الجزء الثامن عشر
احمد
بعدما ركبت رنا السيارة بمساعده فواز ..وزينت فساتنها اللي ماادري وش يبي ؟؟
ركبت انا وتوجهت للفندق اللي كنت حاجزه قبل يومين .. كان سعود وده هو اللي يحجز لي كهدية زواج .. لكني رفضت .. وبتعرفون ليش انا رفضت ...؟؟ تدرون متى ؟؟
اذا شفتوا رنا وردة فعلها ...
المهم كنت طول الطريق ساكت لانه بصراحه السيارة مو وقت مناسب لأي حديث ..
ففضلت السكوت وانا اقول بنفسي .. راح اتفرد فيها بالفندق .. لاحق عليها ..
اما من جهة رنا اللي كنت اطالعها من وقت لوقت بطرف عيني ..
كان حدها متوترة وخايفه .. لاحظت هالشي من فرك يدينها لبعضهم .. تقطعن يدينها من كثر ماتفركهن ببعض ..
زود على كذا شفتها كل شوي تهفهف بيدينها على الشيلة الخفيفة اللي مغطيه فيها وجهها ..
كأنها محتره .. رغم ان مشغل التكييف على آخره .. بس شكله من التوتر والخوف اللي واصل حده عندها ..
بعدين قلت تستاهل من قالها تغطي وجهها .. اصلا السيارة مضلله .. مايحتاج ..
كنت احاول اختصر طول الطريق ... حتى انا والله تضايقت من السيارة ..
اول ماوصلت للفندق وقفت سيارتي عند قسم العرسان ..
وقبل لاأنزل : وصلنا .. تبيني اساعدك .. والا انزل واخليك تنزلين براحتك ..
رنا
اوووووووووووووووف ..
حسيت اني مخنوقه .. ماقدر اتنفس .. وزود على كذا الفستان اللي طفشني كثير .. وحشرني الله لايوريكم ..
كأني حشرة باخين عليها بف باف .. ومن قوة ريحته انحشرت بمكانها .. لاهي قادرة تتحرك ولاهي قادرة تتنفس ..
بس احسن شي سواه انه سألني .. الحسنة الوحيده اللي راح تكتب له اليوم ..
رنا : لا أنزل بروحي ..
فتح الباب ونزل وهو يقول : اللي يريحك ..
شفته ابعد شوي وعطاني ظهره ..
فتحت الباب ونزلت وقعدت ازين عباتي وشيلتي ..
لعانه فيه لابسه الشيلة كنت مابيه طول الطريق يقعد يبحلق بعيونه علي ..
سكرت الباب ..
هو اول ماسمع تسكيرة الباب التفت وقرب من عند السيارة وقفلها ..
قرب لجهتي وسحب يدي بالقوة يخاف اني اسحبها ..
تروعت من حركته وانتفضت .. كان ضاغط على يدي بقوة تقل بنحاش ..
سحبني خفيف عشان امشي .. مشينا الين المصعد ..
لماركبنا المصعد .. انا هنا خفت خوف مو طبيعي ..
من جد تروعت .. وقعدت اقول بنفسي .. خلاص مابيه مابي اتزوج ابي بيتنا ..
نزلت دموعي كأنهن شلال لكن بصمت ..
والحمد لله انه ماانتبه لي ..
رغم ان صدري مع الصياح صار يتحرك وشي طبيعي تتحرك يدي معه ..
بس الحمد لله ماحس علي ..
فتحت المصعد ..
سحبني شوي شوي وهو اللي الآن متمسك بيدي ..
طلعني من المصعد ..
مشينا تقريبا عشر خطوات ..
بعدين وقفنا ..
طلع الكرت ووسحبها على عروة الباب ..
اول ماانفتح الباب .. كأن جسمي انقسم نصفين .. حسيت بحرارة وبروده وتشنج ..
سحبني لداخل وانا الى الآن مو مستوعبه اللي يصير لكن استوعبت اللي شفته ..
كنت متوقعه انه جناح .. لكن !!!!!!!!!!
لما شفت قدامي .. كانت غرفة وحده بس !!
انصدمت .. بحلقت بعيوني ماني مصدقه اللي يصير ..
ماتوقعت نذالته توصل لهدرجه .. ادري بينتقم مني ويرد لي الصاع صاعين بس مو بهالطريقة ..
سحبت يدي بقوة وانا معصبة .. وجلست على الكرسي ..
أحمد
لما سحبت يدها بقوة عرفت انها معصبة ..
تستاهل .. هههههههههههههههههههه
والله ياني ضحكت بداخلي ضحك .. عمري ماضحكت زيه ..
انا متقصد هالحركه .. عارف لو حجزت جناح .. ماراح اشوفها ... لانها راح تحاول تتهرب مني باي طريق ..
