منتديات قصايد ليل - عرض مشاركة واحدة

07-17-2011

البــارت الـ22

جالسة بالسيارة ومسندة راسها على الدريشة...

تناظر بشوارع الرياض...

التفتت قدامها وشافت راكان الي كان يسوق السيارة بكل هدوء...

للحين مو مستوعبة انها زوجته وانها بتسكن معه في بيت واحد...

ما حست على نفسها الا لما وقف السيارة...

ناظرت بالبيت الي قدامهم...كان عبارة عن فيلا صغيرة ماتجي شي قدام اصغر ملحق عندهم...

عقدت حواجبها وهي تحاول تقنع نفسها انها ماراح تسكن هنا...

قطعها صوت راكان:انتي هي بتجلسين هنا لين بكرة...يلا انزلي

اشرت على البيت باصبعها:انزل هنا؟؟...انا بسكن هنا

راكان كتم ضحكته على شكلها:قصدك بنسكن هنا...لان امي تسكن هنا بعد

سحر:كلنا هنا...بس..البيت مايكفي

راكان ماقدر يمسك نفسه:ههههههههههههه

سحر تنرفزت:الحين ليه تضحك

راكان:هههههههههه...اقول بس اطلعي..هههههههههه

طلعت من السيارة وهي ودها تفجر فيه...او تقعد ضرب فيه لين تطلع حرتها....

سحر((اه بس لو يمسكوني رقبتك شف شسوي فيك))...

راكان:مبسوطة على الوقفة

طنشته وتقدمت كم خطوة على قدام...بس صوته وقفها...

التفتت عليه تبي تشوف وش يبي...

حط الشنطة قدامها...

راكان:تبيني اشيلها لك بعد

تركها وتقدم عنها وخلا الشنطة قدامها...

سحر ضربت رجلها بالارض وهي تحس انها تبي تبكي...

كانت تبي تصرخ بوجهه وتقول له طلقني الحين ورجعني للشرقية...

بس صوتها طلع غير عن ماكانت تبيه...

كان كله نعومة ودلع..

قالت وهي تحس صوتها مخنوق:راكـان

وقف لما سمع صوتها...ضغط على يده بقوة عشان يحكم اعصابه...

هو عاهد نفسه انه عمره ما يلين معاها...ببساطة لانها وحدة ماتستاهل...

راكان التفت لها وقال بدون نفس:خير

سحر كانت تتكلم وواضح انها بتبكي:حرام عليك..كيف تخليني اشيلها لحالي...(قالت وهي تناظر الشنطة الكبيرة)..والله ثقيلة

راكان عقد حواجبه:خلاص بلا حنة

رفع الشنطة الي كانت ثقيلة شوي...رحمها كيف كان بيخليها تشيلها لحد داخل البيت لوحها...

حط الشنطة قدام الغرفة....

راكان:الدور الاول لامي عشانها ماتقدر تركب الدرج والدور الثاني لك

سحر بتردد:...مم..طيب...انت وين بتقعد

راكان:مالك شغل..وحطي فبالك انها اول واخر مرة اساعدك بشي فاهمة

سحر حاولت تمسك نفسها كثر ماتقدر...ماتبي تنفجر بوجه..ولاتبي تبكي وتنهار قدامه...

فوق ماهي شايلة همه وتسال عنه يعاملها بهاذا الاسلوب...

*********************************

رجعت للبيت ودمعتها ماوقفت ولانشفت من خدها..

ماهي مستوعبة للحين الي سوته...تركت محمد..كيف تتركه...

بس تحاول تقنع نفسها ان كلامها صح...

((الحب يتعوض بس الام لا))...

ممكن تلاقي الحب بمكان ثاني ومع واحد ثاني بس امها اذا راحت...مين بيعوضها عنها..

تبي تترك السعودية وتروح للبنان باسرع وقت...

تبي تبدى حياة جديدة هناك...بعيد عن كل شي بالسعودية....

لاشعوريا رفعت السماعة ودقت على لينة...

ماتدري ليه تحس انها محتاجة لها بهاذي اللحظة اكثر من أي احد...

حتى من امها الي فضلتها على محمد...

طلع لها صوت لينه...

لينة:الوو

اسيل سكتت..من زمان ماتكلمت مع لينة..لانها زعلانة منها بعد ماخبت عنها موضوع امها...

بس اول ماحست انها محتاجة لاحد...هي الوحيدة الي طرت على بالها على طول...

لينة:الوو..مين معي؟؟

اسيل بصوت مخنوق:...انا..اسيل

لينة بخوف:شفيك؟؟...كنتي تبكين؟؟

اسيل بكت:لينة..تعالي البيت بسرعة

لينة زاد خوفها :حبيبتي شفيك؟؟

اسيل:تعالي بسرعة...انا محتاجتلك

لينة:اوكي خلاص الحين انا عندك

اسيل:طيب

لينة:انتبهي على نفسك اوكي

اسيل:اوكي..مع السلامة

لينة:مع السلامة

سكرت السماعة وهي خايفة على اختها...ايش ممكن يكون صار فيها...

اول شخص طرى عليها هي ام اسيل...لو طلعت هي الي مزعلتها بتشوف شي ماشافته...

وخصوصا انها اصلا مو طايقتها وتبي منها الزلة عشان تهزءها...

******************************

ابرار بصدمة:ايش؟؟...محمد انت وش قاعد تقول؟؟

محمد بهدوء:الي سمعتيه

ابرار حطت يدها على فمها..حست ان دموعها بتنزل...طول عمرها تتمنى ان محمد ياخذ اسيل...والحين ينفصلون...ليه؟؟

ابرار:طيب ليه؟؟

محمد تنهد:ابرار انا مالي خلق الحين...انتي كلميها

سكر بوجهها قبل لا يسمع ردها...

*********************************

بالرياض...

من اول مادخلت للغرفة وهي تطالع فيها...

مو مستوعبة انها بتسكن هنا بعد ما كان لها جناحها الخاص بقصرهم..

فتحت الدولاب الصغير الي بزاوية الغرفة..

طالعت شنطتها وكانت مليانة ملابس...

الجو حار...دورت الريمونت حق المكيف بس ما لقت..

