البـارت الـ 39 ..
فطـوم بدلع : آآآلوو ..
خـوله انقهرت : من انتي !!
فطـوم : انـااا .. ههه انـا حرمـتك حمداااني ..
خـوله : من حمـدان ؟
فطـوم : حمـداان بن محمـد الـ ******
خـوله : اشووووووووه !! حمـدان متى عرس
فطـوم كانت طول الوكت ترمس بدلع : وانتي شلج .. اقـولج بس حبيت اقولج شي
خـوله : خيير شو عندج !!
فطـوم بجديـه : ابتعـدي عن عبد****يـز و عمـر ,, ترا والله ان سويتي شي ثـاني لاتلومين الا نفسـج
خـوله : وانتي شلج فـ عزوز و عمـور !! اصـلا انتي هب حرمتك حمـدان .. شكلج حبيبته .. و حبيبة عبد****يـز عمـر ..
فطـوم عصـبت : اتخسيــن يا الصـايعه .. أنـاااا فـاااطمه الـ ****** .. تبيني اكـون مثـلج انتي .. هه تحلمين حبيبتي ..
انتـي اصـلا ماتسوين ظفـر ريلي اوكييه وانا مستوايه اعلى من مسـتواج يا النذله .. انتي اصـلا مستواج تحت نعـالي انزين ..
خـوله : اشـووووه .. تخسين والله .. مستواي عـالي انزين
فطـوم : لو عـالي جان ماطلعتي ويا شبـاب و لا لعبتـي عليهـم ,, بس ما اقول غيـر كـما تديـن تـدان ,, و والله ان مابتعدتي عن مريـوم مابتشـوفين غيـر اللي مايسرج ..
خـوله : اونـج عـاد مستويه محـاميه دفـاااع .. حبيبتي ,, بسوي اللي يريحنـي انزين .. وان سويتي شي شوفي اللي بييج
فطـوم : ولا عشـــره من امثـااالج يقـدر يسويلي شـي ,, جربـي و شوفي شو بيصيرلـج .. تعـالي اقولج ,, تعرفين انه الحركه اللي سويتيهـا فـ عزوز و مـريـوم انه حركـات يهـااال !!
خـوله : كـلن يرا النـاس بعيـن طبعه .. وانا ماحط راسي براس يهـال .. وحركـه اللي سويتهـا انتقـاام ,, بس عشـان يعرف انه خـوله الـ****** ماحد يروم عليه .. وعندي نـاس يقدرون يادبونج انزين
فطـوم : هههه احلفـي انتي بس .. حبيبتي انا مادبه عمرييه قبـل لاتادبين عمـرج .. الحمـدالله اعرف شو الصح من الغلـط هب شراتج يـا ام الاولااااد ..
خـوله : جـاااااااااااب .. والله ما ترومين اتسوين شي يـا
فطـوم قطعت رمستهـا : هه اونه ما اروم ,, حبيبتي انا اللي فراسييه اسويه .. بس تعرفيـن ,, قالتها بخقه :
مـن عـادتي ماخـاطب عقـول(ن) غشيـمه ..
خـوله : الغشـيم محـد غيرج ,,
فطـوم : اهـااه اوكيه ,, اقول حبيبتي ,, لو فـيج خيـر تعـالي المريـنا الحييين انزين ..
خـوله : غصـبن عنج .. بس يا الشيخه " قالتهـا بمصـخره " وين بتكونين موجوده ,,
فطـوم : شيـخه غصـبن عنج و غصـبن ع اللي يابج .. قالتهـا وهيه لايعـه جبدهـا : يوم بتوصلين قوليلي يلا فارجي وسكرت و سكرت التسجيل
حمـدان فاج عيونه : صدق بتسيرين ؟
فطـوم : هيه عيـل شوه .. جان تقـوم و تسير صوب كبتهـا اطلع ثيـابهـا
حمـدان لحقهـا : مـاشي !! مابتسيرين !!
فطـوم : لا والله .. بسيـر ماعليه منـك .. كله ولا مريـوم ,, هـاي حرام تعيش " تقصد خوله" ,, لو الحيـن دق فراسهـا بتخرب اللي بين عليـا و عمـور ,, و بيني و بينك و بين محمد وسـاره .. جان تعرف محمد ..
