بعدها إلتفتوا البنات على ام تركي اللي جايه ومعها البزران وهم يصيحون من قلب ويأشرون على تاره
تاره ودها بهاللحظه تنشق الارض وتبلعها ولا تاخذ تهزيئه من أمها
ام تركي تقرب من عند البنات : تاروه وش مسويه بالبزران
تاره بصدمه مصطنعه : انا
ام تركي : ايه انتي
تاره بكذبه : انا ماسويت شي
ام تركي : يقولون انك ماخذه كورتهم وضاربتهم انتي ماتستحين وش كبرك حاطه دوبك دوب البزران
تاره بكذبه : ييييييييييمه انا ماسويت لهم شي تراهم كذابين
سعود بعصبيه : الا انتي ماخذه كورتنا
تاره بنفاااخ : لعنه يالكذاب اي كوره
سعود جلس يصيح
جنى وهي متقطعه صيااح : الا انتي دلبتيني و أخدتي الكوره " الا انتي ضربتيني و أخذتي الكوره "
تاره تفرصع عيونها بوجه جنى وقالت بعصبيه : كذذذذذذذذذذذذذذذذذذذذذابه انتي وحده كذابه
ام تركي بعدت تاره عن جنى : عمى يالخبله خوفتيهم
تاره تسوي انها هي الضحيه بالموضوع : أجل يطلعون علي كلام كذب و أسكت
البندري بضحكه : أستهدي بالله
تاره طالعتها بحده : وانتي وش عليك
البندري ضحكت على شكل تاره المعصبه من قلب واللي يشوفيها يقول من صدقها ذي مظلومه
ام تركي بحده : يعني انتي ما كنتي معهم و ضاربتهم وماخذه منهم الكوره
تاره بثقه : ايه ماكنت معهم وش قالولك عني أجلس مع البزران ليش ضاقت فيني الوسيعه < وش دخل
ام تركي طالعتها بعدم تصديق
تاره لمن شافت نظرات امها قالت بثقه عاآآآليه : واذا موب مصدقتني إسئلي دلال انا كنت معهم من أول
ام تركي طالعت دلال يعني صدق
دلال بحرج : هاه
تاره طالعت دلال بحده
دلال خافت : ايه كانت هنا من أول
ام تركي تنهدت : دامك انتي قايله هالكلام مصدقتك
واخذت البزران وراحت
وهم مستمرين في الصياح و يأشرون على تاره خخخخخ
تاره التفتت تبغا تتفرج عليهم وهم يلعبون كوره شافت كل الشباب يناظرونها
تاره بهمس وخوف : يمه ليش يطالعوني
زياد بلعانه وصراخ : تااروه موب انا قايلك برا
تاره بهمس : هذا لايكون على باله البر مكتوب بأسمه قال برا وين برا حتى جمله مايعرف يجيبها
ضحكوا البنات عليها
ريم متنرفزه لانها كانت متابعه للمباراه : تاروه انطمي " بصرااخ " كملوا المباراه
الهنوف ضحكت : ريموه وش فيك
سفانه : وش فيها يعني الريم و تتابع المباراه وش تنتظرين منها أكيد أخلاقها قافله لمن تنتهي المباراه
سلافه جلست على الارض : ياربيه ملل
تولين : قومي الله يقرفك جالسه على تراب
سلافه ضحكت : رجولي ماعاد بها شايلتني
تاره ضحكت : وش فيهم البنات اليوم يتكلمون مثل جدتي
البندري بضحكه : الشوق ومايفعل
فيصل جاهم معصب
فيصل بحده : يعني ياتسكتون يا تروحون تشوفولكم شي ثاني تسونه تراهم من جد معصبين منكم يبغون ياخذون راحتهم
تاره خافت وماردت عليه لو كان واحد ثاني من الشباب كان ردت من قلب بس هذا فيصل
كلهم سكتوا
الريم وهي مندمجه مع المباراه وموب حاسه هي تكلم مين ولا وش تقول : أقول روح شوف سليمانوه مكفخ بدر حكم زي الناس و أطرده من المباراه لو انت حكم صااحي
فيصل طالع البنات بأستغراب يبغا يشوف مين يكلمه
