منتديات قصايد ليل - عرض مشاركة واحدة

06-11-2011

وهذا الفصل (21) وكله عن أحداث ليلة زواج بندر و صوفيا حبيت اركز على كل شيء بهالليلة وصف الشخصيات ، الأعماق النفسية .....

تمنيت أكمل لكم موقف حجرف و تغيرات كثير جديدة بس ما اسعفني الوقت ....
لي عــودة قريباً ولكن لإنني وعدت الليلة نزلت أحداث زواج بندر و صوفيا وسويعات الرحيل قبل فراقهما +_+

()(()( قبـــل أن نتـــأمل فـي السمـاء هنــاكـ فـرصـة للتأمــل فــي الأرض )()(()

_
_
_
مدخــــل :

اطلق العنـــان يا قلبـــــي

فاليـــومـ مــوعــد الألـــم ...

ترى سيـــــــلاً من الـــدمــوع .. و بركاناً من الدمـــــاء

فنمتنع حتـــى عن البكــــــــاء ...

قلوبنـــــا باتت قاسيــــة ... دموعنــا اصبحــت نــادرة !

مشــاعرنا ..أحاسيسنـــا .....

لا مكـــــــــان لهــا في أجســــــــــــادنـــا

نــرى دنيــــا مظلمــــــــــة !!

والشمـــــس فوق رؤوسنا ...

ننهــــــار من أدنــى عـاصفــــة ...

و نخــاف من ظلالنـــــــا ....رضينـــــا لأنفسنــــا المــوت

لإننــــــا فــي زمــــــن الصـــمـــــت و القهــــر ....
-
-

فتحت عيناها بتباطؤ فظيع ...فالألم ارق هدبها .. والدمع أحرق وجنتيها ..

اطلقت تنهيــــده عميقة وهي تتذكر حالتها البائسة البارحة وقبلها وقبل وقبل !!

تذكرت تلك الليلة الحزينة ....تنهدت بعمق ...كل الليالي باتت متشابهة لديَ !!

اعتلتها زفـــرات قاسية ألهبت جروحهــا النازفة ... فاجتاحتها موجة عارمة من الدموع وهي تتذكره ..اسيرة لذكرياته العذبة وحتى القاسية ...!!

تسيــر بخطى متفقة فيما بينها على الإضطراب ...إلى أن وصلت لذاك المكــان !

مدت يدها بإرتجاف ...سحبت ألبوم الصـــور ..... سقطت عيناها على ذاك الناكر الذي تنكر لها

ورماها في زنـــزانة الأحــزان ...( أنت سبب حزني يابندر كل الحزن ماعرفته إلا منك ومن بعدكـ)

من غير شعور ماحست بحالها إلا وهي تمزق الصـــور بحركات تنم عن قهــرها و اضطراب مشاعرها الجريحــة ...!

ناظرت آخر صورة كانت تحبها كثير ....

( ليش الناس تبكي لجروحها وأنا جروحي بكت لي يا بندر ليش ..؟ ليش الناس تسامح و تنسى وأنت ما تسامح ولا تنسى ...؟ ليش الناس كل الناس تتجاوز عن اخطاء بعض إلا خطئي أنا محد تجاوز عنه ليش وبظل طول عمري ادفع ثمن غلطتي اللي امي هي السبب فيها ..؟)

و مازالت تخاطب صورة ذاك الشـــامخ بنظراته الجذابة في الصـــورة ..!!

تقوقعت في غرفتها دائماً ولا تخرج منها ....حتى مكالمات ابوها اصبحت ميب فارقة معها .... الدنيا صارت عادي ماعاد يهمها أي شيء بإستثناء رجعة ابوها و اخوها فقطـ ....

<؛> حتـــــــى إشعــــــار آخـــــــر <؛>

هكـــذا هي حيـــــاتها ....كل ما تتأمل تستدركـ حتى عوـودة من ينتشلني من قوقعة بندر ...

من يا ترى ....؟؟؟
-
-

()( من الجـــــــــانب الآخــــــــر )()

بنـــدر و صوفيـــأ

" حياة روتينية طلعات و سهرات ولكن المشاعر خرساء ونظرات بندر القاتلة تسبب لها توتر نوعا ما ..."