حمـدان : خايف عليـج
فطـوم : حبيبي لاتخـاف .. هـاي والله (( وقالتهـا بجديـه )) لو لمستني امسح فيها الارض .. تعرف انا مره وحـده دزتني ع الاي*** و زختني من كندورتي من جدام شو سويتبهـا ؟
حمـدان : اشوه ؟
فطـوم : خليتنهـا هيه و الزبـاله واحد
حمـدان : بـل !!
فطـوم : هيه والله .. قسمن بالله اني ماسويتلهـا شي ,, و يوم سارت الا***ه كانت اتطلع سوالف من عندهـا
حمـدان : بسير ويـاج ؟
فطـوم : بتوصلنـي بس مابتنـزل ويايه
حمـدان عصب : فطـوووووم !!
فطـوم : بخلي جسـوم و وليـد ايـون ويايه بس مابخليهم اول شي يكونون ويـايه .. بخليهم يسيرون فوق ,, و اقدر اشوفهم و يشوفوني ,, واذا يابت قـافله وياها بخلي جسـوم و وليـد ايوون
حمـدان : فطـوم اول مره اشوفج جيه !!
فطـوم : قلتلك كله ولا مريوم !! سير البس و قول حق الاهـل سايرين مشوار صغير.. و خبرت جسوم و وليد بالسـالفه بس قولهم مايخبـرون حد
حمـدان : ماعليـج ,,
جـان يسير حمـدان عنهـا و لبس ثيابه و جيه .. و نزل تحت و حصلهم كلهم موجودين و خبـرهم انه بيسير ويا فطـوم مشـوار صغير ,, و خبـرت جسوم و وليـد بالسـالفه و سـارو ركبـو الهمـر .. و حمـدان ركب سيـارته ,,
امـا عند فطـوم ,, كانت تتلبس ,, استخفـت شويه ,, كـانت لابسـه بنطلـون جنـز سمـاوي شويه غـامج شويه يعني هب وايد و قميـص فـوشي كـت و عليه تنوره قصيـره وايد و صوب وين يحطون الحـزام لفت حزام بس هب ع البنطلون ع القميص و جيه ديـور امبيـنه عـووده ,, و لبست عبـاتهـا مفتوحه ,, لفت شعرهـا بـ التوكه " الورد " و رسمعت عيـونها و + مسكـره و حطت قـلوز و لبست دبلتهـا و لفت شيلتهـا اللي مكـتوب عليـها من ورا صوب التـوكه ديـور بـ الفصـوص ,, خذت شنطتهـا الديـور الراقيه دخلت موبايلهـا و دورت هاللي يسـجل الصـوت صغيـر ماخذتنه من بـانكوك ,, و يسجل عـدل و واضح بعـد ,, لبست بوتهـا الكعـب و يوم خلصت كل شي ,, نزلت و سلمت ع اهلـها و سيده دخلت الموتر عند حمـدان و سـارو صوب المريـنا ..
وعقـب 5 دقـايق و صـلو المريـنا ,,
فـ السيـاره بعدهـا مانزلت فطـوم ,, كانت تحـط القـلوز اللي يكبـر الشفايف وردي شفاف ,,
حمـدان : ايه ايه سايره عرس ولا سايره تضاربيـن ,,
فطـوم تشوفه : واثق فيني ؟
حمـدان : هيه ليش ؟
فطـوم : عيـل خـلاص .. جان تبوسه ع خده ( هب شفايفهـا ع خده ,, خده ع خـدها ) يلا حبيبي انا بنزل
حمـدان : تحملي بعمـرج و اذا تبيني ايي اتصليلي
فطـوم : من عيـوني ,,
جـان تنـزل ,, و تسير صوب دريشه جسـوم و دقت ..
جسـوم : هـلاا
فطـوم : جاسم ,, انزلـو الحين و سيرو فوق ,, و بكون واقفه عدال آلـدو بيكون آلـدو ع يسـاري وبليز خلوني اقدر اشوفكم .. و انتو كونو مجابليني ,, عسب البنـات ايوون جدامي وانتو تشوفون ظهرهم ,, و يوم بس بشوفكم انزلو من الدري و تعـالو ورايه
وليـد : تـــم ,, جان ينزل ,, و نزل وياه جسـوم ,,
جـسوم : فالج طيب ,,
فطـوم : فالك ماييخيب ,, وجـان يسيرون ,, ويـوم دشـو ,, لبسـت نظارتهـا الديـور و دشت المريـنا .. و كـانت صوب الممر اللي بين الـدو و استـار بوكس ..