سحر وهي ترمي عبايتها بالشنطة:اوف وين الريمونت الغبي هاذا...ووين الشغالة عشان ترتب اغراضي

ماتعرف شي بالبيت...مالها غير راكان يعلمها على كل شي...بس هو وينه الحين من دخلت الغرفة ما طلعت ولا سمعت له صوت...

طلعت برة الغرفة وكانت لسى بملابسها حقت البيت...شورت جينز وبلوزة كت تفاحية...

رفعت شعرها الي راحت صبغته السودة ورجع بني..وطال ووصل لين نص ظهرها...

رفعت شعرها لانها تكرهه لما يكون طويل...

طالعت بالممر الضييق مافي غير غرفتين...وحدة الي هي فيها والثانية بعيدة عنها شوي..

جاها فضول تعرف ايش في البيت مدام راكان مو موجود...

واول شي بتسويه بتروح تشوف الغرفة الي قدامها...

تقدمت بخطوات خفيفة...وفتحت الباب بكل هدووء...

كانت الغرفة مظلمة والستاير مسكرة...

فتحت النور البعيدة عن السرير...

تقدمت للسرير وشافت راكان نايم...كان شكله برئ وهو نايم...

مسالم..وهادي...عكس شخصيته الي تشوفها لما يكون صاحي..

سحر بصوت واطي:ياليتك تنام على طول

ترحك شوي وهو نايم...سحر نقزت من مكانها...حست بخوف مو طبيعي..

حتى وهو نايم تخاف منه...

طلعت من الغرفة بسرعة بعد ما سكرت النور...

تسندت على الجدار وهي حاطة يدها على قلبها الي يدق بقوة مو طبيعية من الخوف...

********************************

رجع للبيت وهو يحاول يمسك نفسه...

ممكن يشوفها بأي مكان بالبيت...واكيد راح تكون مع ابوه...

كيف بيقدر يتحمل يشوفها جالسة مع ابوه...

تنهد بقوة وفتح الفريزر الي بالمطبخ...

وقف شويه قدامه والهوى البارد يطلع منه..يحس ان كل هبة تجي عليه تخفف من حدة اعصابه...

طلع علبة موية متجمدة...

جلس على الطاولة الي بالمطبخ...حط العلبة على الطوالة وسند راسها عليها...

سمع صوت ضحكتها الي حافظها من ظهر قلب...

بتول وهي تضحك:اوكي حبيبي ثواني واكون عندك

دخلت للمطبخ وماكانت متنبهة لوجوده...فتحت الثلاجة وطلعت منها صحن الفواكه...

زياد رفع راسها وانتبه لها...

تقدم لها ووقف قدامها بكل برود..عكس الي داخله...

قال وهو يفتح علبه الموية:مبروك عليك ابوي

بتول خافت لما سمعت صوته بس لما شافته وانتبهت لنظرة الحزن بعيونه الي يحاول يخفيها حست بنشوة الانتصار:الله يبارك فيك

زياد شرب من الموية وهو يحاول يكون قمة في البرود قدامها..(قال باستهبال):بما انك زوجة ابوي..تبين اقولك يا ماما ولا ابلة

بتول:ههههههههه والله دمك خفيف

زياد رفع حاجبه وهو وده يكفخها بالموية الي بيده...

زياد رفع يده وقال بهمس وهو يحرك شفايفه بحركة بطيئة:سي يو

تركها واقفة وطلع من الباب الخلفي...

مايبي يشوف ابوه..لانه يحس لو شافه مايدري وش بيسوي فيه..

*********************************

لينة وقفت من الصدمة:ايش؟؟...صاحية انتي؟؟..ليه؟؟

اسيل وهي تبكي:هو الي حدني على كذا

لينة:وش صار فهميني؟؟

اسيل قالت لها السالفة كلها...

لينة بقهر:تتركين خطيبك عشان وحدة توك تعرفينها

اسيل:لينه هاذي امي

لينة:الله والام عاد...(جلست جمبها)...اسيل تكفين فكري كويس..لا تعيدين غلطتي مرة ثانية

اسيل طالعتها والدموع بعيونها:انا احبه..بس احب امي اكثر

لينة:اسيل صدقيني بتندمين..امك ماراح تدوم لك

اسيل وقفت:خلاص لينه انا قررت وماراح اتراجع عن قراري

لينة بعصبية:ودام انك مو متراجعة عن قرارك.اجل ليه دقيتي علي ترفعين ضغطي بس

اسيل وهي تحاول تداري دموعها:مدري

لينة مسكتها من كتفها وقالت بحدة:لأ تدرين...واذا ماتبين تقولين انا اقول لك...عشان انتي عارفة انك غلطانة وتسرعتي بقرارك وتبين أي احد يقول لك ان قرارك صح عشان لو صار وندمتي ترمين الحق عليه وانتي تخلصين ضميرك...صح ولا لا

اسيل سكتت وهي تحس نفسها مقهورة وتبي تبكي.لينه معاها حق بكل الي تقوله...

لينة هزتها بقوة:ردي صح ولا لا

اسيل بعدت عنها:لينه تكفين خلاص

لينة:اسيل والله انا خايفة عليك وابي مصلحتك..ومصلحتك انك تكونين مع محمد...الانسان الي يحبك بجد.صدقيني بتندمين لو تركتيه...(قالت برجاء)...صدقيني

اسيل رمت نفسها على السرير وبكت...

***********************************

نزلت لتحت الحديقة...

كانت صغيرة بس مرتبه..واضح ان راكان يحب الزرع لان بكل مكان بالبيت في نبته ولا ثنتين...

راحت للجهة الخلفية من البيت وشافت شي خلااها تطير من الفرح ولاول مرة من جت للرياض...

سحر صرخت:واااو في مسبح..كويس عشان اضيع وقتي فيه..بس مدري جبت المايوه ولا في الشناط الي رجعها راكان

حست انها تحقد عليه اكثر كل مرة تتذكر فيها شكله وهو يقولها برجع الشناط...

تقدمت لعند سور المسبح وهي منبهرة بمنظر الموية...وانعكاس ضوء الشمس عليها...

نزلت شوية عشان تقدر تلمس الموية الباردة...

سمعت صوت من وراها...

التفتت وهي خايفة ليكون راكان...بس استغربت لما ماشافت احد..

التفتت يمين ويسار وراها وقدامها ومالقت احد...استغربت اجل مين الي يكلمها؟؟..

ركزت على مصدر الصوت وسمعته جاي من فوق...