في الأوتيل

بندر مستلقي على الأريكة يفكر < الواحد مايعرف وين الخيرة فيه بس عاد صوفيا النذلة الخسيسة وربي لو هي غيرها كان بحاول اتقبلها واسعدها لو اني ماعاد بحب من بعد الجمال زينة ..! بس مدري شفيني مانيب قادر انساها ! في بالي وربي كل وقت ...اناظر صوفيا اتخيل لو كانت زينة يالله وش كبر حجم فرحتي بتكون ..؟ بس مدري عن فرحتها ...!! معقولة زينة تركتني خلاص كرهتني ..هي قالت لي ما ابيك الله يصبرني عليها دلوعة امها زينة للحين بس القلب تعلق فيها وبقوة الشكوى لله و صوفيا ينقالها تتحدى بس أنا لكـ >

قاطعته صوفيا اللي تانقت جداً : وش تفكر فيه حبيبي ...؟

بندر من دون ما يناظرها ( حبيبي ماهضمتها منها خير شر من كثر ما تغرد فيها له صارت عادية على لسانها الظاهر ) : ولا شيء انتظرك تخلصين

صوفيا جلست قباله بدلع : وش فيكـ متملل طيب ..؟ فيه معرس يتملل وهو بشهر العسل ..؟

بندر ابتسم بسخرية من لبسها : اول شيء ما يشرفني وحدة تمشي معي من محارمي لابسة كذا روحي بدلي وتعالي احكي .....؟؟

صوفيا ( والله وبدأ اللعب يا بندر) : أنا حره ومحد يقدر يقول لي شيء...

بندر : هههههههههههههههه من ناحية حرة أنت فعلاً حرة ( عطاها نظرة اخرستها و ذكرتها بسبب حقدها عليه )

صوفيا : انا اشوف لو ناجل لعبة توم وجيري لحد مانرجع الرياض وبلاش التملل عارف ليش ... لإن ودي استمتع بالجو العليل هنا .....

بندر : ميب اول مره تجين هنا حتى المواقع تدلين اكثر مني ماشاءالله وبعدين انتِ تعرفين ان ذالسفر جا من تحت تخطيط الوالد صح ..؟ يعني والله عندي تحقيقات حرام سلطان لوحده يتحملها ...

صوفيا قربت له و ابتسمت بتقهره : بندوري حتى وانا هنا بتحاكيني عن شغلكـ !!

بندر ( مازال يناظرها ويتخيل لو كانت زينة عشان كذا تأملها وبعدين استدركـ إلا إنتِ تهبين تقربين والله) : يالله نطلع عشان نرجع بدري

صوفيا : ليش وش ورانا حياتي ؟

بندر من دون ما يناظرها ( تذكر هي اللي جرحت قلب زينة يوم كانت واقفه تحاكيه بزواج اميرة و هشام وود وسعود وهي اللي جته فـي .......) : بكرة بنرجع

صوفيا بإمتعاض : عفوا ماسمعت

بندر بحزم يناظرها : نظفي اذنك اجل

صوفيا : انا صوفيا بنت عبدالله شهر العسل تبعي 8 ايام بس والتاسع برجع

بندر بنظرات جدية : مشكلتك والله كانك رازة عمرك عشان اسمك مبسوطة فيه لهالدرجة ( ناظرها بإحتقار) انتِ احمدي ربك اللي رحتِ شهر عسل

صوفيا كتفت يدينها : و بأمر مين هذا ... بابا وعمو قالوا لي راح نجلس شهر عارف كم شهر 10 ايام و 10 ايام و 10 ايام ..

بندر ابتسم ( هالبنت من جد ماتستحي يعني على سوء فعايلها جايتني انا بعد تتحداني ياليتها ميب بنت عمي بس ) : شوفي أحكام قراقووش هذي ماعاد تهمني خلاص ههههه

صوفيا : ياسلام اللي اعرفه انك تحب السفر

بندر بلؤم ناظرها : كنت لاحظي اني كنت

صوفيا عصبت : احلف بس وليش كنت وإلا لين اول مع المغرورة المعقدة زينة

( هالأسم ذكرني فيها بعد ما نسيتها لدقايق )

بندر ناظرها يحس دمه بيفور بس تدارك : اولا صوتك لا يرتفع انا منب بحب البنت اللي ما تستحي ( عطاها نظرة شافتها منه هي بس وين .......؟؟؟ ومن بعد ذاك اللقاء وهي تحبه وتعشقه ) ثانيا اسمها لا يجي على لسانكـ فاهمه !

