.............
توليب : ههههههههههه تصدق على طاريه لي كم يوم ماشفته والحمدلله
تولين : اسكتي لا تتكلمين زي كذا لا يطلع لنا الحين
راكان : ههههههههههه الحين كل هذا الرعب مسببه طلال ؟ هههههههههه
ابوراكان : انت هنا يالكللللللللللللللب
وقف راكان : هلا ... ايه هنا ليه شايفني هناك ؟
ابو راكان : انت ما تستحي من اللي سويته في ابوووك ؟
راكان ووجهه يتحول للملامح العصبية : وانت ما استحيت من اللي سويته في ابنك الوحيد ؟
ترميه مثل الكلاب بالشارع ؟؟ بالليل يا ظااالم 2 بالليل
ما استحيت من اللي سويته في هالمسكينة ويأشر على تولين
ما استحيت من كذبتك على عذاري وعلى امي ؟؟؟ ما تستحي؟
اذا انت خفت ربك في اللي تسويه تعال حاسبني
اما الحين بما انك على وجه افلاس .. اقصد بتجلس عالحديدة قريب باخذ اخواتي معاي
ابو راكان طالع في البنات : تبغون مع ابوكم ولا تروحون معه ؟
توليب بجدية : مع راكان يبة ... انت بعتني لطلال برخيص عكس راكان اللي خيّرني ابي اكمل حياتي مع طلال ولا انفصل عنه
ابو راكان : تولين ؟
تولين : انت عمرك ما ذكرتني بحنية يبة ,,, عايشة معك مثل الجدار
بروح مع اخواني
ابو راكان وهو يجلس : انقلعوا كلكم برة بسررررررعة اشووووف
تولين انكسر خاطرها وطالعت في راكان تحنن قلبه
راكان اشر لها بعيونه تجيب اغراضها مع توليب وهو ينتظرهم
طلعوا وتركووووه لحاله .......... >> قبل لا تسوي شي تذكر ان الله يمهل ولا يهمل مهما سويت بتلاقيه قدامك بالحياة
...................................
بسويسرا .........
عند تالا ...
جالسة على جنب تفكر وش بتسوي مع راكان وفواز حاطة يدها على خدها وتحرك اصبعها على سور البلكونة
اوووه .. كشّرت ... يقطعك يالغثيث شلون بتحمل مقابلة وجهك ... صدق اني غبية بس كنت افكر بالانتقام
ما فكرت بهالفاااشل وش بسوي معه ,,, يا ربي يللا بس اخلص الشغل اللي علي وينقلع بستين داهية هالغبي
>> تقصد فواز
نزلت تالا من الشقة وراحت تمشي بالشارع
جاها مؤيد >> واحد من الشباب بالجامعة
مؤيد : هاي تالا
تالا : هلا مؤيد
طالع في شكلها قد ايش متغيرة
مؤيد : وش اللي حاصل معاك ومخليك بهالشكل ؟
تالا ابتسمت : انسان محترم واخلاقه عالية وذوق
مؤيد : الله الله ... شكلك تحبينه
تالا : تصدق عاد ... كنت اقول لنفسي اني احبه لكن اكتشفت اني احترمه واقدره لانه ذوق
بس مو الحب ... يمكن لان ما عرفته زين ولا هو عرفني ,, يعني ما احكم انه حب فهمت ؟
مؤيد : صدقتي ... ساعات الواحد يحسب نفسه يحب ويكتشف انه شي ثاني مو الحب
تالا : الشي الثاني اسمه اغليه وله مكانة خاصة ,, واحترمه كثير ... بس مو حب
............................................

جوانا في بيت جميلة الرائد
جوانا : مسكين فيصل يمة ,, طلال عطاه بوكس قوي كله عشان اللي ما تتسمى منال
جميلة : عيوني مدامك ما تعرفين سبب انفصالهم لا تحكمين عليها بالسوء ...