وكان الـدو ع يسـارهـا ,, و شافت جسوم و وليـد من فوق و سوتلهم حركـة ( اوكي ) .. جـان تخلي هاللي يسـجل صوب آخر فصـمه فعبـاتها ,, هوه صغـير مره و وايد وايد زين ,, و ماينشـاف و كان اسود ,,
وعقـب دقايق اتصلت خوله ,,
خـوله : انتي وين ؟
فطـوم : تعـالي عـند آلـدو ,, وسكرت فـ ويهـا .. وكـانت حاسه انهم بييون و بيكونون مجابلينهـا جان اتدور ,, وعقب ثـواني
جان تي خوله وياها 4 بنـات 2 ع اليمين وهيه فالنص شويه متجدمه عنهم و 2 ع اليسـار
خـوله : اييييه
فطـوم صدة صوبهم و فصخت النظـاره : ما اعتقـد انه اهلـج علـموج كيف تتعاملين ويا النـاس ,, هههه ماشالله يايبه وياج محامين دفااع ..
خـوله : هيه يايبه عشـان تعرفين انا منـوه ,,
فطـوم بابتسـامه خبيـثه : تتحديـن ؟
خـوله : غصـبن عنج ,,
فطـوم بابتسـامه خبيـثه : اوكيـه ,,
خـوله : هاا وين ريـلج عنج ؟؟ قصيتي عليه بكمن كلمه حلـوه و يتي اتصيعين اهنيه
فطـوم : ههه ما انـزل مستـواييه بهالمسـتوا ,, و هيه تاشر ع خوله بصبعهـا من فوق لي تحـت ,,
خـوله : احسن عنج جان تي اونهـا بتدزهـا
فطـوم ردت ع ورا : ت ت ت ت pleez don`t touch !! ,, بتلوثيني
خـوله : شو تبيني اسويلج اذبحج اجتلج ,,
فطـوم : يلا جان فيج خير سوي شي ,, جان تشوف جسوم و و ليـد ,, و بسرعه ركضـو و نزلـو و يا صوبهـا و سيـده يا جسـوم يخوز خوله من فطـوم و يدزهـا
جسـوم : اييه انتي احترمي نفسـج
خـوله : امـنوه انتـه !! ومنو ها اللي ورااك
فطـوم بدلع : My Body Guards
خـوله : ههه ضحكتيني ,,
جسـوم ظهـر البطـاقه مالته تدل انه هوه AL Body Guards عـائلة محمد ..
خـوله انصدمت : ...............
فطـوم : بس ابا اعرف شي واحد ,, انتي ليش جيه سويتي فـ مريـوم ,,
خـوله : حبيبتي ,, اولاً هالصور انا منزمان مصورتنهـا عسب اذا سوالي شي اعرف انتقم عـدل ,, و الشريـط اصـلا هب عـزوز اللي كـان .. واحد ثـاني ..
فطـوم : وااااااااي ,, صدق انج حقيـره ,, بس تعرفين مشكوره ع هالعـلومـاات الحلـوه
خـوله : شو حبيبتي بتسيرين تخبرين حرمت عزوز .. سيري ياماما مابتصدقج ,, لانه صوته كان يشبهه صوت عزوز
فطـوم : لا واللي سـواني بتصدق تعرفين ليش ؟
خـوله : ليش يالي واثقـه من عمرهـا ؟
فطـوم : بتعرف لاني سجلت صوتج ,, ( جان تخوز و تشغل اللي سجلته و تاخر لين ما وصلت يوم قالت خوله هالصـور ومادري شو )
فطـوم : اونه محـد يروم يلعـب عليج ,, حبيبتي انا لعبت عليـج ,, و فزت عليـج ,, وانتي طلعتي مال مقصـه انزين ,, وبس بعدني ما خلصت بتشوفين زيـاده .. صح انه مريوم و عزوز و اخوه محد و مايرومون يسون شي ,, بس انا بسوي بـداله .. بيبـاي يـا المقصـه ,,
خـوله يشهق : يا الحقيره !!!!!!! والله لا اخبـر عليج ....
