الجازي بتردد: تي الصراحة مو متعود أنام مع احد فما بالك برجال
الوليد : رجال أنا رجال
الجازي تصالح وليد الي زعل: وليد أقصد أي شخص أنت زوجي لازم تريحني
الوليد بجدية وفيها مزح: أقول ماعندنا بنات ينامون لحالهم يله بس
أخذ الوليد الشنط وأجروا أقرب تكسي يوديهم لمحل إقامتهم بباريس
في التاكسي
الوليد : ها الجازي : عساش مرتاحة
الجازي : دام أنك مرتاح انا مرتاح
الوليد : هذا الكلام مو قبل أشوي أخاف
الجازي : خلاص وليد أنسى
الوليد : إنشاء الله بنسى وهناك بنشوف مين الي مو ناسي
الجازي : وين هناك
الوليد : بعد وين بالشقة
الجازي : تراك تخوفني زود أسكت خلني أصطدم بالواقع أحسن
الوليد : الواقع يا أم الواقع أوريش هناك
وصل التاكسي لفندق ونزل الوليد ومن ثم فتح الباب للجازي
الوليد : تفضلي سيدتي ها نحن قد وصلنا أهلا بك في شقتك
الجازي كأنها ماتبي تنزل
الوليد : أقول أنزلك ولا بتنزلين
الجازي : والله شكلك يخرع بنزل أمري لله
الوليد : جيتك بالطيب وما فاد فيك وش تبيني أسوي لك أشيلك ,,,, يله عشانك بشيلك
الجازي : لا الوليد مو أهني عيب
الوليد : اههها اجل فوق بشيلك ولا تتكلمين بكلمه سمعتي
الجازي : سمعت
راح وليد للأستقبال ياخذ مفاتيح الشقة
الوليد : thank you <<< please send breakfast after one hour ok
موظف الأستقبال : ok
طلع الوليد مع الجازي عن طريق المصعد والجازي طول الوقت أطالع بالمناظر الي بالفندق وخاصة النافورة
الجازي : تدري الفندق هذا شكله أجنان من بره , ويكفي اني أحس أني بمصر بالأهرام
الوليد : لسه ماشفتي شي ,,, تدرين كيف نتنقل تحت عن طريق شباب يرفعونه بحمالة ويودونه وين مانبي داخل الفندق
الجازي : الله خلنا نروح الحين
الوليد : والله قصي علي بعد شايفتني بزر هاك حلاوة ها
وصل المصعد للدور الخامس والخمسين
وبعدها أطعوا منه العروسين لكن هنا حصل شي ثاني أول ما فتح الوليد الباب شان يشيل الجازي ويدخلها للشقة
الجازي : لا وليد حرام عليك
الوليد شايلها ويمشي على أقل من مهله
الوليد : أنتي الي قلتي مو أهني
الجازي : حتى مو هني
الوليد : أهههههه يعني اذبك الحين ولا وش أسوي
الجازي : لا تطيحني وليد أخاف أهههههه أذني تعورني وليد أذني (( الجازي تسوي روحها تتألم ((
الوليد : الجازي ((حط الوليد الجازي على السرير وهي ما صدقت خبر أسرعت ناحية الحمام وقفلت على روحها ((
الوليد : تسوين هالشي فيني صبر وين بتروحين المهم تسبحي
الجازي : وليد لا تنسى الأغراض تراهي برا نسيتها يا روميو
الوليد : بروح أجيبها عجلي ترا الفطور بيجي
الجازي : إنشاء الله
راح وليد يجيب الأغراض من برا
الجازي : وليد ......وليد وينك
دخل وليد للشقة وسمع الجازي تناديه
الوليد : نعم يالغالية
الجازي : تسلم
الوليد : بس تسلم مافيه شي ثاني
الجازي : تسلم بس تكفي
الوليد : أنزين أحسابك مو هني
الجازي : وليد طلع لي ملابس ومنشفة من شنطتي
الوليد : إنشاء الله بس تامرين أمر وهذي شنطتك
الجازي تذكرت شي ملابسها
الجازي بصوت عالي : وليد لا لا ,,, أنا بفتحها خلها
وليد : ليه وش فيها