فليش اجيب لراسي الوجع .. قلت احجز لي غرفة بس عشان اقدر آخذ واعطي معها ..
رنا :ممكن تجيب شنطتي ..؟؟
ابتسمت : ان شاء الله ..
فسخت بشتي وعلقته وطلعت ..
فتحت السيارة للعامل وعطيته رقم الغــــــــــــــــــرفـــــــة ههههههه ..
رقيت واول مافتحت الباب ..
شفتها فاسخه عباتها وجالسه على نفس الكرسي لكن كان في يدها شي ..
لما قربت اكثر عرفت ان الجوال معها ..
جلست على الكرسي المقابل لها ..
وقعدت اتأمل فيها .. خصوصا شعرها اللي كانت جايبته على قدام ... عشان تغطي فضايحها المهببه ..
قلت لها وانا احاول اكسر حاجز الصمت : ليش غيرتي لون شعرك ؟؟
رفعت راسها بصدمة واضحه على وجهها .. بعدين عقدت حواجبها مستغربة من سؤالي ..
لا هي مااستغربت سؤالي ..
هي متوقعه اني ماشفتها قبل الزواج .. فسؤالي هذا شككها بنفسها ..
طولت وهي تناظرني .. لكن حسيت مو تناظرني لشخصي هي تناظر بس وسرحت ..
لماشفتها طولت .. حبيت احرجها وارفع ضغطها : ليش مبحلقه عيونك علي ؟؟ لايكون مضيعه شي فيني ؟؟
نزلت راسها على طول .. حمرت خدودها .. شكلها من العصبية ..
ضحكت على شكلها بداخلي ..
دق الباب .. عرفت انه راعي الشناط ..
قمت ودخلت الشناط وسكرت الباب .. لما التفت برجع ..
شفتها واقفه وتقول : ممكن تدخل شنطتي بالحمام عشان بغير ..
قربت من عندها وصرت بوجهها : بس انا مابعد شبعت من شكلك بالفستان ..
نزلت عيونها وانا مستانس كل شوي احرجها ..
ضميت يدينها في يديني وانا احس برجفتها ..
قربتها من السرير وجلست وياها ..
جلست العب في يدينها وانا اقول : تدرين انه الشيء كان حلم بالنسبه لي .. وماني مصدق اني حققته ..
رنا
من يوم مامسك يدي وجلسني ..
حسيت اني مخنوقه ومااقدر اتنفس ..
حسيت ودي اصارخ وافرغ كل اللي فيني .. بس حاولت امسك نفسي ..
رفعت عيوني له وانا اقول : بس هالشي اللي كنت تحلم فيه .. ماكان يعني لي أي شي ..
كأنه تحطم وانخفضت معنوياته بعد اللي قلته ..
لكن قال وحسيت انه يكابر : مهما كان رايك .. انتي بنت والبنت دايم مصيرها تتقبل الشخص اللي بيعيش معها .. لكن انا اخترتك عن حب وقناعه ..وتزوجتك .. ولو ماابيك كان ماحاربت عشان آخذك ..
قهرني كلامه ودام هو اللي بدى .. والحوار انفتح .. لازم وآخذ وأعطي معه .. رغم ان الألم اللي بصدري زاد .. والضيقة بدت تكبر وتتشعب .. لكني تحمالت على نفسي ولا وضحت أي شي ..
رنا : ليش البنت مو مثل باقي البشر .. يعني ماتحس .. ماتقبل .. ماترفض .. مستحيل البنت تتقبل الرجال اللي مادخل مزاجها لو عاشت معه كل سنين عمرها ..
ابتسم بحزن : يعني انتي ماتقبلتني ولادخلت مزاجك ؟؟؟!
رنا : انا مو متقبله فكرة اني آخذ اخو زوجي ..
احمد بصدق واضح على ملامحه : لكن انا .. لو ماكنتي زوجه اخوي كان ماأخذتك .. بعد وفاة مشعل بفترة حسيت بشعور غريب تجاهك .. مدري شفقه .. رحمة .. لكن حب ماكنت متوقعه وشايله من الحسبه .. لكن تدرين متى حسيت اني احبك ولا اقدر اصبر عنك .. يوم رحتي وتركتينا .. هنا بس دريت اني احبك واموووووووووووووت فيك ...
من جده هاذا يتكلم .. معقوله وحده تقوله اني مو متقبلتك يقولها احبك واموت فيك .. والا مايهمه الطرف الثاني يحبه او لا ..
من جد غريب هالشخص ..
كنت برد عليه .. لكني ماقدرت اتحمل اللي في صدري ..
صبرت كثير والحين خلاص بنفجر ..
