تاره بعصبيه : ايه مين انتي
الحرمه : انا عمته نهى
تاره بأستغراب : انتي عمه نهى ولا بهيمه < قصدها بهيه بس طلعت بهيمه
العمه نهى بعصبيه : صدق انك ماتستحين مين انتي
تاره استغربت : انا تاره بنت محمد بس انتي اي عمه نهى ولا بهيمه << مصممه الاخت
العمه نهى عصبت : بهيمه بوجهك صدق ان بنات محمد قليلات ادب والله انك ماتستحين .......... وجلست تهزء بتاره وقفلت الخط
تاره استغربت هواش العمه وراحت عند ابوها
في خيمة الشباب
دخلت كان ابوها جالس مع الشباب
جلست جنبه
تاره : ابويه
ابو تركي : نعم
تاره : ابويه ترا دق جوالك قبل شوي وكان رقم غريب رديت طلعت عمتك نهى
ابو تركي بأستغراب : عمتي اتصلت
تاره بفشله: ايه و آآآ ترا صار شي وهاوشتني
ابو تركي بأستغراب : وش صار
تاره : مو انت دايم تقول ان عندك عمه اسمها نهى و وحده اسمها بهيمه قصدي بهيه
ابو تركي : ايه وبعدين
تاره جلست تقول لابوها السالفه
والشباب قاطين معهم
تاره : وقولت لها بهيمه وجلست تقول بنات محمد قليلات الحيا ومايستحون طيب انا وش عرفني
انفجروا كلهم ضحك
تاره تفشلت
وابوها جالس يضحك واخذ منها الجوال عشان يتصل على عمته ويعتذر منها على سالفة تاره
|