رفعت راسها تشوف مين...

شافت اثنين واقفين فوق السطح حق جيرانهم وقاعدين ياشرون لها..

سحر رفعت حاجبها باستغراب...وش هالحركات احنا وين جالسين...

واحد منهم صرخ:ياحلو..ممكن نتعرف

سحر تاففت:حتى بالبيت مو سالمين

علا صوته اكثر:الوو...ياحلو..نحن هنا..الاسم ياقمر

سحر بصراخ:هي انت ايش في امك؟!

رد عليها بعد ما عطاها بوسة طايرة:امي تسلم عليك وتقول لك مين معاي

سحر كانت بترد بس سمعت صوت من وراها...

صوت خلااها تفقد كل حواسها ماعدا حاسة السمع..وقلبها الي يدق باقوى ما عنده...

راكان بصراخ وعصبية:سحر

سحر نقزت من مكانها...قالت بخوف مو طبيعي:ر..راكان

راكان مسكها من يدها بوقة:انتي وش تسوين هنا؟؟

سحر صارت ترتجف ومو عارفة هي ايش تقول:انا...انا...

راكان بحدة:جب ولا كلمة

ناظر الي فوق:وانتو وش تبون

سحر رفعت راسها وماكانو موجودين وكانهم فص ملح وذاب..

التفتت على راكان تحاول تشرح له...

سحر:راكان انا....

سكتت لما حست بيده على خدها وجاها اقوى كف شافته بحياتها...

راكان:يال..... حتى وانتي هنا تبين تمشين على حل شعرك..قوليلي وش اسوي فيك

سحر وهي تبكي:راكان والله انت فاهم غلط

راكان:وش فاهم غلط..واقفة تحكين مع عيال الجيران وبهاذا البس وشو تبيني افهم يعني....لاكن انتي ما ينفع معك غير الحبس

سحر بخوف:..ح..حبس...اي حبس؟؟

راكان وهو يسحبها:أي حبس ها..انا اوريك الحين

سحبها باقوى ما عنده...ووداها لفوق....

فتح باب الغرفة بقوة ورماها على الارض بكل قوته...

نزل لمستواها وسحب شعرها...وشد عليه اكثر لما سمع صرختها...

راكان:انطمي

سحر وهي تبكي:راكان تكفى...هد شعري

راكان:شكلك ودك تتربين من اول وجديد

فسخ عقاله وضربها....

ضربها بقهر...يعني فوق ماهو ساتر عليها ومتزوجها وهو مو متحملها تجي وتتكلم مع الشباب لا وفي بيته بعد...

وقف لما شاف جسمها قلب ازرق...وهي مو قادرة تتحرك من الالم..

تبكي وبس..

راكان وقف:مافي طلعة من هنا فاهمة

سحب المفتاح من التسريحة وطلع وقفل الباب وراه...

سحر ضلت بمكانها تبكي وتحس ان دموعها تحرق خدودها من الجروح الي على وجهها..

طالعت كتفها الي صار ازرق ورجلها الي زرقت بعد...

بكت اكثر...مظلومة ويضربها بدون حتى ما يفهم منها شي...

هي غلطت صح بس الله يسامح..ليه هو لا...

ساعات احس ان الزمن قاسي ولا يمكن يلين
وساعات احس ان الفرح محال ولا يمكن يحين
هاذا الي شفته بدنيتي وكل ما مضى لي من سنين
يامن يعلمني الفرح ويفرح القلب الحزين
اشكي مرارة حيرتي بدنيا ما ظني بتزين
واذا بدى بعيني الامل تجد احزاني وتبين
روح زماني وانتهى وترك لي الجرح الدفين
دنيا كف الله شرها تخلي كل قاسي يلين
*************************************

باليل...

طلعت من بيتهم وهي للحين منقهرة من تصرف اسيل البايخ بالنسبة لها..

ركبت السيارة وقالت للسواق يروح للبيت...

طول الطريق وهي سرحانة...مستحيل تخلي اسيل تغلط نفس غلطتها...

واسيل حساسة وماتقدر تتحمل مثلها..

هي تقدر تضغط على نفسها وتمشي...بس اسيل لا...

سندت راسها على التدريشة المظللة...

جلست تناظر بالناس الي بالشارع...

محد حاسس فيها ولاهي حاسة باحد..كل واحد مشغول بهمه...

تنهدت وهي تتمنى ان يكون حال خواتها احسن منها...

وحشتها سحر...ووحشها غرورها وتصرفاتها المتهورة...

تخيل هي الحين وش تسوي...وكيف عايشة مع راكان..

مثل حياتها مع تركي ولا احسن....

تتمنى انها تكون احسن منها...

ترف الي صارت ما تدري عنها شي..غير انها متضايقة من تصرفات زياد الغريبة...

سمعت بزواج عمها من تركي...

ضحكت باستهزاء..تركي يدري...وهي الي هو عمها ماتدري..

سمعت صوت اغنية من السيارة الي بجمبها...

غمضت عيونها وهي تسمع للحنها الهادي والرومنسي...

فتحت عيونها ورفعت راسها عشان تشوف مين الي بالسيارة...

صدمت عمرها...ابد ماتوقعت تشوفه هنا...

صحيح انها تمنت تشوفه ولو من بعيد..بس مو كذا...

الصدمة شلتها...حست من جد هي قد ايش تحبه ومشتاقة له..

بس ماتقدر...هي الحين متزوجه...

رجعت غمضت عيونها وسندت راسها على الدريشة...

وسمحت لدموعها انها تنزل وتبلل رمشها وخدها...

واذنها بانها تسمع الي يسمعه...على الاقل تحس انها تشاركه بشي..

جالس بالسيارة ويسمع الاغنية..

يحس انها انكتبت عشان توصف حالته هو ولينة...

ماقدر يستحمل وهو يتذكر شكلها وهي تطلب منه يروح...

فيصل وهو يمسح دمعه على خده:الله يهنيك يالينة

وش مسوي مع غيري
وش الدنيا بقربه هو
ياروحي انت متهني
ولا بشوق لي مشغول
انا مازلت افكر فيك
واموت بحبك وطاريك
ولا كن هاذي اطباعي
اخبي الحزن بي ما اقول
رجعت اسال غصب عني
جبرني الشوق واعذرني
انا ما اقدر على قلبي
عجزت القى لوفاه حلول
امانة ان جيت في بالك
تطمن قلبي عن حالك
على فكرة انا عايش
وكيف انساك مو معقول

فتحت الاشارة وتقدمت السيارات...

