اه مــن هــمٍ يـجــي بـالـلـيــل ضـــاوي
كـل لـيــل ونـقــص حـالــي فــي زيــاده
عـزتــي لـلــي عـجــز فـيــه الـمــداوي
مـايــعــرف ادواه دكــتــور الــعــيــاده
كــل قــاري مـانـفــع مــع كــل كـــاوي
مـاذكـر لــي رحــت صـوبــه فــي بــلاده
والـنـتـيـجـه صــار وســط الـقـلــب لاوي
تـرقــد الـعـالــم وانــا امــل الــوســاده
وانـشـراح الـصــدر عــن صــدري جــلاوي
والـطـبـيـعــه فـارقـتـنــي والـســعــاده
والـونــاســه غـايــبــه والـفــكــر داوي
واحـمــد الله كــل طــقــه لـــي افـــاده
واحــمــد الله فـــي رخـــا ولا بــــلاوي
مــؤمـــنٍ بالله ولـــلـــه الــعــبـــاده
لابـسٍ لـبــس الـغـنــي بـشــتٍ حـســاوي
ويـضـحـك حـجـاجـي وانـا وسـط الـنـكــاده
كــم حـرقــت الـعــود الازرق والـقـهــاوي
والـسـمـيـنـه ذبـحـهــا بـيـمـنــاي عــاده
وبـصـدقـاء الـلـي خـاب ضـنـي والـهـقـاوي
نـارهــم وقــت الـشــدايــد كـالــرمــاده
حـاجـتــي سـلامــهــم وانـــا غــنــاوي
مـن نـسـانــي بـتـركــه واشــري بـعــاده
مـاصـفـالــي بـالـمـيــه واحــد رهـــاوي
يـذكــر الـلــي بـالـوفــاء يـقــدح زنــاده
والله انــي مــن قــبــل تــايــه وغـــاوي
تــو مــا بــان الـبـيــاض مــن الـســواده
والـشـدايــد عـلـمـتـنــي مـــن اخـــاوي
وعـرفـتـنــي طـيــبٍ يـصـهــل جـــواده
والـتــجــارب عـرفـتــنــي بـالــنــداوي
واعـتـبـرهــا فـايــده واكــبــر شــهــاده
وكــان عـمــري طــال بـــأذن الله نـــاوي
نـيــة الـلــي نــاويٍ يـلــحــق مـــراده
بـــأذن ربٍ انـــزل كــتــابٍ ســمـــاوي
لاومــــر رب الــمـــلا بـــيـــده الاراده
والـشـفـاء بـيـده وفــي عـطـفــه رجــاوي
وامــرٍ عـيـســى يـتـكـلــم فــي مـهــاده
ومـاكـتـب لـلـعـبـد جـاء صـوبـه نـحــاوي
ورزق غـيـره صـعـب لـو يـحـضـر حـصـاده

</b></i>

• ترانيم جروح العمر((تاريخ جرح))
• غياب وشوق (عود الليل وجروح العمر)