البنات يترقصون وفرحانين الا نورة راح عبدالرحمن اتجاه عمه خالد
عبدالرحمن : عمي بغيتك بكلمة راس ضروري
خالد : عن أذنكم بشوف ولد أخوي
راح خالد لعبدالرحمن : سم وش بغيت
عبدالرحمن : عمي أرجوك لا تخذلني تراك أخر أمل لي
خالد : وش فيك
عبدالرحمن : أنا عبدالرحمن ولد أخوك أقرب لك من أي أحد ثاني مابقى لي بالجامعة غير فصلين وبخلص عشان كذا بغيت أتقدم واطلب يد بنتك نورة
خالد منبهر بالكلام : ....................
عبدالرحمن : عمي تكلم قول شي
خالد : ماأدري وش أقول لك بس أحب تعرف أن فيه أحد متقدم لها وبعد ما تقدم كلمت أبوك وانت رفضت والحين تجي تقول تبيها لا
عبدالرحمن بعصبية : ليه بأمر مين أبيها لي أنا
خالد : لا مو معطيها أحد غيرك
عبدالرحمن فرحان والأرض مو شايلته : من جدك عمي تتكلم بتزوج نورة أنا بتزوج بنتك نورة ماني أمصدق مستحيل
يوم خلصت الأغنية راح خالد : ها بس لازم نورة أتوافق
عبدالرحمن : الحين أكلمها
خالد : نعم وش قلت
عبدالرحمن : قصدي عمتي منيرة كلمها حتى هي لازم توافق
خالد : لا مو لازم دامك ولد أخوي تتزوجها بس هي لازم توافق
عبدالرحمن : مشكور عمي والله أنك فرجت هم كبير بقبي أ،ا أحبك وأحب بنتك حيل
خالد : من متى
عبدالرحمن : من واحنا أصغار ألعب معها وأضربها أحيانا ويوم كبرنا أعجبت فيها زود وحبيتها
خالد: أنت ماتستحي وين حياك
عبدالرحمن : حطيته بالسيارة ( حب راس عمه (
راح عبدالرحمن لأبوه
عبدالرحمن : يبه عمي وافق وافق
إبراهيم : دامه وافق خلاص
راح عبدالرحمن لعمر الي كان جنب وليد
عبدالرحمن : أبوك وافق ,,,وليد أبوك وافق
الوليد : على وشو
عبدالرحمن : وافق على زواجي من أختك
الوليد : من جدك تتكلم ونواف
عبدالرحمن : أنسى ,, المهم بدخل أنا الليلة وبرقص وانت عمر معي ها
عمر : ليتني أنا بعد أتزوج
الوليد : أشوف كلكم غرتوا
عبدالرحمن : أنت القدوة يالنسيب
الوليد : ومين قال أني أموافق عليك
عبدالرحمن : مو لازم توافق المهم حط بالك على بنت عمي ليصير لك شي ثاني
الوليد : أبشر خير ماوصيت
نترك الشباب وفرحتهم ونروح للحريم الي كانوا أمقطعين روحهم من الرقص
أم نواف : مو قادرة لازم أنقط عليها ماشاء الله تبارك الله
راحت أم نواف لمسرح ونقطت على عايشة
غادة : وش عليك نقطت لش
عايشة : منوا هذي
غادة : وانا أيش دراني شكلها تبيك لولدها
عايشة : وش فيك أنتي ونورة تقولون نفس اكلام
غادة : نفس المرة
عايشة : ايه
غادة : أجل كلميها بعد الأغنية وشكريها
الهنوف جالسة مع نورة
الهنوف : وش فيك أمعبسة كذا
نورة : مافيني شي بس متضايقة أشوي
الهنوف : الدنيا ماتسوى إذا تضايقتي تراني أختك قولي ش الي عندك وش الي أمكدر خاطرك
نورة : الهنوف مو قادرة أستحمل خلينا أنبعد أشوي
الهنوف : يله قومي
راحت الهنوف مع نورة بعيد عن المسرح أهداء أشوي
الهنوف : ها وش فيك
نورة :..........
