علياء " ماتواطن الخدامة من عيشة الله ... ترد عليها من غير نفس " : ادري ..
وتذهب الخدامة .. وعلياء تقعد تاكل ... وبعدها نادت الخدامة ... وراحت اتغسل ايدها .. وام محمد حطت لها الاب توب وواير النت .. دخلت علياء الغرفة واستانست واتقول في نفسها : يا سلام جذي العيشة ولا بلاش ... كل شي زااهب ..
وتروح وتشغل ايميلها ... وكانت رفيقتها وسن ونوف قاعدين... وطبعا ً علياء اول وحدة كلمتها اهي وسن وكانت المحادثة :
علياء : هلا
بعد فترة " وسن : اهليين
علياء : شخبارج ؟
وسن : تمام ويو ؟
علياء : الحمدلله
وايحل الصمت .... فتذهب علياء لتكلم رفيقتها نوف
(( نوف رفيقة علياء .. متعرفة عليها من المنتدى .. واهي كبر علياء في العمر .. واهي اصلها إماراتية ... احيانا علياء تتوهق لأن ما تعرف بعض الكلمات الأماراتية ... بس اتمشي وياها لأنها طيبة وحلوة . ))
علياء : سلام
نوف : عليكم السلام
نوف : شحالج
علياء : بخير الحمدلله .. و انتي ؟
نوف : بخير
علياء : الحمدلله
نوف : شخبارج ويا وسن
علياء : هاذي اهي ... ماراح تتغير ... نفس الأسلوب نفس المعاملة
نوف : بس خلاص .. لا تكلمينها اتعورين قلبج ليش
علياء : ما اقدر
وهنا تتكلم وسن
وسن : تكلمي
علياء : ما عندي شي اقوله ... وبعدين انه كل اهدر ... الحين دورج
وسن : شتبيني اقول ... ما عندي شي
علياء : انزين
وتفكر علياء بخاطرة اتقولها لوسن ... لأن دايما ً تكتب لها خواطر
علياء : يا حبيبتي انه احبج
وقلبي ما يذكر إلا اسمج
اموت في حبج
واذوب في قلبج
بس انتي حارمتني
وظالمتني من حبج
كله معافيتني
وتاركتني لحالي
ما تعطيني فرصة
اعبر عن حالي
ومع هذا قلبي ما راح ايقول
إلا احبج ... ومستحيل اكرهج
يا حبيبتي
وبعد فترة طووووويلة ترد وسن : اها
علياء : شنو اها قولي رايج
وسن : الحين انه اظلمج ... وما اكلمج ... خلاص ما راح اكلمج علشان انفد الي في الخاطرة
علياء " حست ان وسن راح تقلب عليها " : يه يه يه شفيج الحين .. جم مرة اقول لج مو كل الي اكتبه فييج ... احطه بس حق الصورة الجمالية ... فهمي عاااد
وسن : شفهم ... شفهم ..... اكلمج بهدؤ ما تبين ... اكلمج بعصبية ما تبين ... شتبيني اسوي لج
علياء " طفح الكيل عندها " : هيييييييه .... ابي اعرف الحين انه شقلت ... خلالاص توبة ماراح اكتب لج خوااطر ولا همك الله ... مادام هاي الجزاة الي احصله
وسن : اي اي سوي روحج مسكينة
علياء " بعصبية " : بس عااااد ... كل ما اقول انج راح اتحسين فيني ... واشوي اتحبيني ... لا ما عندج ... عندج هوااش ... او التطنش ... هاي الي شاطره فيه .... لو الحين انه في يوم طنشتج ... سويتين ليي العمايل والمصاايب ... والحين لمن انه اتطنش واتسوين ليي حركاتج .... عااااادي ... خلالاص ما تبين اتكلميني لا تكلميني ... مو بغصب السالفة
وسن : اوهووو ... انه بمشي يالله باي
علياء في نفسها : حلي عنا يا " وتكلمها " : بااي
علياء تكلم نوف : نوف يالله الحين انه بقوم يالله باي
نوف : تعاالي وين .. ما اتحجيت معاج ... ما عندي احد قعدي شوي
علياء : لالا ما اقدر ... امي تبيني ... بقعد بعد الغذة ... نطريني اوكي
نوف : اكيييد
علياء : يالله باي
نوف : بباااي
وتصك علياء ايميلها ... وتبداء بالبجي ... واهي مغطيه ويها تماما .. وتدخل هنا ام محمد وتندهش من شكل علياء لأنها كانت تبجي بحرقة قلب ...
ام محمد : علياء .... شفيج يمه ... " وتقعد امامها وتحظنها " : يمه شفيج اتصيحين
علياء " تمسح دموعها ... ولكن ما تقدر " : لا ولا شي ... بس رفيقتي مريضة شووي ... من جدي .. لاتحاتين
ام محمد " تخاف على علياء ان تنهار مرة ثانية " : انزين يالله مسحي دموعج .. الحين بتركب لج بت عمج نور
علياء " تستغرب " : وش جيبها
ام محمد : جت بعد شنو ايجيبها ... يزاة الخير تبي تسأل عنج
علياء : انزين انزين خلها اجي
ام محمد " حست بأن علياء فيها شي .. بس مغيبة عليها ... وحست ان علياء منهارة بشدة ... لأن راح تبجي على كل شي ..."