الريم طالعته وقالت وهي متنرفزه انه ماطرد سليمان : هي أصنج انت ولا تتصينج روح حكم زي الناس و أطرد الخبل من المباراه بغا يكسر رجل أخوي
فيصل كتم الضحكه لمن طالعها وعرف انها الريم
الريم بقهر : انت خير توزع ابتسامات روح أطرده لا أقوم الحين و أحكم على المباراه بنفسي
فيصل سكت شوي بعدها قال بأبتسامه هبله ويسوي انه الفله : روحي
الريم توها تستوعب انها كانت تهاوش فيصل بلعت ريقها من الفشله والخوف
فيصل طالعها وقال بضحكه: روحي حكمي على المباراه
سفانه ضحكت على شكل الريم اللي وجهها قلب ألوان
تولين : ريموه يكلمك
الريم طالعتها يعني أسكتي جايبه شي جديد
فهد جا
فهد : انت هي خير مطيح عند البنات روح وحكم خلف الله على ام جابتك
ضحكوا البنات على طريقة كلام فهد
فيصل أبتسم وهو يعاود المحاوله انه يكون الفله من جديد : أختك تقول تبغا تحكم على المباراه
فهد طالع الريم بذهول : نعم
الريم لاشعوريا : كذااااااااااااااااااااااااااااااب
فهد ابتسم: إيه على بالي هذا اللي ناقص بس تحكمين على مباراه
تاره بفضول: ليه يعني وش فيها
فهد طالعها وابتسم : اللي فيها انه مو شغلة بنات يحكمون على مباراه انتوا وين والكوره وين
الريم وفهد ضرب على الوتر الحساس : نعم يعني تبغا تفهمني ان الاولاد هم بس اللي يعرفون للكوره
فهد بصدق : ايه يعني الصراحه انتوا مو حقين كوره
الريم عصبت من قلب : انت تقول هالكلام صدق انك ماتستحي على وجهك يا عنصري
فهد بصدمه : عنصري
فيصل ضحك
الريم بعصبيه : ايه عنصري ياحقير
البنات فقعوا ضحك
تاره تأيدها وهي متنرفزه : ايه صدق انك عنصري يالنذل
فهد مو مستوعب الكلام اللي يقولونه وجلس يطالعهم بصدمه
تاره وهي معصبه : عنصري أشهد بالله انك عنصري وش الفرق بيننا وبينكم
يعني انت تقصد انكم احسن منا " شافت علامات ؟؟؟؟ على وجه فهد طالعت الريم وقالت بحمااس معصب " ريموووه روحي إثبتي ان البنات أحسن وحكمي على المباراه إذا فيك خير قولي لا
الريم وهي متحمسه : صدق
تاره وهي تتخصر: ايه صدق يعني نسكت لهم وهم يوضحون لنا انهم أحسن منا في شي
الريم تشمر أكمام العبايه وهي تقول بهبل : ردوني لا الحين أسويها
تاره بعصبيه عبيطه : روحي الله يرد اللي يردك ياشيخه
الريم وهي ماصدقت خبر قالت بحماس مدام تاره مأيدتها بكل شي : لو تبيني ألعب معهم ترا ماعندي مانع
تاره بحده : تراك زودتيها
ضحكوا البنات عليهم
وراحت الريم بحمااس تحكم على المباراه
وفهد واقف مصدوم الى الان ومو فاهم اللي صار
والشباب كلهم يطالعون الريم بصدمه واستغراب
زياد راح وهاوشها على هالخبال
بس هي وضحت له وجهت نظرها بالموضوع وانهم عنصريين
ضد البنات
طبعا كانت تكلمه بنفااخ
وهو سكت مو عشان شي بس لانه خاف منها
سفانه بصدمه : من صدقها ذي بتحكم على المباراه
الهنوف حاطه يدها على خدودها : وااا فشله شوفي كيف يطالعونها وهي ماعندها مشكله
تولين مفتحه عيونها على وسعهم : is she stupid من جدها بتحكم
سلافه ضحكت : والله دنيا
دلال بفشله وخوف : ياويلي إذا جا محمد وشافها والله لايذبحها على هالخبال
|