<< البـــــــــــــارت الـــ 36 >>
راح راكان على جنب ورفع جواله شاف رقم فواز
راكان بضيق : الووووو ؟؟
فواز : الو ؟؟ وينك ياخي ادق عليك من ربع ساعة وانت ما ترد
راكان : الله يقطع ابليسك بس ... وش عندك ؟
فواز : ابد ... البنت ذيك راسلة لك رسالة بالجوال تقول انا وصلت للرياض
راكان فرك ذقنه : ايه .. طيب طيب ,, فواز طلبتك وما تردني
فواز بملل : نــــعــــم ؟
راكان : ما تردني
فواز : يلعن ابلييييس .. ماني براادك قوول ؟
راكان : روح جيبها
فواز يصارخ : لاااااااااااااااااااااا ,,, وش قالو لك ؟؟ لا حبيبي تعرفني مو ناقص
عقلي باقي فيه شوي من ذيك المرة .. ما ودي يروح كله مع هالعبيطة
راكان : ههههههههههههههههههههه فواز تكفى انت عارف يعني انا بمزرعة وبعيد عن الرياض والزحمة هذي
وما ودك يطيح وجهي صح ؟
فواز : يقطع شكلك انت وهالمزرعة وزوج اختك الحمار هذا وبنت جميلة ,,, اووووف طيب انقلع بس
وصك بوجهه الخط
طالع راكان بالجوال شوي وفطس ضحك : هههههههههههههههههههههههههههههه هههههههههههههههههههههههههههههه
.........................
تولين ورى جوانا عالخيل يتمشون
تولين وهي ماسكة بخصر جوانا : جوجو ؟
جوانا : لبيه ؟
تولين بابتسامة : وش رايك براكان اخوي ؟
ابتسمت جوانا : رجّال والنعم فيه ... اهنيك صراحة اخوك شي خيالي لا يصدق
تولين : هههههههههههههههههه صراحة ... نظراته لك كانت مرررة خقق
جوانا : لايش تبغين توصلين يعني ؟
تولين ضحكت بصوت عالي : ههههههههههههه والله مو شي ,, بس احسه خاق عليك
وغير كذا ترى راكان حلو يعني مملوح و ذوق
جوانا سكتت ولا ردت ..........
بعد ربع ساعة نزلوا من الخيل
وهم يمشون راجعين لمكان الحريم
طلع قدامهم معاذ ولد ياسر
ابتسمت جوانا هي وتولين وركضت وراه جوانا وهو ينحاش منها
اخيرا وطّت وشالته وهي تضحك ورفعت راسها وصدمت بالجداااار اللي قدامها
وخرت معاذ شوي وشااااااااااااااااااااااافت ..................
ياسر
كانت تضحك والابتسامة شاقة وجهها وفي لحظة راحت هالابتسامة وطغت ملامح الجمود عليها
استمروا للحظات يطالعون ببعض وكل واحد فيهم يعني شي بنظراته
جوانا بنفسها : رحت .. وانا نسيتك خلاص
فضلت علي منار وانا ما كنت من مقامك يا سمو الامير ياسر هه والحين تركتك منار
وتطلقتوا .... خلاص محيتك من مخي الله معاك يا ... يا ابو معاذ
ياسر بنفسه : يا ربي ما قدرت انساها
والله صعب ... كله منك يا طلال ,, جوانا احبك يا ليتك تحسي فيني
تعبت من بعدك كثير والحين ناوي اعدّل كل شي وارجع ابني اللي انهدم انتي اللي بقلبي يا جوانا وربي انتي
.......................
يوسف لاحظ انهم مستمرين بنظراتهم
يوسف : احم .. شخبارك جوانا ؟
لفّت عليه جوانا وابتسمت بالقووة : هلا يوسف
ياسر ( يا لبى هالصووت يا ناس ) : شلونك جوانا عساك بخير ؟
طالعته جوانا بنظرات غير مفهومة ( ما يهمك ولا يخصك اذا كنت بخير اولا ) : انا بخير لأن الهم ما يناسبني ولا انا اناسبه
فهم كلمتها زين ....
ياسر : اكيد الهم ما يناسبك يا بنت عمي ,, انتي ما يناسبك الا الفرح الله يبعد الضيقة عننا
جوانا : آمين .. ويبعد الهم عني ويشوف له غيري بديل
ياسر : الهم يتحول لفرح لعيونك ... هذا اللي تستاهليه
جوانا : ما دامه هم ما ابيه بالاخير اصله هم حتى لو تحول لفرح ,, ايه استاهل الفرح لكن الفرح الصدقي
مو الهم المتحول .... امسك
اعطته ابنه واخذه منها
جوانا : الله يخليك له ويخليه لك ولأمه
ياسر : الله يخليه لي بس ... امه تركته ولا سألت عنه
جوانا : هه .. انت اللي ورطت نفسك في هالاشكال يا ابو معاذ
لا تشتكي وانت المسؤول ...
سلام .. التفتت على يوسف ... فرصة سعيدة شفناك يوسف عساها مو الاخيرة
ومشت عنهم
يوسف : فهمت كلماتها ؟
ياسر وهو يوطي راسه : ايه
يوسف حط يده على ظهر ياسر : معليش يا ياسر لكن انت وطلال كنتوا السبب لا تتوقعون كل شي يتغير بسهولة
مشى يوسف ووراه ياسر اللي شايل معاذ وقلبه ورى جوانا
...................................
عند فواز بالسيارة ...........
وصل للمطار وشافها واقفة بالشارع وتطالع بساعتها بملل
فتح الشباك وناداها
فواز : الووووو .. تعااااااالي هنا يا بنت
التفتت تالا عالصوت واول ما شافته كشّرت وجات له بعصبية
تالا : ليش مو صاحبك اللي جاء ؟؟ انا كلمته ما كلمتك
فواز بطفش : شوووفي هيه .. اذا مو عاجبك اجلسي هنا
اصلا هو طالبني اجيبك لأنه مو بالرياض وبعيد عن المطار وانا ما عندي شي
بتركبين ولا لا؟؟؟؟؟
طالعت فيه بحقد ومشت فتحت الباب وصكته بقوووة
فواز بصراخ : هيييييييييييه ... شوي شوي عالباب كسرتيه
تالا : احسن ... بتمشي ولا لا ؟؟
فواز : سواق ابوووك انا ؟
تالا : ما تبي قوووول وبنزل انقلع بدااااااااااااهية انت وسيارتك
مشى فواز بضيق وما رد عليها
وهم بالشارع زحممممممممممممممممممة عند الاشارة
طلّع فواز السيجارة وولعها
تالا بكره : طفي الدخااااااان كتمتني
فواز ابتسم بحقد: مالك دخل
تالا : الله يقلعك انكتمت انا ... طفيها
فواز : مابي
تالا بدت تكح بقوووة وصار تنفسها صعب >> معاها ربو
فواز حسبها تكذب طنش وكمّل يدخن وهي تحاول تتنفس بصعووووبة وتكتم نفسها عشان لا تشم الريحة
تالا : افتح الشباك >> بصوت يالله ينسمع
سكت منها فواز : ماااافي .. المكيف شغّال
تالا بصوت مخنوق : افتحه افتحه
فتح فواز الشباك وطلعت راسها بسررررعة .... يا ربي ساعدني
فتحت شنطتها تدور البخاخ حقها ما لقته تذكرت انه مخلص وهي قالت بتشتري واحد جديد
بالرياض .............
|