الهنوف : ليه كذا نورة ليه الدموع وش صاير لك تكلمي طلعي الي بداخلك
نورة : الهنوف أهلي بيزوجوني
الهنوف : وهذا شي يزعل
نورة : أنا ما أحبه
الهنوف : نورة تحبين واحد ثاني
نورة: أيه أحبه واموت فيه لكنه خذلني كملت نورة سيل دموعها
........
غادة : عايشة خلينا نروح لها
عائشة : يله
راحوا البنات لأم نواف
عايشة : السلام عليكم خالتي كيف حالك
أم نواف : وعليكم السلام أبشرك يابنيتي بخير ومبروك عليك زواج بنت عمك صح
عايشة : الله يبارك فيك, خالتي أمشبها على أحد لأني والسموحة منك ما أعرفك وانتي أمنقطة علي
أم نواف : لا أعرفك وأعرف أمك منيرة
عايشة : أي منيرة أمي أسمها سارة يمكن تقصدين قمر
أم نواف : لا أقصد منيرة ذيك ( تأشر أم نواف على منيرة (
عايشة : لا ذيك عمتي زوجة عمي خالد منيرة
راحت غادة تنادي عمتها ساره
سارة : نعم حبيبتي وش فيك
غادة : هناك مرة تقول أن عايشة بنت منيرة
سارة : وينها
غادة هناك مع عايشة
سارة : ذيك أم نواف ,,,خليك هنا وبروح أشوف وش السالفة
راحت سارة لبنتها
سارة : هلا بأم نواف كيف حالك
أم نواف : الحمدلله وش أخبارك سارة
سارة: الحمدلله ها عرفتي بنتي عايشة
أم نواف : من جد ذي بنتك
سارة : نعم هذي بنتي
أم نواف : واللله ما أدري وش أقول لك ياوخيتي , عايشة بغيت أمك بكلمة راس خلينا لوحدنا
راحت عايشة بعيد وشافت نورة والهنوف لوحدهم
نورة : هلا بعايشة قربي
عايشة : نورة قومي شوفي ذيك المرة تقول أنا بنت أمك منيرة
نورة : وينها
عايشة : ذيك
نورة : هذي أم نواف , وهي الي تبي أتزوجني ولدها
عايشة : كيف وعبدالرحمن
نورة أرجعت تصيح كمان جديد
الهنوف : خلاص نورة والله مايستاهل ان كان كذا تصرفه
نورة : لا لا تقولين كذا عليه الهنوف شوفي لي حل ما أبيه
سارة : أجل كذا
أم نواف : ماعلينا منها المهم سارة بغيت عايشة لولدي نواف والله أن أحنا شارين البنت ونبيها ولا زلنا متمسكين فيها ولا لو أم ثانية مارضت بالي سوته زوجة حماك
سارة : الله يجزاش خير والبنت بنتكم بس خلي ينتهي العرس ونكلم أبوها وعمامها
أم نواف : ليه عمامها
سارة :ممكن فيه حد خاطرة بالبنية
سارة : الله لا يقول ها تراني تعبت لين لقيت بنتك ماشاء الله عليها أخلاق وجمال ونسب نتشرف فيها
سارة : ماقصرتي
أم نواف : أهم شي ماأزعجتك ومنيرة حسابها عند ربها تبي تظلم الولد والبنت وأنا وأهلنا كلنا ليش ما أدري
ساة : حسابي معاها أنا بعدين فمان الله
سارة راحت لشيماء خويتها تستعين فيها وخبرتها السالفة من الأول للأخير
شيماء : الحمدلله الحمدلله
سارة : وش فيك
شيماء : ولدي عبدالرحمن يبي نورة ولو خذوها عز الله فقدت أعيالي كلهم
سارة : السموحة منك شيماء ادري تقصدين خليل والجازي قولي الحمدلله ما حد يدر وش الخيرة
شيماء : الحمدلله بس والله لوريها منيرة هذي تعالي معي ولا أقول لك خلك هنا أنا بحلها