قلت له وانا احاول اخلي صوتي يكون طبيعي عشان مايحس بشي : ممكن تخليني اغير ملابسي ..؟؟
احمد
تركت يدينها وقمت وانا اقول : اكيد .. اكيد .. بس خليني اول ادخل لك الشنطه داخل الحمام ..
رحت بسرعه وشلت شنطتها وحطيتها فوق المغسله .. عشان يسهل عليها فتحها ..
طلعت لقيتها واقفه بوجهي ..
ابعدت عنها عشان اخليها تدخل ..
دخلت وسكرت الباب وقفلته ..
اما انا تسندت على الباب وانا اقول بنفسي وانا اتنهد : حتى لو ماتبيني .. انا ابـــــــــــيــــــــك واحــــــــــبـــــك وامــــــــــوت فيك ..
اخذت شنطتي وحطيتها على السرير .. فسخت غترتي وعقالي والطاقيه وعلقتهم .. فسخت الثوب وعلقته ..
فتحت الشطنه وطلعت لي قميص ابيض .. تعطرت ومشطت شعري .. سكرت الشنطه وحطيتها في الدولاب ..
انسدحت على السرير وجلست اقلب في التلفزيون واتفرج ..
مرت ربع ساعه من دخولها الحمام ..
احسها تأخرت .. بعدين قلت .. خلها على راحتها .. متى ماطلعت تطلع ....
دقيت على الأستقبال عشان أأكد لهم وقت العشاء ..
كنت قايلهم ابيه الساعه 2 ونص ... والحين الساعه 1 صباحا ..
المهم بعد ماسكرت السماعه .. صبرت شوي ..
لما كملت ساعه الاربع على دوخلها الحمام ..
قمت بشوف وش فيها لايكون صار لها شي ؟؟
حطيت اذني على باب الحمام .. سمعت الدش مفتوح .. وصوته مو ثابت .. يعني اكيد تتروش ..
لما تطمنت رجعت مرة ثانية لمكاني ..
وانا اروح وأجي بهالواجيس ..
لايكون يوم بغيت اكحلها عميتها ..
قصدي اخاف انها تقعد بالحمام وانا بالغرفة .. زي ماكنت متوقع انه تسويه لو حجزت جناح ..
لكن الحمد لله ماكملت هوجاسي .. الا قفل الحمام ينفتح ..
قمت بسرعه وشربت مويه وجلست على الكرسي انتظرها تطلع ..
رنا
اول مادخلت الحمام .. فسخت فستاني ورميته على الأرض بكل عصبية ..
فسخت عقدي والاسوارة والخاتم ورميتهم على الفستان وانا ماني طايقه نفسي ..
فسخت الجزمه ورميتها بالجدار بكل قوتي ..
فتحت الدش بعصبيه على الماء البارد وجلست تحته وانا اصيــــــــــح بأقوى ماعندي ..
مااتوقع راح يسمعني حتى لو سمعني مايهمني ..
كنت انتفض من داخلي لكن مو من المويه .. كنت انتفض من ان احد غير مشعل الله يرحمه لمسني ..
كانت مرعوبه من هالفكرة .. لكن هالفكرة الحين تجسدت على الواقع اللي انا كنت رافضته تماما ..
ماتحملت لمست احمد يديني ابد ابد .. وانا حسيت انا مخنوقه طول ماهو ماسكني .. لكن هو كان مبسوط ومافيه احد قده ..
انقهر لما اشوف الناس تدور ساعدتها عندي .. وتلقاها ..
لكن قربهم مني يكون اتعس ايام عمري ..
وهذا اللي قاعد يصير بيني وبين احمد ..
اخذت صابون وحطيته في يدي وجلست افرك فيه وجهي ازيل المكياج عنه ..
بعد ماغسلته قمت بشوف في المرايه اذا هو نظيف او لا ..
بس للأسف باقي .. اخذت من شنطة الحمام الخاص بي .. مزيل مكياج ونظفت في وجهي على مراية المغسلة .. بعد ماخلصت ..
رجعت ثانية للدش اللي كنت اساسا ما سكرته ..
جلست تحته وانا ماودي اقوم ..
ماودي اطلع لأحمد..
افضل اني اجلس هنا ولا اقابل وجهه ..
ياربي الصبر من عندك يارب ..
اخذت شوي صابون .. وغسلت فيه شعري وبعد مانظفته لفيته بمنشفه صغيرة ..
رجعت مرة ثانية للدش واغراني ..
جلست تحته بدون جسمي بدون شعري ..
احس براحه وانا تحت الماء ...
بس احس طولت .. اخاف يقعد يدق علي الباب وانا ماني فاضيه ابرر له ليش تأخرت ؟؟
سكرت المويه ..