صوفيا رفعت صوتها تعاند : نعم نعم ...عفوا ماسمعت بندوري ممكن تعيد !!

بندر لفها لفه وقربها وناظرها بنظرات تهديد : اعتقد كلامي واضح منب بحب اعيد الحكي فاهمة ! واحب احطك بالصورة اذا ماتعرفين بندر انشدي عنه

صوفيا بمسخره : انشد ( تقولها بمسخرة لانها ماتطيق ذالكلمة ) زينة بعد او ...

( بندر تدارك نفسه وإلا كان شوي ويطقها بس اخذ درس بعد اللي صار له قبل ) عصب بقوة : والله عاد مالك شغل تاكلين هواء و تسكتين بس أنتِ تذكري بس اني اخذتك مجبور ليس إلا فاهمه !!!

صوفيا تبتسم : كسرت خاطري يحوول تحبها وهي سوت فيكم كل اللي سوته نزلت راس أمك بالأرض ......

بندر بعصبية فظيعة صفقها كـــــــــف قوي ( اخذته من بندر قبل بس ويــــن ..؟ )

و صرخت
-
-

بندر بنظرة إزدراء : تهبين والله بس ذا اللي متوقع من وحدة مثلكـ يعني ماخاب ظني فيكـ وانتِ عارفة وش اقصد ..!

صوفيا ماسكه يدها و تزعق : لا يكون على بالك اني النفسية زينة تطقني متى مابغيت ادري إن حياتكم كلها طق وطقاق !

بندر (والله ما ناقصني غير صوفيا تحكي كذا عن حياتي أنا وملاكي ) شدها مع شعرها : لا ابوك ولا ابو من رضى يستر عليك ...تدرين وش المفروض يوم شفتك معه انطلك بالسجن وتصير فضيحتك بجلاجل بس ما سترت إلا من باب فأذا بليتم فاستتروا .....

صوفيا تضحك قامت عنده : وأنا ما حطيتك براسي إلا عشان اثبت لك أن هاللي تلفظت عليها وقلت عنها مو متربية وامها داجة عنها صارت زوجتك لا وبالغصب عنك بعد....

بندر جته نوبة صداع ( حسبي الله عليك حسبي الله عليك يا صوفيا ) ناظرها بنظرة جارحة هزت لها كيانها كله و توترت نوعاَ ما لإنها تحبه مثل ما تقول لصحباتها !!

بنــــدر قرب لها رفع راسها بقوة فظيعة : انا منيب من اصحابكـ اللي يدورون رضاكـ فاهمه ويركضون وراء ظلكـ أنا يشرفني ( ضغط على وجهها بقوة ) يشرفني اني اكون مجبور عليك لإنك دون مستواي اصلاً ..

تركها بقوة و سحب نفسه طلع برى الأوتيل و القهر يغلي وريده .......

صوفيا تجمدت في مكانها و خافت من نظرا ته وقررت تتحداه ( وأنا ما اخذتك يا بندر إلا عشان اذلكـ و اصير زوجتكـ من ورا خشمك أنا صوفيا اللي تلفظت عليها و شتمتها وطقيتها و قلت مين بيضفك و يتزوجك وانت مسويه كذا !! هههه انت براسك اخذتني ومو برضاكـ بعد وذا اهم شيء بس يلعن شكله شكلي حبيته ادوخ من نظراته )
-
-
-
-
(( لــم يعــد هنــاكـ علامـــات فــارقـة ..كل الأقنعــــة متشابهــــــة ))

طبعــــــــاً ظهــرت لكم حقيقة تعمدت أن اخفيها إلى أن تصل إلى هذا الموقف

< في يوم العيد تتذكرون يوم الهنوف وداليا طرطعوا في الإستراحة من داخل ^_^ ..... ذكرنا ان صوفيا

غادرت للمنزل في المساء للقاء صديقاتها ومعايدتهم ....

كان بنـــدر مستلم يوم العيد

يجلس خلف مكتبه الفخم في مقر العمـــل ....