بعدت سيارته عن سيارتها...

طالعت سيارته وين رايحة...

ليطريق المطار..

لينة بهمس:المطار...يعني بيسافر...

حست عيونها تحرقها من الدموع الي حابستها....

لينة((فيصل بيسافر...يعني خلاص ماعاد اشوفه ولا اعرف شي عنه....انا السبب..لو ماعاندت وتزوجت تركي...ماكان صار الي صار))....

**************************************

صباح اليوم الثاني...

فتحت عيونها على صوت العمال وازعاج ودقدقة...

عقدت حواجبها من ازعاج نور الشمس...

طالعت المكان الي هي فيه باستغراب...

تذكرت انها الحين مو بالقصر الفخم...الي فيه مليون واحد يخدمها ويتمنون رضاها...

ظهرها يالمها من ضرب راكان لها امس...وبعد زاد عليها الالم نومتها على الارض...

وقفت بصعوبة...رجلها تالمها بقوة واثار العقال معلمة عليها...

بكت وهي تمشي من الالم...وبكت اكثر وهي تتذكر شكله وهو يضربها امس...

وحش... هاذي الكلمة الي توصف فيها شكله امس..

حاولت تتماسك وتقوي نفسها...

وقفت قدام الشباك وهي تشوف العمال وين قاعدين..

سحرباسغراب:بالبيت عندنا؟؟

سمعت صوت فتح الباب وراها...

التفتت بسرعة وشافت راكان واقف يطالعها بنظرات مافهمتها...

بس كل تعرفه انها تحس بالخوف منه...ماتبي تقرب منه ولا يقرب منها...

راكان بهدوء يخوف:وش تسوين عند الشباك؟؟

سحر بلعت ريقها وقالت بسرعة:والله ماسويت شي...بس سمعت الصوت وقمت اشوف شالسالفة..بس

راكان سكت وهو عاقد حواجبه...واضح خوفها منه...حتى بطريقة كلامها...

هو مو متعود يكون قاسي على احد وعمره ما مد يده على وحدة...بس هي غير..

راكان بنفس النبرة:انا جايبهم عشان يحطون حاجز بين بتنا وبيت الجيران...(مايدري ليه فجاء حس نفسه مرتبك)...يعني...عشان تاخذين راحتك....وانا ارتاح

ماعلقت على كلامه...خايفة تقول شي ويعصب عليها...فضلت السكوت احسن..

بس كلامه صاير الغاز..مو فاهمة ولاتبي تفهم...

راكان وهو يطلع..(قال بدون ما يطالع فيها):اذا جوعانة انزلي تحت...امي مسوية لك اكل...وياليت اذا بتنزلين تلبسين شي عدل ماله داعي تحرجيني قدامها

طلع وخلاها واقفة مقهورة من كلامه...

فوق ماهو ضاربها يقول لها كذا....اذا تفشله لهاذي الدرجة..اجل ليه ما يطلقها وخلاص...

ولاهو ذل وبس...

نزلت لتحت بعد ما بدلت لبسها..

وقفت عند الدرج وخذت نفس قبل لا تدخل عندهم...

صوت ضحكته ماليه اذنها...

واضح انه مبسوط مع امه..الي يشوفه وهو يضحك ويسولف...

مايقول انه هو الي يكون معاها لوحدهم...

اول ما دخلت تصنعت اجمل ابتسامة...

سحر:هااي...صباح الخير

التقتو راكان وامه على مصدر الصوت...

وقف يطالعها وهي لابسه البنطلون الجينز الضيق وبلوزة كت وفيها فتحة واسعة من قدام اورنج فاقع...

وروج برتقالي بنفس لون البلوزة...فاتحة شعرها البني ومخليته على حريته...

ام راكان وقفت وباست سحر وهي مبتسمه:هلا والله...هلا بزوجة ولدي

سحر ابتسمت:اهلين

ام راكان وهي تاشر لها تجلس جمبها:تعالي اجلسي جمبي...

(قالت وهي توجه كلامها لراكان)...

ام راكان:راكان ابعد شوي خلي زوجتك تجلس جمبي

راكان بعد وهو يناظر بسحر الي قاهرته....من اول ما شافتها امه طارت فيها...

سحر جلست وهي مو مستوعبه ردت فعل ام راكان...

حبوبة وطيبة معاها....وهي الي توقعتها عكس كذا....

الظاهر ما وصلها الخبر من راكان...

التقت عيونها بعيون راكان الي واضح انه مقهور منها ويبي يكفخها..

**********************************

قام من النوم وهو يحس بشعور غريب...

ناظر من الدريشة المنظر رووعة ويسحر أي احد يشوفه...

العمارات والشوارع المنظمة...

المنظر حلو وخصوصا من قمة برج العرب...

التفت لما سمع صوت الجرس حق الغرفة يرن..

توجه للباب وهو مبتسم..فتح الباب..

اليازي حمر وجهها وحست بالاحراج من منظر فيصل....

قالت وهي موجهة نظرها لبعيد:صباح الخيراستاذ فيصل

فيصل:صباح النور

خذت نفس من التوتر:انا ياية عشان اخبرك ان الحين موعد الاجتماع

فيصل حس باحراجها...قال وهو يخربط بشعره:اوكي دقايق واكون جاهز

بعدت عن الباب وهو دخل بعد ما سكره...

لمست خدودها الي صارت حاارة من كثر الاحراج...

*********************************

ناظرت غرفتها قبل لا تفارقها على طول...

تنهدت وهي تسحب شنطتها برة الغرفة...

التقت بامها عند باب الجناح...

ام اسيل وهي تمسح على شعرها:شو حبيبتي خلصتي كل شي؟؟

اسيل هزت راسها...

ام اسيل:متاكدي مانسيتي شي؟؟

اسيل التفتت على غرفتها...

اسيل:لحظة...ابي اجيب القيتار معي

م اسيل:اوكي البي روحي

دخلت لغرفة الموسيقى حقتها وشافت القيتار عند الزاوية...

انتبهت للعود الي محطوط جمبه...

