اسيل:اوف طيب والحل يعني

ابرار:انا اقول بكرة تروحين تزورين زياد وتتطمنين عليه وبعد بكرة ترجعين للبنان وتشوفين محمد

اسيل:طيب وخواتي

ابرار:لاحقة عليهم بعدين تعالي لهم وقت ثاني لازم هالمرة يعني

اسيل:يعني خلاص هاذا اخر كلام عندك

ابرار:وماعندي غيره

اسيل:اوكي....طيب انتي طمنيني على نفسك وش اخبارك؟؟

ابرار تنهدت:شقول لك يا اسيل..احس اني بديت احب

اسيل:تحبين؟؟...مين؟؟

ابرار بهدوء ورومنسية:سامي

اسيل بصدمة:سامي؟؟

ابرار:ايه سامي وش فيك تقولينها كذا باستغراب؟؟

اسيل:مدري بس اتوقع انو انا الي كنت اقول..وع سامي هاذا الي مسحيل اتخيل وحدة تحبه..وع اكرهه

ابرار:ههههههه لا هاذاك كان اول

اسيل:وشنو الي تغير؟؟

ابرار:اشياء كثيرة...صرت اعرف سامي اكثر من اول...سامي انسان رومنسي وحبوب..ودمه خفيف...تحسين انه وقت المزح مزح ووقت الجد يصير عن الف رجال...وزياده عن كل هاذا حلو ووسيم..قولي لي البنت وش تبي اكثر من كذا

اسيل:ياعيني...طيب وهو يحبك؟؟

ابرار:ما ادري

اسيل:كيف ماتدري هو ماقال لك شي

ابرار:نوو

اسيل:لا لمح لك

ابرار:هو كلامه اصلا كله تلميحات بس انا اسوي نفسي مو فاهمة ابيه يقولها لي

اسيل:ياعيني كل هاذا يصير وانا ما ادري طيب يا ابرار شغلك معي لما اشوفك

ابرار:اقول انتي نامي عشان بكرة تقومين بدري وتلحقين على زياد عشان يمديك ترجعين للبنان

اسيل:مدري ليه احسك تبين تفتكين مني

ابرار:ههههههه لا والله حرام عليك بس انا ابي مصلحتك ومصلحة ولد خالتي

اسيل:اهم شي يالمصلحة الاجتماعية

ابرار:هههههه اقول لا يكثر

***********************************

وصل راكان لبيت لينة وطق الجرس..

فتحت له لينة بكل خوف:راكان كويس انك وصلت

راكان:شسالفة قولي لي؟؟

لينة وهي ترجف:مدري فجاءة كنا جالسين عادي وهو كان يحس بصعوبة بالتنفس...وبعدين بدى قلبه يدق بقوة حتى اني اسمع صوت دقاته...مرة قوية

راكان ارتبك:طيب اهدي

رفعه واخذه للسيارة...

راكان بصوت عالي:البسي عبايتك وتعالي معاي

لينة هزت راسها وصعتد لفوق عشان تجيب عبايتها...

بالسيارة....

راكان:تركي...تركي تسمعني؟؟

تركي يتكلم بصعوبة:تعبان يا راكان ....تعبان...

راكان:الحين بوديك للمستشفى بس انت ارتاح الحين

تركي هز راسه بهدوء...هو عارف ايش فيه بس كاسرة خاطره لينه...وهو يشوف الدموع بعيونها...

خايف عليها وعلى صحتها...خصوصا انها حامل..

جت لينة بعد ما لبست عبايتها وركبت السيارة وراحو على المستشفى...

**********************************

اليوم الثاني...

بعد احداث كثيرة مرت على كل واحد امس..بعضها سعيدة والاغلب حزينة...

بدى يوم جديد...تجدد فيه الامال والاحلام...وكل واحد يتمنى انه يكون اسعد يوم بحياته...

**********************************

رجع للبيت وهو هلكان من الي صار امس...

مسكينة لينة...زوجها تعبان بتضخم القلب والامل بنجاته شبه معدوم...

يعني مافي امل يعيش غير 1 بالمية...

انتبه لسحر الي نايمة على الكنبة...