شيماء اتصلت على إبراهيم وفهمته السالفة كلها
إبراهيم: خلاص أنا بكلم أخوي وهو يتفاهم مع مرته
راح إبراهيم لخالد واسحبه على جنب
إبراهيم : خالد عندي لك سالفة مو حلوة بس بغيتك أتروق وتفهم السالفة عدل
خالد : سم
إبراهيم : جاك ولدي عبدالرحمن وخطب نورة منك وأنت وافقت صح
خالد : ايه هذا ولد أخوي
إبراهيم والله والنعم فيك ياأخوي بس الي أبي أقوله غير تدري لو عبدالرحمن ماكلمك ولا خطب بنتك كان راحت بنتك ضحية ونواف ضحية وكلنا ضحية والسبب مين منيرة زوجتك
خالد : وش دخل زوجتي
إبراهيم : يا أخوي زوجتك حبت تزوج بنتها مو غلط لكن الغلط أن تاخذ عيال الناس سرقة واهم مو قصدهم بنتك قصدهم بنت يوسف عايشة أم نواف تبي عايشة وزوجتك قالت هذي بنتك وبعدها بتلفق الموضوع وبزوج بنتك لنواف
خالد عصب حده : وخر عن طريقي
إبراهيم : ولا تتعدى من هنا وان تعديت لاني أخوك ولا تعرفني أنا ماقلت لك عشان تسوي شي لزوجتك بينك وبينها تفاهموا بس الحين بنتي نورة عزها وأعلن خطوبتها مو تبي ولدي عز البنية واعلن خطوبتها الليلة
خالد : عدل كلامك أهم شي العيال والحين خلني أخذ كاس ماي أروق حسبي الله عليك من مررة تبين تاخذين شي مو لك حسبي الله عليك
نترك الرجال ونرجع لنساء الي كملوا فرحهم ورقصهم
الجازي : لينة وينه ولد أخوك تأخر
لينة : بكلمهم وبشوف وش السالفة
لينة تتصل على فيصل
فيصل : الو
لينة : هلا حبيبي
فيصل : هلا بخلف ألي وجداني تدرين ليتها ترجع من أيام العرس وغيره
لينة : أحنا فيها المهم حبيبي وين وليد ما دخل
فيصل : تونا أمخلصين عشا وبيدخل الحين جهزوا درب له
لينة : يله سلام حبيبي
لينة : الجازي :بيدخل الحين أستعدي
في هذي الأثناء فيه من كان حزين لدرجة كبيرة الا وهو خليل
خليل : روز تدرين مين زواجه الليلة بالسعودية الا الحين
روز : من
خليل : الجازي على ولد عمي , الجازي راحت ياروز راحت ليه انا أثابر واتعب حق مين مادخلت طب الا للجازي وماشديت حيلي الا للجازي أنا الحين لمين أثابر واجتهد دامها راحت راحت الدنيا وراها
روز : خليل لا لازلت تثابر للجازي وتجتهد لا تنسى مكالمتها لك تراها تحدت أشياء كثيرة لأجلك لا تخيب ظنها فيك وشد حيلك ترا مابقى غير القليل
خليل : الله يعين رفعتي معنوياتي ودي أكلمهم بس ما أبيها تتذكرني في يوم فرحها أبيها تستانس وتفرح ويملي قلبها السعادة
روز : خليل ما أكذب عليك الجازي مو حابه رجال غيرك والظروف هي الي تحكم الأنسان يسوي أشياء مايبيها
خليل : الله يعين وش أخبارك أنت ومعاذ,,,أقول لا تستحين لأعطيك كف أنا حسبت أخوك
روز : والله أنك أغلى من أي أنسان بهالدنيا
خليل : حتى من معاذ
روز : أيه أغلى مين عرفني عليه غيرك عرفتني على حبيبي وليتني أسلم ويكفيني هذا وهذي حبة على الراس اممواه