ابتسمت وهي تتذكر لما ارسلت لمحمد اغنية بصوتها يوم زعل عليها..وكانت تعزف على العود...

ضمت العود بقوة وبكت...

اسيل وهي تبكي:عمري ماراح انساك يامحمد...احبك...

حطت العود بمكانه بهدوء واخذت القيتار..

طلعت بسرعة من الغرفة قبل لا تهون عن السفر...

وقفت عند باب غرفتها وخطر على بالها فكرة...

اخر شي تبي تسويه قبل لا تروح للبنان...

اخذت جوالها ورسلت له...

قفلته وحطته بالشنطة...

قالت بعد ما خذت نفس:انا جاهزة

**********************************

طلع من غرفته ونزل معها لتحت...

فيصل:مين راح يكون موجود بالاجتماع؟؟

اليازي:مدراء بنوك كبيرة بدبي بالاضافة لمديرين الشركات

فيصل:افا يعني مافي امل نربح الصفقة

اليازي ابتسمت:لا ان شاء الله في امل

فيصل وهو يطالعها من الجنب:عاد توسطي لنا عند الوالد

اليازي:ههههه..لا عاد الشغل شغل مافيه واسطة

فيصل:ان شاء الله يا انسة اليازي

اليازي:هههههههه

فيصل:تدري ان اسمك عاجبني...غريب بس حلو

اليازي حمرت خدودها:تسلم

فيصل:ممكن اسالك سؤال

اليازي:تفضل

فيصل:انتي ليه كل خدودك حمر؟؟

اليازي استغربت من سؤاله وبنفس الوقت انحرجت...

رفعت كتوفها:مدري...انا كذا دايما

فيصل ابتسم:بس شكلك كذا احلى يعطيك شكل طفولي

وقف الاصنصير ونزلو...

اليازي:تفضل

فيصل:لا lades first

اليازي ابتسمت:اوكي

دخلت ودخل فيصل وراها بالموزين الفخم...

فيصل انبهر من منظر اللموزين الفخم من داخل والي مايحوي انه كذا من بره...

اليازي وهي تفتح الثلاجة:شو تبي تشرب؟؟

فيصل بهدوء:أي شي

ابتسمت وطلعت له عصير...مدته له بعد ما قالت للشغالة تحط له بالكاس...

فيصل وهو يطالع من الدريشة:انسة اليازي

اليازي:نعم

فيصل:ممكن اطلب منك طلب..ولو اني مصختها شوي

اليازي:لا شدعوه لا مصختها ولاشي...تكلم شو تبا؟؟

فيصل:ممكن بعد ما يخلص الاجتماع توديني بجولة بدبي

ماتدري ليه فرحت من طلبه...تحس انها كانت تتمناه من زمان..

اليازي:اكيد

فيصل ابتسم ورجع ناظر الشوارع والعمارات...

يتمنى لو انه الحين يكون مع لينة...يتكلم معاها..ويضحك معاها..ويسولف معاها...

************************************

منسدح على السرير وباله مشغول فيها..

ابرار قالت له انها اليوم بتسافر...

بتوحشه...يبي يروح يودعها...بس ما يبي يضعف قدامها...

رن جواله بنغمة رسالة...

فتحها وهو ماله خلق...

فتح عيونه وهو يشوف رسالة من اسيل...

فتحها بلهفة وشوق...يبي يعرف وش راسله له..

لحظة وداعك اه يا لحظة وداعك
ياهي صعبة بالحيل صعبة
وانا الي ابي قربك وابي حبك
وابيك بدنيتي تبقى معي تبقى
نسيت اني اعشقك ولا تنسى اني بفقدك
لحظة وداعك ياهي صعبة بالحيل صعبة
وقف وهو يسمع الاغنية...

لازم يروح لها ويودعها..مشتاق لها ويبي يودعها...

ملي غيريك ياعمري لو بعدت ورحت عني
لو تحس بس الي فيني لحظة ما تتخلى عني
نسيت اني اعشقك ولا تنسى اني بفقدك
لحظة وداعك ياهي صعبة بالحيل صعبة
وصل للمطار وهو مشتاق لها...

يدور عليها بعيونه..مو لا قيها...

سمع صوت من وراه...

اسيل بهدوء:..محمد؟!

التفت لها وهو يتنفس بصعوبة:اسيل

اسيل استغربت ماتوقعته يجي...ماعرفت وش تقول او وش تسوي...

محمد مسك يدها:الحين بتسافرين

هزت راسها وهي للحين مو مستوعبة انه قدامها...

محمد:بتوحشيني

اسيل:وانت بعد

محمد:عاد لاتقطعين

اسيل وهي تحاول تحبس دموعها:ان شاء الله

ام اسيل:حبيبتي يلا فتحو الابواب

اسيل طالعت امها:اوكي

حاولت تسحب يدها من محمد بس هو كا ماسك يدها بقوة..

اسيل:محمد...يدي

محمد انتبه لنفسه:..اه..سوري

اسيل:احنا وش قلنا

محمد ابتسم:اسف..السموحة

اسيل:ههههه ايوه خلك كذا رجال

ام اسيل:يلا يا البي

اسيل:اوكي..مع السلامة

محمد:مع السلامة...انتبهي على نفسك

اسيل هزت راسها:اوكي...وانت بعد..باي

محمد:باي

بعدت عنه وراحت مع امها..بدون ما تلف عليه..ماتبي تشوفه وبعدين تهون وترجع...

وقف يطالعها...لين اختفت من عيونه ودخلت للبوابة..

محمد((بشتاقلك والله))...

الحين انت بعيد وصدقني هاذا الجديد

الهم والضيقة وحزني زاروني وانت بعيد
نسيت اني اعشقك ولا تنسى اني بفقدك
لحظة وداعك ياهي صعبة بالحيل صعبة

*************************************

راكان وهو مبتسم:جد والله؟!...طيب خلاص...ننتظرك

راح لعند امه الي جالسة وتسولف مع سحر..

تافف وهو يشوف امه تسولف معاها وتعاملها كويس مرة...

كان يتمنى تعاملها زفت عشان تتادب..لانها جد قاهرته...

راكان كان توه بيتكلم بس سؤال امه قطعه...

ام راكان وهي تكلم سحر:سحر شفيها يدك زرقة كذا؟؟

سحر توترت لما سالتها...هاذي فرصتها تطلب الطلاق من راكان...

