كل هذي الأمور تمر على شيماء كأنها فلم يمر بحياتها بسرعة امسحت دمعتها
شيماء بخاطرها : اروح لأمي اشكي لها وش سوا فيني ولدها وش اتهمني فيه وينك يالجوهرة عني وينك حتى اليوم ودي اني قلت لك بس اللية عيد ولا حبيت اضايقك خليني بهمي لوحدي حتى انتي ليه تعرفين ما قصرتي معي والحين جا دوري اعرف اصرف شؤوني
قامت شيماء من مكانها وغفت عينها على سريرها الي اصبحت فيه لوحدها بعد ما كانت مع ضياء عينها
في اليوم التالي عند الساعة الواحدة بعد الظهر كان الكل متجمع بيت الجوهرة غداء العيد هناك غداء ثاني يوم
عند الرجال كان الكل متحلق حول الوليد يبون يعرفون وش سوى هناك بلندن وش جاب لهم هدايا
ام اعند النساء نفس الحال كان الكل متجمع حول الجازي الي فرحانة كثير بأهلها كأنها ماشافتهم من سنين صج اسنين بعد ما شافت شي ما ينقال من وليد
منيرة : وخروا عن شنتي وخروا خلوها لي لحالي زوجة ولدي الي بتجيب لنا احفادنا اول احفادنا من سلالة عبدالعزيز عمنا
تقرب منيرة للجازي والجازي تبعد عنها اعرفت منيرة بشعور الجازي لذا قربتها لها بالغصب واحضنتها
الجازي بخاطرها : اهههههه بديتي انتي الحين بعد ولدك الله يستر منك
منيرة : الجازي من زمان عنك وش اخبارك وش سويتوا هناك
الجازي كانت ساكتة ما تتكلم كأنها مندهشة او فرحانة الله اعلم لكنها كانت اتناظر جهة الباب تدرون مين جا مو الي في بالكم الي كانت داخلة هي شيماء من شافتها الجازي هدت منيرة وراحت لها فرحانة فيها ولمتها
الجازي : وينك عنا عمتي ولا مو حلوة جلستنا
شيماء كانت ساكتة طول الوقت كأنها كانت تصيج قبل اشوي لذا مانطقت غير بكلمة : لو ماولهت عليك بوله على مين
هالكلمة رغم صغرها الا انها ريحت الجازي كثير
الجازي تساسر شيماء : يمه ودي اقول لك اشياء كثيرة بس ما فيه وقت ابي اجلس جنبك
شيماء بخاطرها : اههههههه انا الي ودي حد يسمعني فيني كلام كثير ابي اقوله
اظهرت شيماء ابتسامة خفيفة عن رضاها بدعوة الجازي : خلاص يمه في أي وقت ناديني واجيك نسولف لين تزهقين والحين روحي جنب حماتك وامك
منيرة كان ودها تسوي شي لكن بخاطرها شي: وش فيها شيماء اكيد فيها شي ولا وجها المفروض ما يكون كذا لازم صار شي لها خلاها تصيح عساش في هذي الحالة وزيادة بس لازم اعرف من وين بعرف من وين العنود لا مستحيل تقول عبدالرحمن مستحيل خديجة ممكن ايه خديجة بس كيف اوصل لها لازم القى طريقة وما فيه غير الحنية والفلوس بس متى اروح لها الحين ولا بعدين بس اقول خلني اضرب شيماء بضربه ما راح تنساها
قامت منيرة وهي تصطنع الأبتسامة والفررحة : هلا بشيماء هلا بأختي الي ما ولدتها امي (تلم شيماء (
الكل مستغرب الكل بمعنى كلمة الكل
غادة : عائشة لحقي شوفي هناك
عائشة : وشو
غاة تأشر لعائشة وكانت عائشة تشرب كأس ماي
عائشة : ها (ويطيح كاس الماي من ايد عائشة ويتكسر على السيراميك (
الكل يناظر عائشة ماتدري وش تسوي انحرجت كثير
منيرة تكسر حاجز الصمت : وش فيكم عادي تصير في احسن البيوت
الكل رد ويناظر منيرة وشيماء
ليلى : يمه وش صاير الشمس اشرقت من الغرب ولا
الجوهرة : ما أدري بس الله يستر
