نورة : قولي له اني احبه
عبدالرحمن : قولي لها اني اموت فيها
العنود : خلصتوا الحين جد انكم ما تستحون ولا عندكم حياء المهم اشوفك ببيتنا الحين
عبدالرحمن : والله
العنود : ايه بسرعة روح
عبدالرحمن : يا أحلى اخت بالدنيا سلام
طلع عبدالرحمن ونقز لبيتهم بسرعة فرحان بيشوف نور اعيونه
دخل عبدالرحمن بيتهم وهو جالس يحضر كلام لنورة مايعرف وش يقو لها
عبدالرحمن : وش اسوي فيها اطقها على الحقران ولا احبها ولا ولا المهم انا مشتاق وعاشقها
ادخلت العنود مع نورة اول ما دخلت العنود فتحت غطوتها اما نورة لا
العنود : فيه حد عبدالرحمن
عبدالرحمن : لا حياكم
العنود : السلام عليكم
عبدالرحمن :........................
نورة : السلام عليكم
عبدالرحمن :.............................
العنود تكز عبدالرحمن
عبدالرحمن : اهلين وعليكم السلام عنود ما احلاك عيونك حلوة كأنها عيون المها والريم ماله مثيل غيرك انتي يا ضياء العيون ونورها
العنود :تسلم يا اخوي
راحت تحب اخوها لقت انه يطالع نورة
العنود : ايا جليل الحياء افكر الكلام لي افره حق بعض الناس تعال قرب خلني احبك (تحب خد اخوها ) عيدك مبارك وايامك سعيدة
عبدالرحمن : ..........................
قرب عبدالرحمن من العنود الي كانت بجنب نورة ورفع يده بيضرب نورة كف غمضت العنود عينها ونورة معها
وبعد ثواني معدودة بطلوا اعيونهم ولقوا عبدالرحمن جالس على الأرض بركبة والركبة الثانية متسند عليها كأنها يقابل اميرة
عبدالرحمن :
.. ابعتذر .. عن كل شي
.. الا الهوى .. ما للهوى عندي عذر
.. ابعتذر .. عن أي شي
.. الا الجراح .. ما للجراح الا الصبر
.. ان ضايقك اني على بابك أمر
ليلة ألم ... اني على دربك مشيت عمري و أنا
.. قلبي القدم
.. ابعتذر .. ابعتذر .. كلي ندم
.. عن كل شي .. الا الهوى
.. ما للهوى عندي عذر
.. اتصدقي ... ماخترت أنا أحبك
.. ما احد يحب اللي يبي
.. سكنتي جروحي غصب
.. يا حبي المر .. العذب
.. ليت الهوى و انتي .. كذب
.. كان اعتذر لك عن هواي
.. ما أقول أنا .. كوني معاي
.. ان ضايقك اني على بابك أمر
ليلة ألم ... اني على دربك مشيت عمري و أنا
.. قلبي القدم
.. ابعتذر .. ابعتذر .. كلي ندم
.. عن كل شي .. الا الهوى
.. ما للهوى عندي عذر
.. الله كريم .. حبك .. يكون
.. همي القديم
.. و جرحي القديم
.. و الله عليم .. يا أحلى العيون
.. ان الفراق .. جزا الفراق
.. ابوعدك .. كان الطريق بيبعدك
.. بامشي الطريق
.. و كان الجحود بيسعدك
.. مالي رفيق
.. ابجمعك أوراق السنين .. و أودعك
.. كان الفراق اللي تبين .. الله معك
نورة افرحت بشعر عبدالرحمن لها والعنود استانست لهم جد عاشقين لبعض لكن نورة من خلص بادرته بالرد على شعره
نورة :
.. في كل قصة حب أحلام ومدينة
.. ليل ونخيل وهبوب
.. لكل قصة حب لو كانت حزينه
.. أجمل ألوان الغروب
.. ناظر ضي الحوانيت القديمه
.. ونقش أبواب البيوت
.. كلها شعر ومواعيد قديمه
.. وصوت قلبي اللي يموت .. وما يموت
.. لكل قصة حب عذال وحسود
.. ليه تخدعنا الأماني والليالي السود .. سود
.. إشعل جمر العناد قرب معاد أشوفك
.. لا يفرقنا السواد
.. ارسم وجهي بكفوفك
.. ولا تجرحنا عيون الليل وحروف النميمه
ولا يعذبنا السكوت
.. إن عطشنا أو شربنا الدمع ديمه
للهوى بنحيا ونموت
.. لكل قصة حب أشواك و ورود
.. وليه نصرخ من ألمها وكلها تنبت في عود
.. ناظر هذا قمرنا لو تغطيه الغيوم
