راكان : يا هلا والله
طلال : هلا فيك يالحبيب
راكان : تفضل
جلس راكان ومعاه طلال ويسولفون شوية
........ عند تولين وتوليب بالغرفة
توليب وهي عالسرير : ما راح اشوفه لو يطلع لسابع سماء
تولين وهي تقرأ : روحي يا بنت ... اكشخي وخققيه خليه يتعلق فيك يالخبلة
وقفت توليب : وش ابي به يتعلق فيني ؟
تولين : يالهبلة ... يالمغفلة
كذا بتقدرين تلعبين لعبتك >> والله ادري قدام هالوحش ما بتقدرين تسوين شي لكن ناخذك على قد عقلك ... قالتها بنفسها
ابتسمت توليب بمكر : والله وجبتيها ,, صايرة شيطاااااااااانة خخخخ
فتحت دولابها وطلّعت فستان قصير لتحت الركبة وتوب بفيونكة تحت الصدر لونه اسود والفيونكة حمراء
سوّت شعرها كيرلي وشريطة حمراء تتوسط شعرها ميك اب خفيف على ملامحها الواضحة
رشت اقوى عطر عندها وابتسمت بمكر لانعكاس صورتها بالمرايا
وطلعت رايحة للمجلس بعد ما ناداها راكان
اول ما دخلت المجلس والتفت طلال بدون اهتمام بس اول ما شافها الرجال ضيّع
قربت منه عشان تسلم وهي تشوفه منصدم وتضحك من قلبها عليها ودها تطلع الضحكة
مدت يدها وهو بعد سلموا عادي بس باليد
راكان : هذا مو سلام اثنين متزوجين ,,, طلال تراها زوجتك
انتبه طلال على نفسه بعد ما استوعب الصدمة
سحبها بسرعة لدرجة انها ما قدرت توخر
وباسها بخدها ببطء يقهرررررررررررر
وخرت عنه ووجهها احمر نفس الفيونكة خخخخخ
طلال وهو يطالع وجهها المنصبغ ميت من الضحك عليها .. عصبتي ولسة ما شفتي شي
طلال : كيفك ؟
توليب وهي تاخذ نفس : بخير
طلال : ومافي انت كيفك ؟
توليب : ايه صح .. الحمدلله عالسلامة ,, ومبروك عالافتتاح تبع الشركة بألمانيا
طلال بتكشير وهو يتذكر منال : الله يبارك فيك ,, ويسلمك
جلست توليب وحطت رجل على رجل وباسلوبها المغرور اللي ينرررفز طلال
وبينهم يتبادلون النظرات تبعهم المعتادة كل واحد من جهة .... راكان لاحظ ان طلال يعاند اخته بالغصب
من نظراته لها وهي تزيد بالنظرات وكان الصمت سايد المكان
راكان : احم احم ... >> يبي يحرك الجو
راكان : ايوة ؟؟ وشلونك أبو عبد العزيز ؟
طلال وهو يلف بعيونه لراكان : تمام الله يسلمك .. وانت يالطيب ؟
راكان ابتسم : بخير حبيبي ,,, ايوة ... اروح شوي واخليكم مبين خجلانين مني
طلال وهو يوقف : لا ههههه لا خليك ... انا رايح عندي كم شغلة
توليب راحت ببالها لرزته ووقفته الحلوة ... اسلوبه المنمق ونظراته القوية
يؤ يؤ وش فيني انا ؟؟ ياكل تبن بالاخير مغرور خااايس يبي يعاندني
كشّرت .....
راكان : لا والله تجلس شوي ... ياخي ما امدانا نشوووفك
طلال وهو يتنهد بتعب وضح للاثنين : ياخي الشغل ماخذ وقتي والله
راكان بابتسامة : اجر ان شاااء الله ... لا يكون ناوي شغلك ياخذك من توليب ؟
ترى ما ارضى عليها فااهم ؟
طلال وهو يبتسم ويطالع بتوليب : لا لاتخاف ... بتفضّى لها كلياً
توليب رفعت حاجبها وفهمت قصده حتى راكان لاحظ اسلوب طلال العنيد ..
يا ربي هذولي ما بيعدونها على خير .... لازم ياهو يبدأ او هي تخربها كأن مو ناقصني ان ابوي مزوجهم غصب
راكان : طلال .. اجلس ياخي ,, خمس دقايق بكلم جوال وارجع
طلال وهو يجلس : امرنا لله
طلع راكان ................