بس هي توها ما كملت يومين على بعضهم..ايش بيقولون عنها الناس...وخواتها...

سحر:ممم..صقعت بالدولاب

ام راكان:شدعوه دلاب يسوي كذا؟؟

سحر توها بتتكلم بس راكان قطع عليها...

راكان:توني مكلم زياد ويقول هو بالطريق

ام راكان وقفت من الفرحة:جد والله

راكان ببتسامة:ايه

سكت لما سمع صوت الجرس...

راكان:اكيد هاذا هو

ام راكان وقفته:تكفى ابي اروح افتح الباب

راكان:اكيد البيت بيتك

راحت تفتح الباب وكلها لهفة وشوق تشوف ولدها الي نحرمت منه سنين...

توترت اول ما طلعت ام راكان...ماتحب تجلس معه لوحدها..

تقدمت للباب عشان تطلع بس وقفها راكان...

التفتت له باستغراب وهي تخفي خوفها وتوترها...

سحر بغرور وبدون نفس:خيير؟؟!

راكان بنفس نبرتها:مااتوقع اني راح اقولها لك مرة ثانية..بس...شكرا

سحر قربت منه وقالت بحدة:لاتفكر اني خببيت عن امك عشان خاطرك...لا انا بس قلت كذا عشان اتجنب كلام الناس لاني توني ما كملت معك يومين على بعضهم...بس صدقني..والله لا اخليك تندم على الحظة الي فكرت فيها تمد يدك علي

طلعت وخلته واقف مصدوم...

اول ما شافت زياد الي جالس تحت رجول امه ويبوس يدها ويبكي..

حست قد ايش هي محتاجة امها بهاذي الحظة...

ركبت الدرج بسرعة...تحس انها تبي تجلس لوحدها بعيد عن الكل...

**********************************

جالسة بالغرفة ومقهوورة منه...

مرت3 ايام ولا كلمها مرة وحدة بس...

رن جوالها ورفعته بسرعة...

ترف بلهفة:الو

الجوهرة:هلا ترف

ترف تحطمت كانت تتوقعه زياد:اهلين..اخبارك الجوهرة؟؟

الجوهرة:تمام..انتي شلونك؟؟

ترف:بخير

الجوهرة:اقول ترف..انا مسوية عزيمة عندي بالبيت وكل البنات بيجون...تقدرين تجين؟؟

ترف جلست تفكر...مدام زياد قلب عليها بيوم وليلة..اجل ماراح تخسر شي لو راحت وانبسطت شوي...

ترف:اوكي متى العزيمة؟؟

الجوهرة:بكرة الساعة 6

ترف:اوكي خلاص سي يو

الجوهرة:اوكي باي

ترف:باي

سكرت وهي تحاول تشغل نفسها بالعزيمة وايش بتلبس...

************************************

بدبي دار الحي...طلع من الاجتماع وهو للحين متوتر وخايف..

شاف اليازي واقفة تتكلم مع وحدة شكلها اجنبي...

فيصل راح لها وناداها:انسة اليازي

التفتت له وابتسمت...اشرت له لحظة...

استاذت من الحرمة الاجنبية وراحت لفيصل..

اليازي:هلا استاذ فيصل..بغيت شي؟؟

فيصل:لا بس شكلك نسيتي وعدك لي

اليازي ابتسمت:لا طبعا مانسيت..متى تبي نبدى؟؟

فيصل:متى ما تبين

اليازي:اوكي الحين عيل

فيصل:الحين الحين

راحو للموزين...

اليازي انتبهت لفيصل الي يهز رجله بكل توتر...

اليازي وهي كاتمة ضحكتها على شكله:شفيك؟؟...ليه متوتر؟؟

فيصل:لا عادي...بس..تتوقعين نكسب الصفقة؟؟

اليازي:في امل كبير

فيصل:شدراك؟؟

اليازي:عشان انا اعرف ابويه كويس..اذا كان معجب بشي ولا لا...ومن طريقة نظرته لك وانت تتكلم وتشرح وجهة نظرك واضح انه كان مبسوط منك

فيصل اخذ نفس براحة:الحمد الله

فتحت الدرج الي قدامها وطلعت منه ورقة...

اليازي فتحتها:شوف...هاذي خريطة دبي...وفيها كل الاماكن الترفيهية الي ممكن تنبسط فيها...عاد انت شوف واختار

فيصل:ممكن قبل كل هاذا اروح للفندق

اليازي:ليش؟؟

فيصل:ابي اروح ابدل ملابسي عشان تناسب العب

اليازي:ههههههههههه ان شاء الله

قالت للشغالة الي قدامها تقول للسواق يروح للفندق...

**********************************

اليوم الثاني...

قامت من النوم وهي تحس بصداع...

طالعت جمبها...تركي مو موجود...وين ممكن يروح يعني؟؟...

التفتت للباب لما حست ان احد فتحه...

تركي ببتسامة:صباح الخير

لينة عقدت حواجبها باستغراب:صباح النور...انت مارحت الشركة؟؟

تركي وهو يجلس جمبها:لا...امس شكلك كان تعبان لما رجعتي وقلت اجلس اليوم اتطمن عليك

لينة بهدوء بدون ما تطالع فيه:ايه..

تركي:شفيك؟؟...وش صار؟؟

لينة:اسيل

تركي:وش فيها؟؟

لينة:سافرت

تركي:هي رايحة مع امها ولبلد امها يعني بين اهلها وناسها

لينة:بس انا ماابيها تسافر..ابيها هنا

تركي وهو يقرص خدودها:ليه هالانانية هاذي؟؟

لينة وهي تكتم دموعها:مابي اكون لوحدي

تركي:افا تكونين لوحدك وانا هنا

لينة:بس اسيل غير..((وفيصل غير))..

تركي:خلاص ولا تزعلين..بوديك لها متى ماتبين

لينة ابتسمت:جد؟!