جففت جسمي بالمنشفه .. طلعت لي من الشنطه .. قميص نوم قطني طويل الى نهاية ساقي ساااااااتر مرة بأكمام طويلة .. لكن كان ضيق مع الخصر ..
جففت شعري بالاستشوار على خفيف .. خفت يلفحني هواء اول ما أطلع من التكييف ..
تعطرت .. بدون ما أحط أي شي على وجهي .. حتى المرطب ماحطيته ..
مسكت خصل شعري اللي قدام بمشبك .. وخليته مفتوح من ورى ..
سميت بالرحمن وانا آخذ نفس طويل وطلعت ..
مشيت الين وصلت للكرسي .. وجلست ..
احمد : نعيما ..
بصوت واطي يالله يالله ينسمع : الله ينعم عليك ..
أحمد : ان شاء الله ارتحتي لما تروشتي ؟؟
بنفس الصوت : الحمد لله ..
قرب كرسيه لكرسيي ومسك يديني مرة ثانية ..
ياكرهي لهلحركه .. كرهتها من سببه ..
احمد : اتمنى تفهميني .. وتقدرين مشاعري .. وتخلينا انا وياك نحاول نمشي حياتنا بسعاده وسلام .. اتمنى يارنا تتقبليني يوم من الايام كصديق قبل لا أكون لك زوج .. انا يارنا ماتزوجتك عشان أنكد عليك حياتك وانغص عليك عيشتك .. لا .. انا تزوجت ابي احب وانحب .. ابي اشارك احد في حياته ويشاركني حياتي .. واخترتك انتي لتكوني انتي شريكه حياتي ..
كنت ساكته .. قاعد يقرقر على راسي وانا مالي خلقه .. كلام مأخوذ خيره .. كلام ما أحب اسمعه لامنه ولامنه غيره .. كلام مايأثر فيني .. ولايحرك فيني شعور ..
لما قرب يدي لفمه وانا سرحانه ولا انتبهت ..
يبغى يبوسها .. هنا انا جتني زي النفاضه اللي انفضتني لما حط فمه على يدي وحسيت بحرارة انفاسه ..
حاولت اسحبها لكن !!!
كأنه عارف ردة فعلي .. كان ماسك يدي بقوة ..
فما قدرت افلتها منه ..
قهرني وربي قهرني .. واشتعلت النار بجوفي ..
خصوصا انه الى الآن يناظرني وهو حاط يدي على فمه ..
احمد وهو بنفس حركته وهو مركز على عيوني المقهورة : ليش ماتبين تحملين ؟؟ ادري مو وقته هالسؤال ...؟؟ لكن انتي اللي استعجلتي فيه ..
تعبت امثل دور البنت المستحيه اللي غصب تنزل راسها لو تكلم او تستحي ترد على اسئلته ..
واللي اتعبني اكثر خوفي منه وارتباكي اللي دايم يفضحني ..
رنا : لاني مابي اجيب عيال ...
احمد وبنفس الحركه : بس انا ابي ...
رنا : انا قلت شرطي قبل الزواج وانا وافقت ..
احمد : وتتوقعين كل اللي قلتيه راح انفذه لك ..
حقيـــــــــــر وش قصده ؟؟
رنا : مافهمتك ..
احمد : لا انتي فاهمتني زين ... رنا لاتخلين احلامك مستحيله .. لانها مراح تتحقق .. واذا تبينها تتحقق خليها سهله ..
قسم بالله بغيت اقوم اخبط الكرسي على السيارة .. رفع لي ضغطي ..
بس لو ماباب الغرفة اندق .. كان ذبحته بمكانه ..
تركت يدي وقام ..
اما انا ماصدقت ضميت يدي لحضني وجلست افرك فيها ابعد آثار بوسته منها ..
قمت بسرعه وجلست على السرير وغطيت نفسي ..
احمد
دفيت طاولة الأكل للداخل وسكرت الباب ..
لكن مالقيتها بالكرسي ..
التفت على السرير لقيتها جالسه ومكورة نفسها ومتغطيه ..
ناظرتها دقيقة وحده بعدين قلت : مو جوعانه ؟؟
هزت راسها يعني لا ...
موبكيفها .. انا ماجبت الاكل عشان آكل بروحي ..
رفعت حاجب وانا اقول : بتجين ؟؟ والا اجي اجيبك ؟؟
ناظرتني مو مصدقه اللي قلته ..
فقلت أأكد لها كلامي : ترى اسويها ..
رفعت الغطاء عنها ونزلت من السرير ..
جت وجلست على كرسيها ..
قربت لها الطاوله وقربت كرسيي معه ..
جلست قبالها ..
مديت لها الملعقه ابيها تآخذها لكنها ما أخذتها : امسكي الملعقة ..