سلطان دخل يصفر << اقرب صديق لبندر : يالله أنا طالع بدأ دوامكـ استلم..؟

بندر بألم : وش ورانا انا لو بيسلموني كل الأيام عادي ميب فارقه معي

سلطان : قوية يارجال تراك متزوج خخخخخخخ احمد ربك غيرك يتمنى

بندر : ياشيخ وش لك بالزواج غرابيل و قرف هم وغم والله

سلطان : ههههههههه وش قصتك يارجال من يصدق بندر يقول كذا كنت مصدع براسي قبل اعرس و اعرس

بندر : ياشيخ طفة هي سنه سنتين ( تنهد وهي يتذكر زينة اللي بالبيت جالسة ) وبعدين

سلطان : منتب صاحي من يوم ماشفتك ذاك الليلة فالها بالإستراحه هههه ونمت هناك عرفت انك بديت ترجع للدشرة قبل العرس

بندر يبتسم وهو ماسك القلم : ههههه تعرف مايهون علي ان سلطان و سعود افرند فرندز لي ولا اشاركهم

سلطان : اقول يا فرند هههههه استلم فيه عندك شغل

بندر : أي والله التحقيقات شغاله اليوم مع انا بعيد الله يحمينا بس

سلطان : البلاوي ما تكثر إلا بالعيد اليوم بس تخيل اللي جابوا لنا الهيئة قبضوا على 6 عيال مع خوياتهم

بندر : الله ينهض عنهم ولا يبلانا ياخي وين اهالي هالبنات عنهم .....

سلطان : الله المستعان يالله مااعطلك نشوفك مر علينا بالإستراحة

بندر : اذا خلصت بإذن الله << مكنسل جد ابو زينة لانه مايطيق يشوفها كسيرة ..

شويات ودخلوا رجال الحسبة ومعهم بنت ملسونة تتلفظ عليهم ومعها شاب يهاوش بس قمط اول ما شاف بندر

بندر رفع راسه وشاف : بس أنت واياها قلة حياء ومسخرة احترموا اللي اكبر منكم ...

..........شهقت : بندر

بندر استنكر انها عرفته ( ياليل لا تصير اللي جتني بالمستشفى وسببت لي زحمة مع زينة وشذالدشير بس حياتي ميب ناقصه وش دعوة زينة بتسألك حتى كيفك ماعاد تنسمع منها وحشني همسها )

رجل الحسبة : شف ياحضرة المحقق هالبنت لقيناها فاله السبحة مع هالولد في إستراحة ولاهوب اخوها ولا من محارمها حتى ...؟

بندر : سم طال عمرك تفضل حياك وانا اتابع الشغل الله يجزاك خير ...

طلع رجل الحسبة و بندر يقرأ الأوراق ....

بندر بوقاره : وش اسمك ...؟؟

.....قامطة وخايفة بقوة ...

بندر تنهد : اعتقد اني احكي وش اسمك ...؟

..........قامطة العافية وبكت ....

بندر : يالله شوفي اختي ياما تحكين ياما ناخذ رقم ابوك او اخوانك يجون يستلمونكـ وانت ساعة لاطعتنا ترى الخدمة ميب بس لك فيه 5 بنات عليهم الدور الله يرحمنا برحمته بس ....

الشاب اللي معها : ياخوي حنا شباب وفاهمين عدها لنا عشان هالقمر بس والله اهلها اشهر من نار على علم عيب ..

قاطعه بندر : تعلمني شغلي يعني وبعدين دام ان اهلها اشهر من نار على علم على قولتك ليش ما احترمت ثقتهم ولا سووت المسخره ذي وللمعلومية ترى هذي 5 او 6 مره نشوفك مع بنت مابعد طلع لك عقل ...

بعد التحقيقات ..

انكشفت الأسماء

بندر يوم عرفها ....مجرد اسم الفاملي نيم اخرسه انصعق ويوم اعاد وتأكد يحلق عيونه فيها بقوة .......

الشاب تبرأ من كل شيء طبعا وهو من أهل جده واسمه ايمن بس يشتغل بالرياض << خسيس و نذل بس تستاهل هي بعد

طلع الشاب وله عودة لإكمال التحقيق..وبقي بندر متجمد دمه يفور بقوة

قرب لها ووقفها بقوه : لا ابوك ولا ابو ام جابتك يالحيوانة ...