وطلال يطالع بملامحها الحلوة اللي سحرته بجد لكن مو راضي يعترف
توليب كارهة نفسها وهي قاعدة وعيونها بفستانها والارض
طلال قرر ينرفزها شوي : لما رجعت بيتنا ليلة الملكة تذكرت اني ناسي شي
رفعت توليب عيونها له ببطء وغرور : وايش هو ؟
طلال ابتسم بمكر : انتي
توليب وهي تمسك اعصابها وتضغط على اسنانها : لا تبدأ يا طلال .... ترى اليوم ضايق خلقي من ولا شي مو ناقصة مشاكل معاك
استغرب طلال هدوئها بالعادة تولّع وتعصب ... قرر يجيبها باسلوب ثاني >> نذل
طلال : ممكن اعرف ايش اللي مخليك متضايقة ؟
توليب استغربت : ليش يهمك ؟
طلال : ايوة اكيد يهمني ... انتي زوجتي
قالها بلعانة
توليب ما لاحظت اسلوبه : ابدا ضايقة كذا ... تبغى الصراحة ضايقة منك
رفع طلال حاجبه : وايش مسويلك انا ؟
توليب : تبغى تعاندني وتقهرني بأي طريقة وعلى بالك مو فاهمتك
وقفت بضيق : باي
وراحت من المجلس ........... طلال استغرب اسلوبها بجد
تغيرتي يا بنت الصقر ... صايرة تقولينها بوجهي ,, لكن ... ارتسمت على وجهه ابتسامة .. هذا شي حلو , الصراحة شي حلو
وقف طلال وطلع من المجلس
راكان : وين يا ابو عبدالعزيز ؟
طلال : معليش حبيبي .. عندي كم شغلة ولازم الحق عليها ,, اشوفك على خير يالطيب
وطلع من بيت راكان
............................
بعد 4 ايام ....................
فواز : احم واخيرا الهوااااااااااااء النقي >> يستهبل
راكان طقه بظهره بقوووووووة : حمدلله على سلامتك
فواز صرخ من الالم : ااااااااااااااااااااااه .... وكذا تتحمد بالسلامة لاحد ؟
راكان وهو يبتسم بمكر : انت مو اي احد ... انت فواااااااااازووووه اللي رفع ضغطي
ضحك فواز وهو يتذكر سوالفه ويحك راسه : مشينا ؟
راكان ضحك على فواز ومشى معاه
بالسيارة ............
راكان : اتصلت على تالا .. البنت هذيك
فواز بتكشير : البوية ؟
راكان : يااااااااااااااااااااليييييييييييل ... ياخي اترك منك على جنب ... اهم شي بنطيّح ماجد
فواز بعصبية : تستهبل انت ؟؟ انت عارفني ما اطيق شووفتها شلوون بأجلس اتفاهم معها هذيك العبيطة ؟؟
تذكروا اثنينهم عباطتها بالشركة يومها ترفع ضغطهم
راكان : اعوووذ بالله من ذاك اليوم ياخي فقدت فيه اعصابي
فواز : وبننهبل انا وياك ان جلسنا معها زيادة
راكان : ههههههههههههههههههههههههه ياخي ما عليك ناخذ الادلة ونفتك منها
فواز وهو يتكتف بزعل : طيب .. سوي اللي تشوفه
..................................
المانيا ..........
عند تالا
رن جوالها وهي جالسة تقرأ الجريدة
رفعته وردت
تالا : الو ؟
راكان : الو السلام عليكم .. هذا جوال تالا ؟
تالا : عليك السلام ايوة انا تالا مين انت ؟
راكان : انا راكان اللي بالمستشفى ... اللي اتفقتي معاه تطيحين ماجد
تالا ابتسمت : ايييه تذكرتك ... هاه صحى الغثيث صاحبك ؟
راكان وهو يضحك ويطالع فواز : ايه مثل الحصان ما شاء الله عليه ... المهم نحتاج وجودك بالمملكة عشان تنجح خطتنا
وانتي بسويسرا ما ينفع
تالا : لا ما احب السعودية ... ياليت تراعي شعوري
فيه كثير ناس انا هربانة منهم ما ودي اشوفهم ... شوفتهم تذكرني بأشياء سيئة بحياتي
راكان اللي حس ان البنت وراها اسرار
راكان : بس نخلص من ماجد ارجعي سويسرا وما عليك من احد
تالا بضيق : طيب طيب .... بحجز اليوم ويصير خير
راكان : ننتظرك .. اذا وصلتي للرياض اعطيني رنة اجي اخذك
تالا : ما يحتاج ..
راكان : الا ... اعطيني رنة لا تنسين .. ولا تعاندين ارجوك يعني
تالا بضيق : اوكي اوكي .. سويتها سالفة ,, مع السلامة
راكان : الله معك
..................................