وبعد وقت .. تدخل نور الغرفة
نور : السلام عليكم
علياء : وعليكم السلام
وتسلم عليها نور واتحببها
نور : الحمدلله على السلامة
علياء : الله يسلمج
نور : ما تشوفين شر
علياء : الشر ما يجيش
وتقعد نور اتسولف اشوي ويا علياء وام محمد .....
في الطرف الأخر وسن تتذكر كلام رفيقاتها .. يوم اتجمعوا في بيتهم
وسن منسدحة على السرير و تتذكر : علياء .. ههههههههه ضحكتيني ... علياء اصلن محد ايحبها
وسن : وليش
مها : ههههههه ... وراج ما تدرين ... اولا ذي جذابة ... ومعظم كلامها جذب .. وفوق ده ... كانت تستغل البنات .. بكلامها الحلو .. وخواطرها السخيفة ..... وجم ابنية اتعذبت منها ... اصلن علياء ما اتحب احد ... علبالها الي صار لها من زماان .ويا بعض الناس ... علبالها الناس كلهم حقودين .. ويكرهون ....... والله انج غبية اذا كلمتينها ... انتي ما اجوفين ما عندها رفيجة عدلة
وسن " مندهشة بشدة " : امبله .... عندها رفيجاات حتى اكثر منج ... ولا من كل الصفوف الأول والثاني والثالث ... والكل يحبها ويكلمها ...
مها : جذاااااااااااااااااااااااااااااابة ... ومنافقة ... وفتاانة ...... كيفج اذا سوت فيج شي ... لا تقولين ما قلنا لج
وسن وهي منسدحة على السرير وتكلم روحها بصوت مسموع : ليش يا علياااء ليش ؟؟؟
في بيت ابو ناصر
ام ناصر : وهاي كل الي صار وياهم
مريم : مسكينة علااية ... ما تستاهل
زهرة : خلاا اليوم ننزل المنامة .. من زمان ما رحنا .. ومرة وحدة انجوف اخبار علياء
ام ناصر " توجه حديثها لأبو ناصر " : ما عندك شغل العصر
ابو ناصر : لا ما عندي .. خلاص بوديكم
تستانس مريم .....
في بيت ابو علي
محسن : يما ... المتى بننزل البحرين .. من زمان ما رحنا ..
ام علي : مادري ... اسئل ابوك ..
محسن ايطالع ابوه
ابو علي : الحين اهم توهم امس ماشيين .. ممدى اشتقت ليهم
زينب : بابا ... اهم ما جو بيتنا الا دقيقة صلوا وطلعوا
ابو علي : انزين افكر لبعدين .. يالله روحو درسوا حق معاهدكم
محسن وزينب : إن شاء الله
في بيت ام محمد
اتغدى الجميع ... وعلياء نزلت تحت ... وقالت مالا داعي اهي تقعد فوق .. واهي ما فيها شي ... ورجعت علياء لطبيعتها ... واستانست ام محمد .. وحتى اتصلت لأبو محمد وقالت له .... بس لهجة ابو محمد كانت غريبة .. وقال يبي ايكلمها اليلة في موضوع ...
وبعد فترة تصل عائلة ابو ناصر لمنزل ابو محمد .....
ام ناصر " تدخل غرفة الجلوس ": السلام عليكم
الجميع : وعليكم السلام
مريم " تذهب مسرعة إلى علياء " : علالالالالالالالالاء
علياء : هههههه هلا الريم
مريم تقعد بجانبها : شلون جذي .... وش صار عليش الحين كل اعضائج سليمة
علياء : ههههه اي تمام ما فيني شي
مريم : يعله فيني ولا فيش
علياء " ترفع حاجب " : من وين طالعة الشمس اليوم .... شها الحب
مريم : طولي عمري احبج ... بس انتي مو ماعطتني ويه .... ورايحة ليي للوسن مالتج
علياء " تضايقت لمن سمعت اسم وسن " : انزين قومي انسولف فوق عن الفوضى
مريم : يالله
ام محمد : وين رايحين
علياء : بنروح فوق
ام محمد : اوكي
ويركبن فوق ... ويقعدون في غرفة البنات ....
علياء : ها شخبارج ويا فتونه
مريم " تبتسم " : تماااام
علياء " في نفسها " : يا حظج مو انه مالت عليي " وتكلمها " : زين الحمدلله
مريم : وانتي
علياء " بحزن " : انه ... اتهاوشت معاها قبل اشوي
مريم " متعودة على سالفة الهواش " : ما عليه ... عقب يومين بتكلمون بعض وتنسون السالفة
علياء : لا ما اظن ... احس انها واايد متغيرة علي ... وحاسة ان ها السالفة .. راح اتخلي حد لعلاقتنا
مريم " حست من صج " : وشنو بتسوين الحين
علياء : ماكو .. يمكن اسويها بلوك ... ديليت ما ادري
في غرفة الجلوس
روعة : اقول لج عاد يا سيسوو ....فشلت الشرطية اتفشل علبالها تقدر عليي