صوفيا بخوف : لا ترفع صوتك خلاااااص

بندر عطاها نظرة اللي شافتها منه وتذكرتها : لك عين يالداشرة بعد لك عين

مسك راسه : الله يسود وجهك الله يسود وجهك الله يلعن عدوك يالحيوانة ...

شدها مع شعرها : تشوهين سمعتنا ليش اخذ الله ذالوجه ....

صوفيا بتضجر : تعالج الغلط بغلط مايصير ...

بندر فقد اعصابه و صفقها كف قوووووي

بندر : مع اني منب بطق حريم بس انت من عرضي وعرض عمي وعياله لكذا غصب عليك تبلعين العافية و لا تردين فاهمه

صوفيا ساكته

بندر : مين بيتزوجكـ وانت طالعة مع واحد داشر سكير الله يسود وجهك معه ماتعرفين مين ذا ...هذا ليليا يجي ومعه بنت يعني ينطلها ويروح

صوفيا تناظره : بمخباتي ذا

بندر مسكها وشدها وارتبكت بقوة : ماسك عليك شيء ...

صوفيا ساكته

صرخ بندر : تكلمي

صوفيا لفت عليه وانصدمت فيه ( حست بمشاعر غريبة من نظراته القاسية الشرسة ) :
لا منيب سخيفة لهالدرجة

بندر : بسكت واطبطب الموضوع لشي واحد انك بنت عمي

صوفيا بقلق : بليز لا تقول لاحد الله يوفقكـ

بندر ناظرها : الله يستر علينا وعليك ( منغبن وبقوة ماتوقع هالشيء يصير له ابد )

بندر : يالله بسرعه بقلعك البيت والله يسود وجهك قولي امين

صوفيا حست إنها ذليله مهانه صفقها كف و هزاءها بقوه تحس ماعاد تصبر نزلت دموعها

بندر : أي تبكين الحين ليش مافكرتِ بابوك لو يدري بس الشرهه على امك

ناظرته صوفيا بقهر فظيع

بندر حط يده عند خشمه : اوووص ولا كلمة لا الفعك كف ثاني بعدين استحي على دمك وغطي وجهكـ ترى حرام وعيب .....الله يسود وجهك بإستراحته بعد ذالفه معه ....
استجوبها بندر بس ستر عليها لانها بنت عمه من عرضه عشان كذا طبطب الموضوع وهو يطلب الستر لكل بنات المسلمين .......

بندر : الشرهه ميب إلا على الدلخ اللي بيرضى يتزوجك مين ذالمغفل بس ...!!

وهذا هو الموقف اللي استثار غضب صوفيا و خلاها تحقد على بندر مع انه تحبه موت بس تسوي قويه قدامه وبندر من إحترامه للوعد اللي عطاها لانها باست رجله عشان مايقول لاحد ولا يوضح أي إمتعاض رحمها بندر ونفذ هالطلب .......>
-
-
بنــــدر جلس في اللوبي وهو يحس روحه بتطلع من القهر و الغبينه ( الله يسامحك يبه بس ذا اللي اقول )

تذكر زينة و نزلت دمعة رقيقة مسحها بأنامله ( أه يا قلبي لا استطيع العيش بكـ .. فكم عذبتني .. وعذب قلوب احبتي ..؟ )
-
-

مدخل :

حضـــــور ...

<<>><< من الصعب أن تتبع قلبكـ على الدوام ...

و الاصعب من ذلكـ أن تعيـــش حيـاتكـ في الظلام .... و أن تحقق ذاتكـ في الأحـــــــلامـ <<<>>

حجرف في غرفتـــــه يستلقي على الأريكة واللاب توب بحضنه ...كان مشغل اغنية فيروز

قديش كان في ناس عالمفرق تنطر ناس و تشتي الدنيي
و يحملو شمسية
و أنا بأيام الصحو ما حدا نطرني
صار لي شي مية سنة مشلوحه بهالدكان ضجرت
مني الحيطان و مستحيه تقول
و أنا عيني عالحلى و الحلى عالطرقات غنيلو غنيات
و هو بحالو مشغول
نطرت مواعيد الأرض و ما حدا نطرني
صار لي شي مية سنة عم ألف عناوين مش
معروفة لمين و وديلن أخبار
بكرا لا بد السما ما تشتيلي عالباب شمسيات
و أحباب يخدوني بشي نهار
و اللي ذكر كل الناس بالأخر ذكرني

قطع عليه الجو امه اللي تهاوشه لأنه يحط اللاب على رجوله ^_^ تقول مضر مايصير ..