.. وناظر هذا شجرنا ومهما تحرقه السموم
.. ولو تجرحنا عيون الليل وحروف النميمه
.. ولو يعذبنا السكوت
.. إن عطشنا أو شربنا الدمع ديمه
!! للهوى بنحيا ونموت
نورة : اعذرك يا عبدالرحمن خلاص قوم
تمد نورة يدها لعبدالرحمن وقام من وقته
العنود : اهههههههه وين بس الي يقول لي مثلكم
عبدالرحمن : استحي على وجهك بعد تبين تسوين مثلنا
نورة : ايه استحي ما عندك حيا ولا شيمة لأخوك
العنود : لا اجل امشي خلاص تايم اب
عبدالرحمن : لا صبروا وهذي اعيودتكم مني
اهدا لكل وحدة خمسمائة ريال
العنود : يعلني ما خلا منك يا اخوي
نورة : وانا وش تبيني اقول ولا وش تبي عيودة
عبدالرحمن : لظى الشوق يكويني ويكفي شوفت عيونك النجلا
نورة اقفطت من كلام عبدالرحمن
العنود : عشتوا توك تستحين
عبدالرحمن يضرب العنود براسها
وضحكت نورة على العنود
كملوا جلستهم فيها عبدالرحمن روى الظيم والكل فرح بعدها ارجعوا لبيت الجوهرة
وكان الكل على نفس حالته متضايق
في هذي اللحظات توصل سيارة التاكسي
وينزل منها شخصين ادخلوا بيت الجوهرة
البنت راحت للحريم والرجال دخل عند الرجال
طق طق طق
الكل يناظر للباب والكل وقف مندهش مستغرب فرحان المهم الكل ارتسمت على شفاته ابتسامة فرح
عند الحريم
الكل قايم الكل ساكت الكل فرحان
قطع هالسكون تلولوش من الجوهرة
الجوهرة : لولولولولولولششششششششششششش الف الصلاة والسلام عليك يا حبيب الله محمد
الكل راح يسلم عليها شيخة البنات الجازي
سارة : تلم بنتها فرحانة فيها كأنهم ينتظرون قدومهم عشان يعيدون الكل فرحان وبكى الي بكى عائشة وغادة والجوهرة وسارة وشيماء طاب خاطرها اشوي
المهم الكل فرحان
عند الرجال
الكل سلم على الوليد بعدها ادخلوا الي يحلون على الحريم
طق طق طق طق
الجوهرة : ادخلوا حياكم تغطوا يا بنات
يوسف لم بنته وحب راسها
سبحان الله شوفوا الشوق وش يسوي
شغلوا لهم الطقاقات وجلسوا يرقصون ادخلوا الشباب يرقصون مع الرجال
الكل فرح لوصول الجازي كأنها هي العيد مو العيد نفسه
عبدالرحمن سكر المسجل : لو سمحتوا بغيت اشعر في نفسي شعور فرحة ودي اقوله فرحان لوصول الوليد وحرمه المصون الجازي ممكن اشعر
خالد : ومين الي يقدر ما يسمع شعرك قل الي بخاطرك
عبدالرحمن :
يا ساعة الفرحه تشوقت للعيد
عيد العيون وعيد قلب الصبابه
رد الجمال لشوفتي يا اتلع الجيد
واسحب على حرفي لحون الربابه
حرفي بصوتك يا اجمل الصوت تغريد
يا رمز حبي هاك رمز الكتابه
يا صبح عمر فيك للعمر تجديد
وحبك يجدد كل يوم شبابه
للعين والقمرا وحسنك مواعيد
وليل الهوى شرع للأحباب بابه
ياما زعجت الصوت باسمك تراديد
وياما نسيم الوجد يمك سرابه
وياما تمنيتك على باقي الغيد
واقول مثلك يا غلا الروح ما به
ابيك تهوى مثل ما اهواك وتزيد
يا من خفوق القلب حسنك غدا به
يا قطرة الغيمه على يابس البيد
رد الحياة لخافقي يا ذهابه
وسلامتكم
الكل ومين قال سالم
كملوا ليلتهم وبعدها الكل راح لبيته
في بيت إبراهيم
إبراهيم :العنود حطي لي فراش مع اخوك عبدالرحمن
العنود : وش فيها غرفتك
إبراهيم : سمعتي وش قلت
العنود : إنشاء الله
راحت العنود للغرفة لقت امها تصيح وجالسة على السرير
العنود : وش فيك امي
شيماء : ما فيه شي وش فيك
العنود : ابوي يقول احط له فراش عند عبدالرحمن
شيماء : سوي الي يقوله ابوك
خذت العنود فراش لأبوها وفرشته له عند عبدالرحمن
شيماء بخاطرها : يعني بتهجرني خلاص بتهجر مرتك انا استاهل الي يجيني وينك يا يمه وينك