في اليوم التالي في السعودية
كانت حنين تتكلم مع يعقوب
حنين : يعقوب افهمني
يعقوب : ماني فاهمك تروحين له بعد كل الي قلتيه
حنين : هو ندم ويبي يتزوجني على سنة الله ورسوله وأكذب عليك لو قلت اني اكرهه انا احبه ولا عمري كرهته يمكن حقدت عليه لكن كيف اكره اول حب واخر حب
يعقوب: حنين كيف تبيني اساعدك تبين اسأل عنه صح وش اسمه هو
حنين : لا تهتم في هذي الأمور انا عارفته زين وعارفه مين اهله هم ناس طيبين ومعروفين لكن ابي منك شي واحد
يعقوب : وشو
حنين لا هم اكثر من شي اول شي ابيك ما تنساني ابد ممكن
يعقوب: انساك هذي في علم الغيب لكن عرفي اني مو ناسيك بسمي بنتي حنين عليك تستاهلين كل خير
حنين : الله اتسميها على اسمي مشكور لك هذا اعظم شي تعطيني اياه والشي الثاني انك تحضر ملكتي وانت الي بتجيب الشيخ وتشهد على الزواج
يعقوب : واهلك
حنين : ان كنت اخاف اعرف الناس عليك فأنا ما استحي كيف اخاف من الي انقذني اكثر من مرة
يعقوب : مشكور اختي وعرفي انك طيبة وتستاهلين كل خير بس اهتمي بزوجك وعرفي كيف اتحافظين عليه
حنين : لا توصي حريص المهم الزواج بيكون اخر الأسبوع هذا لا تنسى ليلة الجمعة انت عارف البيت تعال مع الشيخ
يعقوب : صار ولا نسين اهتمي بنفسك ودعتك الرحمن التي لا تضيع ودائعه في الأرض ولا في السماء تامرين بشي
حنين : ابي سلامتك
يعقوب : الله يسلمك
الوليد : اللهم طولك يا روح يعني متى
الجازي : شو متى هذا بيدي ولا بيد ربي
الوليد : الجازي امي اذتني كل مرة تقول لي ها بشر وش اقول لها
الجازي : قلت لك هذا بعلم الغيب
الوليد : خلاص نروح للمستشفى وانسوي لك اشعة
الجازي : ليه يعني انا بس يمكن حتى انت
الوليد : كلي تبن انا فيني العيب انتي ما تستحين جد اهلك ما ربوك
الجازي: لا تجيب طاري اهلي على لسانك وبعدين انا ما قلت شي خطأنروح كلنا ونسوي اشعة مو عيب
الوليد : راح نروح كلنا بس عرفي لو طلع مافيني عيب والعيب منك شوفي وش بسوي فيك
الجازي : يعني وش بتسوي بطلقني
الوليد : عارف ان هذا هاجسك طول عمرك معي لكن حلمي فيه في أحلام اليقظة يالخايسة
الجازي : انا مو خايسة سمعت واعرف مين الخايس وبعدين ترانا الحين بالسعودية صح بالظهران لكن هلي كلهم هنا
الوليد : وش تقصدين تهدديني علم يوصلك ويتعداك لو درا حد بشي يصير لنا راح اوريك شي ما شفتيه (قام وليد ورفس الجازي وطلع (
الجازي : مين بيقواك يا وليد مين ما في غيره بس وينه
وليد وهو يمشي بسيارته يكلم جوال : هلا حنين كل شي اوكيه
حنين : ابشرك كل شي على ما خططنا له الملكة ليلة الجمعة والحين مع السلامة
الوليد : وين بتروحين
حنين : خلاص ما راح تسمع صوتي من اليوم
الوليد : باقي كثير على ليلة الجمعة باقي خمس ليالي
حنين : عادي مع السلامة حبيبي
الوليد : حنين الو الو
صكت حنين الخط
وليد : اه يا قلبي اخيرا بترتاح مع من احببت اخيرا بتعيش زي ما خططت طول عمرك مع حنين الله اخيرا بصير متزوج جد مو كذب او بالتلفيق والجازي صبر راح اوريك شي ما شفتيه انا الي العيب فين ها اوريك
في اليوم التالي
في امريكا الطائرة الي تقل عبدالوهاب واهله للتو واصله
وخليل ومعاذ و روز في المطار ينتظرونهم
طلع عبدالوهاب من بوابة الطائرة وتنفس الصعداء
نزل مع اهله ودخلوا المطار الي وصلهم له باص كبير
اول ما دخل عبدالوهاب من بوابة وصول المسافرين سمع صوت من بعيد
خليل : عبدالوهاب عبدالوهاب
عبدالوهاب : شاف شاب ذو جسم ليس بالسهل هزمه نفس ماهو الا انه زاد قوة وضعف
عبدالوهاب سار بسرعة لخليل وخليل ركض له ارتموا على بعض واحظنوا بعض
خليل: الله ما ظنيت في يوم القى حد هنا من اهلي خلني اشمك خلني اتذكر ريحة هلي
