مازال الطريق بعيد يابداية المشوار
على الهون والرؤيه على ذمة الرائي
لك الحمد ياربي على كل شي صار
يهون علي عفوك وتزعلني اخطائي
انا والقصيد العذب مثلي ومثل الجار
اللي مايحب ايذاء نفسه ولا ايذائي
احنه من الخذلان والنقد والتكرار
واداريه حتى في حضوري وف القائي
اخاف الكلام اللي تجي من وراه اعذار
ما اخاف الكلام اللي يقولونه اعدائي !
ظلوعي شلايخ سمر وافكاري السمار
خذتني من المعتاد للموقع النائي
صدور العرب حصنٍ ماياسع لها مضمار
ولا يتسع لـ عقولها معهد انشائي
ياشيخة غرامي من غرامك بقى تذكار
اساوره في بالي ... واكرره فـ دعائي
عسى مدلهم الغيم يسقي ثراك أمطار
ويرسم على وجه الثرا مشهد إغرائي !
من يذوق حبك عاش في حالة استنفار
" ماهمه يعيش اللي بقى عيشة فدائي "
مكرم جنابك من كلام العذول المار
لو ان الكرم قد فاز به حاتم الطائي
فمان الكريم ورحمة الله يوم اختار
دوائي ب عفوٍ منه قبل اكتشف دائي ..!
|