راكان جلس جمبها وبدى يمسح على شعرها بهدوء:سحر...سحر

سحر فتحت عيونها بهدوء:راكان؟؟..متى جيت؟؟

راكان ابتسم:توني جاي يا عمري...انتي ليه نايمة هنا؟؟

سحر وقفت:كنت انتظرك...وين كنت؟؟

راكان تذكر كلتم لينة..واننها ماتبي احد يعرف:كنت عند اخوياي

سحر رفعت حاجبها:وهاذا المشوار الضروري الي ما تقدر تاجله؟؟

راكان:لا بعدين رحت عند امي اتطمن عليها

سحر:مو مهم تكون وين ماتكون..(رفعت اصبعها بتهديد)...اسمعني زين...قول لاخوك يبعد عن اختي احسن له ولا راح يشوف شي عمره ماصار

راكان:انتي شفيك؟؟...زياد وش سوى؟؟

سحر:انت قول له كذا وخلاص...انت مالك شغل

راكان:كيف يعني مالي شغل...قوليلي

سحر طنشته وبعدت عنه...

راكان سحبها من يدها:لما اكلمك تردين علي فاهمة

سحر سحبت يدها بقوة:لا مو فاهمة وبعدين خلاص طلقني يا اخي والله طفشت منك ومن ذلك لي...انا اكرهك فاهم يعني ايش اكرهك...ما اطيق اطالع بوجهك طلقني يا اخي

طلعت لفوق وخلته واقف بمكانه مصدوم...

تكرهه؟...هو يدري انها ماتحبه بس ما توقع انها تكرهه...ماتوصل للكره...

ليه ياسحر...ليه تكسرين قلب حبك...ليه تبين تبعدين عنه كذا...

راكان((يعني لما بدين احبك جد...تبين تتركيني))...

***********************************

وقف عند باب الغرفة وهي مبتسمة...

طقت الباب بمرح مثل عادتها...

سمعت صوته الرجولي من ورا الباب:ادخل

فتحت الباب والابتسامة على وجهها:صباحوو

زياد ابتسم:اسيل؟؟

حطت الورد على الطاولة وضمته:وحشتني يالدب

زياد:وانتي اكثر..متى وصلتي الشرقية؟؟

اسيل:امس

زياد:من امس ولا جيتي تسلمين علي

اسيل:جيب متاخر وكان وقت الزيارة منتهي

زياد:عادي امس جتني ت.....

سكت قبل لا ينطق اسمها....

اسيل:مين الي جتك؟؟

زياد:لا محد...طمنيني عنك شخبارك؟؟...مرتاحة هناك

اسيل:ماشي الحال...داني مونسني

زياد باستغراب:مين داني؟؟

اسيل:ولد خالتي

زياد:عسى مو قاطة الميانة معه بزيادة تراني اعرفك خبلة

اسيل:خبلة فعينك...انت شخبارك؟؟

زياد:كويس بكرة بطلع من المستشفى

اسيل:الحمد الله على السلامة

زياد:الله يسلمك..(قال بخبث)..مريتي على محمد؟؟

اسيل:لا

زياد:افا علينا..تراني مو راكان قولي عادي

اسيل:لا ما مريت اصلا محمد مو هنا مسافر

زياد:وانتي شرداك؟؟

اسيل:ابرار بنت خالته قالت لي

**********************************

جالسة جمبه وماسكة يده...

لينة وهي تبكي:تركي..قوم...لا تتركني انت بعد

تركي:حبيبتي...لا تضايقي نفسك..انا بخير

لينة:كيف بخير والدكتور يقول انك ممكن...ممكن

ماقدرت تكمل ماتقدر تتخيل حياتها بدون تركي...بدت تبكي...

تركي شد على يدها:حياتي ماعليك من الدكتور انا بخير

لينة:تركي

تركي:ياعيونه

لينة:ابي اقول لك شي

تركي:قولي انا اسمعك

باسته من خده وهمست:احبك

تركي ابتسم...هو يعرف انها تحبه بس ما عمرها قالتها له...كويس انها قالتها قبل لا يموت...

على الاقل صار له شي يفرحه باخر ايامه...

تركي:وانا بعد

**********************************

بعد وقت...

راحت اسيل من عنده وجلس لوحده...

حتى راكان ما جا لعنده اليوم...وامه رجعت للرياض...

وابوه غاسل يده من انه يجي له...

انتبه للباب يفتح...

زياد بصدمه:بتول؟!