حجرف سولف مع امه و ابعد عنها الأفكار العجازية هههه على قولته

طلعت امه ....

حجرف بما انه غاص في عالم النت ....اصبح تحت إدارته عدة مواقع بكاملها ...

من الفضاوة احياناً يخش الشاتنق ...

دخل بنكـ " ضب مشخص بكرفته " << -- الله من الهبال براسه خخ

حجرف من النوع اللي يخش الشات يتمسخر و يتريق فقط ليس إلا ...

صارت له شعبية جارفة في ذالشات .... الكل يعرفه ويعيدون على مسخرته و رجته وهباله ...

نواف يخش احيانا إذا فضى وصار مروق مع إنه مايحب الشات خير شر ...

حجرف طبعا مغازلجي درجة أولى ^_^ يعني من بعد خويته اللي خانته دلال صار الكل متساوي معه ولا عاد فيه وفاء لأي بنت ...هو مرفع عمره عن هيك حركات بس البنات اللي يتلزقون فيه يعطيهم فيس وبقوه .. والحب مشروع مؤجل لما بعد الزواج والإستقرار !! هكذا نظريته ....

بما أن الجميع في التشات صار يقدره و يكن له معزة خاصه ..فصار يعطيهم وقت ويدخل هالشات من فترة للثانية وكوَن قروب فله من شباب وصبايا بس كل اللي بينهم أخوة و إحترام ليس إلا ..!!

المهم

ذاكـ اليـــوم خش اخوكم " ضب مشخص بكرفته " بذالشات ... وراح روم اسمها روم الشعر ...

ويلاقي مجموعة مكونة من شباب و صبايا في هالروم .....

(ريــــانة )

( حنيــــــــن )

( سعـــــــــود )

( دعــــــاني الشــــــوق )

و مجموعة كثيرة

بدأ يتريق و يمزح والكل استهضم وجوده خصوصا دعاني الشوق
اللي تعرف عليه وصار من اصحابه بالنت ....
و تطورت علاقتهم حتى كلموا بعض ... وطلب دعاني الشوق من ضب مشخص بكرفته أنه يزورهم بالشرقية و وعده حجرف عن قريب بيزوره بس ليت يفضى ..!!

وبالفعل هاهو حجرف قد بدأ بالإستعداد التام للذهاب للخبر ......عشان يشوف اصحابه اللي ألحوا عليه إلا ويشوفونه ...؟ ياترى وش ممكن يصير له هنـاكـ ...؟ وكيف .... ؟؟؟
-
-

"(()( شخبار قلبكـ عسى ما فارق افـــراحه...

ادري جرحتكـ و شلت بخاطركـ مني

خســران بعدكـ و قلبي ضاعت ارباحه...

غلطان أدري وأبي منك تســـامحنــي )()()]عــلى الاريكة تقيــــم بحــــزنهـــا و كبت المشـــاعر

بكاء طفلهــــــــا يثير مشاعرها الهوجـــاء ....

تمد يدهــا بكل حنان الأمـــومــة و تضم " حمودي" لقلبهـــا !!

في وسط وحدتهـــا و تغيــــــر حال زوجهـــا الذي كان يعشقها بجنون

ترى ..هل من ذنب جنيته ...؟ كل ما في الأمر انني انجبت طفل ...!

إذن لمَ التغير في المشاعر ... الغياب المتكرر عن المنزل ...السفر برفقة الأصحاب للخارج ولمرات عــدة ..

والطامة الكبرى .....

أن مشاعر الغيرة والشكـ قد بدأت تفترس قلبها ......

لإنها سمعته أكثر من مره يهمس في الجـــوال ....

بإختصــــــار هذه حياة وردة و بـــدر

ربما قد يتفاجأ الجميــــــع بهذا الشيء .... ولكن هكذا اصبحت حياتهم ...

من المسؤول ياترى ...!!

خجل وردة المبالغ فيه ام جراءة بدر لا ادري حقاً ....( مشكلة تحتاج للنقاش )