علياء : شبسوي يعني ... الكاميره بخلي ابوي يجوفه .. وبخليه ايوديها ديرتها
روعة " تفرح " : ايييييييييي اخييييييرا بتذلف عنا
علياء : وذيك الحزة بنسوي لينا حفلة ما صارت ولا استوت
روعة " تكمل " : وراح انقول انتصرنا والناصر الله ... " وتصفق "
علياء : المهم يالله اروح اكمل مهمتي وانتي كملي نومتج
روعة : اي نوم ... مافي نوم .. ابي اجوف اشلون تنطرد الجالية الغربية
علياء : لا ماراح تنطرد إلا لمن اتغسل اثيابي ... واتحط عليهم كوم فورت .. ايصير ريحة مال الحدائق الأستوائية
روعة : هههههههههههه يالله روحي
وتذهب علياء بفرحة انتصار على الخدامة .. . لأم محمد
علياء : هاج يمه ... جوفي من الجاني على نفسه
ام محمد : انجووف .... " وتنظر ام محمد إلى الكاميره ... وتندهش " : بل ... الخدامة جدي اتسوي
علياء : ايي ... وانتي شعلبالج ايجي من الخدم غير المشاكل والمصايب .. وجرائم القتل
ام محمد : سكتي سكتي .. اوووش لا تسمعج ... بعدين تقتلج بعد
علياء : اتخسي الا اهي تلمس شعره مني .. ان ما سدحتها في الأرض ودفنتها في ها البيت
ام محمد : بل طلعتي انتي اجرم منها ... ينخاف منج
علياء : اييي ... واذا ما سويتين ليي الا ابيه ... برتكب فيج جريمه
" وتمثل علياء كأنها تمسك رقبة ام محمد ... وتشنقها "
ام محمد : ههههههه .. اهو خلي رقبتي ... شتبيني اسوي يا حضرة الرئيسة علياء
علياء " بفخر " : احم احم ....ابيج الكاميره تعطينها ابوي ايجوفها .. وايخلي الخدامة هاذي جبنة الكيري اتروح بيتهم ودولتها
ام محمد : إن شاء الله ... اعطيني الكاميره ... " وتاخذها من عندها ... وتخرج علياء من الغرفة .............
وصار وقت الغذة وجا ابو محمد واجتمعت العائلة على طاولة الطعام .. والكل ياكل ... واهو ساكت ... الا الفوضة الي بين ام محمد ومحمود علشان تأكله ... ومحمود ما يبي ...
وبعد الغذة ... علياء قالت الحين الوقت المناسب .. ام محمد ما رضت .. اخذت علياء الكاميره وركبتها على التلفزيون علشان الجميع ايطالع .. وقامت علياء تتكلم
علياء : اليوم الصبح رحت افتح كبت اثيابي لقيتهم رطبين وريحتهم خايسة ... ناديت امي . قالت ريحة الدهن مال الطباخ .. بعدين انه قلت لازم اعرف من الي سوو جذي في ثيابي ... فما كان غير اني خليت الكاميره .. وطلع الي مسوي اهو " وتشغل الكاميره .... والكل يجوف ... واهو مندهش وخايف ...
ابو محمد "يرفع حواجبه بدهشه " : هاي الخدامة
علياء : اي يبه هاي الخدامة ... وانه برااي ان اذا خليناها .. راح اتزيد افعالها .. اليوم دوري ... باجر دور روعة .. وجذي لين ما كل واحد تنتقم عليه بطريقتها ... فأقول لازم انت اتسفرها واترجعها ديرتها .. قبل ما يصير فينا شي ..