بتول بباتسامة:الحمد الله على السلامة زياد

زياد:الله لا يسلمك وس تبين جاية لهنا بعد؟؟

بتول قربت منه:زياد حياتي شفيك؟؟...انا جاية اتطمن عليك

زياد بعد يدها عنه:وانا ما ابيك تتطمنين علي...اطلعي برة

بتول:زياد انت ليه كذا...انا وش سويت فيك عشان تعاملني كذا

زياد:انتي يا انك هبلة او انك تستهبلين صح

بتول:ليه تقول كذا؟؟

زياد:يعني بعد كل الي سويتيه وكل الي صار لي بسبتك تسالين وش سويتي بعد

بتول:صدقني انا ماسويت كذا الا لاني احبك

زياد:كل هذا عشان تحبيني؟؟...اجل لو تكرهيني وش بتسوين

بتول:زياد بليز ماله داعي تتطنز

زياد:بتول تكفين اطلعي برة وربي لوعتي كبدي..مو لابق لك دور المسكينة

بتول:عموما انا كنت جاية اتطمن عليك...وابي اقول لك اني...(قمست باذنه بكل حي)..احبك

زياد غمض عيونه:بتول انتي زوجة ابوي الحين..مايصير هالكلام ما ابي اخون ابوي

بتول:براحتك بس اهم شي اني قلت الي ابيه وخلاص

زياد:ودام انك قلتي الي تبيه...يلا وريني عرض كتافك

بتول طالعته بقهر:انت الخسران

فتحت الباب واستغربت وهي تشوف بنت قدامها...

سحر طالعتها باستغراب:مين انتي؟؟

ترف انتبهت لبتول:انتي وش تسوين هنا

بتول طالعت ترف بالستحقار والتفتت على زياد وطالعته بنفس النظرات....

دفت سحر وطلعت...

ترف تجمعت الدموع بعيونها:قلت لك ما ابي اجي..انتي الي اصريتي

تركت يدها وبعدت عنها...

سحر وقفت بمكانها مسغربة مين هاذي البنت؟...وليه جاية لزياد؟؟...وليه تناظر ترف وزياد كذا؟؟....

ناظرت بزياد...كانت تبي تساله عن الي صار...

بس تفاجئة من النظرة الي بوجهه..

ماهي قادرة توصف هي وش تشوف بالضبط...

بس ما همها....اهم شي عندها انه تخليه يبعد عن ترف باي طريقة...

ماتبي اختها تحس بلي كانت تحس فيه...

تحب واحد وهو مو مهتم...وبعدين مو كفاية الي يجيها من راكان...

ماراح تسمح لزياد انه يعذب اختها بعد...

رفعت اصبعها بتهديد وقالت بحدة:اسمعني زين يازياد...ابعد عن ترف احسن لك والا وربي بتشوف شي ما شفته...

(قالت باستهزاء)...

:ومسخرتك الي تسويها سوها بعيد عن اختي فاهم

ظلت تناظر فيه تبي تشوف أي ردة فعل له...اي كلمة ...اي همسه....

بس لا حياة لمن تنادي....ايش تتوقع يعني من واحد ماله احساس مثله..

بدون مشاعر...مستعد يسوي أي شي بس عشان يرضي غروره...

سحر وقفت تناظره بالستحقار: ((كل الرجال كذا....كلهم خاينين...وليد..عمي..زياد...وحتى راكان...ما ياتمن لهم...اكرهك يا راكان...اكرهك))....

**************************************

جهزت اغراضها ووقفت تطالع فيها...

تحس بشعور غريب وهي تلم اغراضها...

مو مثل اول مرة...يمكن عشان مالقت احد يضغط عليها وياخذها معه...

اسيل ببتسامة:بس هالمرة غير...محمد راح يكون هناك ينتظرني

سكتت وهي تتخيل كيف راح تكون ردة فعله...تتمنى انه ما يعصب عليها عشانها تركته ورجعت...

بس هي الحين بتضحي بشوفه خواتها وبتروح عشانه...

رجعت تلم اغراضها والابتسامة على وجهها...

وملامحه ما غابت عن بالها...وتتمنى تشوفه باسرع وقت...

*************************************

بالسيارة..

ساكته طول الوقت وتبكي بصمت...

سحر تطالعها وزعلانة على حالها....