خليل : الله يقطع أبليسك لايشوفونا معاذ ويكفخني الحين
روز : معاذ مستحيل يشك فيك لو ذرة وانت حسبةأخوي وأبوي وكل شي
خليل : أجل خلاص بكلمه يعجل بالزواج أبي أشوف أحفادي
روز أستحت
نرجع للسعودية دخل وليد واشتغلت الطقاقة بالطق وغنت هب السعد
دخل يعقوب وأحمد وعمامهم كلهم أرقصوا مع لينة والجوهرة الكل مو شايلته الأرض من الفرحة حق ولد أخوهم وبنت أختهم
طلع يعقوب وأحمد
بعدهاطلعوا الرجال وزفوا المعرس والمعرسة للسيارة
سارة تبكي دموع الفرح والجوهرة ولينة لأن الجازي بتغادرهم وبتروح لوليد لا وشهر عسلهم بباريس وماشين الحين لأن الطيارة بتقلع من الأحساء للرياض ومن ثم على طول لفرنسا
سارة : وليد ماوصيك على أبنيتي وانتي يالجازي هالل هالله بوليد فمان الله
منيرة : ها محتاجين شي تبون شي لا تنسون وكلموا أول ما توصلون
البنات سلموا على الجازي بعدها غادر وليد والجازي الصالة
كملوا العايلة الفرح لين اخر الليل مشوا المعازيم ومابقى غير الأهل
عبدالرحمن : عمي عبدالوهاب بدخل تعال معنا أرقص
عبدالوهاب : يله خلونا ندخل يالشباب
شيماء سنعت طريق للشباب وادخلوا
عبدالرحمن : يمه والله أني فرحان حيل بس بقول لك بعدين مو الحين المهم خلي الطقاقة تغني جنة جنة جنة
شيماء : بس غالي والطلب رخيص
بدت الأغنية والكل يرقص من الشباب حتى يعقوب بعصاه يرقص
نورة : شفتيه الهنوف مو هامه وفرحان شفتي
الهنوف : لا تحزنين روحك
خلصت الأغنية والكل سوا الي يقدر عليه من الرقص خاصة عبدالرحمن الي فرحان حيل
خالد : منيرة تعالي
منيرة : مبروك مبروك
خالد : الله يبارك فيك
منيرة : عقبال عمر ونورة
خالد : نورة أيه الحين خلاص وافقت
منيرة : مبروك ألف ألف مبروك يبي لي خماري أرقص عشانك مع أني ما أحبه
خالد : وين المايك أبي أتكلم لأهلي
منيرة : دقيقة
خذت منيرة الميكروفون من الطقاقة وعطته خالد
خالد : بسم الله بسم الله الكل يسمع
الكل : ايه
خالد : وين نورة بنتي
نورة تسمع أبوها وقامت له ,,,راحت جنب امها
خالد : إبراهيم قرب جنبي تعالوا ياأخواني هنا خلونا جنب بعض مايفرقنا أحد وانتي أمي قربي معنا انتي الخير والبركة
الكل قرب من خالد حتى البنات
خالد : حبايبي حبيت أبشركم بفرحة ثانية تكمل مسيرتها مع فرحة الجازي والوليد ولدي الفرحة الجاية تخص بنتي نورة
نورة : أمي ماني أموافقة
منيرة : سكتي نتي ماتعرفين مصلحة روحك
خالد : اوششش المهم بنتي خطبها رجل ولا كل الرجال عايلتها والنعم فيها أبوه من أحسن الرجال وأمه ما عليها كلام الكل يحبها ويحترمها وش رايكم أرده ولا
الكل : لا لا ترده
خالد : أبي أسمعها من أبنيتي نورة
نورة : الراي رايك يبه
خالد : والنعم فيك بنتي والله أنه يستاهلك وانتي تستاهلينه
شيماء مو راضية بالكلام هذا ماتبي أحد ياخذها غير عبدالرحمن
خالد: تبون تعرفونه
الكل : أيه