ومعها كاس مويه
راحت ركض ودفتها بدون اي مقدمات
غزل : آآآآآآآآآآي " شافت الكاسه اللي طاحت على الارض طالعت تاره بغيييييييض " جعلك بالمووت ياتبن
ابتسمت تاره وقالت بطريقه تنرفز : أحسسسسسسسسسسسسن تستاهلين
غزل لاشعورياً حذفت الطين على تاره
تاره شهقت لمن حست بشي بظهرها طالعت شافت الطين
ومن هنا بدءت الحرب العالميه الثالثه مدري الرابعه
وقاموا يتحاذفون بالطين
بعدين راحت غزل وجابت مويه وكبتها على الارض
وتحولت لعبة المطارده الى محاذفه بالطين
طلعوا البنات من الخيمه لمن سمعوا صراخ وضحك
وشافوا المهبل اللي يلعبون بالطين
شهقت تولين من منظرهم
ولورا طالعت بصدمه
سلافه تقرفت ودخلت الخيمه خوفا يحذفونها بالطين
سفانه والريم والبندري ودلال والهوف مفتحين فمهم ويطالعونهم بذهول
والثنين يتحاذفون و مستمتعين
بعد ربع ساعه راحت غزل تبدل وتغسل الطين
وتاره راحت جهت السيارات لانها نسيت شنطتها هناك
عشان تبغا تبدل لبسها
في نفس هذا الوقت طلع فهد من الخيمه رايح يجيب أغراض من السياره
وهو ماشي شافها ولأول مرره كانت كلمت ملاك قليله عليها صار يطالعها بأعجااااب << خخخخخ في الاحلام
صار يطالع تاره وهو كاتم الضحكه شكلها كان مصخره بمعنى الكلمه
ماقدر يمسك نفسه وانفجر ضحك
تاره التفتت على مصدر الضحك شافت فهد ميت ضحك وهو يطالعها شهقت وراحت ورا السياره
تاره بصراااخ : الله ياخذك تقلع ماتشوفني مولابسه عباايه
فهد ماقدر يرد عليها وهو ميت ضحك
تاره بحقد : فهيدااااااااااااان يالزفت تتتتتتتتتتتتتتتتتتتتقلع
فهد من بين ضحكه : وش مسوويه بنفسك
تاره بدهشه : وانت وش عليك
فهد ضحك من قلب
تاره جلست تهاوش فيه << هذا وهي ورا السياره لو قدام وجهه وش بتسوي
وفهد جلس يضحك وراح
حتى ما اخذ الاغراض اللي يبغاها من السياره
تاره شافته راح
بسرعه ركضت لخيمة البنات و أعطت الريم تهزيئه محترمه والريم تطالعها بصدمه ومو فاهمه وش جالسه تقوول
المهم بعد فتره من السواليف البنات قالوا محد يبغا يسوق السياره الحين وبيأجلون هالشي لبكرا لانهم تعبوا
رجعوا النوري و راما اللي تاره نست وجودهم وجلسوا يهاوشون البنات عشان نسوهم
جا الليل وراحوا البنات خيمة الحريم وجلسوا معهم
ويسولفون كانت الجلسه رووعه
تاره راحت خيمة الرجال اللي كان فيها ابو محمد بس وجالس يكلم جوال وابوها راح خيمة الشباب
جلست تنتظر خالها يخلص عشان
تكلمه على السفر اللي بالاجازه
بس رن جوال ابوها برقم غريب ومن اللقافه اللي فيها ردت
تاره : الوو
جاها صوت حرمه عجووز : السلام عليكم
تاره بأستغراب : وعليكم السلام
الحرمه : مين انتي
تاره بعصبيه : انتي اللي مين
الحرمه استغربت اسلوب تاره حست انها دقت على الرقم الغلط وقفلت
تاره رجعت دقت عليها
ردت الحرمه : الوو
تاره هبت بالحرمه : خير تتصلين وتقفلين مين انتي
الحرمه : هذا جوال محمد
|