من عرفتك و انا كل وقتي سعيد
ما يمر طاريك الا و ابتسم
قبل اعرفك كنت احبك من بعيد
والحين جنبي و هذا هو الشي المهم

اي احبك حب مضمون اكيد
ما يوصفه شعري ولا يكِتبه قلم
كل يوم اصحى احبك من جديد
يا اهم منهم و من نفسي اهم

انت بس تامر و قولي بس اريد
تلقى ابشر و يا حاضر و يا سم
من تقول اسمي اقولك تكفه عيد
اسمي بصوتك ينسيني الالم

اي احبك كثر ما قال القصيد
و كثر ما اعزف من الحاني نغم
و كثر ما هالدم يمشي بالوريد
و كثر ما بالكون من ربي نعم

مشاري مبارك الحديبي