الجازي : وليد خلها أرجوك بفتحها أنا
وليد بمكر : ليش وش فيها
الجازي : فيها ملابسي بعد وش فيها
الوليد : خلاص بفتحها أنا
الجازي : وليد طلبتك خلها
الوليد : عطيتط ادري فيك تستحين وهذا الي بيدوخني الليلة الحياء حقك
أفتحت الجازي الباب ومدت يدها تاخذ الشنطة وليد مسك يدها
الجازي : وليد لا
الوليد حب يد الجازي وعطاها الشنطة
الجازي بخاطرها : وش سوا هذا حب يدي ))أقفطت((
تسبحت الجازي ومن ثم أطلعت وليد دخل بعدها لكنه ما تحرش فيها وبعد فترة طلع وليد ولقى الجازي تسرح شعرها
الوليد منبهر من جمال الجازي
الوليد : الجازي ((الجازي تطالعه من المرايا )) اول مرة أدري أنك بهذي الحلاة والله ما أدري وش أقول لو واحد ثاني كان قال شعر ولا خاطرة ولا أي شي بس أنا ما أعرف أقول هالأشياء الي أعرفه أنك أجمل ماشفت بحياتي ياني مجنون ضيعت وقت كثير بحياتي ولا داري عنك المفروض من زمان تزوجتك أأههه لو داري بس أنك بهذي الحلاة
الجازي أحمرت أخدودها
قرب وليد للجازي وحب راسها
الوليد : ممكن أسألك الجازي
الجزاي وهي جالسة تسرح شعرها : تفضل أنا ملك يمينك
الوليد : تجاوبيني بصراحة
الجازي : الله يقدرني بس انت تكلم
الوليد : الجازي هل تحبيني
الجازي ساكتة تفكر : أنا أحبك الحين أنت زوجي ولازم أحبك لكن هل أحبك صعبة وليد كثير
الوليد : ها الجازي ما جاوبتي
الجازي : خلني أجاوبك بعدين على هالسؤال تدري الوليد انا ما ما عاشرتك كثير لأنك كنت مسافر به لمدة طويلة عشان كذا ما أقدر أجاوبك لكن أنت زوجي ولازم احبك
الوليد : الجازي انزين أهم شي شي واحد أنك ما تكرهيني
الجازي : وليد ليه هالأسئلة
الوليد : لأني أبي أعرف شي واحد هل أنتي مغصوبة يوم وافقتي علي
الجازي : ماكنت أتصور أنك تقول هالكلام و في أي يوم يوم العرس بس تطمن أنا خذتك بأرادتي ومن دون أي ضغوط ((الجازي بداخلها : كذابة فيه ضغوط ((
الوليد : الحمدلله ريحتيني
الجاز ي: وانا ممكن أسأل
الوليد : تفضلي خذي راحتك البيت بيتك وأحنا الخدم عندك
الجازي : محشوم يالغالي
الوليد : يال أيش
الجازي : يالغالي ليه مو حلوة
الوليد : أهي مو حلوة لكنها طالعة منك زي العسل
الجازي : تراني ما أقد ر((خبت وجها بين أيديها )) أستحي
الوليد : لا خلاص لا تستحين ((رفع ايد الجازي )) ها وش السؤال
الجازي : أنت تحبني ومن متىتحبني ان كنت
الوليد : ليه كذا يالجازي أيه أحبك وكنت أبيك من زمان حتى تدرين من كنت صغير وانا أبيك لي زوجة ((بخاطر وليد انت كذاب ((
الجازي : الحمدلله هذا أهم شي عندي
الوليد يمسك أيد الجازي ويسحبها للسرير
الوليد : يله عاد كافي كلام خلينا ننام
الجازي : مو الحين ما فيني نوم
الوليد : أنا فيني نوم ولازم تنامين معي
الجازي : حبيبي لا
الوليد هد أيدها : جازي وش قلتي
الجازي : حبيبي
الوليد : عديها
الجازي : كافي دلع
وليد سحب الجازي للسرير
الوليد : قولي لي مرة ثالثة حبيبي
الجازي : لا خلاص
الوليد : اها عاد مرة بس
الجازي : حبيبي أنت
الوليد فرحان ومن شدة فرحه أخذ المفرش وغطا روحه مع الجازي
ممنوع الشرح هنا