تركي ابتسم:وجد الجد

لينة:مشكور تركي

تركي:العفو..الحين عاد انا جوعان مين بيسويلي الفطور اذا كنتي انتي بالسرير

لينة انسدحت على السرير:قول للشغالة

تركي رفع حاجبه:لا والله..تعرفين اني ما احب اكل الخدم

لينة رفعت راسها:تركي تكفى اليوم استثنائي احس اني تعبانة شوي

تركي:سلامتك من التعب...خلاص بقوم اسويه بنفسي

لينة:وانت شعرفك؟؟

تركي:يعني انتي الي كنتي تعرفين..ماعرفك بالطبخ غير الكتب اخذ لي واحد واحوس فيه

لينة وهي تقوم:ههههههه خلاص انا بسوي لك

تقدمت للباب بس فجاءة وقفت...حست بدوخة خفيفة...

جلست على اقرب كرسي لها..

تركي جلس جمبها:شفيك حبيبتي؟؟

لينة وهي ماسكة راسها:لابس دوخة خفيفة الظاهر لاني نمت كثير

تركي:اوكي قلبي سلامتك...خلاص ارتاحي انا بطلب من المطعم

لينة ابتسمت:والله محد ربح هالمطاعم غيرنا

تركي:هههههه من جد

وقفت مرة ثانية عشان تطلع من الغرفة...

بعدها ما حست بشي لانها طاحت مغمى عليها...

***********************************
نزلت لتحت بعد ما بدلت ملابسها...

استغربت ان البيت هادي...

وين ممكن يروحون...

دخلت للصالة ومالقت احد...راحت للمجلس ونفس الشي...

استغربت معقولة راكان يخليها لوحدها وهو ما يثق فيها...

سحر ضربت راسها:غبية..اكيد بغرفته

راحت لفوق عشان تشوفه...وقفت عند باب الغرفة مترددة تفتحها...

بس تخرعت لما انفتح الباب...

راكان وهو عاقد حواجبه وشعره منكوش وواضح انه توه قايم من النوم:نعم؟؟

سحر حمر وجهها من منظر راكان...تلعثمت وهي تتكلم..مو عارفة ايش تقول...

قالت وهي تطالع بالارض:ممم..لا بس...وين امك وزياد؟؟

راكان وهو يتثاوب:امي رجعت مع زياد للشرقية

سحر رفعت راسها:ايش؟؟...الشرقية

اول ما شافت راكان مرة ثانية نزلت راسها على طول...

قالت بهدوء:ليه...تو بدري

راكان:والله عاد كيفهم..يلا وخري عن وجهي ابي اروح اغسل وجهي

سحر بعدت عنه وهي ودها تموته..

راكان رفع حاجبه وهو يناظرها:شفيك تناظريني كذا؟؟

سحر وجهت نظرها لمكان ثاني:مو قاعدة اطالعك

راكان طنشها ودخل للحمام...

وقف عند المراية وشكلها امس ما يفارق وجهه وتفكيره...

شكلها امس وهي تقوله بكل تحدي...

((والله لا اخليك تندم على الحظة الي فكرت فيها تمد يدك علي))...

راكان:وش بتسوين يعني..(ضحك باستهزاء)...ورينا وش عندك يا سوسو

سحر بهدوء..لانها سمعته..هو متعمد يعلي صوته عشان تسمعه...

سحر:حتى وانت لوحدك متسبب...الله يعني عليك بس

*************************************

فتحت عيونها على صوت فيروز...

استغربت مين الي بيفتح المسجل بالبيت...

طالعت المكان حولها...

اسيل باستغراب:انا وين جالسة

طالعت الدريشة جمبها...المظر خلااب..

تذكرت انها خلاص ما عادت بالسعودية وهي الحين بلبنان...

سمعت اصوات جاية من برة...

طلعت تشوف مين واستغربت لما شافت ناس مع امها...

اسيل بهدوء:صباح الخير

الكل:صباح النور

ام اسيل وقفت:شو حبيبتي ارتحتي بنومتك امباريح؟؟

اسيل هزت راسها وهي تطالع بالناس الي جالسين...

ام اسيل انتبهت لها...

قالت وهي تاشر على وحدة تشبه لامها:هيدي خالتيك زينة

اشرت على واحد جمبها:وهيدي ابن خالتيك داني

اسيل ابتسمت بخفة وهي تسلم عليهم:اهلين

داني:شو اسيل ما بديك تاخدي جولي بلبنان

ام اسيل:داني مرشد سياحي ممتاز كتير

اسيل:اوكي ماعندي مانع

داني:لكان يلا غيري تيابيك وتعي معي

اسيل باستغراب:الحين؟؟

داني:ايه من شان نقدر ننبسط كويس

اسيل:اوكي بروح ابدل

راحت للغرفة عشان تبدل...

ام داني سحبته جمبها...

داني:ولك شو بيك؟؟

ام داني:شو رايك فيها؟؟

داني:مين؟؟...اسيل؟؟

ام داني:ايه لكان مين يعني؟؟

داني:شوبيها مابها شي...حلوي

ام داني:بعرف انا حلوي طالعة عليي بس انا عم الك انو ابوها التاجر الكبير ابو زياد...يعني راح تربح منا كتير لو تزوجتا

داني وقف:امي...نحنا شو النا؟؟

ام داني:ع راحتك بس انا عم دور مصلحتك

ام اسيل:ولك شو بيك انتي هيي مخطوبي

داني:سمعتي..مخطوبي

ام داني:خلاص سكتنا..عمول يلي بدك ياه

طلعت اسيل وهي لابسة جينز وتي شيرت بنفسجي...

رافعت شعرها بربطة...كان شكلها عادي مو مثل السياح الي يجون للبنان ويكونون بكامل اناقتهم...

داني:يلا اسيل

فتح باب الشقة:تفضلي...

اسيل ابتسمت له...باست امها من خدها:باي

ام اسيل:باي حياتي انبسطي كويس

اسيل ابتسمت لها وطلعت مع داني..

*********************************

طلعت من المستشف وركبت السيارة وهي للحين مو مستوعبه..

طالعت بتركي الي كان مصدوم مثلها...ومتفاجئ..

لينة بهدوء:تركي

تركي التفت:نعم؟؟

لينة وهي تشوف الورقة الي معها:انت مصدق ولابس انا الي مو مستوعبة

تركي ابتسم:انا مو مصدق من الفرحة..للحين مو مصدق ان بعد 9 شهور بصير ابو

لينة ردت له الابتسامة...هي ماكانت تبي عيال من تركي...بس لما حملت حست الدنيا مو سايعتها...

**********************************

باليل...

وقف السواق عند باب البيت...

تنهدت وهي مالها خلق..بس يمكن بعد ماتشوف صديقاتها تتغير نفسيتها...