اسيل تمسك بنطال خليل : عمي خليل
خليل : أسيل انتي أسيل صرتي قمر واحى من قبل ما شاء اله عليك ((رفعها خليل وحظنها ((
مها : أحم أحم ..... أحم أحم
خليل يوجه عينه لمها: هلا بأم عزوز هلا بالغالية زوجة الغالي حمد لله على سلامتكم تعالوا اعرفكم على اهلي هنا بس قبلها عطيني بو سعود ))اخذ خليل عبدالعزيز وحبه ((
عرف خليل عبدالوهاب ومها على روز ومعاذ
وانطلقوا بعدها لشقة معاذ وخليل لأنهم بيجلسون هناك اما خليل ومعاذ بيدورون لهم مكان ثاني
في الشقة
خليل : وش اخباركم وش احوال الأحساء كيف المزرع وكيف جدتي واخواني وامي وابوي والله مشتاق لكل واحد منكم احس لو بجلس جنبكم سنة كامل ماراح ازهق منه تحملوا شوقي اشوي
مها : خلاص اجلس جنب اسيل وبتعلمك كل شي اما احنا اسمح لنا ودنا لشقتنا او للفندق والله تعبانة ابي انام
خليل : هذا هو فندقكم
عبدالوهاب : اقول بلا مجاملات انا مو جالس هنا
معاذ : والله مالكم مكان الا هذا ولا تكسرون حلفي
عبدالوهاب : وبعدين لا تتوقع منه هذا كرم لا هو راح تعال جنبي بقول لك في أذنك ((قرب عبدالوهاب لكن خليل تكلم بصوت عالي )) ما عليك منه تراه بيتزوج روز ويبي يفتك مني
روز هنا اخجلت ونزلت راسها
مها : ماشاء الله راح تتزوجون
معاذ : ايه وان شاء الله بنسكن في فندق قريب هنا ابي افتك من هذا وانتوا اول المعزومين
خليل : الي يقول عنده معازيم الدنيا انا وانت و روز وامها وابوها بس وين المعازيم
معاذ : خلني احس ان حنا في ديارنا
خليل : ان كان جيييه خلاص
مها : او هذا انت تتكلم اماراتي
خليل : الي يقابل معاذ وين ما يتعلم اماراتيه ايه انتي هذا ربيعي
الكل ضحك
بعد يومين كان الوليد والجازي في المستشفى يسون التحاليل الازمة ومن بعدها اطلعوا وكانوا متجهين للبيت
الجازي : وليد ممكن طلب
الوليد : الله يستر منك تسكتين تسكتين بعدها تنطقين كفر
الجازي : استغفر الله العظيم خلاص
الوليد : قولي عاد وش تبين (ويضربها على راسها ) ل اصكك اطراق يقلع اسنانك
الجازي : انت ليه اتعاملني جذييه ان اذابحه لك حد وانا ما ادري
الوليد :ما ادري بس الي اعرفه اني ما احبك عرفتي الحين
الجازي هنا حست بأنها حقيرة وزايدة بحياة هذا الرجل: لو سمحت ابي اروح لبيت عمتي شيماء
الوليد : لك هذا واذا تبين تمي هناك لأسبوع
الجازي : جد والله
الوليد : كأنك فرحانة ان كان هذا يريحك خلاص روحي
الجازي : ايه ابي اتم هناك اسبوع وان قالوا وينك وش اقول
وليد : قولي اني امسافر
الجازي : خلاص بقول ودني البيت اخذ اغراضي واروح لهم
راحت الجازي لبيتها ولمت اغراضها وراحت بيت شيماء
في الأحساء
منيرة : عمر تعال هنا ابيك
عمر : سمي امي وش فيك
منيرة : مين اكثر وحدة تكرها
عمر : اكثر من وحدة اولهم شيماء وريم والجوهرة ذول اكرهم كره العمى
منيرة : شاطر حبيبي انزين مين اكثر وحدة تحبها
عمر : امممممممممممم اكيد امي منيرة
منيرة تلم عمر لها : يا بعد امك منيرة انزين اسمع ابيك تروح الحين لجدتك وتكب عليها هالماي اهي نايمة الحين وكبه عليها وانحاش خلاص
عمر : وين الماي
منيرة : تفضل بس ها لا يشوفك احد
عمر : إن شاء الله
راح عمر وبالفعل شاف جدته نايمة ودفق الماي عليها
الجوهرة قامت متخرعة ماتدري مين سوا فيها كذا وجلست اتصارخ
ومنيرة وعمر يضحكون
نورة تنزل من فوق : وش فيها جدتي اتصارخ
عمر يناظر اخته وكله الم وحزن لكن نورة مو عارفة أي تبرير لهذا بس تعرف ان عمر تغير كثير
منيرة : ما ادري يا بنيتي روحي شوفيها انا ما قدر اقوم
راحت نورة ومنيرة تضحك عليهم
نورة : جدتي مين سوا فيك كذا
الجوهرة : ما ادري صحيت خايفة
نورة : حسبي الله ونعم الوكيل اكيد ....