ناظرتني وهي تأشر براسي يعني قعدها ..
تتريقت عليها : لي شانا متزوج طرما وانا مدري .. ( وبصوت اعلى ) امسكيها ..
مدت اطراف اصابعها ومسكت الملعقة ونزلتها على الطاولة ..
اخذت صحن صغير وحطيت في شوي سلطه وقربته لم الملعقة ..
وبنفس الصحن حطيت شوي حمص وشوي متبل ..وورق عنب ..
قربت لها صحن المشاوي .. كان عبارة عن شيش طاووق وكباب دجاج ..
حطيت الخبز قدامها ..
احمد : يالله سمي بالرحمن وكولي ..
رنا
ماكان ودي آكل لان نفسي مرة مسدوده ..
بس خفت ما آكل يسوي لي سالفة ..
بسوي نفسي طبيعيه وبآكل وبعلمه انه ماهمني ..
قطعت بيدي قطعه خبز صغيرة وأكلتها بدون شي ...
احمد : ماشاء الله تحبين الخبز كذا .. لو أدري كان جبت لك كيسة خبز من البقالة وقلت هذا عشاك .. ( وهو يأشر على الأكل ) مايحتاج هذا كله
ذلني على هالكم قطعه مشاوي وصحنين هالحمص وماادري وشو بعد ؟؟
سخيف كلامه واللي اسخف من كذا اللي قاعد مقابل وجهه ..
قطعت قطعة ثانية من الخبز واخذت شوية حمص واكلتها ..
ابتسم : ايه كذا ابيك تأكلين زين ..
ميلت فمي بضيق .. ابيه يعرف اني تضايقت من كلامه وتعليقه ..
لما شافني كذا سكت بعدها ولا تكلم ..
جلست آكل واول مرة اعرف اني جوعانه من دون ماأحس بالجوع ..
اكلت كل الصحن اللي قدمه لي .. وقطعتين من الدجاج فقط .. ماحبيت اكثر عشان ريحته ..
لما خلصت ..
قمت وغسلت وفرشت اسناني ..وعلى طول من دون ماأشوف أي شي قدامي .. خصوصا هو .. انسدحت بالسرير وتغطيت وغمضت عيوني ..
يمكن اقدر انسى كل اللي صار ..
احمد
حسيت انها تضايقت من كلامي فسكتت ..
ادري زهقتها بس تستاهل وربي تستاهل ولو اقدر على اكثر ماقصرت فيها ..
بس زين أنها أكلت .. يعني كلامي جاب معها نتيجه ..
ماعلقت لما راحت وغسلت ورجعت للسرير ونامت .. هذا اذا بالفعل قدرت تنام ...
لما خلصت دقيت على الاستقبال عشان الأكل ..
رحت اغسل على بال مايجوا ..
تفاجأت بالفستان اللي كان مرمي على الأرض .. وجزمتها .. ووعقدها الألماس واسوارتها ..
شلت الفستان من على الأرض ودخلت بالغرفة .. فرشته على الكرسي .. وحطيت الألماس على التسريحه ..
دخلت مرة ثانية وفرشت اسناني وفكرت اخذ لي شور او لا .. بس في الأخير قلت اذا قمت احسن ..
دق الباب وانا اطلع من الحمام ..
طلعت الطاولة وسكرت الباب ... وسكرت النور كله ..
لكني شغلت الابجورات اللي جنب السرير ..
طالعت فيه وهي نايمه كانت متكورة شكلها مرة يكسر الخاطر ..
شغلت التلفزيون وانسدحت على السرير لكن ابعدت شوي خفت ماتبي قربي او تحرجني بكلامه ..
ففضلت ابعد من نفسي ..
جلست اقلب الين ماوجعني راسي وجاني النوم ..
لكن في نفس الوقت كنت متابع دقيق لرنا من فوق الغطاء ..
كانت غريبه جدا وبصراحه خوفتني هي ونومها ..
احسب نومتها ذي راكبها ابليس .. قسم بالله ..
غريبه ..في احد ينام كذا ..
تدرون وشلون نايمه .. ؟؟
نايمه على بطنها ولكن متكورة .. ماادري وشلون ؟؟
عجزت اعرف راسها من ساسها ..
الشي الثاني اللي استغربته انها كانت تتحرك كثير ..
الشي الثالث اللي من جد انفجعت منه .. لما سمعت اصوات تصدر منها ..
اول شي الصوت ماكان واضح لان صوت التلفزيون كان مغطي عليه ..
بس لما حسيت بصوتها على طول قصرت لصوت التلفزيون..
وفعلا كان صوت انين خافت وشوي شوي يعلي ..