شيماء : هلا فيك يا منيرة (بخاطرها الله يستر ما وراك تهلي ولا خير بس حالتي ماتسمح اني اتناقش وياك ولا اتناجر) كيف حالك بخير المفروض كذا احنا من زمان
منيرة : أي والله يا خيتي جا العيد وحسيت اني غلطت عليك كثير بس خلاص سامحيني
شيماء : ما زعلت منك يوم الا وسامحتك على طول بعده
منيرة وشيماء يتعانقون
العنود : نورة وش صاير امك وش فيها
نورة : ليه يالعنود تقولين كذا
العنود : اسفة نورة بس انتي عارفة
نورة : العنود ما أدري وش صاير بس خايفة كثير حلو انهم يتصالحون بس خايفة
العنود : إن شاء الله خير
كملوا العيلة لمتهم وفرحهم مع بعض فرحانين بالعيد هو يوم يفرحون فيه وينسون الهم والتعب
في الجهة الثانية كانت هاجر مع حفيدها يزورون الجيران من جارة لجارة وفي الطريق
ناصر: يمه زهقت ابي اروح للملاهي كل انروح بيت الجيران تعبت وكل وحدة تجلس تحب فيني كانها من زمان ما شافت ولد
هاجر : عيب ياولدي والملاهي لا حقين عليها بيجي يعقوب ولا ياسمين مع العنود يودونك
ناصر : يمه ابي اكلمهم بس اشوي ابي اعايد عليهم
هاجر : كيف انكلمهم
ناصر : اممممممممممم بالتليفون
هاجر : بسم الله عليك يا وليدي جد ذكي بس من وين لنا تليفون
ناصر : الكبينة للتليفون قريبة جنبنة نروح لها انكلمهم هناك
هاجر : خلاص انلكمهم بس مو الحين
ناصر : اهم شي انكلمهم ونعايد عليهم
هاجر : خلاص حبيب انكلمهم بس في الليل الحين تعبت انا من المشي خلنا نروح للبيت ناكل لنا أي شي
ناصر : يله
في الليل في المزرعة كان التجمع كان الرجال والنساء جالسين مع بعض بس منفصلين امسوي خالد حفلة صغيرة لرجعة الوليد والجازي
كانت منيرة ما هي موجودة جنبهم بعيدةعنهم وين كانت كانت بالمطبخ تكلم خديجة
منيرة : اهلين خديجة عيد مبارك
خديجة مستغربة ولا ردت عليها
منيرة : خديجة انا في كلام انتي ليه ما في يرد على انا
خديجة : انت في قول حق انا عيد مبارك انت ما فيه حرارة ما فيه سخونة
منيرة ك السخون ة فيك انتي وش جيبني لك بس الحاجة
منيرة : لا حبيبتي انت ما في مسلم انت انسان لازم انا في يسوي حق انت عيودة والحي انا مع ماما انت كويس كثير
خديجة : انا في شوف اليوم انت في يحب ماما شيماء
منيرة : الحمدلله شفتيني انزين يعني انا في كويس وانت خذ هذا فلوس حق نات عيودة خذي هذي خمسين ريال (تمد الفلوس لخديجة خديجة خذت الفلوس (
خديجة : شكرا ماما انت واجد كويس)نصابة (
منيرة : خديجة تعال اشوي هنا قريب
خديجة : نعم ماما
منيرة : كل العالم عندك ماما سمعيني ماما شيماء واجد زعلان انا مافي معلوم ليه انا يبي يساعد هو انا في شوف شيماء يصيح ما يدري ليه ((تبكي منيرة دموع التامسيح لتوهم خديجة انها متأثرة بشيماء(
خديجة : حتى انا في صيح عشان ماما شيماء هو بعد ما يجب في يوم قبل عيد بيت هو زعلان وباب ما في كلام شيماء بتاتا هو في زعلان مع شيماء كثير حتى هو يصارخ على عبدالرحمن والعنود وشيماء ان امافي معلوم ليه
منيرة بخاطرها : كانوا بره وجاوا زعلانين ليه وش صاير يعني حتى ابراهيم فيه شي بس كيف بعرف وش السالفة ........................لقيتها
اطلعت منيرة من المطبخ وبالحض لقت إبراهيم جالس لحاله بعيد في اخر المزرعة تسللت له عسى ما احد يشوفها