يمكن طلال غلطان وانتي ما تدرين
جوانا سكتت للحظة تفكر
جوانا : صدقتي ... تصدقين طلال يقول وده يشوفك ويشكرك
وقال لي انه يعزك كثير
جميلة ابتسمت بحنية للأيام اللي راحت : انا بعد اعز طلال بسم الله عليه رجّال من يومه صغير
عقله كبير وذكي ,, لكنه عصبي اذكره دايم يتطاق مع فيصل يعني مو هالايام وبس
ما يجتمعون سوا لمدة طويلة
جوانا : اصلا طلال من ماتت امه وهو ما سافر يحس بالذنب
هذي اول سفرة له بعد وفاتها .... يقول رايح لألمانيا عشان افتتاح الشركة وبيرجع
جميلة : الله يرده لكم بالسلامة يا رب ,, شخبار ابوك ؟
جوانا ابتسمت : بخير الحمدلله ,, يمة ما ودك ترجعين ؟
جميلة : قريب ان شاء الله
...............................
في بيت عبدالعزيز الراسي
طلال توه واصل من السفر فتح الباب ودخل ....
خزامى والجوري بالصالة
خزامى : هلا طلال
الجوري نقزت له : حمدلله على سلامتك خيوووو
وباسته بخده بقوووة
طلال بدون نفس : الله يسلمك ..
طلع لغرفته وبدّل ثيابه ونزل عشان يعطي ابوه الملفات تبع الشركة اللي جايبهم معاه
بالدرج ....
طلال : وين جوانا ؟ وفيصل
خزامى : مدري والله ما شفتها .. فيصل نايم
جوري : انا بعد ماشفت جوانا ... يمكن بغرفتها ولا بالحديقة
طلع طلال للغرفة ودق الباب على جوانا
ما سمع رد .. مل من كثر ما يطق الباب
نزل للمكتب وحط الملفات عليه وطلع
جوانا توها داخلة وفيصل توّه صحى وكان لابس ثيابه بيطلع وماسك نظارته وجواله والمفتاح بيده
طلال بحدة وهو معقد حواجبه : وين كنتي آنسة جوانا ؟
جوانا انفجعت : يمة بسم الله ... انا انا .. امم انا
طلال : انتي وييييين كنتي ؟ >> صرخ فيها
فيصل : لا تصارخ عليها ... جوانا تعالي اجلسي هنا وقولي لنا وين كنتي ؟
جات جوانا وجلست قرب فيصل
بلعت ريقها وتحاول تدور كذبة
رن الجرس تنهدت جوانا براحة
طلال وهو يأشر لها بصبعه : راجع لك
طلع يشوف مين
فيصل : جوانا وين كنتي ؟؟ قولي لي وانا اساعدك
جوانا : مكان مابي احد يعرفه يا فيصل .. وربي اني ما سويت شي غلط
فيصل : انا واثق فيك يا بنت .. لكن تعرفين العبيط اخوك ما راح يرضى بهالاجابة وبينسفك لين ما تتكلمين
دبري لك كذبة واطلعي من الموضوع بسرعة
ضحكت جوانا : فديت اللي يقرأ افكاري
فيصل : اخلصي .. قولي انك كنتي عند صديقتك زي خزوم اوكي ؟
جوانا نقزت وباسته على خده : حاضر
دخل طلال معصب وصرخ : جوااااااااااااااانا
ارتبكت جوانا وانتفضت من صوته العالي وهو جاي مسرع بيذبحها
وماسك بايده رسالة
فيصل وقف قدام وجه طلال وجوانا وراه
فيصل : وش تبغى منها يا طلال ؟
طلال : فيصل وخر .. خليني اربيها يا فيصل
مو ناقصين فضيحة ثانية احنا .... لا تضيع اخواتك وانقلع من قدام وجهي خليني اربيها
جاء ابو طلال على كلام طلال الاخير
ابو طلال بحدة : ليه مو عاجبتك تربيتك ؟
التفت طلال وهو معصب لأبوه : يبة ... عاجبتني لكن شوووف اخرة الدلع
بناتك بدأو يصيعون وصارت الدخلة والخرجة بدون رقيب
جاه كف محترررررررررررررم لأول مرة بحياتهم يشوفون طلال ينطق
طلال بهدووووء اعصاب : طقيتني يبة ؟
ابو طلال : تدري انك وقح ؟؟ وانا اللي ما ربيتك زين