ابو محمد : اي عدل كلامج .. بس
علياء : لا بس ولا شي .. الخدامة احنا من زمان ما كنا نبيها .. بس خليناها علشان كنا في ايام مدارس ونحتاج إليها ... والحين اسئل الكل فما راح تسمع غير ان احنا ما نبيها " وتغمز علياء لروعة ... وروعة تبتسم "
ابو محمد : من يبي الخدامة منكم تظل
الجميع بصوت واحد : محد
ابو محمد : انزين علياء روحي نادي الخدامة
علياء : اوكي
وتذهب علياء اتناديها .. وتتقدم علياء على الخدامة .. بينما ما تدري علياء ان الخدامة سمعت كل الكلام .. ودرت ان علياء كشفتها .. فكانت حامله سجين في ايده من وره .... دخلت علياء الحجرة ووقفت .. والخدامة بعد وقفت
الخدامة : نعم بابا
ابو محمد : خلاص ... احنا ما نبيج الحين .. اتروحين اجيبين اثيابج واتخليهم في شنطة وعلى اقرب طيارة راح ترجعين بلدتج
الخدامة " تبتسم ابتسامة ساخرة " : ما عليه بابا .. بس عقب ما اقتل علياء
" وتخرج الخدامة السجين وتهجم مثل الوحش على علياء ... بينما الجميع اتجمد ولا عرفوا شنو ايسون ... اما علياء فكانت تبتسم والضحكة في ويها
وما ان قدمت الخدامة السجين صوبها .. الا علياء بكل بطولة تضرب يد الخدامة ... وتطيح السجين من يدها ... وتضربها في بطنها بريولها ... وتعطيها بوكس ... وتسدحها في الأرض وتقعد فوقها .. وتقرب السجين من رقبتها وتقول بصوت عالي : تبين تذبحيني يالنذلة ... انه الحين بدبحج ... وتوها بتقتلها
يأتي صوت ابو محمد : علياء لا ... لا علياء ... بس
علياء تنصت لصوت ابوها .. واتقوم من على الخدامة الي كانت ترجف من الخوف . والسجين في يدها ...
علياء : يبه لازم الحين تطلعها من البيت بدون ثياب ولا شي ... ترجع بهدومها الي عليها
ابو محمد : يالله قومي ... سود الله ويهج من خدامة
ويمسكها ابو محمد ويخرجهامن البيت .... اما الكل للحين مو مصدق الي صار قدامه
فاطمة : علياء ... شلون سويتين جدي
علياء " بأبتسامة ساخرة " : كل الي بيتعدى حدوده وبيحاول ايضرني ... ما بيحصل إلا جدي .. واكثر بعد
بشار : علياء علميني ها الحركات الي سويتينها علشان اغلب الربع
علياء : ما عليه ... هاي الا حركات تيكوندوا ... خلى ناصر ايعلمك
بشار : لا نويصر ما يرضى ...
علياء : خلاص خلاص بعلمك
ام محمد " ضايعة في الطوشه " : شتعلمك واتعلمها ... علياء انتي بنية .. لا تسوين ها الحركات واايد ... ما يناسبج
روعة : هههههههههههه ... مو مهم الحين ..... الحين الحفلة اتصير ... اخيرا ودعناج يا الجالية
علياء مع روعة يقومون وبنفس الحركة ايدورون ... وبصوت واحد : انتصرنا والناصر الله .. ايوه ... وانتصرنا والناصر الله " وتقّوم علياء بشار ... وروعة فاطمة .. ويسوون معاهم
اما ام محمد فكانت تتضحك على عيالها .. وعلى التناقم مع بعض .. وكل واحد ايحب الثاني .. بس كانت حزينة ليش انها راح تفقد حس الفكاهة في البيت .... وراح تخسر علياء ...
.
.
.
وفي اليوم الثاني
الكل كان نايم .. من السهرة الي سهروها البارحة والحفلة .. لمغادرة الخدامة ... وقعد الكل ساعة متأخرة .. في حين وصلت عائلة ابو علي .. إلى البيت .. وكان الكل نايم .. ماعدا ام محمد ... والجدة ...
وبعد فترة .. تصعد ام علي إلى غرفة النوم مالت البنات ...
ام علي " بصوت عالي " : يالله قوموا ... بسكم نوم ... خيش قوموا
علياء " لمن سمعت الصوت .. اذكرت وعرفت ان صوت عمتها ام علي ... فتشأمت .. وقالت " : اصبحنا واصبح الملك لله
ام علي " تفضل علياء في العيلة على الكل " : قومي قومي علاية ... جبت لج الطبخة الي تحبينها
علياء " في نفسها اتقول " : هاي احسن شي فيش "وتكلمها " : مشكورة ما تقصرين يا احلى عمة
ام علي " توجه كلامها إلى الباقي " : يالله عاااد قوموا بسكم نوم
روعة " تتأفف " : افففففف ... انه ما رقدت الا الصبح ... تعبانة ابي انام ..