رنا : آمممه .. آمممممممه .. آمممممممممممممممه .. آآآآآآآآآآآآآآآآآآآه .. آآآآآآآآآآآآآآآآآآآه .. ماما .. مــــــــــــــــــــــــامـــــــــــــــــــــــ ـا .. وينك ؟؟
كانت تنادي على امها بصوت عالي ..
ترددت بصراحه وخفت اني افتح الغطاء عن وجهها ..
بصراحه صوتها وهي تأن يخوف مرة مرة ..
لكن الصوت يزيد ولازم اعرف وش السالفه ؟؟
رفعت الغطاء عنها ..
وانصدمت من شكلها .. كانت تنتفض بشكل غريب ويخوف ..
قربت من عندها وحاولت امسكها عشان تسكن ..
ماقدرت ..
انا هنا بس عرفت وش سالفتها ؟؟؟
مسكتها بكل يديني وسحبتها لجهتي .. وبالموت قدرت تتحرك ..
مسكت يدينها بقوة وجلست اقرى عليها قرآن ..
آقرأ وأقرآ وأقرآ وهي كلما لها وتنتفض بزيادة .. وتصارخ بصوت عالي شوي تأن وتتألم .. وشوي تنادي على أمها ..
حاولت اقوى قلبي اللي طاح ببطني ..
بصراحه اول مرة اتعرض لموقف زي هذا ..
جلست اقرى .. واصارعها واحاول انها تهدى حوالي النص ساعه ..
شوي شوي بدت تسكن حركتها وتهدى انفاسها .. ويخف انينها ..
تركت يدينها لما حسيت انه خلاص هدت ونامت ..
جلست أتأمل في شكلها اللي بين يديني .. عجزت اصدق انها لي ..
كنت أأشر عليها بيدي واقول بصوت عالي : انت لي انا .. ما أصدق .. تكفين قومي وقولي انك لي عشان اتأكد ان مو هذا حلم ..
من شعور رفعتها لصدري وضميتها وهي جثة هامدة ..
ضميتها بأقوى ماعندي وانا اصيح .. وبين اللي مصدق واللي مو مصدق ..
ضميتها بحب .. بشوق .. بكل معاني الحنان ..
ضميتها وليتها تبقى في حضني للأبد ..
حضنتها بقوة .. ونمت .. وهي بين احضاني ..
رنا
قمت من النوم وانا حاسه بصداع ..
جلست اعرك عيوني عشان افتحهن زين ..
بس تفاجأت بالمكان .. ناظرت حولي ..
طيرت عيوني وانا اشوف احمد نايم جنبي ..
شهقت بدون صوت وانا اغطي الشهقه بيدي ..
لاياربي .. يعني كل هاللي صار كان حقيقة وواقع .. وانا احسب نفسي قاعده احلم ..
قمت من السرير بسرعه .. احاول ابعد عنه ..
دخلت الحمام وقفلته وجلست على كرسي المغسلة ..
حاولت اضبط نفسي .. واوقف دقات قلبي اللي من يوم شفته جنبي وهي ودها تطلع من مكاني ..
تعوذت من الشيطان .. قمت غسلت وجهي وتوضيت ..
طلعت لي فستان لنص الساق بدون اكمام بقصه مثلثه من الصدر..لونه ازرق داكن ..
كحلت عيوني من تحت بكحل ازرق .. كثفت رموشي بالمسكرة .. حطيت روج احمر صارخ .. لميت شعري كله لفوق وطلعت خصل كثيرة على وجهي ومن ورى بعد .. تعطرت بعطر خفيف ناعم .. وطلعت ..
فرشت السجاده وصليت الفجر ..
لما سلمت .. شكيت بالوقت ..
فتحت الستارة بشوف حنا بأي وقت ..
شفت الشمس ساطعه على الأرض وباين ان الوقت ظهر مو ضحى ..
رحت للحمام وطلعت ساعتي بتأكد من الوقت .. الا اشوف الساعه 1 ظهرا ..
رجعت مرة ثانية للسجادة وصليت الظهر ..
بعدما خلصت رجعت السجادة لمكانها وجلست على الكرسي مقابل السرير ..
شفت فستاني المفروش على الكرسي الثاني وضحكت ..
اكيد كسر خاطره الفستان ورفعه عن الأرض ..
شفتوا عاد على اني تابعه بالفستان كثير الا انه الحين مايعني لي أي شي ..
تذكرت الماسي اللي رميته فوق الفستان ..
رحت للحمام بسرعه بأشوف وينه ؟؟
للأسف مالقيت لا العقد ولا الاسوارة .. بس شفت الخاتم على انه كان صغير .. لكن الحمد لله لقيته ..
حطيت في الشنطه وطلعت ..
جلست مرة ثانية على الكرسي مقابل السرير .. وقعدت اناظره ..
نومته هادية .. واحسن شي انه ماله صوت في النوم ..