في بيت عبدالعزيز الراسي
...............
جوانا : والله ما ودي نروح المزرعة لحالنا وش هذا الطفش ؟
خزامى : ما عندي اي مشكلة اهم شي طلعة جماعية من زمان عنها
جوري : لا ... خير نطلع لحالنا طفشششش
بوزت الجوري وتكتفت بضيق
دخل فيصل وجلس يضحك على شكلها
فيصل : وش عندها مبوزة ؟
خزامى : ما ودها تروح لحالها المزرعة
فيصل : مين قال لحالك ؟؟ انا ناااشب بحلقك هنااااا
ويأشر بصبعه لحلقه
الجوري : ادري ... اقصد ابي بنت عمي تجي معنا
جوانا :لالالا .. ما ابيها ... اذا جات بتجي الخايسة زوجة اخوها معها انا مو ناقصة رفعة ضغط
ما اداااانيها
طالعها فيصل بس ما شاف بعيونها حزن على طاري زوجة ياسر ابتسم شكلها نست
فيصل : ياحليلك .. انتي ما تدرين ؟؟ ياسر طلقها
وقفت جوانا منصدمة : وشو ؟؟؟
فيصل : اللي سمعتيه .. يقول يوسف تطاقوا وطلقها
بس جاب طاري يوسف ابتسمت الجوري ببلاهة يا حلووو طاريه
خزامى : جوري على ايش مبسوطة ؟
الجوري : هاه ؟ لا تذكرت كلام يارا قالته لي
وقفت الجوري وجلست جنب جوانا بترجي
الجوري : تكفييييين ... تكفييين مدامه طلقها خليهم يجون معنا
جوانا طالعت بالجوري وبعدين طالعت بالارض وسرحت شوي .. تذكرت امها
طالعت بالجوري وابتسمت
جوانا : براحتك ,, بس اذا شفت بنت الذين هناك ما راح يحصل خير
جوري وهي تبوسها بخدها : من عيوووووني
جوانا طلعت لغرفتها وكلمت امها ... وخزامى طلعت غرفتها
........................
خزامى واقفة قدام المرايا تمشط شعرها ... نزلت المشط شوي
وطالعت بشكلها ,,, شافت على جنب التسريحة صورتها هي وخالد مع بعض بالملكة
تذكرت سعود وآخر مرة شافته فيها ... يا ربي ياسعود قد ايش تغيرت
سرطان الرئة ؟؟!!! لا حول ولا قوة الا بالله
الله يشفيه ويعافيه ويخليه لحبايبه
استغربت من نفسها ... ليش قلت هالكلمة
تأففت بضيق يا ربي محتاااارة .... انا مين احب ومين اللي ابغاه
قلبي يقول سعود ,,, لكن عقلي يقول خليك مع خالد لأنه يحبك
وحرام اكسر بخاطر خالد وهو يحبني بعد كل اللي سواه معي
يا ربي رحمتك ...................................
بعد ساعتين نزلوا كلهم بالصالة
ابو طلال : وين كنت يا طلال ؟
طلال : ابدا بس مريت على راكان الصقر عشان صفقتنا سوا
ابتسمت جوانا يوم قالوا اسمه .. ياحليله هالولد ذكي بشكل فظيع ما شاء الله
تذكرت يوم انقذها من طلال يوم حست انها خلاص بتنقتل منه
ابو طلال : هذا اخو زوجتك صح ؟
طلال : ايه
جوانا : ودي نعزمهم معنا بالاستراحة
طلال وهو يضيق عيونه : ليه ؟
جوانا : ودي تولين تجي معنا ... تونسني هالبنت
فيصل : هذي زوجة طلال ؟
طلال : لا .. زوجتي اسمها توليب ,, هذي اختها تولين
فيصل وهو يضحك : يؤ يؤ ما صارت غلطنا باسمها بغيت تاكلنا
طلال : هه هه هه ما تضحك
ابو طلال : بس انت وياه .. لا تتطاقون علينا الحين
ضحكوا البنات عليهم
جوانا : وش قلتوا ؟
ابو طلال : ايه ناديهم وش عليه
جوانا وهي تنقز من مكانها : شكرا دادي ... واعطته بوسة وطارت لغرفتها تكلم تولين
.......................
اليوم الثاني بالمزرعة .......................
الصباح الساعة 8 الكل مجتمعين
تولين : والله الجو خياااالي
جوانا وهي تضحك : ادري ... وحشتيني يا عسل
تولين وهي تضمها بقوووة : انتي اكثر
........................
|