زلت من السيارة وهي تبي ترد على جوالها الي يرن...

صدمت باحد بقوة...

عقدت حواجبها وهي مالها خلق...

رفعت راسها وكانت الصدمة...

هي شافت هالوجه من قبل..بس ما تدري وين...

ابتسم وهو يشوفها...ماتوقع انه ممكن يشوفها مرة ثانية...

خالد:هلا

ترف بصدمة وهدوء:خالد؟؟!...

خالد:كويس للحين متذكرة اسمي...يا.... الا ما قلتي لي وش اسمك؟؟

ترف:انت شجابك هنا؟؟

خالد ضحك:هاذا بيتنا

ترف:انت اخو الجوهرة؟؟

خالد:وانتي صديقتها؟؟

ترف:حلو الاستهبال

خالد:بس منك احلى يا.... وش اسمك؟؟

ترف قررت تلعب فيه شوي..هي وش خسارنة يعني مدام زياد مو معطيها وجه وماتدري ليه...

قالت بدلع:ترف

خالد ابتسم:تصدقين من يوم اخر مةر شفتك فيها بالراشد وانا افكر فيك

ترف:كم وحدة قبلي قلت لها هالكلام؟

خالد:هههههههه يعجيني ذكائك

ترف:ابعد عني بروح لاختك

خالد:لحظة

التفتت له:نعم؟؟

خالد:ااه..مين هاذاك الي تهاوشت معه؟؟

ترف بهدوء:مات

خالد:مات؟؟...الله يرحمه

ترف هزت راسها وراحت لداخل...

*****************************

باليوم الثاني..

بالشقة الخاصة بزياد...

ام راكان:طيب هي وينها الحين؟؟

زياد:اكيد ببيتهم

ام راكان:ودامك تحبها ليه ما تخطبها

زياد سند نفسه على الكرسي:مدري

ام راكان:وبتول؟؟

زياد التفت:وش فيها؟؟

ام راكان:للحين تفكر فيها؟؟

زياد بتوتر:لا طبعا

ام راكان طالعته بنص عين:بتكذب علي؟؟

زياد وقف:خلاص انا بروح انام احس اني تعبان

ام راكان:طيب روح نام

راح لغرفته وهو يفكر بكلام امه...ليه ماقدر يجاوب على سؤالها...

معقولة هو يفكر فيها...

نفض هالافكار من راسه....

طلع من غرفته....

زياد:يمى انا بطلع طيب

ام راكان:بتتاخر؟؟

زياد:لا في مشوار مهم بسويه وبعدين برجع

ام راكان:طيب

********************************

وقفت عند باب بيت عمها...

لازم تكلم زياد وتفهم منه كل شي...

دخلت للبيت بعد ما فتحت لها الشغالة...

دخلت للصالة وشافت وحدة معطيتها ظهرها وجالسة ع الاب توب..

ترف((اكيد هاذي زوجة عمي...خلني اسلم عليها مالي خلق مشاكل مع عمي))...

ترف:هاي

التفتت بتول لمصدر الصوت ووقفت لا شافت ترف...

الانسانة الي بعدت زياد عنها...كيف تنسى ملا محها...خافظتها عن ظهر قلب...

ترف عقدت حواجبها باستغراب...بتول هنا...هي شافتها مرة وحدة ومستحيل تنسى شكلها...

الانسانة الي بعدتها عن زياد..وخلتا تعيش اسوء ايام عمرها...

الحين توضحت لها الصورة...بتول هنا...عشان كذا تغير عليها زياد..

ترف بعصبية:انتي وش تسوين هنا؟؟

بتول بغرور:انا...انتي وش تسوين هنا هاذا البيت بيتي

ترف:ايش؟؟..

كانت بتتكلم بس قطعها صوت فتح الباب..

عمها دخل..

بتول راحت ووقفت جمب عمها..

ابو زياد:ترف؟؟

بتول:ابوزياد انت متزوجني عشان اتهزء

ابو زياد:مين هزئك يا روحي؟؟

بتول:هاذي الي هنا مدري شسمها

ابو زياد تقدم لترف وقال بحدة:انتي وش قلتي لها؟؟

ترف:ماقلت شي

ابو زياد بصراخ:وتكذبين بعد؟؟

مد يده كان بيضربها بس يد زياد مسكت يده قبل لا يضربها..

زياد بحدة:يبى شفيك؟؟

ابو زياد:ما تسمعها..تغلط على زوجتي وتكذب بعد

زياد:هي ما قالت شي

ابو زياد:وانت بعد معها

زياد بعد عن ابوه ومسك بيد ترف:تعالي

سحبت يدها بقوة وهي معصبة:انت ابعد عني...خلك مع اشكالها

طلعت من القصر وهي كاتمة دموعها...

زياد ناظر بابوه الي مستغرب من كلام ترف...

طالع ببتول الي منصدمة...

طلع من القصر وراح وراها..

زياد بصراخ:ترف

ترف طنشته وتقدمت...

زياد تقدم لها بخطوات سريعة ومسك يدها:وقفي شوي خلي....

سكت لما جاله كف من ترف...

قالت وهي تبكي:يالحقير...وجايبها لحد هنا بعد

زياد بصدمة:ترف

ترف:لا تنطق اسمي...زوجة ابوك وبعد تحبها

زياد:انا احبك انتي

ترف:اذا تحبني...ليه ماجيت تخبطي لحد الحين؟؟

زياد سكت وماعرف وش يقول...

ترف:انا بقول لك ليه...لانك ببساطة للحين تحبها...وتحاول تقنع نفسك انك ما تحبها ولا تفكر فيها...بس على مين تكذب...(قالت وهي تبكي)...بس الي قاهرني مو انك تحبها...الي قاهرني اني انا احبك...ليه تسوي فيني كذا..اذا تحبها ليه تقول انك تحبني وتعلقني فيك...انا وش سويت فيك عشان تسوي فيني كل هاذا...حرام عليك ياشيخ

زياد سكت....كلامها صح..هو لو يحب ترف ما كان للحين ما خطبها...او للحين يفكر ببتول...ولاكان انقهر من زواج ابوه لها...

ترف:مابي اشوفك مرة ثانية ولا اسمع صوتك

تركته وطلعت...

*********************************

...نهاية البارت