كان نايم على ظهره ومغطي بس رجلينه ..
قعدت اناظره حول النص ساعه ..
بعدين صديت لما شفته تحرك ..
أحمد
كنت في سابع نومه ..
حسيت ان النوم اللي كان ناقصني طوال الشهرين اللي فاتوا عوضتهن باليوم هذا ..
تحركت وانا امغط واشد جسمي .. بدون يديني ..
فتحت عيوني .. في البداية استغربت المكان بعدين تذكرت اني متزوج .. هههههههه
ناظرت لجهتها على السرير مالقيتها موجوده ..
ابتسمت لماتذكرت اللي صار امس .. رغم اني متخوف كثير من اللي صار معها .. لكن ارتحت لما حضنتها .. ووسدتها يديني وهي نايمه ..
جلست وانا اقلب عيوني ابي اشوفها من دون ماتنتبه اني اناظرها ..
شفتها جالسه على الكرسي ومعطتني جنبها ..
رمشت كثير عشان توضح الصورة عندي واقدر اشوفها زين ..
بس ماقدرت ..
قمت وعلى طول على الحمام .. غسلت وتوضيت ..
لما طلعت ماشفتها جالسه على الكرسي ..
اكيد راحت تجلس بالسرير ..
وفعلا لما قربت بآخذ السجادة من الدولاب .. شفتها جالسه على السرير وتقلب بجوالها ..
هنا بس اتضحت صورتها ..
ياويلي على الأزرق .. طالعه قشطه على الازيرق ..
والا الشعر المبعثر على وجهها .. بصراحه طالعه جنان ..
وهذا وانا مابعد تمقلت زين .. اجل لو اقابلها واشوفها زين وش راح اسوي ؟؟ اكيد بتهور واسوي شي لاتحمد عقباه ..
تعوذت من الشيطان وفرشت السجاده وصليت الفجر ولما سملت شفت الساعه الا الساعه 2 الا شوي .. قمت وصليت الظهر ..
بعد ماخلصت ..طلعت شنطتي من الدولاب .. طلعت لي ملابس داخليه والمنشفه ودخلت الحمام اتروش ..
رنا
لما شفته بطرف عيني يطلع له ملابس .. قلت بيغير بس .. بس لما شفت المنشفه .. كأني ارتحت شوي .. يعني بيتروش وببقى بروحي لفترة .. هذا احسن شي جعله يقعد ساعه بالحمام ..
اول مادخل الحمام ..
تنهدت براحه وجلست اتقلب على السرير بفرحه جنوني هاني بقيت لحالي لو لدقايق .. ميخالف انا راضيه ..
فتحت التفلزيون وجلست اتفرج .. شدني فلم اكشن لكنه مرعب ..
جلست اتابعه وانا مطيره عيوني بتركيز ووخوف ..
احمد
لبست ملابسي الداخليه ونشفت شعري وطلعت ..
لما دخلت الغرفه تفاجأت بشكل رنا ..
ابتسمت لكن بهدووووووء شكلها ماانتبهت لي ..
كانت منسدحه على السرير وحاطه تحت راسه المخدتين ..
كانت مقوسه رجليها بحركه جريئة .. وباينه رجليها الى نص فخوذها ..
طيرت عيوني مستغرب حركتها .. وبنفس الوقت مستانس ..
جلست اناظرها .. دامها ماانتبهت خلني آخذ راحتي ..
طولت رنا وهي بنفس الحال وعيونها على التلفزيون شوي وبتطلع من كثر ماهي مركزة ..
التفت بشوف وش تناظر ؟؟
وش هالشي اللي خلاها ماتحس بنفسها ..
اول ماناظرت .. الا فلم مرعب يخووووووووف .. اشكال مجنونه ..
حبيت استهبل عليها شوي .. وبشوف ردة فعلها ..
قربت من عندها بشويش .. وطبيت عليها بالسرير بقوة وانا أقول : بووووووووووووووووووووووووووووووووووووووووووو
رنا
تعرفون الواحد لما يقعد يتابع فلم مرعب .. يتخيل ان هالشي يصير في الواقع ..
وهذا اللي صار لي ..
لماحسيت بثقل على السرير وصوت احمد وهو يقول : بوووووووووووووووووووووووووووووووووووووو
من الروعه نطيت لحضنه وضميتها وانا اصارخ بأقوى ماعندي : يــــــــــــــــــمـــــــــــــــــــــه .. أحمد يخوف يخوف .. احمد قفل التلفزيون بسرعه قفله ..
وانا متشبثه فيه بأقوى ماعندي وارتجف مدري من الروعه اللي سببها لي احمد .. او من الفلم المرعب انه يطلع لي الوحش ..
