لاعاد هذا الحب ولا عادت أشواق
أن كانها بتّبكي عينك حبيبي
أنا عشقتك حب وأحظان وعناق
وانا لك العاشق ودايم قريبي
لا ماعشقتك حزن ودموع وافراق
انا لك الفرحه وانا لك طبيبي


أترقب الفرحه معى لحظة أشراق
تحيي الأمل من بعد ليل ٍ كئيبي
أتفقوا بزينك ترى كل الأذواق
ملح وحلا ورقه وحسن ٍ غريبي
حبك يخليني مابين فاق وما فاق
من كل هالعالم ياخذني وأغيبي


تعال وعانق قلبي من كل الاعماق
واخمد بها نيران شوق ٍ لهيبي
انت لي نقطة ضعف عاشق ومشتاق
اشتاق لك دايم وذا بس عيبي
تستاهل الاشواق يا كل الاشواق
وتستاهله قلبي وحبّي وطيبي