ما علمتك تحترم وتقدر اللي اكبر منك ... ماعلمتك تحترم امك وابوووك يا حساااافة تربيتي فيك يا ولد امك
طلال : يبة شوووووف اقرأ قبل لا تتهم عالفاااااااضي
رمى الرسالة لأبوه
فتحها ابو طلال وبدأ يقرأ بصوت عالي
جوانا .. حبيبة قلبي
انتي لي ومافي احد بهالدنيا قادر انه ياخذك مني لا راكان ولا غيره >>> هنا جوانا فتحت عيونها عالاخر ماتدري وش السالفة
انتي لي فااااهمة ... تحبيني ما تحبيني هذا الكلام يقوله لسانك بس اما قلبك يقول شي ثاني .. وهو انه يعشقني
لا تنسين ايامنا يا قلبي ,, على فكرة ليلتنا قبل 4 ايام كانت احلى ليلة بحياتي >> جوانا فتحت عيونها وشو ؟؟ ابن الكلب مراقبني
حبيبك ريان الرائد ,, فديتك بس
سكت ابو طلال وساد الصمت المكان
رفع عيونه لجوانا اللي صار ودها تقتل ريان اكثر من اول
ابو طلال وهو ماسك اعصابه : عندك تفسير ؟
جوانا وقفت ومسكت بايد فيصل : وربي يبة ... وقسم بالله اني ماسويت شي واني ما ادانيه هالكللللب ابن الرائد
وربي يبة اني ما كنت اسوي شي غلط
ابو طلال : طيب .. اذا افترضنا كلامك صح يا جوانا ... اعطيني اثبات عالاقل قولي لي وين كنتي
جوانا : ما اقدر انا حالفة ما اعلّم احد على هالمكان ,, انا حلفت يبة
ابو طلال وده يصدق وما وده يصدق يا ربي وش اسوي
طلال : يااااااااااااااااا سلام كذا انتهت القصة يبة ؟؟ ما شاء الله
ابو طلال : طلال اسكت ولا كلمة مدامني موجود مالك دخل
رن جوال جوانا ... طلعته تشوف مين
ياربي موووو وقتك انت ,, وش تبي ... هذا راكان شسوي
طلال : ردي
جوانا : ادررري ... الو ؟
راكان : الو شخبارك جوانا ؟
جوانا : تمام بس مشغولة يا تولين
راكان : تولين ؟
جوانا : بكلمك بعدين
راكان : اها ... فهمتك ,, اوكي
وقفلت الخط
طلال قرب منها : اعطيني الجوال
جوانا : ليه ؟
طلال : وريني اشووف
اعطته الجوال
اتصل على آخر رقم وفتح السبيكر
راكان : الو ؟؟؟ وش فيك قبل شوي جوانا ؟
كلهم انصدموووا وفيصل شال ايده منها
طلال : مين انت ؟
راكان انصدم بالصوت الرجولي
راكان : مين طلال ؟
طلال : تعرفني بعد ؟؟
راكان : ايه اكيد اعرفك ... انا راكان الصقر
طلال : عسى ما شر ؟ وش عندك مع اختي يا محترم ؟
راكان : لا تتسرع بحكمك على اختك .. تراك فاهم القصة غلط
طلال : طيب فهمني ؟
راكان : انا واختك واختي تولين جالسين نخطط لمشروع خيري للأرامل والايتام

سكت طلال وكأنه هدى شوي
طلال: وليه مو اختك اللي تكلم اختي ؟
راكان : دايم هي تكلمها ... لكن اليوم لو ما انها مشغولة والا كلمتها
طلال طالع بجوانا اللي كانت بتمووت من الخوف لو ما تصريفة راكان الذكية
جوانا : استاذ راكان ... ريان ازعجني مرة ثانية وارسل لي رسالة يقول ان ليلتنا قبل اربعة ايام كانت احلى ليلة بحياته الحقيييييير
راكان عارف ان جوانا كانت عند امها بالليل مرة متأخر لكن ريان محبوس عندهم طيب ؟؟!!! اكيد ناااصر او ماهر
راكان : ايه ما عليك .. انا بتصرف معاه ,, اختك كانت عند اختي تولين ينسقون الشغل
اما عن الكلب هذاك شغله عندي .... انا اوريك فيه ,, سبق وحذرته من هالحركات لكن الذوق مع هالاشكال ما ينغع
طلال يثق براكان وانه محترم سمعته الكويسة معروفة ... غير عن اخلاقه بالتعامل مع الناس