أحمد
ياني ضحكت عليها ضحك ..
جلست اضحك بصوت عالي .. عجزت اوقف ..
كل شوي ازيد ضحك ..
وخصوصا وهي متشبثه فيني ومو راضيه تتركني ..
ليته حضن على سنع الا قولوا خانقتني بقوة ..
وتصرخ بأعلى ماعندها : احمد قفله .. تكفى احمد ..
جلست اناظر بعيوني على السرير ادور على الريموت .. لكني مالقيته ..
ورنا ضاغطه علي وهي تستعجلني اني اقفل الريموت ..
ياربي وش اسوي ؟؟
سكت عن الضحك وانا احاول القى الريموت واقفل التلفزيون لكني مالقيته مدري وين راح ..
ابعدت المخدات بيديني وهي لسى حاضنتني بقوة .. لكني مالقيته ..
نفضت الغطاء بعد مالقيته ..
آخر شي فكرت اني اقوم واقفل التلفزيون من راسه ..
ابعدتها بالقوة عني وانا اقول : خلاص بقوم اقفله لاني مالقيت الريموت .. خلاص اهدي ..
رنا
لما ابعدني عن حضنه ..
استوعبت اللي انا سويته .. يافشلتي ..
بيقول الحين راميه نفسها علي .. على بالي متخرعه ..
بس انا والله من جد تروعت .. خصوصا لما طب علي بالسرير ..
ياربي احس ضاع وجهي وقلب الوان الطيف السبعه ..
يعني لازم اتابع فلم .. ليته فلم زي الناس ..
من زين الوجه حاطه مرعب ..
قام وقفل التلفزيون ورجع لي ..
وقف قبالي وانا الى الآن مابعد تحركت من ابعدني عنه ..
كنت مرة منحرجه وودي الارض تنشق وتبلعني ..
كنت العن نفسي كثير ولا أهتميت لوجوده قدامي ..
لكن يوم سمعته يصرخ مرة ثانية وهو يقول : رنــــــــــــــــــــــــــــــا .. ساعه وانا ادوره ..
هنا انا تروعت زياده ونطيت عليه بدون شعور ووقفت قباله ولصقت فيه وانا انتفض بخوف واضح على وجهي المصفر ..
احمد
هنا انا خلاااااااااااااص من جد حسيتا ني بموت من الضحك
احمد : هههههههههههههههههههههههههههههههههههههههههههههههههه ههههههههههههههههههههههه
وشفيها ذي كل شوي وهي ناطه علي ..
شكلها اعجبها حضني .. واحد واثق ..
تدرون ليش صرخت ؟؟
لان الريموت اللي كنت ادور عليه .. كان بيدها ماسكته ..
هههههههه
ابعدتها شوي عني ومسكت يدها ..
احمد : عطيني الريموت .. ساعه ادور عليه عشان اسكر التلفزيون وانتي ماسكته بيدك ..
مدت لي الريموت ولفت بتبعد ..
لكني مسكتها ورفعت وجهها بكل يديني ..
شفت وجهها الوان واشكال ..
حسيتها مرة متفشلة ..
حبيت ارفع عنها الاحراج : عادي رنا .. يعني لو تروعتي مرة ثانية من بتستنجدين فيه .. اكيد انا .. يعني خلاص تعودي ..
قربت وجهي لخدها وعطيتها بوسه طويله : اموووووووووووووووووووووووووووواه .. اموت انا على اللي يستحون ..
رنا
اول ماخلص بوسته قدرت افلت من يدينه وركضت على الحمام وانا العنه واشتمه ..
فتحت المويه وجلست اغسل بوسته بأقوى ماعندي ..
حطيت صابون وجلست افرك بقوة عشان امحيها بقوة ..
غسلت مرة ثانية وثالثة ورابع هوانا قرفانه من نفسي ..
بعد ماهديت .. ضبطت شكلي وطلعت ..
شفته جالس على الكرسي ولابس ثوبه وغترته ..
اول ماشافني طلعت : يالله رنا البسي عباتك عشان نروح نتغدى ..
سحبت عباتي ورجعت مرة ثانية للحمام ..
لبستها وغيرت جزمتي ولبست جزمه مريحه وطللعت ..
رجعت مرة ثانية للغرفة سحبت شنطتي وجوالي وفتحت باب الغرفة وطلعت ..
وقفت عند الباب .. ماطول جالس لانه على طول اول ماشافني طلعت لحقني ..
ولماطلع وسكر الباب .. شميت ريحة عطر قويه منه وكان الريحه مررررررررررررررة حلوة ومنعشه ..
مسك يدي بقوة وهو يسحبني لجهته ..
بس الغريب مني اني استسلمت له ومشيت معه وانا احس براحه ..
نهاية الجزء
|