الجوهرة : لا هذا كاس الماي الي جنبي اكيد انكب علي ايه كاس الماي تذكرت
نورة : جدتي لا مو كاس الماي
الجوهرة : تسمعين انتي ولا لا هذا كاس الماي والحين ليه انتي جاية روحي ذاكري عليك اختبارات
نورة : جدتي !!!!
الجوهرة : سمعتي الكلام قومي ذاكري
اطلعت نورة وهي عارفة ان جدتها تكذب عليها وعرافة ان السبب مو ان الكاس انكب عليها لا السبب من امها اكيد
اليوم الي بعده
ريم : امي من زمان ما تجمعتوا بتمون كذا على طول
ليلى : ما هو بيدي يا يمه انتي عارفه وش صاير
ريم : لازم فيه حل لازم تسوين انتي شي لهم
ليلى : اقول قولي الي في بالك قولي الصدق انتي تبين نتجمع ليه
ريم : يمه ما فيه شي بس ابيكم تتجمعون نرجع مثل قبل
ليلى : يا بنيتي انا عارفه وش تبين بغض الالنظر عن الجمعه خلاص انسيه انسيه
ريم : يمه
ليلى : سمعتي وش قلت والحين روحي لغرفتك ذاكري
اطلعت ريم لكنها كانت زعلانة: وش فيها ان فكرت فيه عيب اني احبه ما ابي منه شي ادري انه تغير بس يكفي اني اشوفه
في امريكا
عبدالوهاب: الحمدلله الدكتور طمني ان ولدنا بتتشافى يده اللهم لك الحمد وش كثر فرحان انا يا مها ولدي بيصير بخير
مها : ان احسنا الظن في الله راح ربي يساعدنا بس خلنا نحسن الظن بالله
خليل: الحمدلله على كل شي المهم لا تنسون حفلة زواج معاذ على روز بكرة خلاص
عبدالوهاب : وين بتكون
خليل : امسوي له مفاجأة بسوي عرسه في مركب في البحر وش رايكم
مها : جد انت رومانسي مرة وحدة اتذكر الرومانسية مع بعض الناس
خليل : لا تعورين قلبي تراه متعور انتوا يالمتزوجين ما تراعون حد ابد تراني اعزوبي فهمتوا اعزوبي يعني ما عندي حد يشاركني همي الا اوراقي
مها : إن شاء الله بتتزوج الي تحبها
خليل تغير وجهه وزعل وطلع
عبدالوهاب : هذا وقته اتذكرينه زين هو مبتعد
مها : والله ما اقصد حرام والله إلى الحين يحبها
في المستشفى
كان الوليد مع الجازي ينتظرون موعدهم
الجازي : وليد تأخروا نبي ندخل
الوليد : وش فيك خايفة
الجازي : وش رايك اكيد خايفة ...وليد بروح للحمام لا تدخل انتظرني
وليد : روحي وردي بسرعة
راحت الجازي الحمام وفي نفس الوقت أذن للوليد انه يدخل
الدكتور جالس يقراء الورق : اخ وليد ليه مستعجلين الصبر زين وانتوا توكم شباب
وليد : دكتور لنا وقت ولا حصل أي مؤشر للحمل