وليـد قطع رمستهـا : سيري خبـري ان شاء الله لو عند الشيـخ مابتضرينـا ,,
خـوله كانت تتراد ويـاه جان فطـوم تقول حق جسوم ايبلهـا ماي من استـار بوكس ,, ويوم يابلهـا شربت طشونه
فطـوم : خلهـا وليـد ,,
خـوله : اقولج يايبتلج دبل من دبـلات ربعج و لابستنهـا ,, اونج عـاد ,,
فطـوم طلعت موبايلهـا و سيده اتصلت حق حمـدان وقالته استـار بوكس و سكرت جان ايي بسـرعه و يوم وصـل
فطـوم : هلا والله بـ ريلي ..
حمـدان : اهلين فديتـج .. واااع طاعو منـو اهنيه الوصخه !!
خـوله : حمـداااان .. فديت روحك والله ولهت عليك .. وينك ماتي الحين الشقه .. البنـات يتريـونك
فطـوم : حبيبتي قولي اللي بتقولينه ادريبج جذابه ,, و مثـل ما قلت .. ما انزل مستواي من مستـوا واطي شراتج .. جان تفـج دبة المـاي و جبتهـا ع ويهـا و بعد ها يوم خلصت الدبه فرت الدبه ع ويهـا
حمـدان : هههههههههههههههههههه .. فديت روحج والله محد يسوااج .. طوفي خليهـا تولي
فطـوم : هههههههاي
جسـوم + ولـيد : وييييو تستاهلين يا النذله جان يسيرون عنها ,,
وفي ولدين توهم طالعين من استار بوكس و شافو فطوم شو سوت حق خوله ,,
الولد : وييييييييييييو شرشحـووها
الولد الثاني : خلـووها ولا شي ..
خولـه بصوت عـالي : حيـواااااااااااانه ..
و من هنـاك توهم طالعين حمدان و فطـوم و ال AL Body Guards من المرينـا و عقب كل واحد ركب سيـارة
حمـدان : ههههههههههه ,, قويه الصراحه ,, بس تتادب
فطـوم ميته من الضحك : لو تشوف ويهـا انته كيف غدا يوم سمعتهـا شو قالت ,, تخبلت
حمـدان : بعــد سجلتي صوتهـا
فطـوم عدلت يلستهـا : احـم افا عليـك .. و هاي بوسه بس عسب اني سويت اللي فبـالي ,, ممممممووواح
حمـدان : وايه فديت قلبج انا ,,
فطـوم : بعدني ما ارتحت .. عندك حد يشتغل فـ التحريـاات ؟
حمـدان : فالتحريـاااات ,, أأأأ ,, هيييييه عندي
فطـوم : اتصله و عطنـي برمسه
حمـدان : نعـم !!
فطـوم : شوه شوه ,, باخذ رقمه يعني ,, برمسه بس
حمـدان : انزين ,, جان يطلع موبايله و يتصل حق ربيعه ((حمـد)) ويـوم رد عليه فطوم تمت تسـمع الحشره عرفت انه فالشغل
حمـد : هلااااااااااااااا والله
فطـوم : أأأأ اهليـن
حمـد قفـط : احـم ,, حمـدان ؟
فطـوم : لا والله شو رايك انته ؟
حمـد فخاطره : خيبه كلتني : عفـواً اختي ها رقم حمـدان هب صـح ؟
فطـوم كلمته اوكيه : هيه اخويه رقـم حمـدان ,, وانـا بنت عمـه ,, هممم الأخ حمـد ؟
حمـد : هيه اختيه حمـد ويـاج .. آمري ؟
فطـوم : مايامر عليك عـدو .. همممم اكـوه حمـدان عـدالي بس انا قلت برمس بداله .. يا اخويه عندي رقـم وحده .. و هالوحـده .... ( قالت سالفتهـا و سالفة عزوز و مريوم ) .... و هيــك السـالفه ,, فالحيـن ممكن يعني تسوي اي شي عشـان تصطلـب و تيوز عن الحركـات
حمـد : حقيـرره .. خلاص ماعليه عطيني رقمهـا وانا بتصرف وياها .. وان مايازت خبروني ..
فطـوم : خلاص تـم ,, سجل الرقـم .. 050/*******
حمـد : خير ان شاء الله .. فداعة الله
فطـوم : فداعة الرحمن ,,
|
|
|
|
|