فاطمة : المتى الوصول " وهي تحك اعيونها "
ام علي : صار لينا تقريبا ساعة اهني
فاطمة : ايي عدل ... " وتتثااوب "
ام علي " تمللت منهم .. وراحت .. "
فاطمة " تنط من مكانها " : شرااايكم على الخطة
علياء " تقوم " : تعجبييييييييييييييين
فاطمة : هههههههههههه
روعة : ما بغينا اتروح .... ياخي فهميها ... مانبي انقووم ... اهي لا تواصل ... بس زين سوينا ...
علياء " تقلد على صوت ام علي " : قومي قومي علااية ... جبت لج الطبخة الي تحبينها
روعة وفاطمة " يقلدون على صوت علياء " : مشكورة ما تقصرين .. يا احلى عمة
الكل : هههههههههههههههههههههههههههههههه
وبعدها قامو البنات .. بالدور على الحمام يتغسلون .. ويبدلون اثيابهم ... ولما كملوا .. اتغطوا ولبسوا الشيلة ... ونزلوا للغرفة الي قاعدين فيها ...
الكل : السلام
الجميع : عليكم السلام
ام محمد : اتريقتون والله للحين
علياء : لا ... ما اتريقنا
ام محمد : عيل قعدوا الحين نتريق كلنا مرة وحدة ..
ام علي : تعالوا تعالوا اراويكم .. منتجات مال الشركة .. الي اتعامل وياها
روعة " ترفع حاجب ... وتقول في نفسها : اي شركة ذي الهبلة الي ما غسلت اعيونها واشتركت معاها ... " وتكلمها " :اي شركة هاذي ؟
سكينة " بأبتسامة " : avon
فاطمة :اول مرة اسمعها
ام علي " بتكبر " : شيسمعكم ابها .. هاي شركة راقية متطورة .. ايش الي ايخيكم توصلون لها
سكينة " بدلع " : كل المشاهير يتعاملون معاهم ...
علياء " تتطنز " : لا زين زين ... مبروك عليكم .. حصلتون الشركة الي يتعاملون فيها المشاهير ... اقول ما جفتون مرة نانسي وانتون تشترون لكم ..
روعة وفاطمة يضحكون بصوت منخفض ... "
ام علي : احنا ما نروح الشركة .. طلبيتنا الي نبيها توصل لنا لعند الباب .. انزين طبعا ما باخد من عندكم افلوس .. يعطونا مجانا ً ... جوفو هاذي الحمرة ... بخمسين ريال . وهكو انه حاطت ليي .. تبون ؟
ام محمد : بناتي ما يحطون لهم حمرات وخرابيط .. ابوهم ما يرضى
سكينة " بتطنز " : يوو .. يعني في الأعراس بيروحون ووجيهم .. فاضية .. على الطبيعة كل شي احلى
علياء " بمسخرة " : هي هي هي بايخة
سكينة اتطالع علياء بنظرة احتقار ....
روعة : انزين ما عندج اكسسوارات او جدي خرابيط ابي ازين تلفوني .. ؟
ام علي : لحظة اجوف ...... لا ما عندي حق تلفونات حق الأيادي فيي
روعة : اجوف
" وتنظر روعة إلى الأشياء .. وكل شي مو حلو ومو ستايل قديم .. والوانه قوس قزح موب حلو ... فكانت روعة بس تطالع بس ما خذت شي .. اما فاطمة .. اخذت لها عطر مع ان الريحة ماكانت لذاك الزود حلوة ..
ام علي : علااية جوفي هاي صبغ الأضافر وااجد حلو .. حتى الريم اخذت وزنوب بتي .. اخذي لج
علياء " من غير نفس .. ومن دون ما اتطالع " : ما ابي