سحر:حبيبتي لاتزعلين نفسك...هو ما يستاهل

ترف طالعتها والدموع مغرقتها:انا احبه...انتي مو حاسة فيني

سحر وهي تمسح على شعرها:حاسة فيك...انا بعد كنت احب

ترف طالعتها باستغراب:راكان؟؟

سحر عقدت حواجبها وقالت بقرف:لااا...الله يخليك لا تلوعين كبدي...واحد ثاني

ترف ابتسمت وضحكت بخفة:ههه وليه تقولينها كذا...انتي ما تحبين راكان

سحر اختفت ابتسامتها:بصراحة ما اعرف وشو شعوري بالضبط...احيانا احس اني اكرهه وما اطيق اشوفه...واحيانا احس اني.....

ترف ببتسامة وهي تمسح دموعها:انك ايش؟؟....ليه سكتي

سحر:ما ادري ايش اقولك....هو مو حب...شي ثاني...بس ايش بالضبط...ما اعرف

ترف:وليه تزوجتيه دام انك ماتحبينه؟؟

سحر شندت رايها على الكرسي:احيانا تصير اشياء كثيرة خارجة عن سيطرتنا...مانقدر نتحكم فيها...

ترف سكتت وهي تطالع بسحر...

من جد تغيرت كثير عن قبل...كانت سطحية وتفكر بنفسها وبس...

والحين تحس ان كلامها تغير...صارت عاقلة اكثر..وتفكر بلي حولها مو بس بنفسها...

ابتسمت: ((الله يديم عليك هالعقل))....

***************************************

مرت شهور على ابطال قصتنا....كانت شهور فيها اوقات سعيدة والاغلب حزينة....

لا كن تظل المشاعر بينهم...حب..كره..عشق...فراق...

***************************************

ماهي مصدقة كيف اقتنعت انها ترجع معه للرياض...

هي كانت رافضة الرجوع وناوية على الطلاق خلاص...

بس ترف اقنعتها ترجع معه...

ابتسمت وهي تتذكر ترف...كانت علاقتها معاها قوية كثير بالايام الاخيرة...

بس حز بخاطرها انها ما قدرت تشوف اسيل ولا لينة بعد...

كل الي عرفته من راكان انها مسافرة مع تركي وبس...

حست فيه دخل للمطبخ...حتى بالمكان الوحيد الي ترتاح فيه بعيد عنه يطلع لها...

راكان دخل وجلس على الكرسي:صباح الخير

سحر بدون نفس:صباح النور

راكان وقف وراح جمبها:وش قاعدة تسوين؟؟

سحر:العب كورة

راكان:ههههههههه لا جد وش قاعدة تسوين؟؟

سحر رمت الملعقة الي كانت تحرك فيها على الطاولة....

قالت بصراخ:راكان خلاص...لاتحن زي الاطفال..يعني تشوفني مشغولة تقوم وتعطلني ليه...انا مارجعت لك الا عشان ترف قالت لي ارجعي..ولا لو علي ما اطب هالبيت مرة ثانية...فبليز يعني لو سمحت ابعد عني ولا تكلمني ابد فاهم...

طفت النار وبعدت عنه...

راكان مسك يدها:سحر شفيك؟؟

سحر سحبت يدها بقوة:انت الظاهر ما تفهم...انا اقول لك لا تكلمني وابعد عني ايش الي مافهمته من هالجملتين بالضبط

راكان ارخى يده ووقف يطالعها بصدمة...لهاذي الدرجة يعني مو طايقته...

جلس على الطاولة وهو يفكر فيها...ليه مو راضية تفهمه...ليه مو راضية تتقبله...

يعني مو ملاحظة انه تغير معاها...مو ملاحظه انه يحبها...

مستغرب من ردات فعلها...احيانا تكون معاه احلى من العسل واحيانا تصير ما تنطاق...

مو ملاحظ اهتمامي فيك زايد
مو ملاحظ لهفتي غير العوايد

وصار قلبي يغار لو شافتك عيني
هاذا حبك والي مسويه فيني

كل من شاف ولمحنا بطرف عينه
كان يسال انت وش بينك وبينه

ناسي الدنيا معاك الله يهديني
هاذا حبك والي مسويه فيني

انت حاسس بالي حاسس به انا
حالتك حاله وانا ماني انا

مدري ليه متاكد ان انت تبيني
هاذا حبك والي مسويه فيني

***************************************

...نهاية البارت...